სიახლეები

საახალწლო სუფრა ჯანმრთელობის პრობლემების გარეშე ბეჭდვა ელფოსტა

საახალწლო სუფრა ჯანმრთელობის პრობლემების გარეშე საახალწლო სუფრა ყოველთვის დატვირთულია ცხიმიანი საკვებით და ალკოჰოლური სასმელებით. ეს ტრადიცია ყოველთვის სასიამოვნოა, მაგრამ ახალი წლის დღეების შემდეგ ხშირია ჯანმრთელობასთან დაკავშირებული პრობლემები.

ყველაზე დიდი ზიანი, რომელსაც ვაყენებთ საკუთარ ჯანმრთელობას არის საახალწლო ვახშამზე ჭარბი რაოდენობით ალკოჰოლური სასმელების მიღება. ნარკოლოგთა დასკვნით სპირტიანი სასმელების დიდი რაოდენობით მიღებამ შეიძლება გამოიწვიოს მწვავე მოწამვლა და ნაბახუსევის სინდრომი. ამ უკანასკნელის მიზეზია - ეთილის სპირტის დაშლის პროდუქტების ტოქსიური ზემოქმედება ორგანიზმზე და ძლიერი გაუწყლოება, რასაც ისინი იწვევენ. ბახუსის მდგომარეობა ნაცნობია ყველასთვის, ვისაც სიცოცხლეში ერთხელ მაინც დაულევია დიდი რაოდენობით ალკოჰოლური სასმელი. წყურვილი, ძლიერი თავის ტკივილი, საერთო სისუსტე, თავბრუსხვევა, კუნთების ტკივილი, გულისრევა და ღებინება - ეს არის ყველა მისი სიმპტომი.

ეთილის სპირტი გამოიყოფა ორგანიზმიდან ღვიძლის, თირკმელების, კანის და ფილტვების საშუალებით. და ყველა ამ ორგანოსთვის ის წარმოადგენს ტოქსინს. პირველ რიგში ალკოჰოლი ცვლის სისხლძარღვების ტონუსს, იწვევს მათ სპაზმს. რაც განსაკუთრებით სახიფათოა კორონარულ და თავის ტვინის სისხლძარღვებში - იწვევს არითმიას, ჰიპერტონულ კრიზს, ინსულტს, მიოკარდის ინფარქტს. აქედან გამომდინარე ზეიმი ჭარბი სასმელებით შეიძლება გახდეს ტრაგედიის მიზეზი.

საოჯახო მედიცინის წარმომადგენლები მიიჩნევენ, რომ უფრო ადვილია ამ მდგომარეობის პროფილაქტიკა ვიდრე მკურნალობა. ამისათვის რეკომენდირებულია:
- იზრუნეთ იმაზე, რომ არ მიიღოთ ალკოჰოლი მშიერ კუჭზე. დათრობის საპროფილაქტიკოდ მიირთვით ცხიმიანი კერძი, რადგანაც ასეთი საკვები ნელა გადამუშავდება და შეანელებს ალკოჰოლის აბსორბციას კუჭ-ნაწლავის ტრაქტში.
- ვახშამზე ყოფნისას სასმელი მიირთვით ნელა. ეთილის სპირტი გამოიყოფა ორგანიზმიდან 10-20 მლ საათში. წარმოიდგინეთ, რომ თქვენს მიერ მიღებული 100 გ სპირტიანი სასმელი გამოიყოფა ორგანიზმიდან 3-4 საათის შემდეგ.
- საოჯახო მედიცინის ექსპერტები რეკომენდირებენ ალკოჰოლურ სასმელებთან ერთად წყლის და წვენების დალევას. ასეთი ჯანმრთელი ჰიდრატაცია ხელს უშლის ალკოჰოლის ტოქსინების მიერ დეჰიდრატაციის განვითარებას.
- ეცადეთ ალკოჰოლთან ერთად არ მიიღოთ გაზირებული სასმელები. ისინი აჩქარებენ ალკოჰოლის აბსორბციას.

ალკოჰოლური ინტოქსიკაციის პროფილაქტიკის საუკეთესო მეთოდია - სიფრთხილის ზომების დაცვა სასმელის მიღებისას: არ დალიოთ სპირტიანი სასმელები დიდი რაოდენობით და გაითავისეთ მათ მიერ მოყენებული ზიანის რისკი. ისიამოვნეთ საახალწლო სუფრით, მაგრამ ისე, რომ ზიანი არ მიაყენოთ საკუთარ ჯანმრთელობას.

მასალა მოპოვებულია: Медицина 2.0
 


უსაფრთხოების კოდი
განახლება