There are No Adverts to Display

სიახლეები

მედიკამენტები/ანალგეზიური საშუალებები
ავტორი: Med Doctor
შემოგარსული, შიგნით მისაღები ტაბლეტები არასტეროიდული, ანთებისსაწინააღმდეგო საშუალება აქტიური ნივთიერება: იბუპროფენი პრეპარატის ანოტაცია: ინფორმაცია პაციენტებისთვის მედიკამენტის გამოყენებამდე საჭიროა ინსტრუქციის ყურადღებით წაკითხვა • საჭიროა ინსტრუქციის შენახვა შესაძლოა წარმოიშვას მისი ხელახალი გაცნობის საჭიროება. • დამატებითი შეკითხვების წარმოშობის შემთხვევაში უნდა მიემართოს მკურნალ ექიმს ან ფარმაცევტს. • თუ რომელიმე გვერდითი ეფექტი გაუარესდება და არ გაივლის 3 დღის განმავლობაში, უნდა მიემართოს მკურნალ ექიმს ან ფარმაცევტს. • თუ რომელიმე გვერდითი ეფექტი მიიღებს სერიოზულ სახეს, ან გამოვლინდება ისეთი სიმპტომები, რომელიც არ არის აღნიშნული მოცემულ ინსტრუქციაში, უნდა მიემართოს მკურნალ ექიმს ან ფარმაცევტს. ამ ინსტრუქციაში: 1. რა არის იბუპროფენ დენკ 400 და მისი გამოყენება 2. რა უნდა იცოდეთ იბუპროფენ დენკ 400-ის მიღებამდე 3. იბუპროფენ დენკ 400 -ის მიღების წესი 4. შესაძლო გვერდითი ეფექტები 5. იბუპროფენ დენკ 400 -ის შენახვის წესი 6. დამატებითი ინფორმაცია 1. რა არის იბუპროფენ დენკ 400 და მისი გამოყენება იბუპროფენ დენკ 400 არის ანთებისსაწინააღმდეგო და ანალგეზური საშუალება (არასტეროიდული ანთებისსაწინააღმდეგო საშუალება / ანტირევმატული საშუალება “ნსაიდ”) იბუპროფენ დენკი 400 ხსნის ტკივილს და ამცირებს ანთებით პროცესს. იგი გამოიყენება შემდეგი დაავადებების სამკურნალოდ: - მწვავე ართრიტი (პოდაგრის ჩათვლით) - ქრონიკული ართრიტი, განსაკუთრებით რევმატოიდული ართრიტი (ქრონიკული პოლიართრიტი) - ანკილოზური სპონდილიტი (ბეხტერევის დაავადება) და ხერხემლის სხვა ანთებითი დავადებები - სახსრისა და ხერხემლის დეგენერაციული დაავადებები (ართროზი და სპონდილოართროზი) - რბილი ქსოვილების რევმატიზმი - დაზიანების ან ქირურგიული ჩარევის შემდეგ განვითარებული მტკივნეული შეშუპება და ანთება - ტკივილი, მაგალითად თავის, კბილის, მენსტრუალური ტკივილი - ზედა სასუნთქი გზების კატარალური ინფექციების შედეგად განვითარებული ტკივილი და სიცხე. 2. რა უნდა იცოდეთ იბუპროფენ დენკ 400-ის მიღებამდე იბუპროფენ დენკ 400 არ გამოიყენება: - იბუპროფენ დენკ 400-ის აქტიური ინგრედიენტებისადმი მომატებული მგრძნობელობა; - თუ აცეტილსალიცილის მჟავისაგან სხვა არასტეროიდული ანთებისსაწინააღმდეგო პრეპარატების გამოყენებისას აღინიშნება ისეთი ალერგიული რეაქციები, როგორიც არის ასთმის შეტევა, კანის რეაქციები; - უცნობი მიზეზის გამო სისხლის უჯრედების წარმოქმნის შეფერხება; - აქტიური ან ანამნეზში აქტიური კუჭისა და თორმეტგოჯა ნაწლავის წყლული ან სისხლდენა (წყლულის და სისხლდენის 2 ან მეტი დამტკიცებული მომენტი) - წარსულში კუჭ-ნაწლავური სისხლდენა ან ოპერაცია, დაკავშირებული არასტეროიდულ ანტირევმატულ საშუალებებით / ანთებისსაწინააღმდეგო მედიკამეტებით მკურნალობასთან; - სისხლდენა ტვინში (ცერებროვასკულური სისხლდენა, ან სხვა აქტიური სისხლჩაქცევა). - ღვიძლის და თირკმლელის დაავადებები; - გულის დაავადება; - ორსულობის ბოლო ტრიმესტრი; - 15 წლამდე ბავშვებსა და მოზარდებში ტკივილისა და სიცხის შესამცირებლად და 12 წლამდე უმცროსი ბავშვები, როგორც რევმატიზმის საწინააღმდეგო თერაპია. ეს ინფორმაცია ვრცელდება, როცა იბუპროფენ დენკ 400-ის შემოგარსული ტაბლეტი გამოიყენება (მაგ.: ხანგრძლივი შუალედებით ან გაზრდილი დოზებით მიღების შემთხვევაში, ექიმის მეთვალყურეობის ქვეშ), სანამ განსაკუთრებული გამაფრთხილებელი ზომები განხორციელდება. ჰკითხეთ თქვენს ექიმს ამის შესახებ. ეს ასევე ვრცელდება, თუ მსგავსი რეაქციები წარსულშიც გქონიათ. განსაკუთრებული სიფრთხილე იბუპროფენ დენკ 400-ის გამოყენებისას კუჭნაწლავის უსაფრთხოება უნდა გამოირიცხოს იბუპროფენ დენ 400-ის კონკურენტული არასტეროიდული ანთებისსაწინააღმდეგო მკურნალობები, ისეთები, როგორებიცაა ე.წ. ჩOX-2 ინჰიბიტორები. წამლის უკუჩვენების შესამცირებლად უნდა მიიღოთ ყველაზე დაბალეფექტური დოზა, ხანმოკლე პერიოდისათვის, რათა ვაკონტროლოთ სიმპტომები. მოხუც პაციენტებში მოხუცებს აქვთ უფრო ხშირი უკუჩვენებები არასტეროიდული ანთებისაწინააღმდეგო მედიკამენტების მიმართ, გამოხატული კუჭნაწლავის სისხლდენით და პერფორაციით, რომელიც შეიძლება ფატალური აღმოჩნდეს. მოხუც პაციენტებში ექიმის მეთვალყურეობა აუცილებელია. გასტროინტესტინალური სისხლდენა, წყლული და პერფორაცია გასტროინტესტიონალური სისხლდენა, წყლული და პერფორაცია, რომელიც შეიძლება ფატალურიც კი იყოს, გამოვლინდა ყველა სახის არასტეროიდული ანთებისაწინააღმდეგო მედიკამენტით მკურნალობისას, გამაფრთხილებელი სიმპტომებით ან მათ გარეშე ან სერიოზული კუჭნაწლავის პრობლემებით წარსულში. გასტროინტესტალური სისხლდენის, წყლულის და პერფორაციის რისკი იზრდება არასტეროიდული ანთებისსაწინააღმდეგო წამლის დოზის გაზრდით. პაციენტებმა, რომელთაც ჰქონდათ წარსულში წყლული, სისხლდენა და პერფორაცია, ისევე როგორც მოხუცმა პაციენტებმა, უნდა დაიწყონ მკურნალობა ყველაზე დაბალი დოზით. ასეთ პაციენტებში, ისევე როგორც იმათში, რომლებიც თანმხლები თერაპიის სახით ღებულობენ აცეტილსალიცილის მჟავის (ასმ/ასპირინის) დაბალ დოზას ან სხვა მედიკამენტს, რომელიც ზრდის გასტროინტესტურ დაზიანებების რისკს, კომბინირებულ თერაპიის სახით ისეთ მედიკამენტებან ერთად, როგორიც არის მაგალითად მიზოპროსტოლი ან პროტეინების ამომქაჩველი ინჰიბიტორები, განიხილება, როგორც კუჭის დამცავი. თუ როდესმე გქონიათ გასტროინტესტნური უკურეაქცია, განსაკუთრებით ასაკში, თქვენ უნდა აცნობოთ ყველა არატიპიური აბდომინური სიმპტომების შესახებ (განსაკუთრებით გასტროინტესტინური სისხლდენა) მკურნალობის საწყის ეტაპზე. გაფრთხილება ეხებათ იმ პაციენტებსაც, რომლებიც ღებულობენ თანმხლები თერაპიის სახით ისეთ მედიკამენტებს, რომელთაც შეუძლიათ სისხლდენისა და წყლულის რისკის გაზრდა, როგორებიც არის შიგნით მისაღები კორტიკოსტეროიდები, ანტიკოაგულანტები, როგორიც არის მაგალითად ვარფარინი, სეროტონინის უკუმიტაცების სელექციური ინჰიბიტორი, რომელიც გამოიყენება დეპრესიის სამკურნალოდ სხვა ანტითრომბოციტურ საშუალებებთან ერთად, როგორიც არის მაგალითად ასპირინი. მკურნალობა უნდა შეწყდეს თუ დაგეწყოთ გასტროინტესტინური სისხლდენა ან წყლული იბუპროფენ დენკ 400-ით მკურნალობისას. გაფრთხილება ძალაშია, როდესაც არასტეროიდულ ანთებისაწინააღმდეგო საშუალებას იღებს პაციენტი, რომელსაც ანამნეზში აწუხებდა კუჭ-ნაწლავის დაავადებები (წყლულოვანი კოლიტი, კრონის დაავადება), რადგან შეიძლება დაავადება გართულდეს. კარდიოვასკულური ეფექტები მედიკამენტმა, როგორიც არის იბუპროფენ დენკ 400, შესაძლებელია უმნიშვნელოდ გაზარდოს გულის შეტევის ან იშემიის (მიოკარდიუმის ინფაქტი) რისკი, პრაქტიკულად დიდი დოზებით მიღებისას ან ხანგრძლივი დროით მკურნალობის დროს. არ გადააჭარბოთ რეკომენდირებულ დოზას ან მკურნალობის ხანგრძლივობას. თუ გაქვთ გულის პრობლემები, ან თუ გადატანილი გაქვთ ინფარქტი, ან თუ ფიქრობთ, რომ ამ გარემოებების მიმართ მგრძნობიარე ხართ (თუ გაქვთ სისხლის მაღალი წნევა, დიაბეტი, ან ქოლესტერინის მაღალი დონე, მაგალითად თუ ხართ მწეველი), თქვენი მკურნალობა უნდა შეათანხმოთ ექიმთან ან ფარმაცევტთან. კანის რეაქციები ძალიან ცოტა ინფორმაცია არსებობს, რომელთაგან რამოდენიმე ფატალურია, კანის ძლიერ სიწითლესა და ბუშტუკებზე, მათ შორის აქერცლილი დერმატიტის, სტივენ-ჯონსონის სინდრომი და ტოქსიკური ეპიდერმული ნეკროლიზი / ლაიელის სინდრომი, რომელიც ვლინდება არასტეროიდული ანთებისსაწინააღმდეგო მედიკამენტის გამოყენების შემდეგ. პაციენტი იმყოფება მაღალი რისკის ქვეშ ამ რეაქციების გამოვლენის გამო, თერაპიის საწყის ეტაპზე, რადგან უმრავლეს შემთხვევაში რეაქცია ვლინდება მკურნალობის პირველ თვეს. უნდა შეწყდეს იბუპროფენ დენკ 400-ის მიღება კანის გამონაყარის, დაზიანებული ადგილების და ალერგიის სხვა ნიშნების პირველივე გამოჩენიდან, სასწრაფოდ უნდა გაიაროთ კონსულტაცია ექიმთან. სხვა ინფორმაცია იბუპროფენ დენკ 400-ის შემოგარსული ტაბლეტი გამოიყენება მხოლოდ, პოტენციური რისკის განხილვის შემდეგ: • ჰემოპოეზის რამოდენიმე თანდაყოლილი დაავადება (მაგალითად ხანგამოშვებითი პორფირია); • რამოდენიმე ავტოიმუნური დარღვევა (კანის სისტემური ტუბერკულოზი, ერითომატოზი და შემაერთებელი ქსოვილების დაავადება). მუდმივი ექიმის მეთვლყურეობაა საჭირო შემდეგ შემთხვევებში: • ქირურგიული ჩარევის შემდეგ; • ალერგია (მაგალითად კანის რეაქცია სხვა მედიკმენტთან მიმართებაში, ასთმა, სიცხე), ქრონიკული რინიტი ან ქრონიკული რესპოირატორული დაავადება სასუნთქი გზების ობსტრუქციასთან ერთად; • დაქვეითებული ღვიძლის და თირკმელის ფუნქცია. ჰიპერმგრძნობელობის ძლიერი რეაქციები (მაგალითად ანაფილაქსური შოკი) გამოვლინდა ძალიან ცოტა შემთხვევაში. იბუპროფენ დენკ 400-ით მკურნალობა უნდა შეწყდეს ჰიპერმგრძნობელობის ნიშნების გამოვლენისთანავე. ჩატარებულ უნდა იქნას აუცილებელი სიმპტომური მკურნალობა. იბუპროფენმა, იბუპროფენ დენკ 400-ის აქტიური ნივთიერებამ, შეიძლება შეზღუდოს სისხლის მიმოქცევის ფუნქცია (თრომბოციტების აგრეგაცია). პაციენტებს, რომლებთაც აღენიშნებათ კოაგულაციური დეფექტი, უნდა იყვნენ მეთვალყურეობის ქვეშ. თირკმლისა და ღვიძლის, ისევე როგორც სისხლის ანალიზის რეგულარული მონიტორინგი, არის აუცილებელი იბუპროფენ დენკ 400-ით ხანგრძლივი დროით მკურნალობისას. თქვენი ექიმი ან სტომატოლოგი ინფორმირებულ უნდა იქნას, რომ თქვენ ღებულობთ იბუპროფენ დენკ 400, ოპერაციის დაწყებამდე. ტკივილგამაყუჩებელი საშუალების ხანგრძლივმა გამოყენებამ შეიძლება გამოიწვიოს თავის ტკივილი, და არ შეიძლება ამ მიზეზით წამლის დოზის გაზრდა. აცნობეთ თქვენს ექიმს თუ გაწუხებთ ხშირი თავის ტკივილი მიუხედავად იმისა, რომ თქვენ იღებთ იბუპროფენ დენკ 400. უფრო ზუსტად, ტკივილგამაყუჩებლების რეგულარულმა გამოყენებამ სხვა ანალგეტიკებთან ერთად, შეიძლება გამოიწვიოს თირკმლის დაზიანება, რაც გამოიხატება თირკმლის უკმარისობაში (ანალგეტზური ნეფროპათია). სხვა მედიკამენტების მსგავსად, რომლებიც აჩერებენ პროსტაგლანდინის სინთეზს, იბუპროფენ დენკ 400-იც ხელს უშლის დაფეხმძიმების პროცესს. უნდა აცნობოთ მკურნალ ექიმს, თუ აპირებთ დაფეხმძიმებას ან ვერ ფეხმძიმდებით. ბავშვები და მოზარდები იბუპროფენის, იბუპროფენ დენკ 400-ის შემოგარსული ტაბლეტის აქტიური ნივთიერების გამოყენება არ არის რეკომენდირებული 6 წლამდე ასაკის ბავშვებისათვის, ამ ასაკოვან ჯგუფიზე შეზღუდული გამოცდილების გამო. მიღების სპეციალური დოზების რეკომენდაციები შემუშავებულ იქნა ბავშვებსა და მოზარდებში 15 წლიდან. ურთიერთქმედება სხვა სამკურნალო პრეპარატებთან: აცნობეთ მკურნალ ექიმს თუ იღებთ ან უახლოეს წარსულში იღებდით რაიმე სამკურნალო საშუალებას, მათ შორის ისეთ პრეპარატებს, რომლებიც გაიცემა ურეცეპტოდ. იბუპროფენის ერთდროულმა მიღებამ დიგოქსინთან (აძლიერებს გულის მუშაობას), ფენიტოინთან (ანტიეპილეფსიური საშუალება) ან ლითიუმთან (მედიკამეტი, რომელიც გამოიყენება მენტალური და ფსიქიკური დარღვევების დროს), შესაძლებელია გაზარდოს პლაზმაში აღნიშნული პრეპარატების კონცენტრაცია. ლითიუმის კონცენტრაციის კონტროლი პლაზმაში არის აუცილებელი. დიგოქსინის და ფენიტოინის კონცენტრაციის დონის კონტროლი პლაზმაში არის რეკომენდებული. ანტიკოაგულანტები (მაგალითად აცეტილსალიცილის მჟავა/ასპირინი, ვარფარინი, ტიკლოპიდინი) და ანტი-ჰიპერტენზიული მედიკამენტები (AჩE ინჰიბიტორები, მაგალითად კაპტოპრილი, ბეტა რეცეპტორების ბლოკატორები, ანგიოტენზიმ II-ის ანტაგონისტი) ასევე სხვა მედიკამენტებმა შეიძლება იმოქმედონ იბუპროფენზე ან იბუპროფენმა იმოქმედოს მათზე. ამიტომ ყოველთვის უნდა მიიღოთ ექიმის რჩევა იბუპროფენის სხვა მედიკამენტთან ერთად მიღებამდე. იბუპროფენDდენკ 400-მა შესაძლებელია შეამციროს შარდმდენების და სხვა ანტიჰიპერტენზიული პრეპარატების ეფექტი. იბუპროფენ დენკ 400-მა შესაძლებელია შეამციროს AჩE ინჰიბიტორების ეფექტი (მედიკამენტები, რომელიც გამოიყენება დასუსტებული გულის კუნთისა და მაღალი წნევის სამკურნალოდ). თანმხლებმა მიღებამ შეიძლება გაზარდოს თირკმლის დაზიანების რისკი. იბუპროფენ დენკ 400-ის და კალიუმი. კალიუმშემნახველი შარდმდენების (შარდმდენების რამდენიმე სახეობა) გამოყენებამ შეიძლება გაზარდოს კალიუმის დონე პლაზმაში იბუპროფენ დენკ 400-ს გლუკოკორტიკოიდებთან და ანთებისსაწინააღმდეგო სხვა პრეპარატებთან ერთდროულმა დანიშვნამ შესაძლებელია გაზარდოს კუჭ-ნაწლავიანი სისხლდენის რისკი. სისხლის შემადედებელი და რამდენიმე ანტიდეპრესანტული საშულებების (სეროტონინის უკუმიტაცების სელექციური ინჰიბიტორი) გამოყენებამ შესაძლებელია გაზარდოს კუჭ-ნაწლავის წყლულის რისკი. მეთოტრექსატის მიღებამდე 24 საათით ადრე ან მისი მიღების შემდეგ იბუპროფენის დანიშვნამ შესაძლებელია გაზარდოს მეთოტრექსატის კონცენტრაცია და ეფექტი. არსებობს თირკმლის ტექსიკურობის გაზრდილი რისკი, როდესაც ციკლოსპორინი (გამოიყენება გადანერგვის დროს უარყოფითი რეაქციის თავიდან ასაწილებლად, მაგრამ ასევე გამოიყენება რევმატიზმის სამკურნალოდ) დანიშნულია რამდენიმე არასტეროიდულ ანთებისსაწინააღმდეგო საშუალებებთან ერთად. ასეთი ეფექტი ყოველთვის არ არის თანმდევი ციკლოსპორინის და იბუპროფენის ერთად გამოყენებისას. მედიკამენტი, რომელიც შეიცავს პრობენეციდს ან სულფინპარაზონს (პოდაგრას სამკურნალო საშუალება) შეიძლება შეამციროს იბუპროფენის სეკრეცია. Aმან შეიძლება გამოიწვიოს იბუპროფენ დენკ 400-ის სხეულში დაგროვება და გაზარდოს მედიკამენტის გვერდითი ეფექტი. არასტეროიდული ანთებისსაწინააღმდეგო საშუალებების გამოყენებამ შეიძლება გაზარდონ ანტიკოაგულანტების ეფექტი, მაგალითად როგორიცაა ვარფარინი. კოაგულანტის დონის კონტროლი რეკომენდებულია მკურნალობის პერიოდში. კლინიკურმა კვლევებმა აჩვენეს არასტეროიდული ანთებისსაწინააღმდეგო და ორალური ანტიდიაბეტური (სისხლში შაქრის დონის შემამცირებელი საშუალება) საშუალებების ურთიერთქმედება. არ დადასტურდა იბუპროფენის და ორალური ანტიდიაბეტური პრეპარატების ურთიერთქმედება. მიუხედავად ამისა, მკურნალობის კურსის დროს აუცილებელია სისხლის გლუკოზის დონის შემოწმება. ტაქროლიმუსი: არსეობს თირკმლის ტოქსიკურობის გაზრდილი რისკი, როდესაც ორივე მედიკამენტი მიიღება ერთდროულად. ზიდოვუდინი: დამტკიცებულია ჰემართროზსისა და ჰემატომას გაზრდილი რისკის ადამიანის იმუნოდეფიციტური ვირუსის (შიდსი) და ჰემოფილიით დაავადებულ პაციენტში, რომელიც ღებულობს ზიდოვუდინს და იბუპროფენს ერთად. იბუპროფენ დენკ 400-ის მიღება საჭმელთან და სასმელთან ერთად იბუპროფენ დენკ 400-ით მკურნალობის პერიოდში უნდა შეწყდეს ალკოჰოლური სასმელის მიღება, თუ ეს შესაძლებელია. ორსულობა და ლაქტაციის პერიოდი: ორსულობა: თუ აღმოაჩენთ რომ ფეხმძიმედ ხართ იბუპროფენ დენკ 400-ით მკურნალობისას, უნდა აცნობოთ მკურნალ ექიმს. იბუპროფენი შეიძლება მიიღოთ ფეხმძიმობის პირველი და მეორე ტრიმესტის განმავლობაში, ექიმის მითითებით. იბუპროფენ დენკ 400 უკუნაჩვენებია ორსულობის ბოლო ტრიმესტრში, რადგან არსებობს დედისა და ბავშვის ჯანმრთელობის მაღალი რისკი. ლაქტაცია: იბუპროფენ დენკ 400-ის აქტიური ნივთიერება, მისი დაშლილი პროდუქტის მცირე რაოდენობა გადადის დედის რძეში. რადგან ის არ ვნებს ჩვილებს, რომელებიც იკვებებიან დედის რძით, არ არის აუცილებელი ძუძუთი კვების შეწყვეტა მკურნალობის ხანმოკლე პერიოდის განმავლობაში. თუმცაღა, ხანგრძლივი დროით ან დიდი დოზებით მკურნალობისას კვების შეწყვეტა სასურველია. გავლენა მანქანის და სხვა მექანიზმების მართვაზე: იბუპროფენ დენკ 400-ის მაღალი დოზებით გამოყენებამ შეიძლება გამოიწვიოს ცენტრალური ნერვული სისტემის დარღვევა, რაც გამოიხატება დაღლილობით და თავბრუსხვევით. ზოგიერთ შემთხვევაში შეიძლება შემცირდეს მოქმედების სისწრაფე, რის გამოც შესაძლებელია მანქანის მართვის და/ან მომსახურების უნარის გაუარესება. ეს, როგორც წესი, ვლინდება ალკოჰოლის მიღებასთან ერთად. ამ დროს არ გაქვთ სწრაფი და ადექვატური რეაქციის უნარი. აღნიშნულ შემთხვევაში არ მართოთ ავტომობილი. არ გამოიყენოთ ინსტრუმენტები და მანქანები, არ იმუშაოთ თავდაცვის გარეშე. 3. იბუპროფენ დენკ 400-ის მიღების წესი იბუპროფენ დენკ 400 მიიღეთ ზუსტად ისე, როგორც ექიმმა გირჩიათ. გადაამოწმეთ ექიმთან ან ფარმაცევტთან თუ არ ხართ დარწმუნებული. თუ განსხვავებული მითითება არ არსებობს, პაციენტმა უნდა იხელმძღვანელოს შემდეგი დოზირების ინსტრუქციით: ა) ტკივილის და სიცხის მკურნალობა: მოზრდილები: ეფექტურ დოზას წარმოადგენს 200-400 მგ იბუპროფენი. მთლიანი დღიური დოზა არ უნდა აჭარბებდეს 1200 მგ-ს, რაც შეესაბამება 2-3 შემოგარსულ ტაბლეტს დღეში. ბავშვები და მოზარდები: 15 წლამდე ბავშვებისთვის არ არის სასურველი იბუპროფენ დენკი 400-ის მიღება, რადგან პრეპარატი შეიცავს აქტიური ნივთიერებების მაღალ კონცენტრაციას. 15 წელზე უფროსი ბავშვებისთვის რეკომენდირებული დოზა შეადგენს 20-30 მგ/ სხეულის კგ წონაზე, რაც ინიშნება 3-4 ერთეული დოზის სახით. ბ) რევმატიზმის საწინააღმდეგო თერაპიის დროს: მოზრდილები: იბუპროფენის რეკომენდირებული დოზა შეადგენს 1200-2400 მგ-ს დღეში, რაც შეესაბამება 3 ინდივიდუალურ დოზას, 1-2 შემოგარსულ ტაბლეტის სახით. ინდივიდუალური დოზა არ უნდა აჭარბებდეს 800 მგ-ს (2 ტაბლეტი). ბავშვები და მოზარდები: არ არის რეკომენდირებული იბუპროფენ დენკი 400-ის მიღება 12 წლამდე ბავშვებისთვის, რადგან პრეპარატი შეიცავს აქტიური ნივთიერებების მაღალ კონცენტრაციას. 12 წელზე უფროსი ბავშვებისთვის რეკომენდირებული დოზა შეადგენს 12-30 მგ/სხეულის კგ წონაზე, რაც ინიშნება 3-4 ერთეული დოზის სახით. ეს არის არასრულყოფილი ინფორმაცია მიღების დოზებთან დაკავშირებით რევმატიზმით დაავადებული ბავშვების სამკურნალოდ. ზუსტად შესწავლილი დოზების რეკომენდაცია ამ დროისათვის არ არის მოცემული. სიცხის და ტკივილის მკურნალობასთან დაკავშირებული მონაცემებზე დაყრდნობით, მაქსიმალური დღიური დოზა 30 მგ. იბუპროფენის სხეულის კგ. წონაზე შეიძლება ასევე გამოყენებული იყოს რევმატიზმის სამკურნალოდაც ბავშვებში. მთლიანი დღიური დოზა უნდა გაიყოს 3-4 ინდივიდუალურ დოზად დღის განმავლობაში. მიღების ტიპი და ხანგრძლივობა იბუპროფენ დენკ 400-ის მთლიანი ტაბლეტი გადაყლაპეთ საკმარისი რაოდენობის სითხესთან ერთად ჭამის შემდეგ. მგრძნობიარე კუჭის შემთხვევაში რეკომდებულია მიიღოთ იბუპროფენ დენკ 400 საჭმელთან ერთად. იბუპროფენ დენკ 400-ით ხანგრძლივი დროით მკურნალობა შეიძლება მოთხოვნილ იქნას რევმატიზმით დაავადებულ პაციენტებში. მიმართეთ ექიმს, რათა მან გადაწყვიტოს მკურნალობის ხანგრძლივობა. იბუპროფენ დენკ 400 მიიღეთ ყოველთვის ისე, როგორც ეს გირჩიათ თქვენმა მკურნალმა ექიმმა, ან როგორც ეს მითითებულია ამ ინსტრუქციაში. თუ ფიქრობთ, რომ აღნიშნული დოზა არ არის საკმარისი თქვენთვის, არ გაზარდოთ იგი თვითნებურად, მიმართეთ ექიმს. დოზის გადაჭარბება: გადაჭარბებული დოზის სიმპტომები შეიძლება იყოს ცენტრალური ნერვული სისტემის მხრივ დარღვევები, გამოხატული თავის ტკივილით, გულისრევით, ძილიანობით და გონების დაკარგვით (ისევე როგორც დამბლა ბავშვებში). ასევე კუჭის ტკივილი, გულისრევა და ღებინება. შეიძლება ასევე განვითარდეს კუჭ-ნაწლავიდან სისხლდენა, ღვიძლისა და თირკმელის გაუმართაობა. შეიძლება ასევე დაქვეითდეს წნევა, შესუსტდეს სუნთქვა (რესპირატორული დეპრესია), კანი და ლორწოვანი გარსი გალურჯდეს, გაუფერულდეს. არ არსებობს სპეციალური ანტიდოტი. თუ ფიქრობთ რომ იბუპროფენ დენკ 400-ის გადაჭარბებული დოზა მიიღეთ, მიმართეთ ექიმს. იგი მიიღებს ინტოქსიკაციის წინააღმდეგ ზომებს და ჩაგიტარებთ აუცილებელ მკურნალობას. თუ თქვენ გამოტოვეთ იბუპროფენ დენკ 400-ის მიღება არ შეიძლება რეკომენდირებული დოზის გადაჭარბება. არ შეიძლება გამოტოვებული პრეპარატის სანაცვლოდ გაზრდილი დოზის მიღება. დაუსვით თქვენს ექიმს დამატებითი შეკითხვები თუ გაქვთ. 4. შესაძლო გვერდითი ეფექტები ყველა სხვა მედიკამენტის მსგავსად, იბუპროფენ დენკ 400-მაც შეიძლება გამოიწვიო გვერდითი ეფექტები. გვერდითი ეფექტების კლასიფიკაცია ხდება სიხშირის მიხედვით:   ძალიან ხშირი: უფრო მეტი ვიდრე 10-ში 1; ხშირი: მეტი ვიდრე 100-ში 1, მაგრამ ნაკლები ვიდრე 10-ში 1 არახშირი: მეტი ვიდრე 1 1000-ში, მაგრამ ნაკლები ვიდრე 100-ში 1 იშვიათი: მეტი ვიდრე 10 000-ში ერთი, მაგრამ ნაკლები ვიდრე ერთი 1000-ში ძალიან იშვიათი: 1 ან ნაკლები 10 000, ინდივიდუალური შემთხვევების ჩათვლით     შესაძლო გვერდითი ეფექტები: გთხოვთ გაითვალისწინეთ, რომ აღნიშნული გვერდითი ეფექტები ხშირად დამოკიდებულია დოზაზე, და შესაძლებელია განსხვავებული იყოს ინდივიდუალურ შემთხვევაში. უფრო ხშირია წამლის გვერდითი ეფექტი საჭმლის მომნელებელი სისტემაზე. კუჭნაწლავის / თორმეტგოჯა ნაწლავის წყლული, სისხლდენა, ზოგ შემთხვევაში ფატალური, უმეტესად ასაკოვან პაციენტებში. გულისრევა, ღებინება, დიარეა, მუცლის შებერილობა, ყაბზობა, კუჭის აშლა, მუცლის ტკივილი, სისხლის ღებინება, კუჭის წყლული, კოლიტის გაღიზიანება, და კრონის დაავადება გამოვლინდა გამოყენების შემდეგ. გასტრიტის ნაკლებად ხშირად ვლინდება. გასტროინტენტესტინური სისხლდენა პრაქტიკულად დამოკიდებულია მკურნალობის დოზაზე და ხანგრძლივობაზე. შეშუპება, მაღალი წნევა და გულის უკმარისობა შედეგად მოჰყვა არასტეროიდული ანთებისსაწინააღმდეგო მედიკამენტებით მკურნალობას. მედიკამენტი, როგორიც არის მაგალითად იბუპროფენ დენკ 400, ზრდის გულის შეტევის (მიოკარდიალური ინფაქტი) რისკს. კარდიოვასკულარული სისტემა ძალიან იშვიათად: გულისცემა, შეშუპება, გულის უკმარისობა და გულის შეტევა. სისხლი და ლიმფური სისტემა: ძალიან იშვიათად: სისხლწარმოქმნის დარღვევა (ანემია, ლეუკოპენია, თრომბოციტოპენია, პანციტოპენია, ნეიტროპენია). პირველი ნიშანი შეიძლება იყოს სიცხე, ყელის ტკივილი, პირის ღრუს ზედაპირული დაზიანებები, გრიპისმაგვარი ჩივილები, შფოთვა, სისხლდენა ცხვირიდან და კანქვეშა სისხლჩაქცევები. ასეთ შემთხვევებში უნდა შეწყდეს მკურნალობა და მიემართოს მკურნალ ექიმს. ტკივილგამაყუჩებელი და სიცხის დამწევი პრეპარატებით თვითმკურნალობა დაუშვებელია. ხანგრძლივი თერაპიის შემთხვევაში აუცილებელია რეგულარულად გადამოწმდეს სისხლის სურათი. ნერვული სისტემა: ხშირად: ცენტრალური ნერვული სისტემის დარღვევა, როგორიცაა, თავის ტკივილი, თავბრუსხვევა, უძილობა, მგრძნობელობა, გაღიზიანებულობა ან დაღლილობა. მხედველობის ორგანოები: შედარებით იშვიათად: შესუსტებული მხედველობა. სმენის ორგანოები: ძალიან იშვიათად: ტინიტუსი და სმენის დაკარგვა. კუჭ-ნაწლავის ტრაქტი: ძლიან ხშირად: კუჭ-ნაწლავის მხრივ პრობლემები, როგორიც არის კუჭის წვენის მომატებული მჟავიანობა, აბდომინური ტკივილი, გულისრევა, ღებინება, აირების დაგროვება, დიარეა, ყაბზობა და სისხლდენა. ამ უკანასკნელმა შესაძლებელია გამოიწვიოს ანემია. ხშირად: დუოდენალური წყლული, ხანდახან სისხლდენა და გაბურღვის შეგრძნება, კუჭის წყლული, კოლიტური წყლულის გართულება ან კრონის დაავადება. შედარებით იშვიათად: გასტრიტის. ძალიან იშვიათად: საჭმლის მომნელებელი სისტემის და პანკრეასის ანთება. ძალიან იშვიათად: მსხვილი და წვრილი ნაწლავის სტენოზი. აბდომინალური ტკივილის, სისხლის ღებინების, სისხლიანი განავალის ან შავი განავლის შემთხვევაში, უნდა შეწყდეს იბუპროფენ დენკ 400-ით მკურნალობა და აუცილებელია ექიმის კონსულტაცია. თირკმელი და ნაღვლისბუშტი: შედარებით იშვიათად: სითხის შეკავების მომატება ქსოვილებში, რაც იწვევს შეშუპებას, პრაქტიკულად პაციენტებში, რომელთაც აქვთ მაღალი წნევა ან არ აქვთ ნირმალურუ თირკმელის ფუნქცია; ნეფროზული სინდრომი; თირკმლის ანთებითი დაავადება, რამაც შეიძლება გამოიწვიოს მწვავე თირკმლის ფუნქციის გაუარესება. ძალიან იშვიათად: თირკმელის ქსოვილის დაზიანება, ჰიპერურიკემია. შემცირებული შარდის გამოყოფა, სითხის შეკავება სხეულში (შეშუპება), ისევე როგორც მთლიანი შეკავება, შეიძლება იყოს ნიშანი თირკმელის ავადმყოფობისა, რამაც შეიძლება გამოიწვიოს თირკმელის დაზიანება. თუ ეს სიმპტომები ან რომელიმე გვერდითი ეფექტი გაუარესდება, უნდა შეწყდეს იბუპროფენ დენკ 400-ის მიღება და მიემართოს მკურნალ ექიმს. კანის და კანქვეშა ქსოვილები: ძალიან იშვიათად: სერიოზული კანის რეაქციები, როგორიც არის სიწითლე და გამონაყარი (მაგალითად სტივენ-ჯონსონის სინდრომი, ტოქსიკური ეპიდერმული ნეკროლისი/ლაიელის სინდრომი), თმის ცვენა. გამონაკლის შემთხვევებში, კანის ინფექციები და რბილი ქსოვილის დაზიანება შეიძლება გამოვლინდეს ჩუტყვავილას დროს. ინფექციები და პარაზიტული დაავადებები ძალიან იშვიათ შემთხვევებში რამდენიმე არასტეროიდული ანთებისსაწინააღმდეგო მედიკამენტთან ერთად გამოყენებისას, ხდება ინფექციებით გამოწვეული ანთებითი პროცესების გაუარესება. თუ ინფექციის ნიშნები (მაგ. კანის სიწითლე, გამონაყარი, ჰიპერთერმია, ტკივილი, ან სიცხე) ან გაუარესებული მდგომარეობა გამოვლინდა იბუპროფენ დენკ 400-ით მკურნალობისას, უნდა გაიაროთ კონსულტაცია ექიმთან. ძალიან იშვიათად შემთხვევაში იბუპროფენის გამოყენება დაკავშირებული იყო ტვინის რბილი გარსის ანთებასთან, რომელიც არ არის გამოწვეული ინფექციისაგან (სტერილური მენინგიტი), როგორიც არის ძლიერი თავის ტკივილი, გულისრევა, ღებინება, სიცხე, კისრის დაჭიმულობა ან ცნობიერების დაბინდვა. პაციენტები, რომლებსაც აწუხებთ ავტოიმუნური დარღვევები, როგორიც არის სისტემური მგლურას ერიტემატოზი ან შერეული შემაერთებელი ქსოვილების დაავადებები, იმყოფება გაზრდილი რისკის განვითარების ქვეშ. სისხლძარღვოვანი სისტემა ძალიან იშვიათად: მაღალი წნევა (არტერიული ჰიპერტენზია) იმუნური სისტემა: შედარებით იშვიათად: პრურიტუსი და გამონაყარი, როგორიცაა ასთმური შეტევები (ხშირად წნევის დაქვეითებით) თუ ეს სიმპტომები გაქვთ, უნდა აცნობოთ მკურნალ ექიმს და უნდა შეწყვიტოთ იბუპროფენ დენ 400-ის მიღება. ძალიან იშვიათად: გართულებული ჰიპერსენსიტიური რეაქციები, როგორიცაა სახის შეშუპება, ენის და ხორხის შესივება, რესპირატორული ტრაქტის დავიწროება, გართულებული სუნთქვა, თრთოლვა, წნევის დაცემა და სიცოცხლისათვის საშიში შოკი. სასწრაფო სამედიცინო ყურადღებაა საჭირო, თუ რომელიმე ამ სიმპტომებიდან გამოვლინდა, და ისინი თუ გამოვლინდა, როდესაც წამალს ღებულობთ პირველად. ასეთ შემთხვევაშიPპაციენტი უნდა დაუკავშირდეს ექიმს და შეწყვიტოს იბუპროფენ დენკ 400-ის მიღება. ღვიძლის დაავადებები: ძალიან იშვიათად: ღვიძლის გაუარესებული ფუნქცია, ღვიძლის დაზიანება, ფუნქციის ხანგრძლივი დროით მკურნალობისას, ღვიძლის ნეკროზი, ღვიძლის გამწვავებული ანთება (ჰეპატიტი). აუცილებელია ღვიძლის მაჩვენებლების რეგულარული კონტროლი. ფსიქიკის მხრივ: ძალიან იშვიათად: ფსიქიკური რეაქციები, დეპრესია. თუ რომელიმე გვერდითი ეფექტი გაუარესდა ან თუ შენიშნეთ, რომელიმე გვერდითი ეფექტი, რომელიც არ არის აღნიშნული ამ ინსტრუქციაში, გთხოვთ მიმართოთ ექიმს. 5. იბუპროფენ დენკ 400-ის შენახვის წესი შეინახეთ მშრალ ადგილას, 25°ჩ-ზე დაბალ ტემპერატურაზე. არ გამოიყენოთ ვადის გასვლის შემდეგ, რომელიც მითითებულია შეფუთვაზე ინახება ბავშვებისთვის მიუწვდომელ ადგილას. 6. დამატებითი ინფორმაცია იბუპროფენ დენკ 400-ის შემადგენლობა აქტიური ნივთიერება არის იბუპროფენი ერთი შემოგარსული ტაბლეტი შეიცავს 400 მგ. იბუპროფენს. დამხმარე ნივთიერებები: სიმინდის სახამებელი, კარტოფილის სახამებელი, ნატრიუმის სახამებლის გლიკოლატი (ა ტიპის), პრე
ხუთშაბათი, 10 იანვარი 2013 12:41 - 1106 ნანახია - 0 პასუხი - ბეჭდვა -  ელფოსტა
მედიკამენტები/კარდიოლოგია
ავტორი: Med Doctor
შინაგანად მისაღები ჰიპერტენზიის საწინააღმდეგო, აგჰ ინჰიბიტორი ინსტრუქცია გამოყენებისათვის გთხოვთ, წაიკითხეთ ეს ინსტრუქცია ყურადღებით. აქტიური ნივთიერება 1 ტაბლეტი შეიცავს 25 მგ კაპტოპრილს. სხვა ნივთიერებები: უწყლო ლაქტოზა, მიკროკრისტალური ცელულოზა, სიმინის სახამებლი, სტეარინის მჟავა, სილიციუმის უწყლო კოლოიდური დიოქსიდი, ტალკი. რა არის კაპტოპრილ დენკ 25 და მისი გამოყენება კაპტოპრილი დენკი 25 მიეკუთვნება ანგიოტენზის გარდამქმნელი ფერმენტის ინჰიბიტორების (აგფ ინჰიბიტორი) ჯგუფს. ისინი აინჰიბირებენ აგფ-ს, ფერმენტს, რომელიც მონაწილეობს ანგიოტენზინ I-ის გარდაქმნაში ანგიონტენზინ II-ად. ანგიოტენზინ II (ნივთიერება, რომელიც ბუნებრივად წარმოიქმნება ორგანიზმში) უერთდება სისხლძარღვების რეცეპტორებს და შესაბამისად იწვევს სისხლძარღვების შევიწროებას. ეს იწვევს არტერიული წნივის მომატებას. კაპტოპრილი აფერხებს ანგიოტენზინ II-ის წარმოქმნას და შესაბამისად იწვევს სისხლძარღვების მოდუნებას და არტერიული წნევის დაქვეითებას. კაპტოპრილ დენკ 25 გამოიყენება: • სისხლის მაღალი წნევის (ჰიპერტენზის) სამკურნალოდ • გულის მუშაობის ქრონიკული გაუარესების (გულის უკმარისობის) სამკურნალოდ. რა უნდა იცოდეთ კაპტოპრილ დენკ 25-ის მიღებამდე ? კაპტოპრლ დენკ 25 არ გამოიყენება: • თუ როდესმე გქონიათ ალერგული რეაქცია კაპტოპრილისადმი ან რომელიმე სხვა აგფ ინჰიბიტორის მიმართ ან სხვა შემადგენელი ნივთიერების მიმართ; • თუ როდესმე შეუწუხებიხართ ქსოვილების შეშუპებას (ონგიოედემა), აგფ ინჰიბიტორით მკურნალობის შემდეგ; • თუ გაქვთ მიდრეკილება ქსოვილების შეშუპებისკენ (ანგიოდემა); • ფეხმძიმობის მეორე და მესამე ტრიმესტრში; • მეძუძური დედისათვის. განსაკუთრებული სიფრთხილის ზომები უნდა იქნას მიღებული კაპტოპრილ დენკ 25-ის მიღებისას შემდეგ შემთხვევებში: რამოდენიმე დაავადება, კაპტოპრილ დენკ 25-ის მიღებამდე ან მიღების დროს რომლითაც შეიძლება შეგაწუხოთ მოითხოვს სპეციალურ მკურნალობას. ამიტომ ამ მედიკამენტის მიღებამდე აცნობეთ თქვენს ექიმს, თუ გაქვთ ამ ჩივილებებთაგან ან გაწუხებთ რომელიმე ამ დაავადებათაგან: • ძლიერი ღებინება ან დიარეა ; • ჰაემოდიალიზი რეგულარურ შუალედებში ; • ღვიძლის ფუნქციის დარღვევა ; • თირკმელის ფუნქცია დარღვევა; • თირკმლის არტერიის მოჭერა (ერთმხრივი ან ორმხრივი) ; • გულის მუშაობის შესუსტება (გულის უკმარისობა) ; • გულსისხლძარღვთა სისტემის არასწორი ცირკულაცია ; • სისხლის არასწორი ცირკულაცია, რომელიც მიეწოდება ტვინს (ცერებროვასკულარული დაავადება) • სისხლის ნაკადზე მოქმედი აორტის და მიტრალური სარქველის ძლიერი სტენოზი ან ნებისმიერი სხვა ფაქტორი, რომელიც ხელს უშლის სარქველიდან სისხლის განდევნას (ჰიპერტროფიული კარდიომიოპათია); • სისხლის სურათის ცვლილება; • შაქრიანი დიაბეტი; • შემაერთებელი ქსოვილის გარკვეული დაავადებები (შემაერთებელი ქსოვილების დიფუზური დაავადებები); შეატყობინეთ მკურნალ ექიმს, თუ თქვენ იცავთ უმარილო დიეტას ან იტარებთ დესენსიბილიზაციურ თერაპიას ფუტკრის ან კრაზანის ნაკბენის შემდეგ. ჰემოდიალიზისას არ შეიძლება გარკვეული მემბრანების გამოყენება, რადგან ამან შეიძლება გამოიწვიოს მწვავე ჰიპერსენსიტიური რეაქციის განვითარება. თუ აუცილებელია ჰემოდიალიზის გამოყენება, დაუყოვნებლივ აცნობეთ ექიმს, რომ თქვენ იღებთ კაპტოპრილ-დენკ 25-ს. ანესთეზიის ან ოპერაციის გაკეთებამდე აცნობეთ ექიმს, რომ თქვენ იღებთ კაპტოპრილ-დენკ 25-ს. ბავშვები და მოზარდები ბავშვებსა და მოზარდებში კაპტოპრილ-დენკ 25 გამოიყენება სპეციალისტთა დაკვირვების ქვეშ. კაპტოპრილის საწყისი დოზა შეადგენს დაახლოებით 0.3 მგ/კგ სხეულის მასაზე. თირკმლის უკმარობის მქონე დღენაკლულებში, ახალშობილ და ჩვილ ბავშვებში კაპტოპრილის საწყისი დოზა შეადგენს 0.15 მგ/კგ სხეულის მასაზე. ჩვეულებრივ, ბავშვებში პრეპარატი მიიღება დღეში 3-ჯერ. ხანდაზმულ და თირკმლის დაქვეითებული ფუნქციის მქონე პაციენტები: ხანდაზმულ და თირკმლის დაქვეითებული ფუნქციის მქონე პაციენტებში დოზა უნდა შემცირდეს. ორსულობა: თუ თქვენ ორსულად ბრძანდებით, ვარაუდობთ, რომ ხართ ფეხმძიმედ ან აპირებთ დაორსულებას, კაპტოპრილ-დენკ 25-ის მიღებამდე აცნობეთ თქვენს ექიმს. არ არის რეკომენდირებული კაპტოპრილ-დენკ 25-ის მიღება ორსულობის პირველ ტრიმესტრში. თუ დაორსულდით კაპტოპრილ-დენკ 25 მკურნალობის პერიოდში, დაუყოვნებლივ აცნობეთ ექიმს. არ არის ნებადართული კაპტოპრილ-დენკ 25-ის მიღება ორსულობის მეორე ან მესამე ტრიმესტრში. ორსულობის დაგეგმისას რეკომენდირებულია ალტერნატიული თერაპიის დანიშვნა. ლაქტაცია: არ არის ნებადართული კაპტოპრილ-დენკ 25-ის მიღება ლაქტაციის დროს. მანქანის და სხვა მექანიზმების მართვა: როგორც სხვა მსგავსი ანიჰიპერტონიული მედიკამენტები, კაპტოპრილმაც შეიძლება მოადუნოს ადამიანის ყურადღებას მანქანის ან სხვა მექანიზმების მართვისას. ეს ეხება მკურნალონის საწყის ეტაპს. თუმცა მოცემული ეფექტის გამოვლენა დამოკიდებულია ინდივიდუალურ მგრძნობელობაზე. სხვა წამლებთან ურთიერთქმედება: აცნობეთ ექიმს ან ფარმაცევტს, თუ თქვენ იღებთ ან უახლოეს პერიოდში იღებდით რაიმე პრეპარატს, მათ შორის ურეცეპტოდ გასაცემ სამკურნალო საშუალებას. კაპტოპრილი ინიშნებოდა ხშირად გამოყენებად ანტიჰიპერტენზიულ საშუალებებთან ერთად, როგორიც არის ბეტა ბლოკატორები და ხანგრძლივი ეფექტის მქონე კალციუმის არხის ბლოკატორები. ამ საშუალებების კომბინირებულმა გამოყენებამ შეიძლება გააძლიეროს კაპტოპრილის ანტიჰიპერტენზიული ეფექტი. აცნობეთ ექიმს თუ თქვენ იღებთ კალიუმის პრეპარატებს, კალიუმის შემცველ მარილს, კალიუმის ბალანსზე მოქმედ პრეპარატებს, შარდმდენებს, პოდაგრის და შაქრიანი დიაბეტის სამკურნალო საშუალებებს (ორალურ ანტიდიაბეტურ საშუალებებს და ინსულინს). ექიმმა აუცლებლად უნდა იცოდეს, თუ თქვენ იღებთ სხვა ანტიჰიპერტონულ და სიმსივნის საწინააღმდეგო საშუალებებს, იმუნოსუპრესიულ, ტკივილგამაყუჩებლებს, ანთებისსაწინააღმდეგო პრეპარატებს (მაგალითად, სახსრის ანთებისსაწინააღმდეგო პრეპარატებს) ან იტარებთ ფსიქიურ - ან დეპრესიის საწინააღმდეგო მკურნალობას. ლითიუმის შემცველი პრეპარატების და კაპტოპრილ-დენკ 25-ის თანმხლები მიღება შეიძლება მხოლოდ ექიმის დაკვირვების ქვეშ. შარდში აცეტონის გამოკვლევისას კაპტოპრილ-დენკ 25-მა შეიძლება მოგვცეს არასწორი დადებითი პასუხი. როგორ უნდა მივიღოთ კაპტოპრილ-დენკ 25? კაპტოპრილ-დენკ 25-მიიღეთ ზუსტად ისე, როგორც ექიმმა გირჩიათ. გადაამოწმეთ ექიმთან ან ფარმაცევტთან, თუ არ ხართ დარწმუნებული. ძალიან მნიშვნელოვანია კაპტოპრილ-დენკ 25-ის გამოყენება ექიმის მიერ დანიშნულ დროს. თუ პრეპარატის მოქმედება არის ძალიან ძლიერი ან სუსტი, აუცილებელია ამის შესახებ ეცნობოს მკურნალ ექიმს. მიღების წესი: კაპტოპრილ-დენკ 25-ის მიღება შეიძლება საკვების მიღებებს შორის შუალედში. ტაბლეტი უნდა გადაიყლაპოს სითხესთან ერთად (დაახლოებით 1 ჭიქა წყალთან). თუ არ არის ექიმის დანიშნულება, მაშინ გამოიყენება შემდეგი დოზები: ჰიპერტენზია კაპტოპრილის საწყისი დოზა შეადგენს 25-50 მგ დღე-ღამეში, 2 დოზად. არტერიული წნევის სასურველი დონის მისაღწევად დოზა შესაძლებელია გაიზარდოს თანდათანობით საჭიროებისამებრ 100-150 მგ-კაპტოპრილამდე, დანიშნული 2 დოზად. 2 კვირიანი ინტერვალებით, თუ აუცილებელია. თუ სისხლის წნევა არ დაიწევს კაპტოპრილ-დენკი 25-ით მკურნალობისას, მაშინ თქვენმა მკურნალმა ექიმმა უნდა დაგინიშნოთ სხვა მედიკამენტებიც. გულის ქრონიკული უკმარობა: კაპტოპრილის საწყისი დოზა ჩვეულებრივ მერყეობს 6.25-12.5 მგ-ს შორის, დღეში 2-3-ჯერ. დოზა შესაზლებელია გაიზარდოს თანდათან, პაციენტის ინდივიდუალური რეაქციის გათვალისწინებით. კაპტოპრილის შესანარჩუნებელი დოზა შეადგენს 75-100 მგ-ს დღე-ღამეში, გაყოფილი რამდენიმე დოზად. კაპტოპრილის მაქსიმალური დოზა შეადგენს 150 მგ-ს, გაყოფილი რამდენიმე დოზად. დოზა უნდა გაიზარდოს თანდათანობით და პაციენტის რეაქციის ჩამოსაყალიბებლად ინტერვალები უნდა შეადგენდეს დაახლოებით 2 კვირას. დოზის გადაჭარბება: ტაბლეტების დიდი რაოდენობით მიღების ან ბავშვის მიერ შემთხვევით ტაბლეტების გადაყლაპვისას, სასწრაფოდ აცნობეთ ექიმს/სასწრაფო დახმარების ექიმს. საჭიროა დეზინტოქსიკაციური თერაპიის ჩატარება და შემდგომი თერაპიის დანიშვნა. დოზის გადაჭარბების შემთხვევაში შეიძლება გამოვლინდეს შემდეგი სიმპტომები: გამოხატული ჰიპერტენზია, შოკი, შენელებული გულისცემა, ღვიძლის უკმარობა. დოზის გადაჭარბებაზე ეჭვის მიტანის შემთხვევაში, სასწრაფოდ მიმართეთ ექიმს!   თუ თქვენ გამოტოვეთ კაპტოპრილ-დენკ 25-ის დოზის მიღება: თუ დაგავიწყდათ დღის მანძილზე კაპტოპრილ-დენკ 25-ის მიღება, უნდა გააგრძელოთ დანიშნულებისამებრ. არ შეიძლება გამოტოვებული დოზის სანაცვლოდ გაორმაგებული დოზის მიღება. რა გვერდითი რეაქციები შეიძლება წარმოიშვას? ყველა სხვა მედიკამენტის მსგავსად, კაპტოპრილ-დენკ 25-მაც შეიძლება გამოიწვიო გვერდითი ეფექტები. გვერდითი ეფექტების კლასიფიკაცია ხდება სიხშირის მიხედვით:   ძალიან ხშირი: უფრო მეტი ვიდრე 10-ში 1; ხშირი: მეტი ვიდრე 100-ში 1, მაგრამ ნაკლები ვიდრე 10-ში 1 არახშირი: მეტი ვიდრე 1 1000-ში, მაგრამ ნაკლები ვიდრე 100-ში 1 იშვიათი: მეტი ვიდრე 10 000-ში ერთი, მაგრამ ნაკლები ვიდრე ერთი 1000-ში ძალიან იშვიათი: 1 ან ნაკლები 10 000, ინდივიდუალური შემთხვევების ჩათვლით       გვერდითი რეაქციები, რომელიც შეიძლება გამოიწვიოს კაპტოპრილ-დენკ 25-მა და სხვა აგფ ინჰიბიტორებმა არის შემდეგი: სისხლის და ლიმფური სისტემის მხრივ: ძალიან იშვიათად: სისხლის სურათის შეცვლა, ლიმფური კვანძების დაზიანება, აუტოიმუნური დაავადებები ნივთიერებათა ცვლის და კვების მხრივ: იშვიათად: მადის დაკარგვა. ძალიან იშვიათად: სისხლში გლუკოზის დონის დაქვეითება, შრატში კალიუმის მომატება. ფსიქიკის მხრივ: ხშირად: ძილის დარღვევა ძალიან იშვიათად: შფოთვა და დეპრესია. ნერვული სისტემის მხრივ: ხშირია: გემოს შეცვლა, თავბრუსხვევა იშვიათად: თავის ტკივილი და მგრძნობელობის დარღვევა ძალიან იშვიათად: ცირკულაციური დარღვევები, ინსულტის და გულის წასვლის ჩათვლით. თვალის მხრივ: ძალიან იშვიათად: მხედველობის დაბინდვა გულის მხრივ: იშვიათად: ტაქიკარდია და რითმის დარღვევები, სტენოკარდია, გულის ფრიალი. ძალინ იშვიათად: გულის გაჩერება, შოკი. ცირკულატორული დარღვევები: იშვიათად: ჰიპოტენზია, რეინოს სინდრომი (სისხლძარღვთა შევიწროვებით გამოწვეული ცირკულაციური დარღვევა, რაც ჩვეულებრივ თითებში არის გამოხატული), სახის შეწითლება, სიფერმკრთალე. სასუნთქი სისტემის მხრივ: ჩვეულებრივ: მშრალი (არაპროდუქტიული) ხველა და ქოშინი. ძალიან იშვიათად: ბრონქების არარეგულარული შევიწროვება, სურდო, ალვეოლის ალერგიული ანთება/პნევმონია კუჭ-ნაწლავის ტრაქტის მხრივ: გვხვდება: გულისრევა, ღებინება, კუჭის გაღიზიანება და ტკივილი, ფაღარათი, შეკრულობა, პირის სიმშრალე. იშვიათად: პირის ღრუს წყლულებთან/აფთებთან დაკავშირებული ლორწოვანას ანთება. ძალიან იშვიათად: გლოსიტი, კუჭის წყლული, პანკრეასის ანთება. ღვიძლის და ნაღვლისბუშტის მხრივ: ძალიან იშვიათად: ღვიძლის ფუნქციის დარღვევა, ქოლესტაზი (სიყვითლის ჩათვლით), ჰეპატიტი ნეკროზის ჩათვლით, ღვიძლის ფერმენტების და ბილირუბინის მომატება. კანის და კანქვეშა ქსოვილების მხრივ: ხშირად: ქავილი გამონაყარით ან მის გარეშე, ასევე ალოპეცია. იშვიათად: სახის, ტუჩის, ენის, ხელის და ფეხის შეშუპება. ძალიან იშვიათად: ურტიკარია, ფოტოსენსიტიურობა და კანის მძიმე რეაქციები. ჩონჩხის კუნთების, შემაერთებელი ქსოვილის და ძვლების მხრივ: ძალიან იშვიათად: კუნთების და სახსრების ტკივილი. თირკმლებისა და საშარდე სისტემის მხრივ: იშვიათად: თირკმლების ფუნქციის დარღვევა, თირკმლის უკმარისობის ჩათვლით, შარდის გამოყოფის გაზრდა ან შემცირება, პოლიურია. ძალიან იშვიათად: ნეფროზული სინდრომი. სასქესო ორგანოები და მკერდი: ძალიან იშვიათად: იმპოტენცია, მამაკაცებში მკერდის გაზრდა. ზოგადი დარღვევები: იშვიათად: ტკივილი მკერდის არეში, გამოფიტვა, სისუსტე. ძალიან იშვიათად: სიცხე. ლაბორატორიული პარამეტრები: ძალიან იშვიათად: რამდენიმე შეცვლილი ლაბორატორიული პარამეტრი. კონტრ-ზომები: თუ მოულოდნელად მოხდა ხორხის, ყელის ან/და ენის შეშუპება, რომელიც გამოიწვია აგფ ინჰიბიტორებმა, აუცილებელია ექიმის მეთვალყურეობა. სასწრაფოდ მიმართეთ საავადმყოფოს და იყავით მეთვალყურეობის ქვეშ 12-იდან 24 საათის განმავლობაში. მომატებული ჰიპოტენზია, ან მომეტებული ალერგიული რეაქციები შეიძლება იყოს სიცოცხლისთვის სახიფათო რიგ შემთხვევებში. გთხოვთ, აცნობოთ თქვენს ექიმს თუ გაქვთ რომელიმე გვერდითი ეფექტთაგანი ან თქვენი მდგომარეობა გაუარესდა. არ განაგრძოთ წამლის მიღება ექიმის მეთვალყურეობის გარეშე. ფარმაკოლოგიური თვისებები: ფარმაკოდინამიკა: კაპტოპრილი არის ანგიოტენზინ-I გარდამქმნელი ფერმენტის (აგფ ინჰიბიტორი) სპეციფიური ანტაგონისტი. აგფ ინჰიბიტორების დადებითი ეფექტი მჟღავნდება ძირითადად პლაზმური რენინ-ანგიოტენზინ-ალდოსტერონის სისტემის დარგუნვით. რენინი, თირკმელების მიერ გამომუშავებული ენდოგენური ფერმენტი, გამოიყოფა სისხლში, სადაც ის გარდაქმნის ანგიოტენზინოგენს ანგიოტენზინ I-ად, შედარებით არააქტიურ დეკაპეპტიდად. შედეგად, ანგიოტენზინ I გარდაიქმნება ანგიოტენზინ II-ად, ძლიერ ვაზოკონსტრუქტორად, რომელიც ზრდის არტერიულ წნევას და ასტიმულირებს თირკმელზედა ჯირკვლის მიერ ალდოსტერონის გამოყოფას. აგფ ინჰიბიტორი ამცირებს ანგიოტენზინ II-ის პლაზმურ კონცენტრაციას და თავის მხრივ აქვეითებს ვაზოპრესორულ აქტივობას და ასევე ამცირებს ალდოსტერონის სეკრეციას. თუმცა ეს უკანასკნელი მოქმედებს მსუბუქად, მას შეუძლია გამოიწვიოს შრატის კალიუმის დონის მცირედი მატება და ასევე ნატრიუმის და სითხის შეკავება. პლაზმის რენინის მოქმედება იზრდება რენინის სეკრეციაზე ანგიოტენზინ II-ის უკუკავშირის დაკარგვის შედეგად. ფერმენტის სეკრეცია ასევე პასუხისმგებელია კინინის ფერმენტის, ძლიერი ვაზოდილატატორი ეფექტის მქონე ბრადიკინინის გარდაქმნაზე არააქტიურ მეტაბოლიტად. აქედან გამომდინარე აგფ ინჰიბიტორი იწვევს კალიკრეინ-კინინური სისტემის ლოკალურ და ცირკულაციურ მოქმედებას, რაც ხელს უწყობს პროსტაგლანდინების სისტემის მეშვეობით პერიფერიულ სისხლძარღვთა ვაზოდილატაციას. შესაძლებელია, ეს მექანიზმი ნაწილობრივ როლს თამაშობს აგფ ინჰიბიტორის ანტიჰიპერტენზიულ მოქმედებაში და შეიძლება გარკვეული წვლილი მიუძღვის ზოგიერთი არასასურველი რეაქციის გამოვლენაში. არტერიული წნევა ქვეითდება კაპტოპრილის ერთჯერადი ორალური დოზის მიღებიდან არაუგვიანეს 60-90 წთ-ის განმავლობაში. მოქმედების ხანგრძლივობა დამოკიდებულია დოზაზე. სისხლის წნევა შეიძლება პროგრესიულად შემცირდეს და მაქსიმალური თერაპიული ეფექტის მისაღებად საჭირო გახდეს რამდენიმე კვირიანი მკურნალობის ჩატარება. კაპტოპრილის და თიაზიდ-დიურეტიკების ჰიპოტენზიური ეფექტი შეიძლება იყოს სუმარული. ფარმაკოკინეტიკა კაპტოპრილი არის ორალურად მისაღები ეფექტური საშუალება, რომელიც არ საჭიროებს ბიოტრანსფორმაციას. მინიმალური აბსორბცია საშუალოდ შეადგენს 75%-ს. მაქსიმალური პლაზმური კონცენტრაცია მიიღწევა 60-90 წთ-ში. კუჭ-ნაწლავში საჭმლის არსებობა ამცირებს შეწოვას 30-40%-ით. ცირკულირებადი პრეპარატის დაახლოებით 25-30%-ით უკავშირდება პლაზმის ცილებს. სისხლში უცვლელი კაპტოპრილის ელიმინაციური ნახევარდაშლის პერიოდი დაახლოებით 2 სთ-ს შეადგენს. მიღებული პრეპარატის 95%-ზე მეტი გამოიყოფა შარდის საშუალებით 24 სთ-ის განმავლობაში, 40-50 % კი _ უცვლელად ან არააქტიური დისულფიდური მეტაბოლიტების (კაპტოპრილის სულფიდის და კაპტოპრილის ცისტეინის სულფიდის) სახით. თირკმლის დარღვეულმა ფუნქციამ შეიძლება გამოიწვიოს ნივთიერების დაგროვება. აქედან გამომდინარე, თირკმლის დაქვეითებული ფუნქციის მქონე პაციენტებში დოზა უნდა შემცირდეს და/ან უნდა გაიზარდოს მიღებებს შორის ინტერვალი (იხ. ნაწილი 4.2) ცხოველებზე ჩატარებულმა კვლევებმა გამოავლინეს, რომ კაპტოპრილი მნიშვნელოვანი რაოდენობით ვერ აღწევს ჰემატოენცეფალურ ბარიერში. შენახვის წესები: პრეპარატს ინახავენ 25°ჩ-ზე დაბალ ტემპერატურაზე; მოარიდეთ სინათლეს; არ გამოიყენოთ ვადის გასვლის შემდეგ; ინახება ბავშვებისთვის მიუწვდომელ ადგილას. მწარმოებელი: DENK PHARMA GMBH & CO. KG   p style=
ხუთშაბათი, 10 იანვარი 2013 12:42 - 980 ნანახია - 0 პასუხი - ბეჭდვა -  ელფოსტა
მედიკამენტები/კარდიოლოგია
ავტორი: Med Doctor
ტაბლეტები – შინაგანად მისაღები ანტიჰიპერტენზიული. კომბინირებული მედიკამენტი: აგჰ ინჰიბიტორი და თიაზიდ დიურეტიკი ინსტრუქცია გამოყენებისათვის გთხოვთ, წაიკითხეთ ეს ინსტრუქცია ყურადღებით. შემადგენლობა: აქტიური ნივთიერება: 1 ტაბლეტი შეიცავს 50 მგ კაპტოპრილს და 25 მგ ჰიდროქლოროთიაზიდს დამხმარე ნივთიერება: მიკროკრისტალური ცელულოზა, ლაქტოზა, სიმინდის სახამებელი, სტეარინის მჟავა და მაგნიუმის სტეარატი ჩვენებები: ჰიპერტენზია, კაპტოპრილ+ჰქთ დენკ 50/25 მითითებულია ჰიპერტენზიის მქონე ისეთი პაციენტებისათვის, ვინც არ რეაგირებს ადექვატურად კაპტოპრილის მონოთერაპიაზე. უკუჩვენება: - მომატებული მგრძნობელობა კაპტოპრილის, თიაზიდების ან სულფონამიდების მიმართ. (შესაძლებელია ჯვარედინი რეაქცია); - მიდრეკილება ქსოვილთა შეშუპებისკენ (ანგიონევროზული ედემა); - თირკმლის ფუნქციის მძიმე მოშლა (შრატის კრეატინინი შეადგენს 1.8 მგ/დლ და კრეატინინის კლირენსი <30 მლ/წთ); - დიალიზის საჭიროებისას; - თირკმლის არტერიის შევიწროება; - ვისაც ჩაუტარდა თირკმლის ტრანსპლანტაცია; - ჰემოდინამიკურად მნიშვნელოვანი აორტის ან ორკარიანი სარქველის სტენოზი, რაც ხელს უშლის სისხლის მიმოქცევას ან მარცხენა პარკუჭის სხვა ობსტრუქციული დაავადებები (მაგ: ჰიპერტროფიული კარდიომიოპათიები).; - შრატის ალდოსტერონის დონის პირველადი მომატება; - ღვიძლის მძიმე დისფუნქცია (პრეკომა/ღვიძლისმიერი კომა) ან ღვიძლის პირველადი დაავადება; - კლინიკურად მნიშვნელოვანი ელექტროლიტების დისბალანსი (ჰიპერკალციემია, ჰიპერნატრიემია, ჰოპოკალიემია); - ორსულებში, - ლაქტაციის დროს - ბავშვებში. განსაკუთრებული სიფრთხილის ზომები უნდა იქნას მიღებული კაპტოპრილი+ჰქთ დენკ 50/25-ის მიღებისას შემდეგ შემთხვევებში: - კლინიკურად მნიშვნელოვანი პროტეინურია (დღეში 1 გრ-ზე მეტი); - დაქვეითებული იმუნური სისტემა ან კოლაგენოზით გამოწვეული ვასკულარული დაავადება (მაგ. წითელი მგლურა, სკლეროდერმია); - ერთდროულად იმუნოსუპრესიული პრეპარატების მიღებისას (მაგ. კორტიკოსტეროიდები/ ციტოსტატური საშუალებები, ანტიმეტაბოლიტები) ან ალოპერინოლის, პროკაინამიდის ან ლითიუმის გამოყენებისას; - პოდაგრა; - ჰიპოვოლემია; - ცერებროვასკულარული ცირკულაციის პრობლემები; - გულის კორონარული დაავავადებები; - მანიფესტირებული ან ლატენტური შაქრიანი დიაბეტი; - ღვიძლის დაქვეითებული ფუნქცია. სიფრთხილის ზომები კაპტოპრილ+ჰქთ დენკ 50/25-ის მიღებამდე უნდა შეფასდეს პაციენტის თირკმლის ფუნქცია. წყალმარილოვანი დარღვევები უნდა შესწორდეს თერაპიის დაწყებამდე. განსაკუთრებით კაპტოპრილ+ჰქთ დენკ 50/25-ის თერაპიის დაწყება აუცილებელია სამედიცინო ზედამხედველობის ქვეშ. ამავე დროს უნდა მოხდეს არტერიული წნევის და ლაბორატორიული სადიაგნოსტიკო პარამეტრების ინტენსიური მონიტორინგი იმ პაციენტებში, რომელთაც აღენიშნებათ: - თირკმლის დაქვეითებული ფუნქცია (შრატის კრეატინინი აღწევს 1,8მგ/100 მლ და ან კრეატინინის კლირენსი შეადგენს 30-60 მლ/წთ-ს); - თირკმლისმიერი ჰიპერტენზია; - 65 წელზე უფროსი ასაკი; - უკვე გამოვლენილი გულის უკმარობა. შრატის ელექტროლიტების, შრატის კრეატინინის, გლუკოზის მაჩვენებლები, ისევე როგორც სისხლის საერთო ანალიზი მოკლე ხანში აუცილებლად უნდა გადამოწმდეს რისკის მქონე პაციენტებში (თირკმლის დაქვეითებული ფუნქციის, შაქრიანი დიაბეტის, კოლაგენოზის დროს ვასკულარული დაავადებებისას და ხანდაზმულ პაციენტებში) და მათში, ვინც იღებს იმუნოსუპრესულ და ციტოსტატურ წამლებს ან ალოპურინოლს, პროკაინამიდს, დიგიტალისის გლიკოზიდებს, გლუკოკორტიკოიდებს, საფაღარათო საშუალებებს, ასევე საყურადღებოა მკურნალობის საწყისი პერიოდი. თუ კაპტოპრილ+ჰქთ დენკ 50/25 თერაპიისას ვლინდება ისეთი სიმპტომები, როგორიცაა სიცხე, ლიმფური კვანძების შეშუპება და/ან ყელის ტკივილი, აუცილებელია სასწრაფოდ გადამოწმდეს სისხლის ლეიკოციტების რაოდენობა. კაპტოპრილ+ჰქთ დენკ 50/25 მკურნალობის დროს დიალიზის ან ჰემოფილტრაციის ჩატარება (პოლი აკრილონიტრილი, ნატრიუმ-2-მეთალილსულფონატი) მაღალი ნაკადის მემბრანებით (მაგ: ~AN 69~) არ შეიძლება, რადგან არსებობს ჰიპერსენსიტიული რეაქციის განვითარების საშიშროება (ანაფილაქსიური რეაქცია), რაც ზოგჯერ დაკავშირებულია ლეტალურ გამოსავალთან. გადაუდებელი დიალიზის ან ჰემოფილტრაციის შემთხვევაში აუცილებელია პროცედურამდე ანტიჰიპერტენზიული პრეპარატების შეცვლა (მაგრამ არა აგფ ინჰიბიტორებით) ან დიალიზის სხვა მემბრანების გამოყენება. LDL-ის (დაბალი სიმკვრივის ლიპოპროტეინები) დექსტრანის სულფატით აფერეზის დროს (მძიმე ჰიპერქოლესტერინემიის შემთხვევაში), შეიძლება განვითარდეს ჰიპერსენსიტიური რეაქცია, თუ პაციენტი გადის აგფ ინჰიბიტორების თერაპიას. მწერის ნაკბენის (მაგ: ფუტკარი ან კრაზანა) წინააღმდეგ დესენსიტიზაციური თერაპიის ჩატარება აგფ ინჰიბიტორებთან ერთად იწვევს ჰიპერსენსიტიულ და ზოგჯერ სიცოცხლისთვის საშიშ რეაქციებს (მაგალითად არტერიული წნევის დაქვეითება, სუნთქვის გაძნელება, ღებინება, კანის ალერგიული რეაქციები). თუ LDL-ის აფერეზის ან დესენსიტიზაციური თერაპიის ჩატარება აუცილებელია, კაპტოპრილ+ჰქთ დენკ 50/25 უნდა შეიცვალოს დროებით სხვა ანტიჰიპერტენზიული საშუალებით (მაგრამ არა აგფ ინჰიბიტორებით). ორსულობა: კაპტოპრილ+ჰქთ დენკ 50/25-ის მკურნალობის დროს ფერტილური ასაკის ქალებში დაორსულება არ შეიძლება. მკურნალობისას საჭიროა ჩასახვის საწინააღმდეგო ზომების მიღება. თუ პაციენტი მაინც დაორსულდა, მან უნდა შეცვალოს ანტიჰიპერტენზიული პრეპარატი და გადავიდეს სხვა, ბავშვისთვის ნაკლებ სარისკო პრეპარატზე, რადგან კაპტოპრილ+ჰქთ დენკ 50/25-მა შეიძლება დააზიანოს ნაყოფი, განსაკუთრებით ორსულობის ბოლო 6 თვის განმავლობაში, რასაც შეიძლება ფატალური შედეგიც კი მოჰყვეს. ლაქტაცია: კაპტოპრილ+ჰქთ დენკ 50/25 გამოიყოფა დედის რძეში. ძუძუთი კვება უნდა შეწყდეს მკურნალობის დაწყებამდე. ბავშვები და ხანდაზმულები: კაპტოპრილ+ჰქთ დენკ 50/25 არ გამოიყენება ბავშვებში. სიფრთხილით გამოიყენება ხანდაზმულ პაციენთეში (65 წლის ასაკიდან). გავლენა მანქანის და სხვა მექანიზმების მართვაზე: ჰიპერტანზიის ამ მედიკამენტით მკურნალობისას აუცილებელია ჩატარდეს რეგულარული სამედიცინო შემოწმება. სხვადასხვა რეაქციებმა ადამიანზე შეიძლება ისე იმოქმედოს, რომ უსაფრთხოდ ვეღარ გააგრძელოს მანქანის ან მექანიზმის მართვა. რაც ძირითადად ვლინდება მკურნალობის დაწყებისას, პრეპარატის შეცვლის ან ალკოჰოლთან ერთად გამოყენების შემთხვევაში. შენიშვნა: თავიდან უნდა იქნას არიდებული ფიზიოლოგიური ხსნარის და ალკოჰოლის მიღება. სხვა წამლებთან ურთიერთქმედება: ფიზიოლოგიური ხსნარი: ამცირებს კაპტოპრილ+ჰქთ დენკ 50/25-ის ჰიპოტენზიურ ეფექტს. ანტიჰიპერტენზიული საშუალებები (მაგ: სხვა შარდმდენები, ბეტა ბლოკატორები), ნიტრატები, ვაზოდილატატორები, ბარბიტურატები, ფენოთიაზინი, ტრიციკლური ანტიდეპრესანტები: ზრდიან კაპტოპრილ+ჰქთ დენკ 50/25-ის ჰიპოტენზიურ ეფექტს. ანალგეტიკები, ანთების საწინააღმდეგო საშუალებები (მაგ: სალიცილის მჟავას დერივატები, ინდომეტაცინი): სავარაუდოდ ამცირებენ კაპტოპრილ+ჰქთ დენკ 50/25-ის ჰიპოტენზიურ ეფექტს. განსაკუთრებით ჰიპოვოლემიის შემთხვევაში შეიძლება განვითარდეს თირკმლის მწვავე უკმარობა. სალიცილატის მაღალი დოზით მიღება: ჰიდროქლოროთიაზიდი ზრდის სალიცილატებით გამოწვეულ ტოქსიკურ ეფექტებს ც.ნ.ს-ზე. კალიუმი, კალიუმდამზოგველი შარდმდენები (მაგ: სპირონოლაქტონი, ამიოდარონი, ტრიამტერინი) და ასევე სხვა წამლები, რომლებიც შრატში ზრდიან კალიუმის დონეს (მაგ: ჰეპარინი): კაპტოპრილი ზრდის შრატში კალიუმის კონცენტრაციას. ლითიუმი: შრატში ლითიუმის დონის მომატება (საჭიროა რეგულარული კონტროლი!) ზრდის ლითიუმით გამოწვეულ კარდიალურ და ნეიროტოქსიკურ ეფექტებს. ალკოჰოლი: იზრდება ალკოჰოლის ეფექტი; იზრდება კაპტოპრილ+ჰქთ დენკ 50/25-ის ჰიპოტენზიური ეფექტი. დიგიტალისის გლიკოზიდები: დიგიტალისის გლიკოზიდების ეფექტები და გვერდითი მოვლენები შეიძლება გაიზარდოს იმ შემთხვევაში, თუ მანამდე არსებობდა კალიუმის და მაგნიუმის დეფიციტი. ორალური ანტიდიაბეტური საშუალებები (მაგალითად: სულფანილშარდოვანა / ბიგუანიდი), ინსულინი: შესაძლებელია შემცირდეს ჰიდროქლოროთიაზიდის ეფექტი ან გაიზარდოს კაპტოპრილით გამოწვეული ჰიპოგლიკემიური ეფექტი. კატექოლამინები (მაგ: ადრენალინი): მცირდება ჰიდროქლოროთიაზიდის ეფექტი. შარდმდენები (მაგ: ფუროსემიდი), გლუკოკორტიკოიდები, აკტჰ, კარბენოქსოლონი, ამფოტერიცინი B, პენიცილინი G, სალიცილატები ან საფაღარათო საშუალებები: ჰიდროქლოროთიაზიდი ზრდის კალიუმის და მაგნიუმის ექსკრეციას. ალოპურინოლი, ციტოსტატური საშუალებები, იმუნოსუპრესული წამლები, სისტემური კორტიკოსტეროიდები, პროკაინამიდი: სისხლში მცირდება ლეიკოციტების რაოდენობა (ლეიკოპენია). ციტოსტატიური საშუალებები (ციკლოფოსფამიდი, ფლუოროურაცილი, მეთოტრექსატი): ჰიდროქლოროთიაზიდი ზრდის ძვლის ტვინის ტოქსიკურობას (განსაკუთრებით ვლინდება გრანულოციტოპენია). ჰიპნოზური და საანესთეზიო საშუალებები, ნარკოტიკები: ზრდიან ჰიპოტენზიას. ქოლესტირამინი და ქოლესტიპოლი: ამცირებს ჰიდროქლოროთიაზიდის აბსორბციას. კურარეს ტიპის მიორელაქსანტები: ჰიდროქლოროთიაზიდი ზრდის და ახანგრძლივებს მიორელაქსაციურ ეფექტს. მეთილდოპა: ჰემოდიალიზის ინდივიდუალურ შემთხვევებში ჰიდროქლოროთიაზიდის წინააღმდეგ წარმოიქმნება ანტისხეულები. მიღების წესი და დოზა: როგორც წესი, ჰიპერტენზიის მკურნალობა უნდა დაიწყოს ერთი ინგრედიენტით და დაბალი დოზით (ეტაპობრივად). კაპტოპრილ+ჰქთ დენკ 50/25 ფიქსირებული კომბინაციის დანიშვნა გამართლებულია მხოლოდ იმ შემთხვევაში, თუ მანამდე მოხდა ინდივიდუალური წამლების (ე.ი. კაპტოპრილის და ჰიდროქლოროთიაზიდის) ინდივიდუალური დოზის დარეგულირება (ტიტრაცია). თუ კლინიკურად გამართლებულია, შეიძლება მოხდეს მონოთერაპიის კურსიდან გადასვლა ფიქსირებულ კომბინაციაზე. დოზა: პაციენტებში, რომლებსაც უტარდებათ კომბინირებული მკურნალობა, ნორმალური დღიური დოზა შეადგენს 1/2-1 ტაბლეტს კაპტოპრილ+ჰქთ დენკ 50/25 (რაც ექვივალენტურია კაპტოპრილის 25-50 მგ და ჰიდროქლოროთიაზიდის 12.5-25 მგ-ს). შენიშვნა: როდესაც ხდება კაპტოპრილის მონოთერაპიიდან გადასვლა კომბინირებულ კაპტოპრილ+ჰქთ დენკ 50/25 თერაპიაზე, განსაკუთრებით კი ისეთ პაციენტებში ვისაც აღენიშნება დეჰიდრატაციის ნიშნები (მაგ: გულისრევა/ღებინება, მანამდე იღებდნენ შარდმდენებს), მძიმე გულის უკმარისობა, თირკმლისმიერი ჰიპერტონია, მოსალოდნელია ჭარბი ჰიპოტენზიური ეფექტი და სასურველია მათი მონიტორინგი 2 სთ-ის განმავლობაში. დოზა თირკმლის დაქვეითებული ფუნქციის მქონე პაციენტებში (კრეატინინის კლირენსი შეადგენს 30-60 მლ/წთ-ს და/ან შრატის კრეატინინი აღწევს 1.8 მგ/დლ-მდე) და ხანდაზმულ პაციენტებში (65 წელზე უფროსები). დოზა უნდა დარეგულირდეს ყურადღებით (ინდივიდუალური კომპონენტების ტიტრაციით). მიღების წესი და ხანგრძლივობა: კაპტოპრილ-ჰქთ-დენკ 50/25-ის მიღება არ არის აუცილებელი ჭამის დროს. დღიური დოზა მიიღება დილას, ერთჯერადი დოზის სახით და უნდა მიაყოლოთ საკმარისი რაოდენობით სითხე (დაახლოებით 1 ჭიქა წყალი). მკურნალი ექიმი გადაწყვეტს, მკურნალობის ხანგრძლივობას. დოზის გადაჭარბება: დოზის გადაჭარბების შემთხვევაში შემდეგი სიმპტომები შეიძლება გამოვლინდეს: მუდმივი დიურეზი, ელექტროლიტური დისბალანსი, ძლიერი ჰიპოტენზია, გონების დაკარგვა (კომის ჩათვლით), კრუნჩხვა, პარეზი, არითმია, ბრადიკარდია, კარდიოგენული შოკი, თირკმლის უკმარისობა, პარალიზური გაუვალობა. თუ პაციენტს აქვს ეჭვი დოზის გადაჭარბებაზე, მან უნდა მიმართოს მკურნალ ექიმს. თუ მიიღეთ მცირე რაოდენობა კაპტოპრილ+ჰქთ დენკ 50/25-ის ან თუ გამოტოვეთ მისი მიღება არ შეიძლება გამოტოვებული დოზის სანაცვლოდ, გაორმაგებული დოზის მიღება. გააგრძელეთ მკურნალობა ინსტრუქციის შესაბამისად. არ შეიძლება კაპტოპრილ+ჰქთ დენკ 50/25-ის შეწყვეტა ექიმთან კონსულტაციის გარეშე. გვერდითი მოვლენები: კარდიოვასკულარული სისტემა: შემთხვევით, განსაკუთრებით თერაპიის დაწყებისას, ისევე როგორც დეჰიდრატაციის შემთხვევებში (მაგ: ღებინება, ფაღარათი, შარდმდენებით მკურნალობა) გულის უკმარისობის ისტორიის მქონე, ასევე თირკმლისმიერ ჰიპერტონიის მქონე პაციენტებში კაპტოპრილ+ჰქთ დენკ 50/25 დოზის მომატების შემთხვევაში მოსალოდნელია ჭარბი ჰიპოტენზიური ეფექტი (ორთოსტაზი), რომელსაც ახასიათებს ისეთი სიმპტომები, როგორიცაა თავბრუსხვევა, სისუსტე, მხედველობის დარღევევა, იშვიათად აღინიშნება გონების დაკარგვა (სინკოპე). ჰიდროქლოროთიაზიდით მკურნალობისას ხშირია ჰიპოკალემიით გამოწვეული ეკგ ცვლილებები და არითმიები. ინდივიდუალურ შემთხვევებში დაფიქსირდა ძლიერ ჰიპოტენზიასთან დაკავშირებული გვერდითი მოვლენები: ტაქიკარდია, გულის ფრიალი, ტკივილი გულ-მკერდის არეში, სტენოკარდია, გულის ინფარქტი, გარდამავალი იშემიური შეტევა, ცერებრალური აპოპლექსია. თირკმელი: თირკმლის ფუნქციის დაქვეითება ან დარღვევა იშვიათია, მაგრამ ინდივიდუალურ შემთხვევებში შეიძლება განვითარდეს თირკმლის მწვავე უკმარისობა. იშვიათ შემთხვევებში დაფიქსირდა პროტეინურია, რაც ზოგჯერ თან ახლდა თირკმლის ფუნქციის დარღვევას. ჰიდროქლოროთიაზიდით მკურნალობისას გამოვლინდა ბაქტერიული ინტერსტიციული ნეფრიტის ინდივიდუალური შემთხვევები თირკმლის მწვავე უკმარობის განვითარებით. სასუნთქი სისტემა: მშრალი გამაღიზიანებელი ხველა და ბრონქიტი ხშირია. იშვიათ შემთხვევებში შეიძლება განვითარდეს გაძნელებული სუნთქვა, სინუსიტი და რინიტი. ასევე შეიძლება იყოს ბრონქიტის, გლოსიტის, პირის სიმშრალის და წყურვილის ერთეული შემთხვევები. ინდივიდუალურ შემთხვევებში დაფიქსირდა კაპტოპრილთან დაკავშირებული ალერგიული ალვეოლიტი (ეოზინოფილური პნევმონია). ინდივიდუალურ შემთხვევებში, ასევე უეცრად განვითარდა ფილტვის შეშუპება, რასაც თან ახლდა შოკის სიმპტომები. ფიქრობენ, რომ ეს იყო ალერგიული რეაქცია ჰიდროქოროთიაზიდზე. ინდივიდუალურ შემთხვევებში დაფიქსირდა აგფ ინჰიბიტორების შემცველი წამლებით გამოწვეული ანგიონევროზული შეშუპება, რომელიც მოიცავდა ხახას, ხორხს და/ან ენას. კუჭ-ნაწლავის სისტემა/ღვიძლი: გულისრევა, კუჭ-ნაწლავის ზედა ტრაქტის ნაწილის მხრივ ჩივილები და მონელების გაძნელება იშვიათია. ასევე იშვიათად შეიძლება განვითარდეს ღებინება, ფაღარათი, ყაბზობა, მადის დაქვეითება, პანკრეატიტი და განსაკუთრებით ქოლეცისტიტი, თუ პაციენტს უკვე გააჩნია ქოლელითიაზი. იშვიათ შემთხვევაში პაციენტებში, ვინც იტარებდა აგფ ინჰიბიტორებით თერაპიას, გამოვლინდა სინდრომი, რომელიც იწყება ქოლესტაზური სიყვითლით ღვიძლის ნეკროზამდე (ზოგჯერ ფატალური გამოსავლით). მისი კავშირი მედიკამენტის მიღებასთან უცნობია. ინდივიდუალურ შემთხვევებში გამოვლინდა ღვიძლის ფუნქციის, ღვიძლის ანთების და ნაწლავის ობსტრუქციის (ნაწილობრივი და სრული გაუვალობის) შემთხვევები. კანი და სისხლძარღვები: კანის ალერგიული რეაქციები, როგორიცაა ეგზანთემა, იშვიათია. იშვიათ შემთხვევებში გამოვლინდა ურტიკარია, ქავილი, ისევე როგორც ტუჩების, სახის და/ან კიდურების ანგიონევროზული შეშუპება. ინდივიდუალურ შემთხვევებში დაფიქსირდა კანის მძიმე რეაქციები, როგორიცაა: მულტიფორმული ერითემა და პემფიგოიდური რეაქციები, წითელი მგლურა (ჰიდროქლოროთიაზიდის გამო). ზემოთ ჩამოთვლილ ცვლილებებთან შეიძლება დაკავშირებული იყოს: სიცხე, მიალგია, ართრალგია, ვასკულიტი, ეოზინოფილია, ლეიკოციტოზი და/ან მომატებული ANA-ს ტიტრი, ან მომატებული ედსი. იშვიათად, ჰიდროქლოროთიაზიდის მაღალი დოზებით მიღებისას სითხის დაკარგვის შედეგად შეიძლება განვითარდეს თრომბოზი და ემბოლია. განსაკუთრებით შეიძლება განუვითარდეთ ხანდაზმულებს და მათ, ვისაც აწუხებს ვენური სისტემის დაავადებები. ჰიდროქლოროთიაზიდით მკურნალობისას იშვიათად შეიძლება აღინიშნოს ცრემლდენის დაქვეითება. ინდივიდუალურ შემთხვევებში დაფიქსირდა ფსორიაზისმაგვარი კანის ცვლილებები, ფოტოსენსიტიურობა, წამოწითლება, ოფლიანობა, ალოპეცია, ონიქოლიზისი, გინეკომასტია და რეინოს სინდრომის გაუარესება. ნერვული სისტემა: წყლის და ელექტროლიტების დისბალანსით გამოწვეული თავის ტკივილი, დაღლილობა, ძილიანობა, სისუსტე, აპათია იშვიათია. ასევე იშვიათ შემთხვევებში შეიძლება განვითარდეს დეპრესია, თავბრუსხვევა, უძილობა, იმპოტენცია, პარესთეზია, ბალანსის დარღვევა, გონების დაბინდვა, ხასიათის ცვლილებები, ხმაური ყურებში, მხედველობის დაბინდვა, გემოვნების შეგრძნების გარდამავალი დაქვეითება. ძვალ-სახსროვანი სისტემა: იშვიათ შემთხვევებში შეიძლება განვითარდეს კუნთების სპაზმი, ჩონჩხის კუნთების სისუსტე, კუნთების ტკივილი და ჰიპოკალემიით გამოწვეული პარეზი. ლაბორატორიულ-სადიაგნოსტიკო პარამეტრები: ჰემოგლობინის, ჰემატოკრიტის ან თრომბოციტების რაოდენობის შემცირება არ არის ხშირი. იშვიათად, განსაკუთრებით თირკმლის დაქვეითებული ფუნქციის, კოლაგენოზით გამოწვეული ვასკულარული დაავადების მქონე პაციენტებში ან მათ, ვინც იტარებს ალოპურინოლის, პროკაინამიდის, ან ზოგიერთი იმუნოსუპრესიული წამლების თანმხლებ თერაპიას, შეიძლება გამოვლინდეს ანემია, თრომბოციტოპენია, ლეიკოპენია, ნეიტროპენია, ეოზინოფილია და ინდივიდუალურ შემთხვევებში – აგრანულოციტოზი და პანციტოპენია. ასევე ინდივიდუალურ შემთხვევებში დაფიქსირდა G-6, PDH-ის დეფიციტთან დაკავშირებული ჰემოლიზი/ჰემოლიზური ანემია. თუმცა მისი კავშირი აგფ ინჰიბიტორებთან არ არის დამტკიცებული. ჰიდროქლოროთიაზიდის კომპონენტს შეუძლია გამოიწვიოს ჰიპოკალემია, ჰიპოქლორემია, ჰიპომაგნიემია, ჰიპერკალცემია, გლუკოზურია და მეტაბოლური ალკალოზი. შრატში დაფიქსირდა შაქრის, ქოლესტეროლის, ტრიგლიცერიდების, შარდოვანას და ამილაზის მაჩვენებლების მომატება. იშვიათ შემთხვევაში, განსაკუთრებით თირკმლის დაქვეითებული ფუნქციის მქონე პაციენტების შრატში შარდოვანას, კრეატინინის და კალიუმის მაჩვენებლები იზრდება, ხოლო ნატრიუმის კონცენტრაცია მცირდება. შაქრიანი დიაბეტით დაავადებულ პაციენტებში შრატის კალიუმის კონცენტრაცია იზრდება. ასევე შეიძლება მოიმატოს შარდში ცილების ექსკრეციამ. ინდივიდუალურ შემთხვევებში შეიძლება გაიზარდოს ბილირუბინის და ღვიძლის ფერმენტების კონცენტრაცია. შენიშვნა: ზემოთ ჩამოთვლილი სისხლის ტესტები რეგულარულად უნდა გადამოწმდეს თერაპიამდე და მკურნალობის დროს. გვერდითი ეფექტების გასანეიტრალებლად: აგფ ინჰიბიტორის მიერ გამოწვეული ქსოვილების შეშუპების, მათ შორის ყიას, ენის, ხორხის მემთხვევაში, პაციენტს უნდა გაკეთდეს 0.3/0.5 მგ ადრენალინის საწრაფო კანქვეშა ინექცია ან მცირე ინტერვალებით 0.10 მგ ადრენალინი (გათვალისწინებული უნდა იქნას ინსტრუქცია), სისტემური გლუკოკორტიკოიდებით მკურნალობისას ელექტრო კარდიოგრამისა და წნევის კონტროლია საჭირო. ანტიჰისტამინური საშუალებების და H2 რეაცეპტორის ანტაგონისტების ინტრავენური დანიშნულება რეკომენდებულია. თუ ცნობილია ჩ1 –ს ინჰიბიტორის დეფიციტი, ადრენალინთან ერთად შეიძლება განხილული იქნეს ჩ1 ინჰიბიტორიც. სიყვითლის გაჩენია ან ღვიძლის ფერმენტის მნიშვნელოვნად მომატების შემთხვევაში, კაპტოპრილ+ჰქთ დენკ 50/25-ით მკურნალობა უნდა შეწყდეს და პაციენტი უნდა იყოფებოდეს ექიმის მეთვალყურეობის ქვეშ. იმ შემთხვევაში, თუ გამოვლინდა კანის რეაქცია, უნდა ეცნობოს მკურნალ ექიმს, თუ საჭიროა მკურნალობა უნდა შეწყდეს. ფარმაკოლოგიური თვისებები: კაპტოპრილ+ჰქთ დენკ 50/25 ხასიათდება ორივე, ანტიჰიპერტენზიული და შარდმდენის, ეფექტით. კაპტოპრილი და ჰიდროქლოროთიაზიდი გამოიყენება მარტო და კომბინაციაში ანტიჰიპერტენზიული მკურნალობისას. კაპტოპრილი ამცირებს კალიუმის დაკარგვას ჰიდროქლოროთიაზიდთან ერთად. ფარმაკოლოგიური თვისებები: კაპტოპრილი: კაპტოპრილი წარმოადგენს ანგიოტენზინ გარდამქმნელი ფერმენტის ინჰიბიტორს. ანგიოტენზინ გარდამქმნელი ფერმენტი (აგფ) არის პეპტიდილ დიპეპტიდაზა, რომელიც გარდაქმნის ანგიოტენზინ I-ს ვაზოკონსტრიქციული ეფექტის მქონე ანგიოტენზინ II-ად. აგფ-ს ინჰიბირებით მცირდება ალდოსტერონის სეკრეცია და იზრდება შრატში კალიუმის კონცენტრაცია. რენინის სეკრეციაზე ანგიოტენზინ II-ის ნეგატიური უკუკავშირის მოხსნა იწვევს შრატში პლაზმის რენინის მოქმედების გაზრდას. რადგან აგფ ასევე შლის ვაზოდეპრესორულ პეპტიდს, ბრადიკინინს, მისი ინჰიბირების შედეგად იზრდება მოცირკულირე და ლოკალური კალიკრეინ-კინინური სისტემის მოქმედება (და შესაბამისად პროსტაგლანდინების სისტემის გააქტიურება. სავარაუდოდ ეს მექანიზმი ჩართულია როგორც აგფ-ს ინჰიბიტორების ჰიპოტენზიურ ეფექტში, ასევე წამლის ზოგიერთ გვერდით მოვლენაში. ჰიდროქლოროთიაზიდი: ჰიდროქლოროთიაზიდი არის ბენზოთიადიაზინის დერივატი. უშუალოდ თირკმელზე მოქმედებით, თიაზიდი ზრდის როგორც ნატრიუმის ქლორიდის, ასევე მასთან დაკავშირებულ წყლის ექსკრეციას. თიაზიდები ძირითადად მოქმედებენ თირკმლის ადრეულ დისტალურ ტუბულებზე. ისინი თრგუნავენ სანათურის უჯრედის მემბრანაზე განლაგებულ ელექტრონეიტრალურ Nა-ჩლ-ის კოტრანსპორტერს. კალიუმი და მაგნიუმი გამოიყოფა დიდი რაოდენობით, ხოლო კალციუმი კი პირიქით – მცირე რაოდენობით. ჰიდროქლოროთიაზიდი ამცირებს წყალბადკარბონატის ექსკრეციას, ხოლო ქლორის ექსკრეცია აჭარბებს ნატრიუმის ექსკრეციას. შესაბამისად ჰიდროქლოროთიაზიდის გამოყენებისას შეიძლება განვითარდეს მეტაბოლური ალკალოზი. ჰიდროქლოროთიაზიდი აქტიურად გამოიყოფა პროქსიმალურ ტუბულებში. დიურეზული ეფექტი შენარჩუნებულია მეტაბოლური აციდოზის ან ალკალოზის შემთხვევაში. შეცვლილი ნატრიუმის ბალანსი, პლაზმის მოცულობის ექსტრაცელულარული წყლის მოცულობის შემცირება, თირკმლის სისხლძარღვთა რეზისტენტობის შეცვლა და ადრენალინსა და ანგიოტენზინ II-ზე რეაქციის დაქვეითება არის ის სავარაუდო მექანიზმები, რითაც ჰიდროქლოროთიაზიდები იწვევენ ანტიდიურეზულ ეფექტს. ფარმაკოდინამიკა: კაპტოპრილი: კაპტოპრილი ჰიპერტენზიის მქონე პაციენტებში ამცირებს არტერიულ წნევას პულსის სიხშირის კომპენსაციური გაზრდის გარეშე. კაპტოპრილის ჰემოდინამიკურ კვლევებში გამომჟღავნდა პერიფერიული არტერიული რეზისტენტობის მნიშვნელოვანი შემცირება. კლინიკურად მნიშვნელოვანი ცვლილებები თირკმელში სისხლის მიმოქცევის და გლომერულარული ფილტრაციის სიჩქარის მხრივ არ იქნა დაფიქსირებული. პაციენტთა უმეტესობაში ანტიჰიპერტენზიული ეფექტი ვლინდება კაპტოპრილის ორალური მიღებიდან 20-30 წთ-ს შემდეგ, ხოლო მაქსიმალური ეფექტი ჩვეულებრივ მიიღწევა 60-90 წთ-ს შემდეგ. კაპტოპრილის განსაზღვრული დოზის მაქსიმალური ეფექტი ჩვეულებრივ ვლინდებოდა 3-4 კვირის შემდეგ. რეკომენდირებული დღიური დოზის გამოყენებისას ანტიჰიპერტენზიული ეფექტი ასევე გრძელდება ხანგრძლივი თერაპიის დროსაც. კაპტოპრილის მიღების უეცარი შეწყვეტა არ იწვევს არტერიული წნევის სწრაფ და ჭარბ მომატებას (მოხსნის ეფექტი). ჰიდროქლოროთიაზიდი: ჰიდროქლოროთიაზიდის ეფექტი (ელექტროლიტების და წყლის ექსკრეცია) ვლინდება 2 სთ-ის შემდეგ, მაქსიმუმს აღწევს 3-6 სთ-ის შემდეგ და გრძელდება 6-12 სთ. ანტიჰიპერტენზიული ეფექტი ყალიბდება 3-4 დღის შემდეგ და შეიძლება გაგრძელდეს თერაპიის დამთავრებიდან 1 კვირის განმავლობაში. ფარმაკოკინეტიკა კაპტოპრილი: კაპტოპრილის 70% აბსორბაცია ხდება ორალურად მიღების შემდეგ მაქსიმალური პლაზმური კონცენტრაცია მიიღწევა 1 საათში. პრეპარატის დაახლოებით 25-30%-ით უკავშირდება პლაზმის ცილებს. ჯანმრთელ პირებში განაწილების საშუალო მოცულობა შეადგენს დაახლოებით 0.7ლ/კგ-ს. კაპტოპრილის დიდი რაოდენობით მიღებამ იგი შეიძლება გაზარდოს 2.05 ლ/კგ-მდე სხვადასხვა ქსოვილზე. კაპტოპრილის ელიმინაციური ნახევარდაშლის პერიოდი დაახლოებით 2 სთ-ს შეადგენს. კაპტოპრილის 95%-ზე მეტი გამოიყოფა შარდის საშუალებით 24 სთ-ის განმავლობაში, 40-50 % კი _ უცვლელად ან 50-60% დისულფიდური მეტაბოლიტების (კაპტოპრილის სულფიდის და კაპტოპრილის ცისტეინის სულფიდის) სახით. თირკმლის დარღვეულმა ფუნქციამ შეიძლება გამოიწვიოს ნივთიერების დაგროვება. აქედან გამომდინარე, თირკმლის დაქვეითებული ფუნქციის მქონე პაციენტებში დოზა უნდა შემცირდეს და/ან უნდა გაიზარდოს მიღებებს შორის ინტერვალი. ჰიდროქლოროთიაზიდი: შიგნით მიღების შემდეგ ჰიდროქლოროთიაზიდის დაახლოებით 60-80% შეიწოვება. პლაზმის მაქსიმ. დონე 70 ნგ/მლ მიიღწევა 12.5 მგ ჰიდროქლოროთიაზიდის შიგნით მიღებიდან 1.5 - 4 საათის შემდეგ, 142 ნგ/მლ 50 მგ ჰიდროქლოროთიაზიდის შიგნით მიღებიდან 2 – 5 საათის შემდეგ. პლაზმის ცილებს უერთდება ჰიდროქლოროთიაზიდის 65%. განაწილების მოცულობა შეადგენს 0.5 და 1.1ლ/კგ-ს. ჯანმრთელ პირებში ჰიდროქლოროთიაზიდის 95% უცვლელი სახით გამოიყოფა თირკმელების გზით. ორალურად მიღების შემდეგ დოზის 50-70 %-ის გამოყოფა ხდება 24 საათის განმავლობაში. რაოდენობა შარდში ჩნება მიღებიდან 60 წუთში. ნახევარგამოყოფის პერიოდი შეადგენს 6-8 საათს. თირკმლის დარღვეულმა ფუნქციამ შეიძლება შეამციროს გამოყოფა და გაახანგრძლივოს ნახევარდაშლის პერიოდი. თირკმელიდან ჰიდროქლოროთიაზიდის გამოყოფა კრეატიტინის გამოყოფის კორელაციურია. შენახვის წესები: პრეპარატს ინახავენ 25°ჩ-ზე დაბალ ტემპერატურაზე; მოარიდეთ სინათლეს; არ გამოიყენოთ ვადის გასვლის შემდეგ; ინახება ბავშვებისთვის მიუწვდომელ ადგილას. წარმოების ლიცენზიის მფლობელი და მწარმოებელი DENK PHAHMA GMGH&CO.KG
ხუთშაბათი, 10 იანვარი 2013 12:43 - 814 ნანახია - 0 პასუხი - ბეჭდვა -  ელფოსტა
მედიკამენტები/დერმატოლოგია
ავტორი: Med Doctor
კრემი – მხოლოდ გარეგანი გამოყენებისათვის სოკოს საწინააღმდეგო პრეპარატი აქტიური ნივთიერება: კლოტრიმაზოლი ინსტრუქცია: ინფორმაცია გამომყენებისათვის გამოყენებამდე საჭიროა მთლიანი ინსტრუქციის ყურადღებით წაკითხვა. - ეს მედიკამენტი ხელმისაწვდომია რეცეპტის გარეშე გამოყენებისათვის. თუმცაღა, კლოტრი-დენკ 1%-იანი კრემი გამოყენებულ უნდა იქნას ფრთხილად, რათა მიიღოთ სასურველი შედეგი. - საჭიროა გამოყენების ინსტრუქციის შენახვა, რადგან შესაძლებელია საჭირო გახდეს მისი ხელახალი წაკითხვა; - დამატებითი შეკითხვების შემთხვევაში უნდა მიემართოს მკურნალ ექიმს ან ფარმაცევტს. - თუ სიმპტომები გაუარესდა ან არ გაუმჯობესდა 3 დღის განმავლობაში, საჭიროა ექიმის კონსულტაცია. - თუ რომელიმე გვერდითი მოვლენა სეროზულს სახეს მიიღებს ან თუ გამოვლინდება რაიმე გვერდითი მოვლენა, რაც არ არის მითითებული ინსტრუქციაში, საჭიროა მიემართოს მკურნალ ექიმს ან ფარმაცევტს. აღნიშნულ ინსტრუქციაში მოცემულია: 1. რა არის კლოტრი-დენკ 1% კრემი და რისთვის გამოიყენება იგი? 2. რა უნდა იცოდეთ კლოტრი-დენკ 1% კრემი გამოყენებამდე. 3. კლოტრი-დენკი 1% კრემის მიღების წესი 4. გვერდითი ეფექტები 5. კლოტრი-დენკ 1% კრემი შენახვის წესი 6. დამატებითი ინფორმაცია 1. რა არის კლოტრი-დენკ 1% კრემი და რისთვის გამოიყენება იგი? კლოტრი-დენკ 1% კრემი არის ფარმაცევტული პროდუქტი, რომელიც გამოიყენება კანისა და ლორწოვანი გარსის სოკოს დაავადებების (მიკოზების) სამკურნალოდ, რომლებიც გამოწვეულია დერმატოფიტებით, საფუარით, ობით, ისევე როგორც მალასსეზია ფურფურ და ცორინებაცტერიუმ მინუტისსიმუმ- ით გამოწვეული ინფექციები. ისინი შეიძლება გამოვლინდეს მაგალითად შემდეგი ფორმებით: ფეხის მიკოზი (ათლეტის ფეხი), ფეხის თითებს შორის განვითარებული სოკოვანი დაავადება; ფრჩხილის სოკოვანი დაავადების (პარანიქია), ასევე ფრჩხილის მიკოზასთან კომბინაციაში; კანის დაავადებები, გადამტანი კლოტრიმაზოლის მიმართ მგრძნობიარე პათოგენებით; კანისა და კანის ნაკეცების მიკოზების; ზედაპირული კანდიდოზი; პიტყრიასის ვერსიცოლორ (სოკოვანი გამონაყარის); ცორინებაცტერიუმ მინუტისსიმუმ- ით გამოწვეული ინფექციები (ერითრაზმა); სობორეული დერმატიტი, მხოლოდ მიკრობით ან სხვა პათოგენებით გამოწვეული. ტუჩის და მის გარშემო ზონის სოკოს ინფექციები (ცანდიდა ვულვიტის); მამაკაცის სასქესო ორგანოს თავისა და დაბოლოების ანთება, რომელის გამომწვევია სოკო (ცანდიდა ბალანიტის). კლოტრიმაზოლი, კლოტრი-დენკ 1% კრემის აქტიური ნივთიერება, ღრმად აღწევს კანში დახელს უწყობს სოკოს ბაქტერიის დაღუპვას ან ხელს უშლის მის გაზრდას. 2. რა უნდა იცოდეთ კლოტრი-დენკ 1% კრემის გამოყენებამდე კლოტრი-დენკ 1% კრემი არ გამოიყენება კლოტრიმაზოლის, ცეტოსტეარილის სპირიტს ან კლოტრი-დენკ 1% კრემი-ში შემავალი სხვა ნივთიერების მიმართ მიმართ მომატებული მგრძნობელობის შემთხვევაში. ურთიერთქმედება სხვა სამკურნალო პრეპარატებთან: ამ დროისათვის რაიმე ურთიერთქმედების შესახებ ინფორმაცია არ არსებობს. ორსულობა და ლაქტაციის პერიოდი: ყველა მედიკამენტის მიღებამდე რჩევისათვის მიმართეთ ექიმს ან ფარმაცევტს. ორსულობა აქტიური ნივთიერება, კლოტრიმაზოლი, ორგანიზმის მიერ შეიწოვება ძალიან მცირე რაოდენობით. თუ იყენებთ კლოტრი-დენკ 1% კრემს, როგორც ეს არის აღწერილი გამოყენების ინსტრუქციაში ან ექიმის რეკომენდაციით. რის გამოც სისტემური ეფექტი უნდა გამოირიცხოს (სხვა ორგანოებიზე ზემოქმედების ეფექტი). სიფრთხილის მიზნით, კლოტრიმაზოლის ორსულობის პერიოდში, ვაგინალურად გამოყენება, შესაძლებელია მხოლოდ მკურნალი ექიმის მიერ რისკისა და სარგებლის შეფასების შემდეგ. ლაქტაცია კანზე და ლონწოვან გარსზე გამოყენებული მედიკამენტი, ვინაიდან ორგანიზმის მიერ მცირე რაოდენობით მაინც შეიწოვება, ლაქტაციის პერიოდში მისი გამოყენება დაკავშირებულია რისკთან ჩვილისათვის. ლაქტაციის პერიოდში, კლორტი-დენკ 1% კრემის გამოყენება არ შეიძლება ზუსტად მკერდის არეში. მანქანის და სხვა მექანიზმების მართვა: არ საჭიროებს განსაკუთრებული სიფრთხილის წესებს. მნიშვნელოვანი ინფორმაცია კლოტრი-დენკ 1% კრემში შემავალი სხვა ნივთიერებების შესახებ: ცეტოსტეარილის სპირიტმა ადგილობრივად შეიძლება გამოიწვიოს კანის გაღიზიანება (მაგალითად კონტაქტური დერმატიტი). შენიშვნა: თუ კლორტი-დენკ 1 % კრემი გამოიყენება ლატექსის პროდუქტებთან (მაგალითად კონდომები და დიაფრაგმა) ერთად, დამხმარე ნივთიერებებმა (კერძოდ სტეარატებმა) შეიძლება გამოიწვიოს ეფექტის შემცირება, რაც იქნება ამ პროდუქტის გვერდითი ეფექტი. 3. კლოტრი-დენკ 1% კრემის გამოყენების წესი კლოტრი-დენკ 1% კრემი გამოიყენეთ ზუსტად ისე, როგორც ეს ინსტრუქციაშია აღწერილი. დამატებითი შეკითხვების არსებობის შემთხვევაში მიმართეთ ექიმს ან ფარმაცევტს. თუ არ არის ექიმის განსხვავებული მითითება, კლოტრი-დენკ 1% კრემი თხელ ფენად ედება დაზიანებულ ადგილას დღეში 1-3-ჯერ და გულდასმით შეიზილება. კრემის 1/2სმ ჩვეულებრივ საკმარისია, რათა დაიფაროს ხელის გულის ოდენობის ზონა. კლოტრი-დენკ 1% კრემის წასმამდე, უნდა მოხდეს დაზიანებული ადგილის დაბანა, რათა მოიშორდეს დაზიანებული კანის ფენა. შემდეგ კი კანი გულდასმით უნდა გამშრალდეს. ვულვის ბაგის (ცანდიდა ვულვიტის) და მის გარშემო ზონის ინფექციის შემთხვევაში ქალებში, კრემი ედება დაზიანებულ ადგილას 1-3-ჯერ დღეში (გარეთა სასქესო ორგანოები) კრემი ასევე გამოიყენება მამაკაცის სასქესო ორგანოს თავისა და დაბოლოების ანთებითი პროცესების (რომლის გამომწვევია სოკო) სამკურნალო (ცანდიდა ბალანიტის) პრეპარატებთან ერთად. მკურნალობის ხანგრძლივობა: მკურნალობის ხანგრძლივობა დამოკიდებულია ინფექციის მასშტაბზე და ადგილმდებარეობაზე. კარგი შედეგის მისაღებად მკურნალობა არ უნდა შეწყდეს მწვავე ანთებითი პროცესის ან სუბიექტური ჩივილების ჩაცხრობისთანავე, არამედ უნდა გაგრძელდეს სულ მცირე ოთხი კვირა მაინც. პიტყრიასის ვერსიცოლორ ძირითადად იკურნება 1-3 კვირაში, ხოლო ერითრაზმა _ 2-4 კვირაში. ათლეტის ფეხის შემთხვევაში მკურნალობა უნდა გახანგრძლივდეს სიმპტომების გაქრობიდან დაახლოებით ორი კვირა, მაშინაც კი თუკი გაუმჯობესება კარგად სჩანს. ცანდიდა ვულვიტის და ცანდიდა ბალანიტის ძირითადად იკურნება 1-2 კვირაში თუ ფიქრობთ, რომ კლოტრი-დენკ 1% კრემის ეფექტი ძალიან სუსტი ან ძალიან ძლიერია მიმართეთ ექიმს ან ფარმაცევტს. კლოტრი-დენკ 1% კრემის დოზის გადაჭარბება არ არის ცნობილი კლოტრი-დენკ 1% კრემის გადაჭარბებული დოზის მიღების შედეგები; არ არსებობს ინფორმაცია დოზის გადაჭარბების შესახებ. თუ თქვენ გამოტოვეთ კლოტრი-დენკ 1% კრემის გამოყენება: არ გამოიყენოთ გამოტოვებული დოზის სანაცვლოდ კლოტრი-დენკ 1% კრემის გაორმაგებული დოზა, უბრალოდ გააგრძელეთ მკურნალობა, როგორც ეს რეკომენდებულია. კლოტრი-დენკ 1% კრემით მკურნალობის შეწყვეტა: რათა დარწმუნდეთ, რომ სოკოვანი ინფექციები გასუფთავდა და ინფექციის რეციდივის თავიდან ასაცილებლად, არ შეწყვიტოთ მკურნალობა ვადის გასვლამდე ან არ შეწყვიტოთ ექიმთან კონსულტაციის გარეშე. არსებობს, იმის ალბათობა, რომ განმეორდეს, რადგან სოკოვანი დაავადება არ არის მთლიანად განკურნებული. ასევე, სისტემატურად უნდა გაგრძელდეს მკურნალობა მაშინაც კი, თუ სიმპტომები უკვე აღარ არსებობს (როგორც ეს რეკომენდებულია პუნქტში “კლოტრი-დენკ 1% კრემის გამოყენების წესი”). დამატებითი შეკითხვის არსებობის შემთხვევაში, მიმართეთ ექიმს ან ფარმაცევტს. 4. შესაძლო გვერდითი ეფექტები ყველა სხვა მედიკამენტის მსგავსად, კლოტრი-დენკ 1% კრემმაც შეიძლება გამოიწვიო გვერდითი ეფექტები. გვერდითი ეფექტების კლასიფიკაცია ხდება სიხშირის მიხედვით:     ძალიან ხშირი: უფრო მეტი ვიდრე 10-ში 1; ხშირი: მეტი ვიდრე 100-ში 1, მაგრამ ნაკლები ვიდრე 10-ში 1 არახშირი: მეტი ვიდრე 1 1000-ში, მაგრამ ნაკლები ვიდრე 100-ში 1 იშვიათი: მეტი ვიდრე 10 000-ში ერთი, მაგრამ ნაკლები ვიდრე ერთი 1000-ში ძალიან იშვიათი: 1 ან ნაკლები 10 000, ინდივიდუალური შემთხვევების ჩათვლით     შესაძლო გვერდითი ეფექტები: კანის და კანქვეშა ქსოვილები: იშვიათად: გარდამავალი გაღიზიანებული კანის რეაქციები, როგორიცაა მაგალითად წვის ან ჩხვლეტის შეგრძნება, სიწითლე. მომატებული მგრძნობელობა: ცეტოსტეარილის სპირტის მიმართ მომატებული მგრძნობელობის შემთხვევაში შესაძლებელია განვითარდეს კანის/ლორწოვანი გარსის ალერგიული რეაქციები. თუ რომელიმე გვერდითი ეფექტი გაუარესდა ან თუ შენიშნეთ, რომელიმე გვერდითი ეფექტი, რომელიც არ არის აღნიშნული ამ ინსტრუქციაში, გთხოვთ მიმართოთ ექიმს. 5. კლოტრი-დენკ 1% კრემის შენახვის წესი ინახება 2-30°ჩ ტემპერატურაზე, მჭიდროდ დახურულ ტუბში, ინახება გახსნიდან 1 წლის განმავლობაში; არ გამოიყენება ვადის გასვლის შემდეგ; ბავშვებისთვის მიუწვდომელ ადგილას. 6. დამატებითი ინფორმაცია ფარმაკოლოგიური თვისებები: ფარმაკოლოგიური ჯგუფი: სოკოს საწინააღმდეგო საშუალება ადგილობრივი (გარეგანი) გამოყენებისათვის ათქ კოდი: D01Aჩ01 კლოტრიმაზოლს გააჩნია ფართო სპექტრის ანტიმიკოზური მოქმედება ინ ვიტრო და ინ ვივო დერმატოფიტების, სოკოების, ობის და დიმორფული სოკოების წინააღმდეგ. ხელსაყრელ ლაბორატორიულ პირობებში, ასეთი ტიპის სოკოებისთვის MHჩ შეადგენს არა უმეტეს 0,062 – 4 (-8) მგ/მლ სუბსტრატს. კლოტრიმაზოლს ძირითადად გააჩნია ფუნგოციდური მოქმედება. ინ ვიტრო ეფექტი შეზღუდულია სოკოვანი ელემენტების გავრცელებით; სოკოვანი სპორები ძლივს იგრძნობა. კლოტრიმაზოლის სოკოს საწინააღმდეგო ეფექტი გაპირობებულია ერგოსტეროლის ბიოსინთეზის დაინჰიბირებით. რადგან ერგოსტეროლი წარმოადგენს სოკოს მემბრანის შემადგენენელ კომპონენტს, სოკოს უჯრედში არსებული ციტოპლაზმის ერგოსტეროლის დახარჯვის შედეგად ძირითადი ცვლილებები ხდება მემბრანის შემადგენლობასა და თვისებებში. ანტიფუნგალური მოქმედების გარდა, (ენტეროკოკების გამოკლებით) კლოტრიმაზოლი ასევე აინჰიბირებს კორინებაქტერიებსა და გრამ-დადებით ჩხირებს ინ ვიტრო, კონცენტრაციით _ 0,5 – 10 მგ/მლ სუბსტრატი, ხოლო ტრიქომონას წინააღმდეგ მოქმედებს კონცენტრაციით _ 100 მგ/ მლ. რეზისტენტობის მხრივ, კლოტრიმაზოლი ხასიათდება დადებითად: პირველადად რეზისტენტული სოკოს ტიპები ძალიან იშვიათია, ხოლო მგრძნობიარე სოკოების მეორადი რეზისტენტობა თერაპიულ პირობებში ძალიან იშვიათად ვითარდება. ფარმაკოკინატიკა: ჩატარებულმა ფარმაკოკინეტიკურმა ექსპერიმენტებმა აჩვენა, რომ კრემის დერმალურადAდა ვაგინალურად გამოყენების შემდეგ შეიწოვება კლოტრიმაზოლის დოზის 2% ან 3-10%-ზე ნაკლები. პლაზმაში მისი საბოლოო პლაზმური კონცენტრაცია შეადგენს 10 ნგ-ზე ნაკლებს და არ იწვევს მნიშვნელოვან სისტემურ ან გვერდით ეფექტებს. კლოტრი-დენკ 1% კრემის შემადგენლობა: აქტიური ნივთიერება არის კლოტრიმაზოლი. 1 გრ კრემი შეიცავს 0.01გ კლოტრიმაზოლს (1%), როგორც აქტიურ ნივთიერებას და 0.01გ ბენზილის სპირტს. დამხმარე ნივთიერებებია: ცეტოსტრეარილის სპირტი, პოლისორბატ 60, სორბიტალის სტეარატი, ოქტილდოდეკანოლი, ჰექსადეცილის პალმიტატი, გაწმენდილი წყალი. კლოტრი-დენკ 1% კრემის აღწერილობა, გამოშვების ფორმა და შეფუთვა: თეთრი ფერის, ერთგვაროვანი კრემი. კლოტრი-დენკ 1%კრემი შეფუთილი 20გ. ტუბში. ლიცენზიის მფლობელი: DENK PHARMA GMBG & CO. KG   p style=
ხუთშაბათი, 10 იანვარი 2013 12:44 - 954 ნანახია - 0 პასუხი - ბეჭდვა -  ელფოსტა
მედიკამენტები/დერმატოლოგია
ავტორი: Med Doctor
სოკოს საწინააღმდეგო საშუალება არ შეიძლება გადაყლაპვა – საშოში შესაყვანად. აქტიური ინგრედიენტი: კლოტრიმაზოლი 1 ვაგინალური ტაბლეტი შეიცავს 100მგ კლოტრიმაზოლს. გამოყენებამდე საჭიროა მთლიანი ინსტრუქციის ყურადღებით წაკითხვა. - საჭიროა გამოყენების ინსტრუქციის შენახვა, რადგან შესაძლებელია საჭირო გახდეს მისი ხელახალი წაკითხვა; - დამატებითი შეკითხვების შემთხვევაში უნდა მიემართოს მკურნალ ექიმს ან ფარმაცევტს. - თუ სიმპტომები გაუარესდა ან არ გაუმჯობესდა, მაშინ საჭიროა ექიმის კონსულტაცია. - თუ რომელიმე გვერდითი მოვლენა სეროზულს სახეს მიიღებს ან თუ გამოვლინდება რაიმე გვერდითი მოვლენა, რაც არ არის მითითებული ინსტრუქციაში, საჭიროა მიემართოს მკურნალ ექიმს ან ფარმაცევტს. აღნიშნულ ინსტრუქციაში მოცემულია: 1. რა არის კლოტრი-დენკ 100 ვაგინალი და რისთვის გამოიყენება იგი? 2. რა უნდა იცოდეთ კლოტრი-დენკ 100 ვაგინალის გამოყენებამდე. 3. კლოტრი-დენკი 100 ვაგინალის მიღების წესი 4. გვერდითი ეფექტები 5. კლოტრი-დენკ 100 ვაგინალის შენახვის წესი 6. დამატებითი ინფორმაცია 1. რა არის კლოტრი-დენკ 100 ვაგინალი და რისთვის გამოიყენება იგი? კლოტრი-დენკ 100 ვაგინალი გამოიყენება საშოს სოკოვანი ინფექციბის სამკურნალოდ. კლოტრიმაზოლი, კლოტრი-დენკ 100 ვაგინალის აქტიური ნივთიერება აინჰიბირებს სოკოების ისეთი უჯრედების ზრდას და გამრავლებას, როგორიც არის საფუარის სოკო (ჩვეულებრივ ცანდიდა-ს სახეობები), ასევე სხვა ბევრი სოკოვანი ელემენტები და ზოგიერთი ბაქტერია. კლოტრი-დენკ 100 ვაგინალი გამოიყენება სოკოთი (ძირითადად ცანდიდა) გამოწვეული საშოს ანთების და გამონადენის დროს. 2. რა უნდა იცოდეთ კლოტრი-დენკ 100 ვაგინალის გამოყენებამდე კლოტრი-დენკ 100 ვაგინალი არ გამოიყენება თუ პაციენტი ალერგიულია (ჰიპერმგრძნობიარეა) კლოტრიმაზოლის ან ნებისმიერი სხვა ინგრედიენტის მიმართ. კლოტრი-დენკ 100 ვაგინალის მიღება განსაკუთრებული სიფრთხილით: ლატექსის პროდუქტებთან კომბინირებულმა გამოყენებამ (მაგალითად კონდომი ან დიაფრაგმა) შესაძლებელია შეამციროს აღნიშნული პროდუქტების ფუნქციის შემცირება და შესაბამისად მათი დაცვის მექანიზმის შემცირება კლოტრი-დენკი 100 ვაგინალში შემავალი დამხმარე ნივთიერებების გამო. ურთიერთქმედება სხვა სამკურნალო საშუალებებთან: თუ პაციენტი მკურნალობს ან უახლოესი პერიოდის განმავლობაში ღებულობდა რაიმე პრეპარატს, მათ შორის ურეცეპტოდ გასაყიდ პრეპარატებს, მან უნდა აცნობოს მკურნალ ექიმს ან ფარმაცევტს. კლოტრი-დენკ 100 ვაგინალი ამცირებს სხვა ფარმაცევტული პროდუქტის ეფექტურობას, რომლებიც მიიღება სოკოვანი დაავადებების სამკურნალოდ (ამფოტერიცინი და სხვა პოლიენის ანტიბიოტიკები, როგორიც არის ნისტატინი და ნატამიცინი). ორსულობა და ლაქტაციის პერიოდი: სიფრთხილის ზომების გამო, კლოტრიმაზოლი არ გამოიყენება ორსულობის ადრეულ ეტაპზე. ორსულობის მე-2, მე-3 ტრიმესტრში და ლაქტაციის დროს კლოტრი-დენკი 100 ვაგინალი გამოიყენება მხოლოდ ექიმის დანიშნულების შესაბამისად. თუ ორსულობის დროს მკურნალობა აუცილებელია, მაშინ პრეპარატი გამოიყენება მხოლოდ ექიმის დანიშნულების შესაბამისად და არ შეიძლება აპლიკატორის გამოყენება. მანქანის და სხვა მექანიზმების მართვა: არ საჭიროებს განსაკუთრებული სიფრთხილის წესებს. 3. კლოტრი-დენკ 100 ვაგინალის მიღების წესი კლოტრი-დენკი 100 ვაგინალური ყოველთვის გამოიყენება ექიმის დანიშნულების შესაბამისად. რაიმე ეჭვის გაჩენის შემთხვევაში უნდა მიემართოს მკურნალ ექიმს ან ფარმაცევტს. აუცილებლად უნდა მიემართოს მკურნალ ექიმს, თუ მსგავსი სიმპტომები პირველად გამოვლინდა ან თუ პაციენტს ჰქონდა 4-ზე მეტი ინფექციის შემთხვევა ბოლო 12 თვის განმავლობაში. 18 წლის და უფრო მცირე ასაკის პაციენტებში პრეპარატი გამოიყენება მხოლოდ ექიმთან კონსულტაციის შემდეგ და მკურნალობა უნდა განხორციელდეს მხოლოდ ექიმის დაკვირვების ქვეშ. ჩვეულებრივი დოზა: თუ არ არის ექიმის განსხვავებული დანიშნულება, მაშინ გამოიყენება 1 ვაგინალური ტაბლეტი დღეში, რაც შეიძლება ღრმად, 6 მომდევნო დღის განმავლობაში, სასურველია ღამით. გამოყენების მეთოდი: კლოტრი-დენკ 100 ვაგინალური უკეთესად შეჰყავთ, როდესაც პაციენტი წევს ზურგზე და ფეხები აქვს ოდნავ მოხრილი. გამოყენება აპლიკატორით: 1. საჭიროა ვაგინალური ტაბლეტის ამოღება ალუმინის ფოლგიდან და მოთავსება ალუმინის აპლიკატორში; 2. ტაბლეტის შემცველი აპლიკატორი შემდეგ შეჰყავთ რაც შეიძლება ღრმად საშოში. ვაგინალური ტაბლეტები შედის საშოში ტუმბოს ფრთხილი დაჭერით მანამადე, სანამ ის არ გაჩერდება; 3. გამოყენების შემდეგ საჭიროა აპიკატორის გამოღება საშოდან და ფრთხილად გაწმენდა თბილი წყლის საშუალებით. ტუმბო ასევე უნდა მოშორდეს აპლიკატორს გაწმენდის მიზნით. სიფრთხილე გაწმენდისას: არ შეიძლება ადუღებული წყლის გამოყენება! გამოყენება აპლიკატორის გარეშე: ასევე შესაძლებელია ვაგინალური ტაბლეტების შეყვანა საშოში ხელის მეშვეობით. ამის შემდეგ საჭიროა ხელების კარგად დაბანა. შენიშვნა: არ არის რეკომენდებული მკურნალობის დანიშვნა მენსტრუაციის პერიოდში. მკურნალობა უნდა დასრულდეს მენსტრუაციამდე. პრეპარატის გამოყენება მენსტრუაციის დროს შესაძლებელია მხოლოდ იმ შემთხვევაში, თუ სიმპტომები არის მწვავე. თუ ორსულობის დროს აუცილებელია კლოტრი-დენკ 100 ვაგინალით მკურნალობა, ასეთ შემთხვევაში პრეპარატი გამოიყენება მხოლოდ ექიმის დანიშნულების შესაბამისად და არ შეიძლება აპლიკატორის გამოყენება. ხელახალი დაინფიცირების პრევენციის მიზნით, მკურნალმა ექიმმა ამავდროულად უნდა გამოიკვლიოს პარტნიორი. მკურნალობის ხანგრძლივობა: ზოგადად, მკურნალობის 6 დღიანი კურსი საკმარისია. საჭიროების შემთხვევაში მკურნალობა შესაძლებელია განმეორდეს. თუ პაციენტი გრძნობს, რომ პრეპარატი ძალიან ძლიერად ან სუსტად მოქმედებს მასზე, ასეთ შემთხვევაში უნდა მიმართოს მკურნალ ექიმს ან ფარმაცევტს. კლოტრი-დენკ 100 ვაგინალის დოზის გადაჭარბება გარეგანი გამოყენებისას არ არის მოსალოდნელი ინტოქსიკაცია. თუ თქვენ გამოტოვეთ კლოტრი-დენკ 100 ვაგინალის მიღება: მკურნალობა უნდა ჩატარდეს რეგულარულად და ადეკვატური პერიოდის განმავლობაში იმისათვის რათა იყოს ეფექტური. თუ პრეპარატი არ გამოიყენება ექიმის რეკომენდაციის შესაბამისად, ასეთ შემთხვევაში მოსალოდნელია ინფექციის რეციდივი, რადგან ძირითადად სავარაუდოა, რომ იგი არ არის ბოლომდე განკურნებული. აღნიშნული პროდუქტის შესახებ დამატებითი შეკითხვების გაჩენის შემთხვევაში უნდა მიემართოს მკურნალ ექიმს ან ფარმაცევტს. 4. შესაძლო გვერდითი ეფექტები ყველა პრეპარატის მსგავსად კლოტრი-დენკ 100 ვაგინალსაც შესაძლებელია ჰქონდეს გვერდითი ეფექტები, თუმცა ისინი ყველას არ უვითარდება. ზოგიერთი გვერდითი მოვლენის სიხშირე გამოიხატება შემდეგი ცხრილის შესაბამისად:   ძალიან ხშირი: უფრო მეტი ვიდრე 10-ში 1; ხშირი: მეტი ვიდრე 100-ში 1, მაგრამ ნაკლები ვიდრე 10-ში 1 არახშირი: მეტი ვიდრე 1 1000-ში, მაგრამ ნაკლები ვიდრე 100-ში 1 იშვიათი: მეტი ვიდრე 10 000-ში ერთი, მაგრამ ნაკლები ვიდრე ერთი 1000-ში ძალიან იშვიათი: 1 ან ნაკლები 10 000, ინდივიდუალური შემთხვევების ჩათვლით     გვერდითი მოვლენები: არახშირად: კანის რეაქცია (მაგ. დამწვრობის შეგრძნება, ჩხვლეტის შეგრძნება). ზოგიერთ პაციენტს შესაძლებელია გამოუვლინდეს სხვადასხვა ინტენსივობის გენერალიზებული ჰიპერმგრძნობელობა. ეს შესაძლებელია გამოიხატოს კანზე (მაგ. ქავილი და სიწითლე), სასუნთქი სისტემის მხრივ (მაგ. ქოშინი), ცირკულაციის მხრივ (არტერიული წნევის დაქვეითება, თვით გონების დაკარგვამდე, რაც საჭიროებს მკურნალობას), კუჭ-ნაწლავის სისტემის მხრივ (გულისრევა და ფაღარათი). 5. კლოტრი-დენკი 100 ვაგინალის შენახვის წესი ინახება მშრალ ადგილას, 25ºჩ-ზე დაბალ ტემპერატურაზე. არ გამოიყენება შეფუთვაზე მითითებული ვადის გასვლის შემდეგ. ინახება ბავშვებისთვის მიუწვდომელ ადგილას. 6. დამატებითი ინფორმაცია ფარმაკოლოგიური თვისებები: ფარმაკოთერაპიული ჯგუფი: იმიდაზოლის დერივატივი / ფართო სპექტრის სოკოს საწინააღმდეგო საშუალება. ათქ კოდი: G01AF02 კლოტრიმაზოლის მოქმედების მექანიზმი არის ძირითადად ფუნგოსტატური, ხოლო უფრო მაღალი კონენტრაცია არის ფუნგიციდური. კლოტრიმიაზოლი მოქმედებს მხოლოდ სოკოს პროლიფერაციულ უჯრედებზე. თანამედროვე სამეცნიერო ინფორმაციის მიხედვით კლოტრიმაზოლის სოკოს საწინააღმდეგო ეფექტი ვლინდება ერგოსტეროლის ბიოზინთეზის დათრგუნვის შედეგად. რადგანაც ერგოსტეროლი წარმოადგენს სოკოს უჯრედის მემბრანის ძირითად კომპონენტს კლოტრიმაზოლი მოქმედებს შემდეგნაირად: სოკოს უჯრედში ციტოპლაზმური ერგოსტეროლის დახარჯვის შემდეგ, ძირითადი ცვლილებები ხდება მემბრანის შემადგენლობაში და თვისებებში. აქედან გამომდინარე მემბრანის განვლადობის ცვლილება საბოლოოდ იწვევს უჯრედის გასკდომას. გარდა ამისა, კლოტრიმაზოლის ფუნგოსტატური კონცენტრაცია ხელს უშლის მიტოქონდრიის და პეროქსისომების ფერმენტებს. შედეგად წყალბადის პეროქსიდების კონცენტრაცია იზრდება ტოქსიკურ დონემდე, რაც შედეგად იწვევს ნეკროციტოზა (“წყალბადის პეროქსიდებით აუტო-მონელება”). ინ ვიტრო და ინ ვივო კლოტრიმაზოლს გააჩნია ფართოს სპექტრის მოქმედება, რაც მოიცავს დერმატოფიტებს, სოკოებს, ობის სოკოებს და დიმორფულ სოკოებს. ტესტის ჩასატარებლად საჭირო პირობებში, მაჩვენებელი ამ ტიპის სოკოებისთვის MHჩ შეადგენს 0.062 – 4 (-8) მიკროგ/მლ-ზე ნაკლებ ნივთიერებას. გარდა მისი ანტიმიკრობული მოქმედებისა კლოტრიმაზოლი ასევე ინ ვიტრო აინჰიბირებს კორინებაქტერიების და გრამ-დადებითი კოკების (გარდა ენრეროცოცცი) გამრავლებას, თუ პრეპარატის კონცენტრაცია შეადგენს 0.5 – 10მიკროგრ/მლ-ს, ხოლო 100მიკორგრ/მლ კონცენტრაციის შემთხვევაში აქტიური ტრიქომონას წინააღმდეგ. კლოტრიმაზოლის რეზისტენტობა შესაძლებელია კლასიფიცირდეს პოზოტოირად, სოკოს პირველადად რეზისტენტული ტიპები ძალიან იშვიათია. მგრძნობიარე სოკოებში მეორადი რეზისტენტობის ჩამოყალიბება თერაპიულ პირობებში მხოლოდ ძალიან იშვიათ შემთხვევებში ვლინდება. ფარმაკოკინეტიკური თვისებები: კანისა და ვაგინალური გზით გამოყენების შემდეგ ფარნაკოკინეტიკურ ექსპერიმენტებში გამოვლინდა, რომ კლოტრიმაზოლის დოზის მხოლოდ 2 ან 3-10% შეიწოვება. შედეგად პლაზმის მაქსიმალური კონცენტრაცია შეადგენს 10 ნანოგრ/მლ-ზე ნაკლებს და არ იწვევს მნიშვნელოვან სისტემურ ეფექტებს ან გვერდით მოვლენებს. კლოტრიმაზოლი განიცდის დაჟანგვას და იმიდაზოლის რგოლის დეგრადაციას (დეამინირება, ო-დეალკილირება) ღვიძლში და შედეგად მიიღება არაეფექტური ჰიდროქსი დერივატები და ძირითადად გამოიყოფა ნაღვლის გზით ფეკალურ მასებთან ერთად. რას შეიცავს კლოტრი-დენკ 100 ვაგინალი აქტიურ ნივთიერებას წარმოადგენს კლოტრიმაზოლი. 1 ვაგინალური ტაბლეტი შეიცავს 100მგ კლოტრიმაზოლს. დამხმარე ინგრედიენტებია: ლაქტოზას მონოჰიდრატი, მიკროკრისტალური ცეცლულოზა, ნატრიუმის დოდეცილის სულფატი, ჰიპრომელოზა, ცელულოზის ფხვნილი, კოლოიდური უწყლო სილიციუმი, მაგნიუმის სტეარატი. წარმოების ლიცენზიის მფლობელი: DENK PHAღMA GMBH & ჩO KG   p style=
ხუთშაბათი, 10 იანვარი 2013 12:45 - 850 ნანახია - 0 პასუხი - ბეჭდვა -  ელფოსტა
მედიკამენტები/კარდიოლოგია
ავტორი: Med Doctor
შემოგარსული ტაბლეტი – შიგნით მისაღები. ანგიოტენზინ II-ის რეცეპტორის ანტაგონისტი აქტიური ნივთიერება – ლოსარტანის კალიუმი მედიკამენტის მიღებამდე საჭიროა ინსტრუქციის ყურადღებით წაკითხვა - საჭიროა ინსტრუქციის შენახვა, შესაძლოა წარმოიშვას მისი ხელახალი გაცნობის საჭიროება. - თუ წარმოიშვა დამატებითი შეკითხვები უნდა მიემართოს მკურნალ ექიმს ან ფარმაცევტს. - აღნიშნული მედიკამენტი განკუთვნილია მხოლოდ პაციენტისთვის და არ შეიძლება მისი მიცემა სხვისთვის. ის შეიძლება საზიანო იყოს სხვისი ჯანმრთელობისათვის მსგავსი სიმპტომების არსებობის შემთხვევაშიც კი. - თუ რომელიმე გვერდითი ეფექტი მიიღებს სერიოზულ სახეს, ან გამოვლინდება ისეთი გვერდითი ეფექტები, რომლებიც არ იყო აღნიშნული მოცემულ ინსტრუქციაში, უნდა მიემართოს მკურნალ ექიმს ან ფარმაცევტს. 1. რა არის ლოსარ-დენკი 50 და მისი გამოყენება? 2. რა უნდა იცოდეთ ლოსარ-დენკი 50-ის მიღებამდე? 3. ლოსარ-დენკი 50-ის მიღების წესი. 4. შესაძლო გვერდითი ეფექტები. 5. ლოსარ-დენკი 50-ის შენახვის წესი. 6. დამატებითი ინფორმაცია. 1. რა არის ლოსარ-დენკი 50 და მისი გამოყენება? ლოსარტანი მიეკუთვნება იმ პრეპარატების კლასს, რომლებიც ცნობილია ანგიოტენზინ II-ის რეცეპტორის ანტაგონისტების სახელით. ნივთიერება ანგიოტენზინ II წარმოიქმნება ადამიანის სხეულში, უერთდება სისხლძარღვების რეცეპტორებს და ავიწროვებს მათ. ეს იწვევს არტერიული წნევის მომატებას. ლოსარტანი ხელს უშლის ანგიოტენზინის II-ის მიერთებას თავიანთ რეცეპტორებზე, შესაბამისად ეს იწვევს სისხლძარღვების მოდუნებას და არტერიული წნევის დაწევას. ლოსარტანი აფერხებს თირკმლის დაზიანებას იმ პაციენტებში, რომელთაც აღენიშნება მაღალი არტერიული წნევა და მე-2 ტიპის დიაბეტი. ლოსარ-დენკი 50 გამოიყენება: - მაღალი არტერიული წნევის მქონე (ჰიპერტონია) პაციენტების სამკურნალოდ; - თირკმელების დაცვის მიზნით მაღალი არტერიული წნევის და მე-2 ტიპის დიაბეტით დაავადებულ პაციენტებში, რომლებსაც ასევე აღენიშნებათ სისხლს ანალიზით დადასტურებული თირკმლის ფუნქციის დარღვევა, და შარდში ცილის რაოდენობა 0.5 გ/დღეში (აღნიშნული დაავადებისას აღინიშნება ცილის რაოდენობის პათოლოგიური მომატება შარდში); - გულის უკმარისობის მქონე პაციენტებში, როდესაც მკურნალ ექიმს სჯერა, რომ აგფ ინჰიბიტორებით (ანგიოტენზინის გარდამქმნელი ფერმენტის ინჰიბიტორი, რაც არის არტერიული წნევის დასაწევი საშუალება) მკურნალობა არ არის ეფექტური. არ შეიძლება პაციენტის გადაყვანა ლოზარტანით მკურნალობაზე, თუ გულის უკმარისობა სტაბილურად კონტროლდება აგფ ინჰიბიტორებით. - მაღალი არტერიული წნევის მქონე პაციენტებში, ვისაც აღენიშნებათ მარცხენა პარკუჭის კედლის გასქელება. ლოზარ-დენკი 50 ამცირებს ინსულტის რისკს (ე.წ. “სასიცოცხლო ჩვენება”). 2. რა უნდა იცოდეთ ლოსარ-დენკი 50-ის მიღებამდე ლოსარ-დენკი 50 არ მიიღება შემდეგ შემთხვევებში: - თუ პაციენტი ჰიპერსენსიტიულია (ალერგიულია) ლოსარტანის ან ნებისმიერი სხვა ინგრედიენტის მიმართ; - თუ პაციენტის ღვიძლის ფუნქცია სერიოზულად არის დარღვეული; - თუ პაციენტი არის ორსულად ან ლაქტაციის პერიოდში. ლოსარ-დენკი 50 მიიღება განსაკუთრებული სიფრთხილით შემდეგ შემთხვევებში: ლოსარ-დენკი 50-ის მიღებამდე საჭიროა ექიმის კონსულტაცია შემდეგ შემთხვევებში: - თუ პაციენტს ოდესმე ჰქონია ანგიოედემა (ალერგიული რეაქცია, გამოხატული სახის, ტუჩების, ყელის და/ან ენის შეშუპებით); - თუ პაციენტს აღენიშნება ძლიერი ღებინება და ფაღარათი, რაც დაკავშირებულია დიდი რაოდენობით სითხის და/ან მარილების დაკარგვასთან; - თუ პაციენტი ღებულობს შარდმდენებს (პრეპარატებს, რომლებიც აძლიერებენ შარდის გამოყოფას თირკმელების საშუალებით) ან თუ პაციენტი არის დიეტაზე მარილის დაბალი შემცველობით, რამაც შეიძლება გამოიწვიოს ორგანიზმში სითხის და მარილების რაოდენობის ძლიერი შემცირება. - თუ პაციენტის თირკმლის არტერიები არის შევიწროვებული ან დახშული (თირკმლის არტერიის სტენოზი) ან თუ პაციენტს უახლოეს წარსულში ჩაუტარდა თირკმლის ტრანსპლანტაცია. - თუ პაციენტს აღენიშნება ღვიძლის უკმარისობა; - თუ პაციენტს აღენიშნება გულის უკმარისობა თირკმლის უკმარისობასთან ერთად, ან მის გარეშე, ან სიცოცხლისთვის საშიში არითმია. განსაკუთრებული სიფრთხილეა საჭირო თუ პაციენტი მკურნალობს ბეტა-ბლოკატორებით; - თუ პაციენტს აღენიშნება გულის სარქვლების ან გულის კუნთის დაზიანება; - თუ პაციენტს აღენიშნება კორონარული არტერიების დაავადება (რაც გამოწვეულია სისხლის არასაკმარისი მიდინებით გულის სისხლძარღვებისკენ) ან ცერებრალური არტერიების დაავადება (რაც გამოწვეულია სისხლის არასაკმარისი მიდინებით ტვინისკენ); - თუ პაციენტს აღენიშნება პირველადი ჰიპერალდოსტერონიზმი (დაავადება, რომელიც გამოწვეულია თირკმელზედა ჯირკვლის მიერ ჰორმონ ალდოსტერონის მომატებულ სეკრეციასთან, რაც გამოწვულია თირკმელზედა ჯირკვლის ფუნქციის დარღვევით). ურთიერთქმედება სხვა სამკურნალო საშუალებებთან: თუ პაციენტი მკურნალობს ან უახლოეს წარსულში ღებულობდა რომელიმე პრეპარატს, მათ შორის ურეცეპტოდ გასაცემ პრეპარატებს, მან უნდა აცნობოს მკურნალ ექიმს ან ფარმაცევტს. განსაკუთრებული სიფრთხილეა საჭირო, თუ ქვემოთ ჩამოთვლილი პრეპარატები მიიღება ლოსარ-დენკი 50-თან ერთად: - მაღალი არტერიული წნევის სამკურნალო სხვა პრეპარატები, რადგან მათ შეუძლიათ უფრო მეტად დასწიონ წნევა. არტერიულმა წნევამ ასევე შესაძლებელია დაიწიოს ქვემოთ მოყვანილი კლასის პრეპარატების/ მედიკამენტების მიღების შედეგად: ტრიციკლური ანტიდეპრესანტები, ანტიფსიქოზური პრეპარატები, ბაკლოფენი, ამიფოსტინი. - პრეპარატები, რომლებიც აკავებენ კალიუმს ორგანიზმში, ან ზრდიან კალიუმის დონეს პაციენტის ორგანიზმში (მაგ. კალიუმის დანამატები, კალიუმის შემცველი მარილები ან კალიუმის შემნახველი მედიკამენტები, მაგალითად ზოგიერთი დიურეზული საშუალება [შარდმდენები: ამლოდიპინი, სპირონოლაქტონი, ტრიამტერენი] ან ჰეპარინი). - არასტეროიდული ანტირევმატიული საშუალებები, მაგალითად ინდომეტაცინი, მათ შორის ჩOX-2-ის ინჰიბიტორები (ანთების საწინააღმდეგო საშუალებები ან ტკვილგამაყუჩებელი პრეპარატები), რადგან მათ შეუძლიათ შეამცირონ ლოზარტანის ანტიჰიპერტენზიული ეფექტი. თუ პაციენტს აქვს დარღვეული თირკმლის ფუნქცია აღნიშნული პრეპარატების გამოყენებამ შესაძლებელია გამოიწვიოს კიდევ უფრო ძლიერი დაზიანება. არ შეიძლება ლითიუმის შემცველი პრეპარატების მიღება ლოსარტანთან ერთად ექიმის კონსულტაციის გარეშე. შესაძლებელია საჭირო გახდეს სპეციალური სიფრთხილის ზომების მიღება (მაგ. სისხლის ტესტები). ლოსარ-დენკი 50-ის მიღება საკვებთან და სასმელთან ერთად ლოსარ-დენკი 50-ის მიღება შესაძლებელია საკვებთან ერთად ან მის გარეშე. ორსულობა და ლაქტაციის პერიოდი: ორსულობა: თუ პაციენტს ეჭვი აქვს, რომ არის ორსულად ან გეგმავს დაორსულებას, ამის შესახებ უნდა ეცნობოს მკურნალ ექიმს. ჩვეულებრივ მკურნალი ექიმი შეწყვეტს ლოსარ-დენკი 50-ით მკურნალობას პაციენტის დაორსულებამდე, ან როგორც კი გაიგებს, რომ პაციენტი არის ორსულად და გააგრძელებს მკურნალობას სხვა პრეპარატით. არ შეიძლება ლოსარ-დენკი 50-ის მიღება ორსულობის დროს, რადგან ლოსარ-დენკმა 50 შეიძლება მნიშვნელოვანი ზიანი მიაყენოს ნაყოფს. ლაქტაციის პერიოდი: თუ პაციენტი არის ლაქტაციის პერიოდში ან სურს ბავშვის კვება დედის რძით, მაშინ მან უნდა მიმართოს მკურნალ ექიმს. ლოსარ-დენკი 50 არ არის რეკომენდებული ლაქტაციის პერიოდში და მკურნალი ექიმი შეარჩევს სხვა მედიკამენტს. მანქანის და სხვა მექანიზმების მართვა: არცერთი კვლევა არ ჩატარებულა თუ რა ეფექტს ახდენს პრეპარატი მანქანის და სხვა მექანიზმების მართვაზე. არ არის მოსალოდნელი, რომ ლოსარ-დენკმა 50 გავლენა მოახდინოს მანქანის და სხვა მექანიზმების მართვაზე. თუმცა სხვა ანტიჰიპერტენზიული პრეპარატების მსგავსად ლოსარტანმაც შესაძლებელია გამოიწვიოს თავბრუსხვევა ან დაღლილობა ზოგიერთ ადამიანში. თუ პაციენტს გამოუვლინდება თავბრუსხვევა ან დაღლილობა, მაშინ მსგავსი ქმედებების განხორციელებამდე უნდა მიმართოს მკურნალ ექიმს. მნიშვნელოვანი ინფორმაცია ლოსარ-დენკი 50-ში შემავალი ზოგიერთი ინგრედიენტის შესახებ: ლოსარ-დენკი 50 შეიცავს ლაქტოზას. შესაბამისად თუ პაციენტმა იცის, რომ მას აქვს აუტანლობა ზოგიერთი შაქრის მიმართ, მაშინ ლოსარ-დენკი 50-ის მიღებამდე უნდა მიმართოს მკურნალ ექიმს. 3. ლოსარ-დენკი 50-ის მიღების წესი: ლოსარ-დენკი 50 ყოველთვის მიიღება მკურნალი ექიმის მითითებების შესაბამისად. თუ პაციენტი არ არის დარწმუნებული, მან უნდა მიმართოს მკურნალ ექიმს ან ფარმაცევტს. მკურნალი ექიმი შეარჩევს შესაბამის დოზას პაციენტის ჯანმრთელობის მდგომარეობის მიხედვით და იქიდან გამომდინარე ჯერ კიდევ იღებს თუ არა პაციენტი სხვა მედიკამენტებს. მნიშვენელოვანია რომ ლოსარ-დენკი 50-ით მკურნალობა გაგრძელდეს მკურნალი ექიმის მიერ მითითებული ხანგრძლივობით, რათა შეუფერხებლად მოხდეს არტერიული წნევის გაკონტროლება. ჩვეულებრივი დოზა: პაციენტი მაღალი არტერიული წნევით ჩვეულებრივი საწყისი დოზა შეადგენს 50მგ ლოსარტანს (ლოსარ-დენკი 50-ის 1 ტაბლეტი) ერთჯერ დღეში. მაქსიმალური ანტიჰიპერტენზიული ეფექტი მიიღწევა მკურნალობის დაწყებიდან 3-6 კვირაში. ზოგიერთი პაციენტის შემთხვევაში აღნიშნული დოზა მოგვიანებით შეიძლება გაიზარდოს 100მგ ლოსარტანამდე (ლოსარ-დენკი 50-ის 2 შემოგარსული ტაბლეტი) ერთჯერ დღეში. თუ პაციენტი ფიქრობს, რომ პრეპარატი ძალიან ძლიერად ან სუსტად მოქმედებს მასზე, მან უნდა მიმართოს მკურნალ ექიმს. მაღალი არტერიული წნევით და მე-2 ტიპის შაქრიანი დიაბეტით დაავადებული პაციენტები: ჩვეულებრივი საწყისი დოზა შეადგენს 50მგ ლოსარტანს (ლოსარ-დენკი 50-ის 1 ტაბლეტი) ერთჯერ დღეში. აღნიშნული დოზა მოგვიანებით შეიძლება გაიზარდოს 100მგ ლოსარტანამდე (ლოსარ-დენკი 50-ის 2 შემოგარსული ტაბლეტი) ერთჯერ დღეში, რაც დამოკიდებულია პაციენტის არტერიულ წნევაზე მედიკამენტის ეფექტზე. ლოსარტანის ტაბლეტების მიღება შესაძლებელია სხვა ანტიჰიპერტენზიული პრეპარატებთან ერთად, მაგალითად შარდმდენებთან, კალციუმის ანტაგონისტებთან, ალფა ან ბეტა ბლოკატორებთან ერთად, ასევე ცენტრალურ ანტიჰიპერტენზიულ საშუალებებთან, ინსულინთან და სხვა ხშირად გამოსაყენებელ ანტიდიაბეტურ პრეპარატებთან ერთად, მაგალითად სულფონილშარდოვანა, გლიტაზონები და გლუკოზიდაზას ინჰიბიტორები. გულის უკმარისობით დაავადებული პაციენტები: ჩვეულებრივ საწყისი დოზა შეადგენს 12,5მგ-ს ერთჯერ დღეში. ზოგადად დოზა უნდა გაიზარდოს თანდათან, ყოველკვირეულად (მაგ. 12,5მგ დღეში პირველი კვირის განმავლობაში, 25მგ მეორე კვირის განმავლობაში, 50მგ მესამე კვირის განმავლობაში), პაციენტის მდგომარეობიდან გამომდინარე სანამ არ მიაღწევს შემანარჩუენებელ დოზას – 50მგ ლოსარტანი დღეში (ექვივალენტური ლოსარ-დენკი 50-ის 1 შემოგარსული ტაბლეტისა). გულის უკმარისობის სამკურნალოდ, ლოსარტანი ჩვეულებრივ მიიღება შარდმდენებთან ერთად (პრეპარატი, რომელიც ზრდის შარდის ექსკრეციას თირკმელების საშუალებით) და/ან დიგიტალისთან (პრეპარატი, რომელიც აძლიერებს გულის შეკუმშვას) და/ან ბეტა-ბლოკატორებთან ერთად. დოზირების რეჟიმი გარკვეული პაციენტების ჯგუფისთვის: მკურნალმა ექიმმა შესაძლებელია დანიშნოს უფრო დაბალი დოზა, განსაკუთრებით მკურნალობის საწყის ეტაპზე, თუ პაციენტი ღებულობს შარდმდენების მაღალ დოზას, თუ აღინიშნება ღვიძლის ფუნქციის დაქვეითება ან 75 წელზე უფროს პაციენტებისთვის. ლოსარტანის გამოყენება არ არის რეკომენდებული ღვიძლის მძიმე უკმარისობის მქონე პაციენტებში. ბავშვები და მოზარდები: ლოსარ-დენკი 50 არ ინიშნება 6 წლამდე ასაკის ბავშვებში. ლოსარ-დენკი 50 არ ინიშნება თირკმლის ან ღვიძლის უკმარისობის მქონე ბავშვებში. მიღების წესი: ტაბლეტი უნდა გადაიყლაპოს ჭიქა წყალთან ერთად. სასურველია ლოსარ-დენკი 50-ის მიღება ყოველდღე ერთიდაიგივე დროს. თუ მნიშვნელოვანია ლოსარ-დენკი 50-ით მკურნალობის გაგრძელება თუ ექიმის მითითება არ არის განსხვავებული. ლოსარ-დენკი 50-ს რეკომენდებულზე მეტი დოზის მიღება: თუ პაციენმა შემთხვევით მიიღო გადაჭარბებული დოზა ან ბავშვმა გადაყლაპა რამდენიმე ტაბლეტი, მაშინ დაუყოვნებლივ უნდა მიემართოს მკურნალ ექიმს. დოზის გადაჭარბების სიმპტომებია დაბალი არტერიული წნევა და/ან ძალიან აჩქარებული ან შენელებული გულისცემა. ლოსარ-დენკი 50-ის დოზის გამოტოვება: თუ პაციენტს შემთხვევით დაავიწყდა დღიური დოზის მიღება, მაშინ შემდეგი დოზა მიიღება დოზირების რეჟიმის შესაბამისად. არ შეიძლება გაორმაგებული დოზის მიღება გამოტოვებულის სანაცვლოდ. თუ პაციენტს აქვს დამატებითი შეკითხვა აღნიშნული პრეპარატის გამოყენების შესახებ, მან უნდა მიმართოს მკურნალ ექიმს ან ფარმაცევტს. 4. შესაძლო გვერდითი ეფექტები: სხვა პრეპარატების მსგავსად ლოსარ-დენკ 50-მაც შესაძ;ებელია გამოიწვიოს გვერდითი ეფექტები, თუმცა ისინი ყველას არ უვლინდება. თუ პაციენტს გამოუვლინდება რომელიმე ქვემოთ ჩამოთვლილი სიმპტომი, მაშინ ლოსარ-დენკი 50-ით მკურნალობა უნდა შეწყდეს და დაუყოვნებლივ მიემართოს მკურნალ ექიმს ან უახლოეს გადაუდებელი სამედიცინო დახმარების განყოფილებას ან საავადმყოფოს: მძიმე ალერგიული რეაქციები, რამაც შეიძლება გამოიწვიოს გამონაყარი, ქავილი, ასევე სახის, ტუჩების, პირის ღრუს ან ხახის შეშუპება, რაც შეიძლება დაკავშირებული იყოს ყლაპვის და სუნთქვის გაძნელებასთან. ეს არის სერიოზული, თუმცა იშვიათი გვერდითი რეაქცია, რომელიც ვლინდება 10000-დან 1-ზე მეტ პაციენტში და 1000-დან 1-ზე ნაკლებ პაციენტში. პაციენტს შესაძლებელია დასჭრიდეს სასწრაფო სამედიცინო ჩარევა ან ჰოსპიტალიზაცია. გვერდითი რეაქციების შეფასება ხდება ქვემოთ მოყვანილი ცხრილის საფუძველზე:   ძალიან ხშირი: უფრო მეტი ვიდრე 10-ში 1; ხშირი: მეტი ვიდრე 100-ში 1, მაგრამ ნაკლები ვიდრე 10-ში 1 არახშირი: მეტი ვიდრე 1 1000-ში, მაგრამ ნაკლები ვიდრე 100-ში 1 იშვიათი: მეტი ვიდრე 10 000-ში ერთი, მაგრამ ნაკლები ვიდრე ერთი 1000-ში ძალიან იშვიათი: 1 ან ნაკლები 10 000, ინდივიდუალური შემთხვევების ჩათვლით     ლოსარტანის მიღებისას გამოვლინდა ქვემოთ ჩამოთვლილი გვერდითი ეფექტები: ხშირი: - თავბრუსხვევა; - დაბალი არტერიული წნევა; - სისუსტე; - დაღლილობის შეგრძნება - გლუკოზის ძალიან დაბალი სისხლში (ჰიპოგლიკემია); - კალიუმის მომატებული დონე სისხლში (ჰიპერკალემია); არახშირი: - ძილიანობა; - თავის ტკივილი; - ძილის დარღვევა; - გულის ფრიალი ან გახშირებული გულისცემა; - ძლიერი ტკივილი და მოჭერის შეგრძნება მკერდის მიდამოში (სტენოკარდია); - დაბალი არტერიული წნევა (განსაკუთრებით დიდი რაოდენობით სითხის დაკარგვის შემდეგ, მაგალითად გულის უკმარისობის მქონე პაციენტებში ან ვინც, მკურნალობს შარდმდენების მაღალი დოზებით); - დოზა-დამოკიდებული ორთოსტატული ეფექტები, მაგალითად არტერიული წნევის დაცემა ან ჩივილები ცირკულაციის მხრივ მწოლიარე ან მჯდომარე პოზიციიდან ფეხზე წამოდგომის დროს; - სუნთქვის უკმარისობა (დისპნოე); - კუჭის ტკივილი; - ყაბზობა, - ფაღარათი, - გულისრევა; - ღებინება; - ჭინჭრის ციება (ურტიკარია) - ქავილი (პრურიტუსი) - გამონაყარი და სხეულის ზოგიერთი ნაწილის შეშუპება (ედემა); იშვიათი: - სისხლძარღვების ანტებითი დაზიანება (ანგიიტი, მათ შორის შენლეინ-გენოხის პურპურა), - დაბუჟების ან ჩხვლეტის შეგრძნება (პარესთეზიები); - გულის წასვლა (სინკოპე). - სწრაფი გულიცემა და არითმიები (მაგ. წინაგულების ფიბრილაცია), - ინსულტი; - ღვიძლის ანთებითი დაზიანება (ჰეპატიტი), - ალანინ ამინოტრანსფერაზების დონის მომატება (ALთ სისხლის ტესტები ღვიძლის ფუნქციის შესამოწმებლად) სისხლში, ის ხშირად ისევ იკლებს მკურნალობის შეწვეტის შემდეგ. უცნობი სიხშირის: - სისხლის წითელი უჯრედების რაოდენობის შემცირება (ანემია), - თრომბოციტების რაოდენობის შემცირება (თრომბოციტოპენია), - შაკიკი, - ხველა’ - ღვიძლის ფუნქციის დარღვევა (მკურნალობის შეწყვეტის შემდეგ შეიძლება თავისით ალაგდეს), ასევე თირკმლის უკმარისობა. - გაციების მსგავსი სიმპტომები, - სისხლში შარდოვანას დონის მომატება, - შრატში კრეატინინის და კალიუმის დონის მომატება, გულის უკმარისობით დაავადებულ პაციენტებში. - წელის ტკივილი, - საშარდე გზების ინფექციები. თუ რომელიმე გვერდითი ეფექტი მიიღებს სერიოზულ სახეს, ან გამოვლინდება ისეთი გვერდითი ეფექტები, რომლებიც არ იყო აღნიშნული მოცემულ ინსტრუქციაში, უნდა მიემართოს მკურნალ ექიმს ან ფარმაცევტს. 5. ლოსარ-დენკი 50-ის შენახვის წესი: ინახება 25ºჩ-ზე დაბალ ტემპერატურაზე. ლოსარ-დენკი 50 უნდა ინახებოდეს ორიგინალურ შეფუთვაში სინათლისგან დაცვის მიზნით. არ ინახება შეფუთვაზე მითითებული ვადის გასვლის შემდეგ. ინახება ბავშვებისთვის მიუწვდომელ ადგილას. 6. დამატებითი ინფორმაცია: აქტიური ნივთიერება არის ლოსარტანის კალიუმი. ლოსარ-დენკი 50-ის თითოეული შემოგარსული ტაბლეტი შეიცავს 50მგ ლოსარტანის კალიუმს, რაც ექვივალენტურია 45.8მგ ლოსარტანისა. დამხმარე ნივთიერებები: ლაქტოზას მონოჰიდრატი, მიკროკრისტალური ცელულოზა, პრეჟელატინირებული სიმინდის სახამებელი, მაგნიუმის სტეარატი, ჰიდროქსიპროპილის ცელულოზა, ჰიპრომელოზა, ტიტანის დიოქსიდი (E171). ფარმაკოლოგიური თვისებები: ფარმაკოთერაპიული ჯგუფი: ანგიოტენზინ II-ის რეცეპტორის ანტაგონისტი. ათქ კოდი: ჩ09ჩA01. ლოსარტანი არის სინთეზურად შექმნილი შიგნით მისაღები ანგიოტენზინ II-ის რეცეპტორის (Aთ1 ტიპი) ანტაგონისტი. ანგიოტენზინ II, ძლიერი ვაზოკონსტრიქტორი, წარმოადგენს რენნინ-ანგიოტენზინის სისტემის პირველად აქტიურ ჰორმონს, რაც არის ჰიპერტენზიის პათოლოგიის მნიშვნელოვანი განმსაზღვრელი. ანგიოტენზინ II უერთდება მრავალ ქსოვილში არსებულ Aთ1 ტიპის რეცეპტორებს (მაგ. სისხლძარღვთა გლუვ კუნთები, თირკმელზედა ჯირკვალი, თირკმელები და გული) და იწვევს მნიშვნელოვან ბიოლოგიურ ეფექტებს, მაგალითად ვაზოკონსტრიქციას და ალდოსტერონის გამოყოფას. ანგიოტენზინ II ასევე ასტიმულირებს გლუვი კუნთების პროლიფერაციას. ლოსარტანი სელექტიურად აბლოკირებს Aთ1 რეცეპტორს. ლოსარტანი და მისი ფარმაკოლოგიურად აქტიური კარბოქსილის მჟავას მეტაბოლიტი E-3174 თრგუნავს ანგიოტენზინ II-ის ყველა ფიზიოლოგიურ ეფექტს ინ ვივო და ინ ვიტრო, მიუხედავად მისი წარმოქმნის წყაროსი და სინთეზისა. ფარმაკოკინეტიკური თვისებები: შიგნით მიღების შემდეგ ლოსარტანი კარგად შეიწოვება და განიცის პირველად მეტაბოლიზმს. წარმოიქმნება 1 აქტიური მეტაბოლიტი კარბოქსილის მჟავა, და სხვა არააქტიური მეტაბოლიტები. ლოსარტანის შემოგარსული ტაბლეტების სისტემური ბიოშეღწევადობა არის 33%. ლოსარტანის და მისი აქტიური მეტაბოლიტების საშუალო პიკური კონცენტრაცია პლაზმაში მიიღწევა 1 საათში და 3-4 საათში ცალცალკე. ლოსარტანი და მისი აქტიური მეტაბოლიტები 99% ებმის პლაზმურ ცილებს, უმეტესად ალბუმინს. ლოსარტანის გავრცელების ფართობი არის 34 ლიტრი. ინტრავენენური ან შიგნით მისაღები ლოსარტანის დაახლოებით 14% გარდაიქმნება აქტიურ მეტაბოლიტად. 14 ჩ ტიპის ლოსარტანის ინტრავენურად ან შიგნით მიღებისას პლაზმის რადიოაქტიურობა გამოწვეულია ლოსარტანით და მისი აქტიურ მეტაბოლიტით. ლოსარტანის აქტიურ მეტაბოლიტად მცირედი გარდაქმნა გამოვლინდა გამოკვლეული პაციენტების 1%-ში. აქტიურ მეტაბოლიტებთან ერთად წარმოიქმენა არააქტიური მეტაბოლიტებიც. ლოსარტანის და მისი აქტიური მეტაბოლიტის კლირენსი პლაზმაში, არის 600მლ/წთ და 50მლ/წთ-ში. შესაბამისად თირკმლისმიერი კლირენსი 74მლ/წთ (ლოსარტანის) და 26მლ/წთ (აქტიური მეტაბოლიტის). ლოსარტანის შიგნით მიღებისას დოზის დაახლოებით 4% გამოიყოფა შარდში შეუცვლელი სახით, ხოლო 6% გამოიყოფა შარდში აქტიური მეტაბოლიტის სახით. ლოსარტანის და მისი აქტიური მეტაბოლიტის ფარმაკოკინეტიკა არის სწორხაზოვანი შიგნით მისაღები ლოსარტანის კალიუმის 200მგ მიღებისას დღეში. შიგნით მიღებისას ლოსარტანის და მისი აქტიური მეტაბოლიტის კონცენტრაცია არის პოლიექსპონენციური, ნახევარდაშლის პერიოდით, დაახლოებით 2 საათი და 6-9 საათი ცალცალკე. არც ლოსარტანი და არც მისი აქტიური მეტაბოლიტი არ გროვდება შრატში მნიშვნელოვანი რაოდეობით, როდესაც მიიღება დოზა 100მგ ერთხელ დღეში. ლოსარტანი და მისი მეტაბოლიტები გამოიყოფა შარდში და ნაღველში. ადამიანებში 14ჩ ლოსარტანის შიგნით ან ინტრავენურად მიღების შემდეგ, მისი რადიოაქტიურობის 35-43% გამოიყოფა შარდში, ხოლო 58/50% განავალში. ლოსარ-დენკ 50-ის შეფუთვა თეთრი ან სპილოსძვლისფერი ფერის, მრგვალი ფორმის ორმხრივად ამოზნექილი ტაბლეტები, ერთ მხარეს გრავირებით, ხოლო მეორე მხარე სუფთა, შემოგარსული ტებლეტები იყოფა ორ თანაბარ ნაწილად. შეფუთვა: 28 შემოგარსული ტაბლეტი; უფასო სამედიცინო ნიმუშები 14 შემოგარსული ტაბლეტი. შენახვის ვადა: 3 წელი გაცემის წესი: რეცეპტით (II ჯგუფი) წარმოების ლიცენზიის მფლობელი და მწარმოებელი DENK PHARMA GMBH&CO.KG   br /
ხუთშაბათი, 10 იანვარი 2013 12:46 - 472 ნანახია - 0 პასუხი - ბეჭდვა -  ელფოსტა
მედიკამენტები/ენდოკრინოლოგია
ავტორი: Med Doctor
შემოგარსული, შიგნით მისაღები ტაბლეტები ანტიდიაბეტური სამკურნალო საშუალება აქტიური ნივთიერება: მეტფორმინის ჰიდროქლორიდი პრეპარატის ანოტაცია: ინფორმაცია პაციენტებისთვის მედიკამენტის გამოყენებამდე საჭიროა ინსტრუქციის ყურადღებით წაკითხვა - საჭიროა ინსტრუქციის შენახვა შესაძლოა წარმოიშვას მისი ხელახალი გაცნობის საჭიროება. - დამატებითი შეკითხვების წარმოშობის შემთხვევაში უნდა მიემართოს მკურნალ ექიმს ან ფარმაცევტს. - მედიკამენტი განკუთვნილია მხოლოდ პაციენტისთვის და არ შეიძლება მისი გადაცემა სხვისთვის, ის შეიძლება საზიანო იყოს სხვისი ჯანმრთელობისთვის, მსგავსი სიმპტომების არსებობის შემთხვევაშიც კი. - თუ რომელიმე გვერდითი ეფექტი მიიღებს სერიოზულ სახეს, ან გამოვლინდება ისეთი სიმპტომები, რომელიც არ არის აღნიშნული მოცემულ ინსტრუქციაში, უნდა მიემართოს მკურნალ ექიმს ან ფარმაცევტს. 1. რა არის მეტფორმინ დენკ 500 და მისი გამოყენება 2. რა უნდა იცოდეთ მეტფორმინ დენკ 500-ის მიღებამდე 3. მეტფორმინ დენკ 500 -ის მიღების წესი 4. შესაძლო გვერდითი ეფექტები 5. მეტფორმინ დენკ 500 -ის შენახვის წესი 6. დამატებითი ინფორმაცია 1. რა არის მეტფორმინ დენკ 500 და მისი გამოყენება მეტფორმინ დენკ 500 მიეკუთვნება მედიკამენტების ჯგუფს, რომლელიც გამოიყენება არა ინსულიზე დამოკიდებული 2 ტიპის შაქრიანი დიაბეტით დაავადებულ უფროსებში და 10 წლიდან ბავშვებში. თერაპიული მითითებები მეტფორმინ დენკ 500 წარმოადგენს პრეპარატს, რომელიც განკუთვნილია სისხლში გლუკოზის მაღალი შემცვლელობის დასაწევად 2 ტიპის შაქრიანი დიაბეტით დაავადებულ პაციენტებში, განსაკუთრებით ჭარბწონიან და არასაკმარისი ფიზიკური დატვირთვის მქონე პაციენტებში, როდესაც დიეტა და ფიზიკური დატვირთვა არ იწვევს გლიკემიის დონის ადეკვატურ დარეგულირებას. უფროსებში: მეტფორმინ დენკ 500 შეიძლება გამოყენებულ იქნას როგორც ერთადერთი (მონოთერაპია) პრეპარატი, ასევე კომბინირებულ თერაპიაში სხვა ანტიდიაბეტურ საშუალებებთან ორალურად, ან ინსულინთან ერთად მისაღებად. 10 წელზე ზევით ბავშვებში და მოზარდებში: მეტფორმინ დენკ 500 შეიძლება გამოყენებულ იქნას როგორც ერთადერთი (მონოთერაპია) პრეპარატი, ან ინსულინთან ერთად მისაღებად. დიაბეტით გამოწვეული გართულებების შემცირება იქნა აღნიშნული 2 ტიპის მოზრდილ ჭარბწონიან ავადმყოფებში, წარუმატებელი დიეტის შემდეგ მეტფორმინ ჰიდროქლორიდის, როგორც პირველი რიგის პრეპარატის გამოყენებით. 2. რა უნდა იცოდეთ მეტფორმინ დენკ 500-ის მიღებამდე მეტფორმინ დენკ 500 არ გამოიყენება: - მეტფორმინის ჰიდროქლორიდის ან მეტფორმინ დენკ 500-ის რომელიმე კომპონენტისადმი მომატებული მგრძნობელობის დროს; - შაქრიანი დიაბეტის დროს სისხლის მჟავიანობის მომატების (დიაბეტური აციდოზი) და კომის პრელიმინალური სტადიის დროს (დიაბეტური პრე-კომა); - თირკმლის უკმარისობა ან თირკმლის ფუნქციების დარღვევის დროს; - თირკმელის ფუნქციების დაქვეითების ალბათობის მქონე მწვავე მდგომარეობები, მაგალითად: - გაუწყლოება ძლიერი ფაღარათის ან ღებინების შემდეგ, - მწვავე ინფექცია, - ცირკულარული კოლაფსი (შოკი), - იოდიზირებული კონტრასტული ნივთიერების ინტრავენურად შეყვანა რენტგენზე გამოსაკვლევად, გამოკვლევის პერიოდში და გამოკვლევის შემდეგ 48 საათის განმავლობაში - მწვავე ან ქრონიკული დაავადების დროს, რომელსაც შეუძლია გამოიწვიოს ორგანიზმის ქსოვილების ჟანგბადის დეფიციტი (ქსოვილოვანი ჰიპოქსია), - სუნთქვითი და გულის უკმარისობის დროს, - გულის შეტევის დროს (ახალი მიოკარდიუმის ინფარქტი), - ცირკულარული კოლაფსის დროს (შოკი). - ღვიძლის უკმარისობის, მწვავე ალკოგოლური ინტოქსიკაციის, ალკოჰოლიზმის დროს; - ძუძუთი კვების დროს. განსაკუთრებული სიფრთხილე მეტფორმინ დენკ 500-ის გამოყენებისას მეტფორმინის დაგროვების საფრთხე, სისხლის ძლიერ მომატებულ მჟავიანობამდე (რძემჟავური აციდოზი) ნაწილობრივ დამოკიდებულია თირკმლების ფუნქციაზე. თუ არ მოხდება დროული მკურნალობა, შეიძლება გამოიწვიოს სერიოზული და სისოცხლისათვის საშიში შედეგი, მაგალითად, როგორიც არის კომა. უკუჩვენება არის რძემჟავური აციდოზი, რომელიც ვლინდება ზედმეტი დოზის მიღების ან მედიკამენტის არ მიღებისას. უკუჩვენება უნდა განიხილებოდეს ზუსტად. რძემჟავური აციდოზის ნიშნები, ემთხვევა მეტფორმინის გასტროინტესტინალურ გვერდით ეფექტს: გულისრევის შეგრძნება, ღებინება, დიარია და მუცლის ტკივილი. რძემჟავური აციდოზის სრული გამოვლინება, კუნთების ტკივილი და კრუნჩხვა, სუნთქვის სიხშირეს მომატება, გონების დაკარგვა და კომა, რომელიც ვლინდება ნახევარი საათის განმავლობაში, მოითხოვს სასწრაფო მკურნალობას საავადმყოფოში. მეტფორმინის დაგროვების საფრთხე, სისხლის ძლიერ მომატებული მჟავიანობა (რძემჟავური აციდოზი) ნაწილობრივ დამოკიდებულია თირკმლების ფუნქციაზე. მოცემული ფაქტის გათვალისწინებით, თირკმლის ნორმალური ფუნქციონირება წარმოადგენს მეტფორმინ დენკ 500-ით მკურნალობის ერთ-ერთ პირობას. აუცილებელია თირკმლის ფუნქციის, კერძოდ შრატის კრეატინინის დონის ყოველწლიური და უფრო ხშირი კონტროლიც. შრატის კრეატინინის მომატების შემთხვევაში აუცილებელია კონტროლი ჩატარდეს წელიწადში 2-4-ჯერ მაინც. აუცილებელია იმის გათვალისწინებაც, რომ შრატის კრეატინინის მაჩვენებელი ყოველთვის არ არის საკმარისი კრიტერიუმი, კერძოდ ხანდაზმულ ადამიანებში. აუცილებლობის შემთხვევაში შეიძლება საჭირო გახდეს თირკმლის ფუნქციის გამოკვლევის სხვა მეთოდის, კრეატინინის კლირენსის მაჩვენებელის განსაზღვრა მკურნალობის დაწყებამდე. განსაკუთრებული სიფრთხილეა საჭირო იმ შემთხვევაში, როდესაც არსებობს თირკმლის დაზიანების ალბათობა (იხ. ზოგიერთი პრეპარატით მკურნალობის ინფორმაცია, რომლებიც გამოიყენება ჰიპერტონიის ან რევმატიული დაავადებების სამკურნალოდ). ასევე სიფრთილეა საჭირო ღვიძლის ფუნქციების დარღვევებისას. რენტგენული გამოკვლევისთვის იოდიზებული კონტრასტული ნივთიერების ინტრავენურად შეყვანამ შეიძლება გამოიწვიოს თირკმლის მწვავე უკმარისობა. მეტფორმინ დენკ 500-ით მკურნალობა უნდა შეწყდეს და განახლდეს არანაკლებ 2 დღის შემდეგ, ისიც მხოლოდ თირკმლის ფუნქციების შეფასების და მისი ნორმალურად ფუნქციონირების შესახებ დადებითი პასუხის მიღების შემდეგ. თუ თქვენ ექვემდებარებით ქირურგიულ ჩარევას ან ეპიდურალურ ანესთეზიას, მეტფორმინ დენკ 500-ით მკურნალობა უნდა შეწყდეს მანიპულაციამდე 2 დღით ადრე. მკურნალობის განახლება შეიძლება 2 დღის გასვლის, ან საკვების მიღების განახლების შემდეგ, აგრეთვე თირკმლის ფუნქციების შეფასების და დადებითი პასუხის მიღების შემდეგ. მიმართეთ თქვენ მკურნალ ექიმს, თუ აღმოაჩინეთ ბაქტერიული ან ვირუსული ინფექცია (გრიპი, სუნთქვის ან შარდისგამომყოფი სისტემის ინფექცია). მეტფორმინ-დენკ 500-ის მიღება შეუთავსეთ დანიშნულ დიეტურ თერაპიას, ასევე არეგულირეთ ნახშირწყლების რაოდენობა ყოველდღიურად. ჭარბწონიანმა პაციენტებმა უნდა დაიცვან დიეტა სპეციალისტის დაკვირვების ქვეშ. დიდი რაოდენობით ალკოჰოლური სასმელების მიღებამ შეიძლება გამოიწვიოს ჰიპოგლიკემია და რძემჟავური აციდოზი. ამიტომ საჭიროა მეტფორმინის ჰიდროქლორიდით მკურნალობის დროს თავი ავარიდოთ ალკოჰოლის გამოყენებას. ბავშვები და მოზარდები ექიმმა უნდა დაადასტუროს შაქრიანი დიაბეტის 2 ტიპი მეტფორმინ დენკ 500–ით მკურნალობის დაწყებამდე ბავშვებსა და მოზარდებში. კლინიკურმა გამოკვლევებმა არ დაადასტურეს რაიმე სახის ეფექტი ზრდასა და სქესობრივ სიმწიფესთან დაკავშირებით მეტფორმინთან მიმართებაში 1 წლიანი კვლევის შემდეგ. თუმცაღა არ არსებობს ინფორმაცია გრძელვადიანი მკურნალობის შემთხვევაში, რადგან მცირე რაოდონობით ბავშვი 10-დან 12 წლის ასაკამდე იყო ჩართულიი კვლევის პროცესში. განსაკუთრებული სიფრთხილის ზომებია საჭირო ამ ასაკის ბავშვთა მეტფორმინ დენკ 500-ით მკურნალობისას. ურთიერთქმედება სხვა სამკურნალო საშუალებებთან: აცნობეთ მკურნალ ექიმს თუ იღბთ ან უახლოეს პერიოდში იღებდით რაიმე სამკურნალო საშუალებას, მათ შორის ურეცეპტო პრეპარატებს. მეტფორმინ დენკ 500-ის ხანგრძლივი პერიოდის განმავლობაში გამოყენების დროს დამატებითი მედიკამენტის მიღების დაწყებამ ან შეწყვეტამ, შესაძლებელია უარყოფითად იმოქმედოს სისხლის გლუკოზის დონეზე. აცნობეთ ექიმს ან ფარმაცევტს, თუ თქვენ უახლოეს პერიოდში იყენებდით შემდეგ პრეპარატებს: კორტიკოსტეროიდები, მომატებულ არტერიულ წნევაზე მოქმედი ზოგიერთი პრეპარატი (ანგიოტენზინ გარდამქმნელი ფერმენტების ინჰიბიტორები), შარდმდენები, ბრონქიალური ასთმის სამკურნალო ზოგიერთი პრეპარატი (ბეტა-სიმპატომიმეტურები), ასევე იოდიზირებული კონტრასტული ნივთიერები და ალკოჰოლის შემცველი პრეპარატები. მეტფორმინ დენკ 500-ის მიღება საჭმელთან და სასმელთან ერთად თავი ავარიდოთ მეტფორმინ დენკ 500-ით მკურნალობისას ალკოჰოლის შემცველი სასმელის და საკვების გამოყენებას. ორსულობა და ლაქტაცია: ჰკითხეთ თქვენს ექიმს, სანამ რაიმე მედიკამენტს მიიღებდეთ. ორსულობა პაცენტებმა, რომლებსაც აქვთ დიაბეტი და არიან ორსულად ან აპირებენ დაფეხმძიმებას, არ უნდა იმკურნალონ მეტფორმინ დენკ 500-ით. ამ შემთხვევაში ნორმასთან ახლოს გლოკემიური დონის შესანარჩუნებლად შეიძლება გამოიყენონ ინსულინი. მიმართეთ ექიმს ინსულინით მკურნალობის კორექციის მიზნით. ლაქტაცია არ შეიძლება პრეპარატის გამოყენება ძუძუთი კვების დროს. გავლენა მანქანის და სხვა მექანიზმების მართვაზე: მეტფორმინ დენკ 500-ით მონოთერაპიისას არ არსებობს ჰიპოგლიკემიის განვითარების ალბათობა, ამიტომ გავლენას არ ახდენს მანქანის და სხვა მექანიზმების მართვაზე. სულფონილშარდოვანასთან, ინსულინთან და სხვა ჰიპოგლიკემიურ პრეპარატებთან კომბინაციური თერაპიისას, შეიძლება გაუარესდეს მანქანების და მოწყობილობების მართვის უნარი, რადგან არსებობს ჰიპოგლიკემიის განვითარების რისკი. მნიშვნელოვანი ინფორმაცია მეტფორმინ დენკ 500-ის შემადგენელი ერთერთი ნივთიერების შესახებ: მეტფორმინ დენკ 500 შეიცავს ლაქტოზას, ამიტომ თუ თქვენ გაწუხებთ ნებისმიერი სახის შაქარის აუტანლობა, გაიარეთ კონსულტაცია ექიმთან მეტფორმინ-დენკ 500-ის მიღებამდე. 3. მეტფორმინ დენკ 500-ის მიღების წესი მეტფორმინ დენკ 500 მიიღეთ ზუსტად ისე, როგორც ექიმმა გირჩიათ. აუცილებელია კონსულტაცია ექიმთან ან ფარმაცევტთან, თუ არ ხართ დარწმუნებული. მეტფორმინ დენკ 500-ით მკურნალობის ინდივიდუალური სქემა ინიშნება მკურნალი ექიმის მიერ, სისხლში შაქრის დონის მაჩვენებლის და შემდეგ მისი პერმანენტული კონტროლის პირობებში. შემოგარსული ტაბლეტი 850 და 1000 მგ მეტფორმინის ჰიდროქსიდის შემცვლელობით, იძლევა საშუალებას ინდივიდუალურად იქნეს შერჩეული დოზა. თუ არ არის ექიმის დანიშნულება, მაშინ გამოიყენება შემდეგი დოზები: უფროსებში: ჩვეულებრივ საწყისი დოზა არის მეტფორმინ დენკ 500-ის 2-3 შემოგარსული ტაბლეტი დღეში (ექვივალენტური 1000-1500 მგ მეტფორმინის ჰიდროქლორიდთან) ჭამის დროს ან შემდეგ. ეს დოზა შეიძლება გაიზარდოს არაუმეტეს 6 შემოგარსული ტაბლეტისა დღეში (ექვივალენტური 3000 მგ. მეტფორმინის ჰიდროქლორიდთან). თუმცა, უფრო მაღალი სიძლიერის წამალი არის რეკომენდირებული, როცა დიდი დოზაა მისაღები. ბავშვებში 10 წლიდან და მოზარდებში: (მონოთერაპია და ინსულინთან ერთად) ჩვეულებრივ საწყისი დოზა არის 1 შემოგარსული ტაბლეტი დღეში 500-850მგ მეტფორმინის ჰიდროქლორიდის შემცველობით ჭამის დროს ან შემდეგ. დოზა შეიძლება გაიზარდოს არაუმეტეს 4 შემოგარსული ტაბლეტისა დღეში 500 მგ მეტფორმინის ჰიდროქლორიდის შემცვლელობით ან 2 შემოგარსული ტაბლეტი 1000 გ. მეტფორმინის ჰიდროქლორიდის შემცველობით (ექვივალენტური 2000 მგ. მეტფორმინის ჰიდროქლორიდის შემცველობით) ხანდაზმულ პაციენტეში: ხანდაზმულ პაციენტებში თირკმელთა ფუნქციის დარღვევის გამო, მეტფორმინ დენკ 500-ის დოზა შერჩეულ უნდა იქნეს თირკმელების ფუნქციის შესაბამისად. თირკმელის ფუნქციის გადამოწმება უნდა მოხდეს რეგულარულად თქვენი ექიმის მიერ. მიღების წესი: დაუღეჭავად გადაყლაპეთ შემოგარსული ტაბლეტები საკმარისი სითხის დაყოლებით, ჭამის დროს ან შემდეგ. ორი ან მეტი ტაბლეტის დანიშვნისას, წამლის მიღება უნდა განაწილდეს დღის განმავლობაში, მაგ: 1 ტაბლეტი საუზმის შემდეგ, შემდეგი ვახშამის შემდეგ და ა.შ. დოზის გადაჭარბება: დაუყოვნებლივ აცნობეთ მკურნალ ექიმს. მეტფორმინ დენკ 500-ით მკურნალობის დოზის გადაჭარბებისას, საფრთხე მდგომარეობს არა ჰიპოგლიკემიის განვითარებაში, არამედ სისხლის მჟავიანობის მომატებაში (რძემჟავით). რძემჟავური აციდოზის განვითარების სიმპტომები მსგავსია კუჭ-ნაწლავის ტრაქტზე მეტფორმინის გავლენის: გულისრევა, ღებინება, ფაღარათი და ტკივილი მუცლის მიდამოში. რძემჟავური აციდოზის საბოლოო სურათი შემდეგნაირია: კუნთების ტკივილი, კრუნჩხვები, სუნთქვის სიხშირის გახშირება, გონების გაფანტულობა და კომა, რომელიც შეიძლება განვითარდეს 1 საათის განმავლობაში. მოცემულ შემთხვევაში საჭიროა დაუყოვნებლივ მკურნალობა სტაციონარში. თუ თქვენ გამოტოვეთ მეტფორმინ დენკ 500-ის მიღება არ შეიძლება გამოტოვებული პრეპარატის სანაცვლოდ გაზრდილი დოზის მიღება. თუ დაგავიწყდათ მეტფორმინ-დენკ 500-ის მიღება, დანიშნული დოზა მიიღეთ შემდეგ მიღებაზე და ეცადეთ მომავალში დაიცვათ მითითებული დოზირება. მეტფორმინ დენკ 500 მკურნალობის შეწვეტა თუ თქვენ შეწყვეტთ პრეპარატ მეტფორმინ დენკ 500-ის მიღებას ექიმის დანიშნულების გარეშე, ამან შეიძლება გამოიწვიოს გლუკოზის დონის გაზრდის რისკი და დიაბეტის ისეთი მეორადი მოვლენები, როგორიცაა: თვალების, თირკმელების და სისხლძარღვების დაზიანება. თუ გაქვთ სხვა სახის შეკითხვები მეტფორმინ დენკ 500-ის გამოყენებასთან დაკავშირებით მიმართეთ ექიმს. 4. შესაძლო გვერდითი ეფექტები ყველა სხვა მედიკამენტის მსგავსად, მეტფორმინ დენკ 500-მაც შეიძლება გამოიწვიო გვერდითი ეფექტები. გვერდითი ეფექტების კლასიფიკაცია ხდება სიხშირის მიხედვით:   ძალიან ხშირი: უფრო მეტი ვიდრე 10-ში 1; ხშირი: მეტი ვიდრე 100-ში 1, მაგრამ ნაკლები ვიდრე 10-ში 1 არახშირი: მეტი ვიდრე 1 1000-ში, მაგრამ ნაკლები ვიდრე 100-ში 1 იშვიათი: მეტი ვიდრე 10 000-ში ერთი, მაგრამ ნაკლები ვიდრე ერთი 1000-ში ძალიან იშვიათი: 1 ან ნაკლები 10 000, ინდივიდუალური შემთხვევების ჩათვლით უცნობი: არსებული მონაცემების საფუძველზე ვერ მოხერხდა შეფასება     კუჭ-ნაწლავის ტრაქტი: შედარებით იშვიათად: გულისრევა, ღებინება, ფაღარათი, ტკივილები მუცლის მიდამოში, მადის დაკარგვა. ეს მოვლენები ძირითადად ჩნდებიან მკურნალობის დასაწყისში და თავისით ქრებიან. ამ გართულებების თავიდან ასაცილებლად მეტფორმინ დენკ 500 უნდა მიიღოთ ჭამის დროს ან მის შემდეგ, 2-3 ერთჯერადი დოზის სახით. ამ სიმპტომების გამოვლენის შემდეგ შეწყვიტეთ მეტფორმინ-დენკ 500-ის მიღება და დაელაპარაკეთ თქვენს ექიმს. ნივთიერებათა ცვლა და კვებითი დარღვევები: ძალიან იშვიათად: მეტაბოლიზმის მწვავე დეკომპენსაცია, რომელიც გამოწვეულია რძემჟავის გამო სისხლის მჟავიანობის მომატებით. ეს შეიძლება გამოვლინდეს ღებინების, მუცლის მიდამოში ტკივილის, კუნთების ტკივილების, კრუნჩხვების და საერთო მოთენთილობის სახით. ძალიან იშვიათად: მცირდება ვიტამინ ბ12ის შეწოვა, შესაბამისად მცირდება პლაზმის დონე. დაავადების ამ მიზეზის განხილვა რეკომენდირებულია ანემიით დაავადებული პაციენტებისათვის. ნერვულ სისტემის დარღვევები: ხშირად: არატიპიური გემო კანი და კანის დარღვევები: ძალიან იშვიათად: კანის გაწითლება, ქავილი, ჭინჭრის ციება. თირკმლებისა და საშარდე სისტემის დარღვევა: ძალიან იშვიათად: ღვიძლის ფუნქციის დარღვევა და ღვიძლის ანთება (ჰეპატიტი) სიყვითლით ან მის გარეშე. თუ გაქვთ ამ სიმპტომთაგან რომელიმე უნდა შეწყვიტოთ მეტფორმინ დენკ 500-ის მიღება. მხოლოდ რამდენიმე ინფორმაციაა გვერდითი ეფექტების შესახებ ბავშვებში და მოზარდებში. მსგავსი სიმძიმის, ბუნების და სიხშირის ეფექტებია მოზარდებშიც რაც უფროსებში. კონტრ-ზომები: რძემჟავური აციდოსის განვითარებისას საჭიროა ექიმთან კონსულტაცია და მეტფორმინ-დენკ 500-ით მკურნალობის შეწყვეტა. თუ რომელიმე გვერდითი ეფექტი გართულდა ან თუ გამოვლინდება ისეთი სიმპტომები, რომლებიც არ არის მითითებული ინსტრუქციაში, მიმართეთ მკურნალ ექიმს, ან ფარმაცევტს. 5. მეტფორმინ დენკ 500-ის შენახვის წესი შეინახეთ მშრალ ადგილას, 25°ჩ-ზე დაბალ ტემპერატურაზე. მოარიდეთ სინათლეს. არ გამოიყენოთ ვადის გასვლის შემდეგ, რომელიც მითითებულია შეფუთვაზე ინახება ბავშვებისთვის მიუწვდომელ ადგილას. 6. დამატებითი ინფორმაცია ფარმაკოდინამიკა: ფარმაკოთერაფიული ჯგუფი: შინაგანად მისაღები ანტიდიაბეტური საშუალება აქთ კოდი: A10BA02 მეტფორმინი არის ანტიჰიპერგლიკემიური ეფექტის მქონე ბიგუანიდი. იგი ამცირებს პლაზმაში როგორც ბაზალურ ასევე საკვების შემდგომ გლუკოზის დონეს. ის არ ასტიმულირებს ინსულინის სეკრეციას და შესაბამისად არ იწვევს ჰიპოგლიკემიას. მეტფორმინს ახასიათებს მოქმედების შემდეგი 3 მექანიზმი: • გლუკონეოგენეზსა და გლიკოგენოლიზისზე ზემოქმედებით ამცირებს ღვიძლის მიერ გლუკოზის წარმოქმნას; • ინსულინისადმი მგრძნობელობის მომატებით, კუნთებში აუმჯობესებს პერიფერიული გლუკოზის შთანთქმას და უტილიზაციას; • აფერხებს ნაწლავებიდან გლუკოზის შეწოვას. გლიკოგენ სინტაზას გააქტიურების მეშვეობით, მეტფორმინი ასტიმულირებს გლიკოგენის უჯრედშიგა სინთეზს. მეტფორმინი ზრდის გლუკოზის ყველა ტიპის მემბრანული ტრანსპორტიორის (GLUთ) მოქმედებას. გლიკემიაზე ზემოქმედებისგან დამოუკიდებლად, მეტფორმინი ასევე დადებითად მოქმედებს ადამიანების ლიპიდების მეტაბოლიზმზე. ეს ეფექტი გამოვლინდა საკონტროლო, საშუალო ხანგრძლივობის და ხანგრძლივ კლინიკურ კვლევებში წამლის თერაპიული დოზის გამოყენებისას. მეტფორმინი ამცირებს საერთო ქოლესტერინის, LDL-ს და ტრიგლიცერიდების დონეს. ფარმაკოკინეტიკა მეტფორმინის ჰიდროქლორიდის მაქსიმალური კონცენტრაცია მიიღწევა ორალური მიღებიდან 2.5 სთ-ს შემდეგ. ჯანმრთელ ადამიანებში 500 მგ და 850 მგ მეტფორმინის ჰიდროქლორიდის შემოგარსული ტაბლეტების აბსოლუტური ბიოათვისებულობა შეადგენს 50-60%-ს. ორალური მიღების შემდეგ ფეკალურ მასებთან ერთად გამოყოფილი მეტფორმინის არააბსორბირებული ფრაქცია შეადგენს 20-30%. ორალურად მიღების შემდეგ ჰიდროქლორიდი მთლიანად ვერ შეიწოვება. ითვლება, რომ მეტფორმინის შეწოვის ფარმაკოკინეტიკა არალინეარულია. მეტფორმინის რეკომენდირებული დოზირების და დოზირების ცხრილის შესაბამისად, პლაზმის სტაბილური კონცენტრაცია მიიღწევა 24-48 სთ-ს შემდეგ. უკანასკნელი, როგორც წესი 1 მგ/მლ-ზე ნაკლებია. საჭმელი ამცირებს და აფერხებს მეტფორმინის შეწოვას. პლაზმის ცილებთან მიერთება უმნიშვნელოა. მეტფორმინი ნაწილდება ერითროციტებში. სისხლის პიკი უფრო დაბალია პლაზმის პიკთან შედარებით და მიიღწევა თითქმის ერთდროულად. სისხლის წითელი სხეულები უფრო ხშირად წარმოადგენენ განაწილების მეორად ნაწილს. განაწილების საშუალო დონე (Vდ) მერყეობს 63-276 L-ს შორის. მეტფორმინი უცვლელი სახით გამოიყოფა შარდთან ერთად. დღემდე ადამიანში არც ერთი მეტაბოლიტი არ არის აღმოჩენილი. მეტფორმინის თირკმლის კლირენსი > 400 მლ/წთ, მიუთითებს რომ მეტფორმინის ელიმინაცია ხდება გლომერულური ფილტრაციის და ტუბულარული სეკრეციის საშუალებით. ორალურად მიღების შემდეგ ნახევარგამოყოფის საბოლოო პერიოდი შეადგენს 6.5 სთ-ს. თირკმლის დაზიანებული ფუნქციისას, თირკმლის კლირენსი შემცირებულია კრეატინინის პროპორციულად დანახევარგამოყოფის პერიოდი გაზრდილია, რაც იწვევს პლაზმაში მეტფორმინის დონის გაზრდას. მეტფორმინ დენკ 500 შეიცავს: აქტიური ნივთიერება არის მეტფორმინის ჰიდროქლორიდი. ერთი შემოგარსული ტაბლეტი შეიცავს 500 მგ მეტფორმინის ჰიდროქლორიდს, ექვივალენტურს 390 მგ. მეტფორმინთან. დამხმარე ნივთიერებებია: პოვიდონი (K30), მიკროკრისტალური ცელულოზა, მაგნიუმის სტეარატი, ჰიპრომელოზა, ლაქტოზის მონოჰიდრატი, ტიტანის დიოქსიდი (E171), მაკროგოლი 4000, ტალკი. აღწერილობა, გამოშვების ფორმა და შეფუთვა: შემოგარსული ტაბლეტი, ორმაგად ამობურცული, თეთრი ფერის, მრგვალი, ფაცეტის გარეშე. შეფუთვა: 30 ან 100 შემოგარსული ტაბლეტი. გაცემის წესი: ფარმაცევტული პროდუქტის II ჯგუფი (გაიცემა რეცეპტით) ლიცენზიის მფლობელი და მწარმოებელი: DENK PHARMA GMGH & CO. KG
ხუთშაბათი, 10 იანვარი 2013 12:49 - 588 ნანახია - 0 პასუხი - ბეჭდვა -  ელფოსტა

გვერდი 23 of 48