• Georgian (Georgia)
  • English (United Kingdom)
ჯიბლიბო Print E-mail

ჯიბლიბო ვითარდება ქუთუთოს კიდეზე არსებული თმის ფოლიკულის, ან ცხიმოვანი ჯირკვლის ანთების შედეგად.

იგი ვითარდება ბაქტერიული ფროლით ინფიცირების შედეგად. ჯიბლიბო არ არის გადამდები და სტატისტიკით ქალები უფრო ხშირად ავადდებიან, ვიდრე მამაკაცები. რაც აიხსნება კოსმეტიკური საშუალებების გამოყენებით. ჯიბლიბოს გამოწვევა შეუძლია წამწამის პარაზიტს_ დემოდექსს. დაავადების განვითარებას ხელს უწყობს ორგანიზმის იმუნური სტატუსის დაქვეითება და ქრონიკული დაავადებები.

ჯიბლიბოს საწყის სტადიაზე ახასიათებს ქუთუთოს კიდის ქავილი, შემდეგ - მცირე ზომის შესიება, ხოლო 2 - 4 დღის შემდეგ მის მწვერვალზე ჩნდება მოყვითალო თავი, რომლის შიგთავსი ჩირქოვანი მასით არის სავსე. ჩირქის თვითნებურ გამოდევნას ხშირად რეგიონალურ სისხლძარღვოვან სისტემაში ინფექციის გავრცელებმდე მივყავართ, რომელიც შესაძლოა მენინგიტით (ტვინის გარსის ანთება), ან სისხლის ინფიცირებით (სეფსისი) დასრულდეს.

დიფერენციალური დიაგნოზი ტარდება ქუთუთოს სხვა დაავადებებთან. მაგალითად, სიმსივნურ წარმონაქმნთან, ქალაზიონთან.

ჯიბლიბოს დიაგნოზის დასმის შემდეგ უნდა შეწყდეს ყველანაირი კოსმეტიკური საშუალებების გამოყენება. საწყის სტადიაზე შესაძლებელია მისი სპირტით, ან ბრილიანტის მწვანით დამუშავება. სამკურნალოდ გამოიყენება ადგილობრივი ანტიბიოტიკები თვალის წვეთების ან მალამოს სახით. თუ ორგანიზმის ტემპერატურის მატება აღინიშნება, რეკომენდებულია სისტემური მოქმედების ანტიბიოტიკები.

ჯიბლიბოს პროფილაქტიკა მოითხოვს ჰიგიენური პირობების დაცვას.