ადანტი (Adant) HYALURONATE SODIUM TEDEC-MEIJI FARMA, ესპანეთი ათქ კლასიფიკაციის კოდი: M09AX01 შემადგენლობა და გამოშვების ფორმა: ხსნარი სახსარშიდა ინექციისთვის: შევსებული შპრიცი 2,5 მლ, შეფუთვაში 1 ც. 1 მლ. ნატრიუმის ჰიალურონატი . . . . . . . 10 მგ. ფარმაკოლოგიური თვისებები: ნატრიუმის ჰიალურონატი არის ბუნებრივი პოლიმერი გლიკოზამინოგლიკანების კლასიდან, რომელიც სინოვიალური სითხის ფიზიოლოგიური ფუნქციის ძირითადი და წამყვანი კომპონენტია. ადანტი ხასიათდება ვისკოელასტიურობით, ჰიგროსკოპულობით, ლუბრიკანტული თვისებებით. ადანტის სახსარშიდა ინექცია აუმჯობესებს სახსრის ფუნქციას და მობილურობას; ახდენს დაავადებულ სახსარში სინოვიალური სითხის ნორმალიზებას. ჩვენებები: მუხლის სახსრის დეფორმაციული ოსტეოართრიტი, მხრის პერიართრიტი. I, II, III ხარისხის რიზართროზი. დეგენერაციული და ტრავმული წარმოშობის ოსტეოართრიტი. დოზირების რეჟიმი: ადანტის ინექცია კეთდება უშუალოდ სახსარშიდა სივრცეში (სინოვიალურ სითხეში) კვირაში ერთხელ, 5 კვირის განმავლობაში. ინექციის რაოდენობა განისაზღვრება სიმპტომებიდან და დაავადების სიმწვავიდან გამომდინარე. უკუჩვენებები: მომატებული მგრძნობელობა ნატრიუმის ჰიალურონატის მიმართ. გვერდითი მოვლენები: იშვიათად: კანზე გამონაყარი, ურტიკარია, ქავილი. ასეთ შემთხვევაში რეკომენდებულია ადანტით მკურნალობის შეწყვეტა და ადექვატური მკურნალობის დანიშვნა. ინექციის ადგილას: იშვიათად შეიძლება განვითარდეს ტკივილი (ტრანზიტორული), შეშუპება, სიწითლე, სითბოსა და სიმძიმის შეგრძნება. ძალიან იშვიათად შოკის სიმპტომების განვითარება, ასეთ შემთხვევაში მკურნალობა დაუყოვნებლივ წყდება და ტარდება ადექვატური მკურნალობა. სიფრთხილის ზომები: ადანტით მკურნალობის დაწყების წინ აუცილებელია სახსარში ანთებითი პროცესის ალაგება, რადგან ადანტმა შეიძლება გაამწვავოს ანთების სიმპტომები. ადანტი სიფრთხილით ინიშნება პაციენტებში სხვა მედიკამენტების მიმართ ჰიპერმგრძნობელობის დროს და პაციენტებში ღვიძლის ფუნქციის დარღვევით ან უკმარისობით. სიფრთხილით ინიშნება ბავშვებში, ხანდაზმულებში, ორსულებში, ვინაიდან არ არსებობს მონაცემები პრეპარატის გამოყენების უსაფრთხოების შესახებ. ადანტი გადადის დედის რძეში და პრეპარატის მიღებისას საჭიროა ძუძუთი კვების შეწყვეტა. სიფრთხილის ზომები პრეპარატის გამოყენებისას ინექციის დროს: ● ადანტის ინექცია კეთდება უშუალოდ სახსარშიდა სივრცეში და ამიტომ საჭიროა მკაცრად იყოს დაცული პროცედურის სტერილურობა. ● ადანტით მკურნალობა წყდება პირველი 5- კვირიანი არაეფექტური მკურნალობის შემთხვევაში. ● სახსარში სითხის რეტენციის შემთხვევაში რეკომენდებულია ართროცენტეზი. სხვა: ● დაუშვებელია ადანტის სისხლძარღვში ინექცია. ● ადანტი არ გამოიყენება ოფთალმოლოგიაში. ● ადანტი არის ბლანტი ხსნარი, ამიტომ ინექციისთვის სასურველია 21-23G ნემსის გამოყენება. ● თუ პრეპარატი ინახება მაცივარში, გამოყენების წინ საჭიროა ოთახის ტემპერატურაზე გაჩერება. ● შპრიცი არის ერთჯერადი გამოყენების და კეთდება გახსნისთანავე. სხვა მედიკამენტებთან ურთიერთქმედება: ადანტის პრეციპიტაცია შეიძლება გამოიწვიოს სადეზინფექციო საშუალებებმა, ამონიუმის მარილებმა- ბენზალკონიუმის ქლორიდმა, ქლორჰექსიდინმა. შენახვის პირობები და ვადა: ინახება ბნელ ადგილას, 1- 30°C ტემპერატურაზე. შენახვის ვადა: 3 წელი.

Thursday, 07 August 2008 13:30 - 1897 hits - 0 comment - Print -  E-mail

ეკოსისი (Ecosis) ALENDRONIC ACID TECNIMEDE, პორტუგალია ათქ კლასიფიკაციის კოდი: M05BA04 შემადგენლობა და გამოშვების ფორმა შემოგარსული ტაბლეტები: ბლისტერზე 4 ტაბ., შეფუთვაში 1 ბლისტერი. 1 ტაბ. ალენდრონის მჟავა. . . . . . . . 70 მგ (რაც შეესაბამება 91.37 მგ ალენდრონატის ნატრიუმის ტრიჰიდრატს). ფარმაკოლოგიური ჯგუფი ოსტეოპოროზის სამკურნალო და პროფილაქტიკური საშუალება. ფარმაკოლოგიური მოქმედება ალენდრონატის ნატრიუმი წარმოადგენს ბიფოსფონატების ჯგუფის ძვლის ქსოვილის რეზორბციის ინჰიბიტორს. ძვლის ქსოვილში იგი უკავშირდება ჰიდროქსიაპატიტს. ოსტეოკლასტების აქტივობის არაჰორმონალური სპეციფიური ინჰიბიტორია და თრგუნავს ძვლის ქსოვილის რეზორბციას. გავლენას არ ახდენს ძვლოვანი ქსოვილის ფორმირების პროცესზე. ასტიმულირებს ოსტეოგენეზს, აღადგენს ბალანსს ძვლის რეზორბციასა და აღდგენას შორის. ზრდის ძვლების მინერალურ სიმკვრივეს (არეგულირებს ფოსფორ-კალციუმის ცვლას). ალენდრონატით მკურნალობისას ხდება ნორმალური შემადგენლობისა და სტრუქტურის ძვლის ქსოვილის ფორმირება. ფარმაკოკინეტიკა დილით უზმოზე, საუზმემდე 2 საათით ადრე ერთჯერადი 35 მგ ან 70 მგ დოზის მიღების შემდეგ შეიწოვება 0,64%. პრეპარატისა და საკვების მიღებას შორის მცირე ინტერვალის დროს შეიწოვება-0,46-0,39%. შეწოვის ამგვარი შემცირება არ ახდენს არსებით გავლენას პრეპარატის ეფექტურობაზე. პრეპარატთან ყავის ან ფორთოხლის წვენის ერთდროული მიღება ბიოშეღწევადობას ამცირებს 60%-ით. განაწილება: პერორალური მიღების შემდეგ პრეპარატი დროებით ნაწილდება რბილ ქსოვილებში, ხოლო შემდეგ სწრაფად ეთვისება ძვლოვან ქსოვილს. პლაზმის ცილებთან შეკავშირების ხარისხი შეადგენს 78%-ს. მეტაბოლიზმი: არ არსებობს მონაცემები ადამიანის ორგანიზმში ალენდრონატის მეტაბოლიზმის შესახებ. გამოყოფა: აბსორბირებული, ძვლოვან ქსოვილში შეუთვისებელი ალენდრონატი სწრაფად გამოიყოფა თირკმელებით. ცხოველებში ძვლოვანი ქსოვილის მაქსიმალური შესაძლებლობის დადგენა 35 მგ/კგ საერთო სადღეღამისო დოზის ინტრავენური შეყვანისას არ მოხერხდა. მიუხედავად ამისა, თირკმლების დაავადებისას შესაძლებელია ალენდრონატის ექსკრეციის შემცირება, რის შემდეგაც იზრდება ძვლოვან ქსოვილში მისი განთავსება. ჩვენება ოსტეოპოროზის მკურნალობა და პროფილაქტიკა ქალებში პოსტმენოპაუზის დროს (ხერხემლის მალების და მენჯ-ბარძაყის თავის მოტეხილობების განვითარების რისკის შემცირება). ოსტეოპოროზის მკურნალობა მამაკაცებში (ხერხემლის მალების და მენჯის ძვლების მოტეხილობების განვითარების რისკის შემცირება). პეჯეტის დაავადება (დეფორმირებადი ოსტოზი). გლუკოკორტიკოსტეროიდების მიღებით გამოწვეული ოსტეოპოროზის მკურნალობა ქალებში და მამაკაცებში. უკუჩვენებები პრეპარატის რომელიმე ინგრედიენტის მიმართ მომატებული მგრძნობელობა. საყლაპავი მილის ანომალიები და სხვა ფაქტორები, რომლებიც აძნელებენ საყლაპავის გამტარობას (აქალაზია, სტრიქტურა და სხვა). ისეთი შემთხვევები, როდესაც ავადმყოფს არ შეუძლია ვერტიკალურ მდგომარეობაში ყოფნა, თუნდაც ჯდომა, 30 წუთის განმავლობაში. ჰიპოკალცემია; ბავშვთა ასაკი. D ვიტამინის დეფიციტი; მინერალური ცვლის მძიმე დარღვევები; თირკმლის ქრონიკული უკმარისობა (კრეატინინის კლირენსი < 35მლ/წთ. ორსულობა და ლაქტაცია ორსულობა: იმის გამო, რომ არ არსებობს საკმარისი კლინკური გამოცდილება, ალენდრონატის გამოყენება ორსულობის პერიოდში უკუნაჩვენებია. ლაქტაციის პერიოდი: მონაცემები პრეპარატის დედის რძეში გადასვლის შესახებ არ არსებობს. ალენდრონატის მიღება ლაქტაციის პერიოდში უკუნაჩვენებია. დოზირება და მიღების წესი რეკომენდებული დოზა 70 მგ ერთხელ კვირაში. ოპტიმალური შეწოვის მიზნით პრეპარატი მიიღება დილით უზმოზე, საკვების მიღებამდე მინიმუმ ნახევარი საათით (სასურველია 1-2 სთ-ით) ადრე წყლის მიყოლებით. სხვა სასმელებმა, მათ შორის მინერალურმა წყლებმა, საკვებმა და რიგმა სამკურნალო საშუალებებმა შეიძლება გამოიწვიოს ალენდრონატის შეწოვის გაუარესება. პირის ღრუს ლორწოვანი გარსისა და საყლაპავი მილის გაღიზიანების თავიდან ასაცილებლად, დილით ლოგინიდან ადგომისთანავე პაციენტმა უნდა დალიოს არანაკლებ 200 მლ ჩვეულებრივი წყალი, შემდეგ მიიღოს ტაბლეტი დაუღეჭავად და ისე, რომ ტაბლეტი პირში არ გაიხსნას. ტაბლეტის მიღების შემდეგ არ შეიძლება ჰორიზონტალური მდგომარეობის მიღება სულ მცირე ნახევარი საათის განმავლობაში. აღნიშნული დროის გასვლის შემდეგ შეიძლება საუზმის მიღება. არ შეიძლება ტაბლეტის მიღება დილით ადგომამდე ან საღამოს დაძინებამდე. ალენდრონატით მკურნალობას უნდა დაემატოს კალციუმი და D ვიტამინი. ხანდაზმული პაციენტები: დოზის კორექცია საჭირო არ არის. თირკმლის უკმარისობა: თუ თირკმლის ფილტრაცია >35 მლ/წთ-ია, დოზის კორექცია საჭირო არ არის. თირკმლის უკმარისობის უფრო რთული სტადიების დროს პრეპარატის დანიშვნა არ არის რეკომენდებული კლინიკური გამოცდილების არარსებობის გამო. ბავშვები: კლინიკური მონაცემების არარსებობის გამო, ბავშვებში ეს პრეპარატი არ ინიშნება. გვერდითი მოვლენები შესაძლებელიას შემდეგი გვერდითი მოვლენების განვითარება: ხშირად (1/100, <1/10): საჭმლის მონელების სისტემის მხრივ: ტკივილი მუცლის არეში, დისპეფსია, ყაბზობა, დიარეა, მეტეორიზმი, საყლაპავი მილის წყლული, დისფაგია, მუცლის შებერილობა, ბოყინი. საყრდენ-მამოძრავებელი აპარატის მხრივ: ოსტალგია, ართრალგია, მიალგია. ნერვული სისტემის მხრივ: თავის ტკივილი. ნაკლებად ხშირად (1/1000, <1/100): ზოგადი: ქავილი, გამონაყარი, კანის ჰიპერემია. საჭმლის მონელების სისტემის მხრივ: გულისრევა, ღებინება, გასტრიტის, ეზოფაგიტი, საყლაპავი მილის ეროზია, მელენა. იშვიათად (1/10000, <1/1000): ზოგადი: ალერგიული რექციები (ჭინჭრის გამონაყარი, ანგიოედემა). სიმპტომები, რომლებიც მიუთითებენ მწვავე რეაქციების ფაზაზე ( მიალგია, სისუსტე, შეუძლოდ ყოფნა, იშვიათად- სხეულის მაღალი ტემპერატურა), ხშირად ვითარდება თერაპიის დასაწყისში. გამონაყარი, ფოტომგრძნობელობა, სიმპტომური ჰიპოკალცემია. საჭმლის მონელების სისტემის მხრივ: საყლაპავის მილის დავიწროება, ოროფარინგული წყლული, კუჭ-ნაწლავის ტრაქტის ზედა ნაწილის პერფორაცია, წყლული, სისხლდენა, თუმცა მათი კავშირი მკურნალობასთან ყოველთვის ერთმნიშვნელოვანი არ არის. გრძნობის ორგანოების მხრივ: უვეიტი, სკლერიტი. სხვა: კანის მწვავე რეაქციები (სტივენ-ჯონსონის სინდრომი, ტოქსიური ეპიდერმული ნეკროლიზი). ლაბორატორიული მაჩვენებლები: საშუალო სიმძიმის დროებითი უსიმპტომო ჰიპოკალცემია და ფოსფატემია. ჭარბი დოზირება: ჭარბი დოზირების ნიშნებია: ჰიპოკალცემია, ჰიპოფოსფატემია, გვერდითი მოვლენები კუჭ-ნაწლავის ტრაქტის ზედა ნაწილების მხრივ (კუჭის წვა, ეზოფაგიტი, გასტრიტის, წყლული). სპეციფიური მკურნალობა არ არსებობს. რეკომენდებულია რძის, ანტაციდების მიღება. საყლაპავი მილის გაღიზიანების თავიადან აცილების მიზნით არ შეძლება ღებინების გამოწვევა. ავადმყოფი უნდა იმყოფებოდეს ვერტიკალურ მდგომარეობაში (მდგომარე ან მჯდომარე მდგომარეობაში). სხვა მედიკამენტებთან ურთიერთქმედება კალციუმი, ანტაციდები, ზოგიერთი პერორალური პრეპარატები, საკვები, სასმელები, მათ შორის მინერალური წყლები, გავლენას ახდენენ ალენდრონატის შეწოვაზე. პრეპარატების მიღება პერორალურად შეძლება ალენდრონატის მიღებიდან მხოლოდ არანაკლებ 1 საათის შემდეგ. სხვა ურთიერთქმედებები, შეწოვის ცვლილების გარდა, ნაკლებ სავარაუდოა. სპეციალური გამოკვლევები სხვა სამკურნალო საშუალებებთან ურთიერთქმედების შესახებ არ ჩატარებულა, თუმცა, ალენდრონატით გამოკვლევებში მონაწილეობდნენ ისეთი პაციენტები, რომლებიც იღებდნენ სხვა პერორალურ პრეპარატებს. გევრდითი ეფექტები, რომლებიც დაკავშირებულია სხვა პრეპარატების ერთდროულ მიღებასთან, არ გამოვლენილა. განსაკუთრებული მითითებები ალენდრონატმა შეიძლება გამოიწვიოს საჭმლის მონელების ტრაქტის ქსოვილების ადგილობრივი გაღიზიანება. საჭმლის მონელების ტრაქტის ზედა ნაწილების დაავადებების მიმდინარეობა შეიძლება გაუარესდეს ალენდრონატით მკურნალობის დროს. განსაკუთრებული სიფთხილეა საჭირო პრეპარატის დანიშვნისას დისფაგიის, საყლაპავი მილის დაავადების, გასტრიტის, დუოდენიტის, წყლულის დროს, ასევე კუჭ-ნაწლავის ტრაქტის სერიოზული დაავადებების დროს, რომლებიც პაციენტმა გადაიტანა ბოლო 12 თვის განმავლობაში (მაგ, პეპტიკური წყლული, სისხლდენა კუჭ-ნაწლავის ტრაქტიდან, ქირურგიული ჩარევები, კუჭზე ოპერაციის გარდა). ცნობილია საყლაპავი მილის მხრივ გვერდითი რეაქციების გამოვლენის შემთხვევები ( ეზოფაგიტი, საყლაპავი მილის წყლული ან ეროზია), რომლებიც მიმდინარეობს რთულ ფორმებში, საჭიროებს სტაციონარულ მკურნალობას და რომლებიც რთულდება სტრიქტურის ფორმირებით. ავადმყოფებმა ყურადღება უნდა მიაქციონ იმ ფაქტს, რომ საყლაპავი მილის გაღიზიანების ნიშნების გამოვლენისას (დისფაგია, ყლაპვისას რეტროსტერნალური ტკივილი, კუჭის წვის შეტევების გამოვლენა ან გაუარესება), პრეპარატის მიღება უნდა შეწყდეს და აუცილებელია ექიმთან კონსულტაცია. საყლაპავი მილის დაზიანების რისკი უფრო მაღალია იმ პაციენტებში, რომლებიც არ იცავენ პრეპარატის მიღების წესებს ან რომლებიც საყლაპავი მილის გაღიზიანების ნიშნების გამოვლენის მიუხედავად აგრძელებენ პრეპარატის მიღებას. პაციენტს უნდა მიეცეს გაფრთხილება იმის შესახებ, რომ მორიგი დოზის გამოტოვებისას, გამოტოვებული ტაბლეტი უნდა მიიღოს მომდევნო დღეს დილით. დაუშვებელია ერთ დღეს 2 ტაბლეტის მიღება. ალენდრონატის მიღება არ არის რეკომენდებული თირკმლის უკმარისობის დროს გორგლისებური ფილტრაციით< 35მლ/წთ. ოსტეოპოროზის დროს პრეპარატის დანიშვნა, რომელიც არ არის დაკავშირებული პოსტმენოპაუზასთან და არ ატარებს ასაკობრივ ხასიათს, შესაძლებელია მხოლოდ ინდივიდუალურად. მკურნალობა შეიძლება დაიწყოს მხოლოდ ჰიპოკალციემიისაგან, მინერალური და ვიტამინების ცვლის დარღვევებისაგან (მაგ. D ვიტამინის ნაკლებობა) განკურნების შემდეგ. ალენდრონატის მიღება იწვევს ძვლოვან ქსოვილებში მინერალური მარილების შემცველობის მომატებას. ამ პროცესს შეიძლება თან ახლდეს კალციუმის და ფოსფორის დონეების უსიმპტომო ცვლილება. კალციუმის და D ვიტამინის შესაბამისი მიღება განსაკუთრებით მნიშვნელოვანია პაციენტის მკურნალობისას გლუკოკორტიკოსტეროიდული ჰორმონალური პრეპარატების გამოყენებით. მკურნალობასთან ერთად საჭიროა კალციუმის მარილებით მდიდარი დიეტის დაცვა. ზემოქმედება ავტომობილების და მექანიზმების მართვის შესაძლებლობაზე ეს პრეპარატი გავლენას არ ახდენს ისეთ შესაძლებლობებზე, რომლებიც აუცილებელია ავტომობილებისა და მექანიზმების მართვისათვის და ისეთი სამუშაოს შესრულებისათვის, რომლებიც დაკავშირებულია ტრავმის მიღების რისკთან. თუმცა, თუ გამოვლინდა გვერდითი ეფექტები მხედველობის ორგანოს მხრივ (კონიუნქტივიტი, ქიალიტი), ავტომობილების და მექანიზმების მართვა უკუნაჩვენებია იმ დრომდე, ვიდრე სრულად არ აღმოიფხვრება გვერდითი რეაქცია. შენახვის პირობები შენახვისას არ არის საჭირო განსაკუთრებული სიფრთხილის ზომების დაცვა.  

Monday, 11 August 2008 05:10 - 1893 hits - 0 comment - Print -  E-mail

ჰირუანი (Hyruan) HYALURONATE SODIUM LG LIFE SCIENCES, კორეა ათქ კლასიფიკაციის კოდი: M09AX01 შემადგენლობა და გამოშვების ფორმა ხსნარი სახსარშიდა ინექციისთვის: შევსებული შპრიცი 2,5 მლ, შეფუთვაში 5 ც. 1 მლ. ნატრიუმის ჰიალურონატი . . . . . . . 10 მგ ჩვენებები მუხლის სახსრის დეფორმაციული ოსტეოართრიტი, მხრის პერიართრიტი. ფარმაკოლოგიური თვისებები ნატრიუმის ჰიალურონატი წარმოადგენს ბუნებრივ პოლიმერს გლიკოზამინოგლიკანების კლასიდან, რომელიც სინოვიალური სითხის ფიზიოლოგიური ფუნქციის ძირითადი და წამყვანი კომპონენტია. ნატრიუმის ჰიალურონატი ხასიათდება ვისკოელასტიურობით, ჰიგროსკოპულობით და ლუბრიკანტული თვისებით. ჰირუანის სახსარშიდა ინექცია აუმჯობესებს სახსრის ფუნქციას და მობილურობას; ახდენს დაავადებულ სახსარში სინოვიალური სითხის ნორმალიზებას. დოზირების რეჟიმი ჰირუანის ინექცია კეთდება უშუალოდ მუხლის ან მხრის სახსარში კვირაში ერთხელ 5 კვირის განმავლობაში. ინექციის რაოდენობა განისაზღვრება სიმპტომებიდან და დაავადების სიმწვავიდან გამომდინარე. ჰირუანის ინექცია კეთდება უშუალოდ სახსარშიდა სივრცეში (სინოვიალურ სითხეში) და ამიტომ საჭიროა მკაცრად იყოს დაცული პროცედურის სტერილურობა. უკუჩვენებები მომატებული მგრძნობელობა ნატრიუმის ჰიალურონატის მიმართ. გვერდითი მოვლენები ჰიპერმგრძნობელობა: შეშუპება(სახეზე, ქუთუთოებზე), სიწითლე სახეზე, იშვიათად გამონაყარი, ურტიკარია, ქავილი. ასეთ შემთხვევაში რეკომენდებულია ჰირუანით მკურნალობის შეწყვეტა და ადექვატური მკურნალობის ჩატარება. ინექციის ადგილას: შეიძლება განვითარდეს ტკივილი (ტრანზიტორული), შეშუპება, სიწითლე, სითბოსა და სიმძიმის შეგრძნება. შეიძლება განვითარდეს: გულისრევა, ღებინება და ცხელება. სერიოზული გვერდითი მოვლენები: შოკის სიმპტომების განვითარების შემთხვევაში, მკურნალობა დაუყოვნებლივ წყდება და ტარდება ადექვატური მკურნალობა. სიფრთხილის ზომები ჰირუანით მკურნალობის დაწყების წინ აუცილებელია სახსარში ანთებითი პროცესის ალაგება, რადგან ჰირუანმა შეიძლება გაამწვავოს ანთების სიმპტომები. სახსარში სითხის რეტენციის შემთხვევაში რეკომენდებულია ართროცენტეზი. ჰირუანით მკურნალობა წყდება პირველი 5 კვირიანი არაეფექტური მკურნალობის შემთხვევაში. დაუშვებელია ჰირუანის სისხლძარღვში ინექცია. ჰირუანი არის ძალიან ბლანტი, ამიტომ ინექციისთვის სასურველია 22-23G ნემსის გამოყენება. ჰირუანი ინახება 2-80C ტემპერატურაზე, ინექციამდე 30 წუთით ადრე პრეპარატი უნდა გავაჩეროთ ოთახის ტემპერატურაზე. ჰირუანის სახსარშიდა ინექცია კეთდება პრეპარატის გახსნისთანავე. განსაკუთრებული მითითებები ჰირუანი სიფრთხილით ინიშნება სხვა მედიკამენტის მიმართ ჰიპერმგრძნობელობის, ღვიძლის დაავადებების ან მისი ფუნქციური სინჯების დარღვევის შემთხვევაში. სიფრთხილით ინიშნება ბავშვებში, ხანდაზმულებში, ორსულებში ვინაიდან არ არსებობს კვლევები ნატრიუმის ჰიალურონატის გამოყენების უსაფრთხოების შესახებ. ძუძუთი კვების დროს რეკომენდებულია ლაქტაციის შეწყვეტა. სხვა მედიკამენტებთან ურთიერთქმედება ჰირუანის პრეციპიტაცია შეიძლება გამოიწვიოს სადეზინფექციო საშუალებებმა, ამონიუმის მარილებმა- ბენზალკონიუმის ქლორიდმა, ქლორჰექსიდინმა. შენახვის პირობები ინახება ბნელ, ჰერმეტიულ კონტეინერში 2- 8°C ტემპერატურაზე მაცივარში. შენახვის ვადა 3 წელი(36 თვე)

Monday, 11 August 2008 05:10 - 1890 hits - 0 comment - Print -  E-mail