გამოყენების ინსტრუქცია: ინფორმაცია პაციენტებისათვის ერიუსი 5 მგ შემოგარსული ტაბლეტები დესლორატადინი პრეპარატის მიღებამდე საჭიროა ინსტრუქციის ყურადღებით წაკითხვა. ● საჭიროა ინსტრუქციის შენახვა, რადგან შესაძლოა წარმოიშვას მისი ხელახალი გაცნობის საჭიროება. ● თუ წარმოიშვა დამატებითი შეკითხვები, უნდა მიემართოს მკურნალ ექიმს ან ფარმაცევტს. ● აღნიშნული პრეპარატი განკუთვნილია მხოლოდ პაციენტისთვის. სიმპტომების მსგავსების მიუხედავად, არ შეიძლება მისი მიცემა სხვისთვის. ● თუ ნებისმიერი გვერდითი ეფექტი მიიღებს სერიოზულ სახეს ან გამოვლინდება რეაქცია, რომელიც არ არის მოცემული აღნიშნულ ინსტრუქციაში, მაშინ უნდა მიემართოს მკურნალ ექიმს ან ფარმაცევტს. ინსტრუქციაში მოცემულია: 1. რა არის ერიუსი და მისი გამოყენება 2. რა უნდა იცოდეთ ერიუსის გამოყენებამდე 3. ერიუსის მიღების წესი 4. შესაძლო გვერდითი მოვლენები 5. ერიუსის შენახვის წესი 6. დამატებითი ინფორმაცია 1. რა არის ერიუსი და მისი გამოყენება ერიუსი არის ანტიალერგიული პრეპარატი, რომელიც არ იწვევს ძილიანობას. ხელს უწყობს ალერგიული რეაქციებისა და მისი სიმპტომების მართვას. ერიუსი ხსნის ალერგიულ რინიტთან დაკავშირებულ სიმპტომებს (ცხვირის გასავლების ანთება, რომელიც გამოწვეულია ალერგიით, მაგალითად, ჭინჭრის ციება ან ალერგია ოთახის მტვრის მიმართ). დამახასიათებელი სიმპტომებია ცემინება, ცხვირიდან გამონადენი ან ცხვირის ქავილი, სასის ქავილი და თვალების ქავილი, სიწითლე ან გამონადენი თვალებიდან. ერიუსი გამოიყენება ურტიკარიის სიმპტომების მოსახსნელად (ალერგიით გამოწვეული კანის მხრივ რეაქცია). ახასიათებს შემდეგი სიმპტომები როგორიცაა ქავილი და ბუშტუკები. პრეპარატი თავის ეფექტს ინარჩუნებს მთელი დღის განმავლობაში და ხელს უწყობს ნორმალური დღიური რეჟიმისა და ძილის აღდეგნას. 2. რა უნდა იცოდეთ ერიუსის გამოყენებამდე ერიუსი არ გამოიყენება ● თუ პაციენტი ალერგიულია (მგრძნობიარეა) დესლორატადინის ან ერიუსის შემადგნელობაში შემავალი სხვა რომელიმე ინგრედიენტის მიმართ. ერიუსი ნაჩვენებია მოზრდილებისა და მოზარდებისათვის (12 წლის ასაკი და ზემოთ). ერიუსის გამოყენების დროს სიფრთხილის ზომების დაცვა: ● თუ თირკმლის ფუნქცია დარღვეულია. თუ ეს ეხება პაციენტს ან არ არის დარწმუნებული, ერიუსის გამოყენებამდე უნდა გადაამოწმოს მკურნალ ექიმთან. სხვა წამლებთან ურთიერთქმედება: არ არსებობს მონაცემები ერიუსისა და სხვა პრეპარატების წამალთშორისი ურთიერთქმედების შესახებ. ერიუსის გამოყენება საკვებთან და სასმელთან ერთად: ერიუსის მიღება შეიძლება საკვებთან ერთად ან მის გარეშე. ორსულობა და ლაქტაცია: ნებისმიერი პრეპარატის მიღებამდე საჭიროა მკურნალი ექიმის ან ფარმაცევტის კონსულტაცია. ორსლუობისა და ლაქტაციის პერიოდში არ არის რეკომენდებული ერიუსის გამოყენება. მანქანისა და სხვა მექანიზმების მართვა: რეკომენდებულ დოზებში, ერიუსი არ იწვევს ძილიანობას ან ყურადღების დაქვეითებას. თუმცა, ძალიან იშვიათად შეიძლება გამოიწვიოს ძილიანობა, რაც იწვევს მანქანისა და სხვა მექანიზმების მართვაზე ზეგავლენას. მნიშვნელოვანი ინფორმაცია ერიუსის ზოგიერთი ინგრედიენტის შესახებ: ერიუსის ტაბლეტები შეიცავს ლაქტოზას. თუ პაციენტს აქვს დადასტურებული აუტანლობა ზოგიერთი შაქრის მიმართ, უნდა მიმართოს მკურნალ ექიმს პრეპარატის მიღებამდე. 3. ერიუსის მიღების წესი მოზრდილები და მოზარდები (12 წლის ასაკი და ზემოთ): მიიღება ერთი ტაბლეტი დღეში ერთხელ. მთლიანი ტაბლეტი უნდა გადაიყლაპოს წყალთან ერთად, ჭამის დროს ან მის გარეშე. მკურნალობის ხამგრძლივობასთან დაკავშირებით, მკურნალი ექიმი განსაზღვრავს ალერგიული რინიტის ტიპს და შესაბამისად ერიუსით მკურნალობის ხანგრძლივობას. თუ ალერგიული რინიტი არის ხანგამოშვებითი (სიმპტომების არსებობა კვირაში 4 დღეზე ნაკლები ან 4 კვირაზე ნაკლები პერიოდის განმავლობაში), ექიმი განსაზღვრავს მკურნალობის სქემას პაციენტის დაავადების ისტორიის მიხედვით. თუ ალერგიული რინიტი არის მუდმივი ხასიათის (სიმპტომების არსებობა კვირაში 4 დღეზე მეტი ან 4 კვირაზე მეტი პერიოდის განმავლობაში), ექიმი ნიშნავს ხანგრძლივი მკურნმალობის სქემას. ურტიკარიისათვის, მკურნალობის ხანგრძლივობა შეიძლება ცვალებადი იყოს პაციენტებს შორის და ამიტომ პაციენტი უნდა მიჰყვეს ექიმის დანიშნულებას. ერიუსის დოზის გადაჭარბება: ერიუსი გამოიყენება ექიმის დანიშნულების მიხედვით. შემთხვევით დოზის გადაჭარბების დროს არანაირი სერიოზული პრეობლემა არ გამოვლენილა. მიუხედავად ამისა, ერიუსის დოზის გადაჭარბების დროს პაციენტმა აუცილებლად უნდა მიმართოს ექიმს. ერიუსის დოზის გამოტოვება: დოზის გამოტოვების შემთხვევაში, გამოტოვებული დოზა მიიღება გახსნებისთანავე და მკურნალობა გრძელდება დანიშნული მკურნალობის სქემის მიხედვით. დაუშვებელია გაორმაგებული დოზის მიღება გამოტოვებულის სანაცვლოდ. 4. შესაძლო გვერდითი მოვლენები სხვა პრეპარატების მსგავსად ერიუსმაც შესაძლებელია გამოიწვიოს გვერდითი ეფექტები, თუმცა ისინი ყველას არ უვითარდება. მოზრდილებში, გამოვლენილი გვერდითი მოვლენები პლაცებოს მიღების დროს გამოვლენილის იდენტურია. მოზარდებში, ყველაზე ხშირად გამოვლენილი გვედითი რეაქციაა თავის ტკივილი. ერიუსის გაყიდვების დროს, მძიმე ალერგიული რეაქციების შემთხვევები (სუნთქვის გაძნელება, ხიხინი, ქავილი, ჭინჭრის ციება და შეშუპება) და გამონაყარი ვლინდება ძალიან შვიათად. ასევე შეიძლება გამოვლინდეს პალპიტაცია, სწრაფი გულისცემა, კუჭის ტკივილი, გულისრევა (გულისრევის შეგრძნება), ღებინება, კუჭის მხრივ სიმპტომები, ფაღართი, თავბრუსხვევა, ძილიანობა, უძილობა, კუნთების ტკივილი, ჰალუცინაციები და გულყრები, მოუსვენრობა სხეულის მომატებული მოძრაობების თანხლებით და ღვიძლის ანთებისა და ასევე შეცვლილი ღვიძლის ფუნქციური ტესტების შედეგები. თუ გამოვლენილმა გვერდითმა მოვლენამ მიიღო სერიოზული სახე ან გამოვლინდა ისეთი გვერდითი ეფექტი, რომელიც ანოტაციაში არ არის აღნიშნული, ასეთ შემთხვევაში უნდა მიემართოს ექიმს ან ფარმაცვეტს. 5. ერიუსის შენახვის წესი ინახება ბავშვებისათვის მიუწდომელ ადგილას. ინახება 30°C-ზე დაბალ ტემპერატურაზე. ინახება ორიგინალურ შეფუთვაში. ერიუსი არ გამოიყენება შეფუთვაზე მითითებული ვადის გასვლის შემდეგ. შენახვის ვადა გულისხმობს იმ თვის ბოლო დღეს. თუ ტაბლეტი გარეგნულად შეიცვლება, უნდა მიემართოს მკურნალ ექიმს ან ფარმაცევტს. არ შეიძლება პრეპარატის გადაგდება საკანალიზაციო წყალში ან სახლის ნაგავში. ნებისმიერი გამოუყენებელი პრეპარატი უნდა დაუბრუნდეს მკურნალ ექიმს. 6. დამატებითი ინფორმაცია ერიუსის შემადგენობა ● აქტიური ნივთიერებაა 5 მგ დესლორატადინი. ● ტაბლეტის სხვა ინგრედიენტებია კალციუმის ფოსფატის დიჰიდრატი, მიკროკრისტალური ცელულოზა, სიმინდის სახამებლი, ტალკი. ტაბლეტის გარსი შეიცავს ფირფიტას (ლაქტოზას მონოჰიდრატის, ჰიპრომელოზას, ტიტანის დიოქსიდის, მაკროგოლი 400-ის, ინდიგოტინის (E132) შემცველი), გამჭვირვალე მემბრანას (ჰიპრომელოზას, მაკროგოლი 400-ის შემცველი), კარნაუბას ცვილი და თეთრი ცვილი. ერიუსის შეფუთვა ერიუსის 5 მგ შემოგარსული ტაბლეტების მოთავსებულია ბლისტერზე #1, #2, #3, #5, #7, #10, #14, #15, #20, #21, #30, #50, #90 ან #100. პრეპარატის ყველა ფორმა არ არის ხელმისაწვდომი. წარმოების ლიცენზიის მფლობელი და მწარმოებელი: წარმოების ლიცენზიის მფლობელი SP Europe, Rue de Stalle 73, B-1180 Bruxelles, Belgium პ ევროპა, რუე დე სტალე 73, ბ-1180, ბრუქსელი, ბელგია. მწარმოებელი: SP Labo N.V., Industriepark 30, B-2220 Heist-op-den-Berg, Belgium. სპ ლაბო ნ.ვ., ინდუსტრიპარკ 30, ბ-2220 ჰეისტ-ოპ-დენ-ბერგ, ბელგია. ამ მედიკამენტის შესახებ დამატებითი ინფორმაციისათვის უნდა მიემართოს წარმოების ლიცენზიის მფლობელის ადგილობრივ წარმომადგენელობას. აღნიშნული ინსრტრუქცია გადამოწმდა: 2009 წლის მარტში. აღნიშნული პრეპარატის შესახებ დეტალური ინფორმაცია ხელმისაწვდომია ევროპის სამედიციო რეგულირების სააგენტოს საიტზე http://www emea.europa.eu

Monday, 27 December 2010 14:47 - 1599 hits - 0 comment - Print -  E-mail

აქტიფედი Actifed ტრიპროლიდინის ჰიდროქლორიდი და ფსევდიეფედრინის ჰიდროქლორიდი შემადგენლობა: თითოეული ტაბლეტი შეიცავს ტრიპროლიდინის ჰიდროქლორიდი 2.5მგ და ფსევდოეფედრინის ჰიდროქლორიდი 60მგ. დამხმარე ნივთიერებები: ლაქტოზას მონოჰიდრატი, სიმინდის სახამებელი, პოვიდონი, მაგნიუმის სტეარატი. ფარმაკოთერაპიული ჯგუფი: სისტემური გამოყენების ცხვირის ლორწოვანის შეშუპების შესამცირებელი, სიმპათომიმეტური საშუალება. თერაპიული ჩვენება: აქტიფედი გამოიყენება ზედა სასუნთქი გზების სიმპტომების შესამსუბუქებლად. მისი ეფექტი გამომდინარეობს ცხივირის ლორწოვანის შეშუპების მოხსნით და H1-ჰისტამინის რეცეპტორის ანტაგონისტური უნარით, მაგალითად: - ალერგიული ტიპის რინიტი; - ვაზომოტორული ტიპის რინიტი; - ჩვეულებრივი გრიპი. უკუჩვენება: ჰიპერმგრძნობელობა ფსევდოეფედრინის, ტრიპროლიდინის ან ნებისმიერი დამხმარე ნივთიერების მიმართ. აქტიფედის ტაბლეტების გამოყენება არ შეიძლება იმ შემთხვევაში, თუ პაციენტი მკურნალობამდე 2 კვირით ადრე ღებულობდა მონოამინ ოქსიდაზათი. ფსევდოეფედრინის და მსგავსი პრეპარატის კომბინირებულმა გამოყენებამ შესაძლებელია გამოიწვიოს არტერიული წნევის მომატება. აქტიფედის ტაბლეტები უკუნაჩვენებია მძიმე ხარისხის ჰიპერტენზიის ან კორონარული არტერიების დაავადების დროს. ანტიბაქტერიული პრეპარატი – ფურაზოლიდონი იწვევს მონოამინ ოქსიდაზას დაინჰიბირებას (დოზა-დამოკიდებული ეფექტი). მართალია აქტიფედის და ფურაზოლიდონის კომბინბირებული გამოყენებისას არ გამოვლენილა ჰიპერტენზიით გამოწვეული გულყრა, მაგრამ მათი კომბინირებული მიღება არ არის რეკომენდებული. სიფრთხილის ზომები: აქტიფედის ტაბლეტებმა შეიძლება გამოიწვიოს ძილიანობა და ცუდი შედეგები სმენის ტესტების ჩატარებისას. არ შეიძლება მანქანის ან სხვა მექანიზმების ტარება მანამდე, სანამ პაციენტი არ დარწმუნდება რომ აქტიფედი არ მოქმედებს მართვის უნარზე. მართალია ობიექტური მონაცემები არ მოიპოვება, მაგრამ არ შეიძლება აქტიფედის ტაბლეტების და ალკოჰოლის ან სხვა ცენტრალურად მოქმედი სედატიური საშუალებების გამოყენება. მართალია ფსევდოეფედრინი არ ახდენს პრესორულ ეფექტს ნორმოტენზიულ პაციენტებში, მაგრამ იგი სიფრთხილით ინიშნება ანტიჰიპერტენზიულ საშუალებებთან ერთად, ტრიციკლურ ანტიდეპრესანტებთან ან სხვა სიმპათომიმეტურ საშუალებებთან ერთად, მაგალითად ცხვირის ლორწოვანის შეშუპების შესამცირებელი პრეპარატები, მადის დამაქვეითებელი პრეპარატები და ამფეტამინის ტიპის ფსიქოსტიმულატორები. აქტიფედის ტაბლეტის ერთი დოზის ეფექტი არტერიულ წნევაზე აღინიშნება რეკომენდებული მკურნალობის განმეორებამდე. სხვა სიმპათომიმეტური პრეპარატების მსგავსად აქტიფედი სიფრთხილით ინიშნება ჰიპერტენზიის, გულის დაავადების, დიაბეტის, ჰიპერთიროიდიზმის, ინტრაოკულარული წნევის მომატების ან წინამდებარე ჯირკვლის ანთების დროს. არ ჩატარებულა კვლევები აქტიფედის გამოყენების შესახებ ღვიძლის და/ან თირკმლის უკმარისობის მქონე პაციენტებში. აღნიშნული პრეპარატი სიფრთხილით გამოიყენება თირკმლის ან ღვიძლის მძიმე უკმარისობის დროს. არ მოიპოვება საკმარისი ინფორმაცია იმის დასადგენად, ახდენს თუ არა ფსევდოეფედრინი ან ტრიპროლიდინი მუტაგენურ ან კარცინოგენულ ეფექტს. ქალის დღიურ დოზაზე 7-ჯერ მეტი დოზა და კაცის დღიურ დოზაზე 35-ჯერ მეტი ფსევდიეფედრინი სისტემურად შეიყვანეს ვირთაგვებში, თუმცა ამას არანაირი ეფექტი არ მოუხდენია განაყოფიერებაზე. არ ჩატარებულა კვლევები იმის შესახებ, მოქმედებს თუ არა ტრიპროლიდინი განაყოფიერებაზე. არ არსებობს ინფორმაცია მოქმედებს თუ არა აქტიფედი ადამიანის განაყოფიერების უნარზე. შეფუთვაზე გაკეთებული მითითებები: ინახება 25°C-ზე დაბალ ტემპერატურაზე, მშრალ, სინათლისგან დაცულ და ბავშვებისთვის მიუწვდომელ ადგილას. გაფრთხილება: შეიძლება გამოიწვიოს ძილიანობა. მსგავსი ეფექტის გამოვლენისას არ შეილება მანქანის და სხვა მექანიზმების მართვა. არ შეიძლება ალკოჰოლური სასმელების გამოყენება. 12 ტაბლეტიან შეფუთვაზე აღინიშნება შემდეგი წარწერები: სიმპტომების გახანგძლივების შემთხვევაში საჭიროა ექიმის კონსულტაცია. არ შეიძლება რეკომენდებული დოზის გადაჭარბება. სხვა პრეპარატების მსგავსად თუ პაციენტი არის ორსულად ან მკურნალობს სხვა პრეპარატით, მაშინ აღნიშნული პრეპარატის მიღებამდე საჭიროა ექიმის ან ფარმაცევტის კონსულტაცია. ურთიერთქმედება სხვა სამკურნალო საშუალებებთან: აქტიფედის კომბინირებულმა გამოყენებამ სიმპათომიმეტურ საშუალებებთან ერთად, მაგალითად ცხვირის ლორწოვანის შეშუპების შესამცირებელი, ტრიციკლური ანტიდეპრესანტები და ამფეტამინის ტიპის ფსიქოსტიმულატორები ან მონოამინ-ოქსიდაზას ინჰიბიტორები, რომლებიც ხელს უშლიან სიმპათომიმეტური ამინების კატაბოლიზმს, შეიძლება შემთხვევით გამოიწვიონ არტერიული წნევის მომატება. ფსევდოეფედრინის გამო აქტიფედმა შეიძლება ნაწილობრივ შეამციროს იმ პრეპარატების ჰიპოტენზიური მოქმედება, რომლებიც ხელს უშლიან სიმპათომიმეტური პრეპარატების მოქმედებას, მაგალითად ბრეტილიუმი, ბეტადინი, გუანეთიდინი, დებრისოქვინი, მეთილდოპა, ალფა და ბეტა ადრენერგული ბლოკატორები. მართალია არ არსებობს ობიექტური მონაცემები, მაგრამ აქტიფედის მკურნალობისას არ არის რეკომენდებული ალკოჰოლის ან სხვა ცენტრალურად მოქმედი სედატიური საშულებების გამოყენება. განსაკუთრებული სიფრთხილით: ორსულობა და ლაქტაციის პერიოდი მართალია ფსევდოეფედრინი და ტრიპროლიდინი წლების განმავლობაში გამოიყენებოდა ერთად ყოველგვარი გვერდითი ეფექტების გამოვლენის გარეშე, თუმცა არ არსებობს კლინიკური მონაცემები ორსულობის პერიოდში მათი გამოყენების შესახებ. შესაბამისად იგი ინიშნება სიფრთხილით და უნდა შეფასდეს დედის და ბავშვის პოტენციური ეფექტი და რისკი. ვირთაგვებში და ბოცვრებში ადამიანის დოზაზე 75-ჯერ მეტი ტრიპროლიდინის სისტემური გამოყენების შემდეგ ტერატოგენული ეფექტი არ გამოვლენილა. ვირთაგვებში ადამიანის და ბოცვრების დოზაზე 50-ჯერ მეტი ფსევდოეფედრინის სისტემური გამოყენების შემდეგ ტერატოგენული ეფექტი არ გამოვლენილა. ფსევდოეფედრინი და ტრიპროლიდინი მცირე რაოდენობით გადადის დედის რძეში, თუმცა მათი ეფექტი ბავშვებში არ არის ცნობილი. დადგენილია, რომ დედის მიერ 24 საათის განმავლობაში მიღებული ფსევდოეფედრინის ერთი დოზის 0.5-7% გადადის დედის რძეში. მანქანის და სხვა მექანიზმების მართვა: აქტიფედის ტაბლეტებმა შეიძლება გამოიწვიოს ძილიანობა და სმენის დაქვეითება. არ შეიძლება მანქანის და სხვა მექანიზმების მართვა მანამდე, სანამ პაციენტი არ დარწმუნდება რომ აქტიფედი არ ავლენს მსგავს ეფექტებს. დოზა და მიღების წესი: მოზრდილები და 12 წელზე უფროსი ბავშვები: 1 ტაბლეტი 4-6-საათში ერთხელ, დღიური დოზა შეადგენს 4 ტაბლეტს დღეში. ხანდაზმულები: მისი გამოყენება არ არის გამოკვლეული ხანდაზმულებში, მაგრამ ტრიპროლიდინი და ფსევდოეფედრინი ხშირად გამოიყენება ამ პოპულაციაში. რეკომენდებულია მოზრდილების დოზის მიღება. ღვიძლის უკმარისობა: აქტიფედის ტაბლეტები სიფრთილით გამოიყენება ღვიძლის უკმარისობის მქონე პაციენტებში. თირკმლის უკმარისობა: აქტიფედის ტაბლეტები სიფრთილით გამოიყენება საშუალო და მძიმე ხარისხის თირკმლის უკმარისობის მქონე პაციენტებში. გვერდითი მოვლენები: ყველაზე ხშირად შესაძლებელია გამოვლინდეს დეპრესია, ცენტრალური ნერვული სისტემის აგზნება, ძილიანობა. ასევე გამოვლინდა ძილის დარღვევის და ჰალუცინაციის შემთხვევები. იშვიათად ვლინდება ერითემა გამონაყართან ერთად ან მის გარეშე, ტაქიკარდია, პირის, ცხვირის და ყელის სიმშრალე. იშვიათად ფსევდოეფედრინის მიღებისას მამაკაცებში შესაძლებელია გამოვლინდეს შარდის შეკავება, რისი ძირითადი ხელშემწყობი ფაქტორია წინამდება ჯირკვლის ჰიპერტროფია. დოზის გადაჭარბება: აქტიფედის დოზის გადაჭარბებამ შესაძლებელია გამოიწვიოს ძილიანობა, ლეთარგია, თავბრუსხვევა, ატაქსია, სისუსტე, ჰიპოტონია, სუნთქვის უკმარისობა, პირის ღრუს და ლორწოვანი გარსის სიმშრალე, ტაქიკარდია, ჰიპერტენზია, ჰიპერპირექსია, ჰიპერაქტივობა, გაღიზიანება, გულყრა და შარდვის გაძნელება. საჭიროა შესაბამისი ზომების მიღება ნორმალური სუნთქვის შესანარჩუნებლად და გულყრის საკონტროლოდ. ასეთ შემთხვევაში, თუ საჭიროა, დოზის გადაჭარბებიდან 3საათში ჩატარდეს კუჭის ამორეცხვა. შესაძლებელია საჭირო გახდეს შარდის ბუშტში კათეტერის ჩადგმა. საჭიროების შემთხვევაში ფსევდოეფედრინის ელიმინაცია შესაძლებელია დაჩქარდეს დიურეზით ან დიალიზით. შენახვის პირობები: არ გამოიყენება შეფუთვაზე მითითებული ვადის გასვლის შემდეგ. ინახება 25°C-ზე დაბალ ტემპერატურაზე, ორიგინალურ შეფუთვაში, ბავშვებისთვის მიუწვდომელ ადგილას. შეფუთვა: 12 ტაბლეტი პვც/ალ ბლისტერზე და მუყაოს კოლოფში. მწარმოებელი: Glaxo Wellcome GmbH & Co.KG Industriestrasse 32-36, 23843 Bad Oldesloe, Germany გლაქსო ველქამ გმბჰ & კო.კგ ინდუსტრიეშტრასე 32-36, 23843 ბად ოლდესლო, გერმანია

Monday, 10 January 2011 15:50 - 1743 hits - 0 comment - Print -  E-mail

ფენკაროლი (Fenkarol) Quifenadine Aversi, საქართველო ათქ კლასიფიკაციის კოდი: R06AX კლინიკურ-ფარმაკოლოგიური ჯგუფი ჯგ: ჰისტამინური H1 რეცეპტორების ბლოკატორები >> პირველი თაობის პრეპარატები შემადგენლობა და გამოშვების ფორმა 10მგ ტაბლეტი #20 25მგ ტაბლეტი #20 შემადგენლობა: 1 შემოუგარსავი ტაბლეტი შეიცავს: ქვიფენადინის ჰიდროქლორიდს – 10 მგ ან 25 მგ. დამხმარე ნივთიერებები: შაქარი, კარტოფილის სახამებელი, კალციუმის სტეარატი. ძირითადი ფიზიკურ-ქიმიური თვისებები: მრგვალი ფორმის, თეთრი ან მოთეთრო ფერის, ბრტყელი ზედაპირის მქონე შემოუგარსავი ტაბლეტები ნაზოლით; ფარმაკოლოგიური თვისებები: ფენკაროლი წარმოადგენს ანტიჰისტამინურ საშუალებას, რომელიც ამცირებს ჰისტამინის ზემოქმედებას ორგანოებზე და სისტემებზე. ქვიფენადინის ჰიდროქლორიდს, განსხვავებით ამ ჯგუფის სხვა კლასიკური პრეპარატებისაგან, გააჩნია განსაკუთრებული მოქმედების მექანიზმი. იგი აბლოკირებს ჰისტამინურ H1-რეცეპტორებს პერიფერიულ ქსოვილებში, ასევე ააქტიურებს ფერმენტ დიამინოქსიდაზას, რის შედეგადაც ქსოვილებში მცირდება ჰისტამინის შემცველობა. სწორედ ამით აიხსნება ფენკაროლის მოქმედების ეფექტურობა იმ პაციენტებში, რომლებიც რეზისტენტულნი არიან სხვა ანტიჰისტამინური საშუალებების მოქმედების მიმართ. ქვიფენადინის ჰიდროქლორიდი ცუდად აღწევს ჰემატოენცეფალურ ბარიერს, მცირედ მოქმედებს თავის ტვინის ქსოვილებში სეროტონინის დეზამინირების პროცესებზე და მონოამინოქსიდაზას აქტივობაზე. იგი აქვეითებს ჰისტამინის ტოქსიკურ მოქმედებას, ხსნის ან ასუსტებს მის ბრონქოკონსტრიქტულ და ნაწლავის გლუვ კუნთებზე სპაზმურ მოქმედებას. პრეპარატს გააჩნია ზომიერად გამოხატული ანტისეროტონინული და სუსტად გამოხატული ქოლინოლიზური მოქმედება. ფენკაროლი ახდენს მკვეთრად გამოხატულ ქავილის საწინააღმდეგო და მადესენსიბილიზირებელ მოქმედებას. ფარმაკოკინეტიკა: ქვიფენადინის ჰიდროქლორიდის 45% სწრაფად აბსორბირდება კუჭ-ნაწლავის ტრაქტიდან და 30 წთ-ის შემდეგ აღმოჩნდება ორგანიზმის ქსოვილებში. პრეპარატის მაქსიმალური კონცენტრაცია (Cmax) სისხლის პლაზმაში მიიღწევა 1 სთ-ის შემდეგ. ღვიძლში, ფილტვებში და თირკმლებში აღინიშნება აქტიური ნივთიერების მაქსიმალური კონცენტრაცია, ხოლო ყველაზე ნაკლები _ თავის ტვინის ქსოვილებში. პრეპარატს გააჩნია დაბალი ლიპოფილურობა. მისი შემცველობა მცირეა თავის ტვინის ქსოვილებში (0.05%-ზე ნაკლები), რითაც აიხსნება ცნს-ზე მისი დამთრგუნველი გავლენის არარსებობა, მაგრამ ინდივიდუალურად მომატებული მგრძნობელობის დროს შესაძლოა გამოვლინდეს სუსტი სედატიური ეფექტი. ქვიფენადინის ჰიდროქლორიდი მეტაბოლიზდება ღვიძლში. მეტაბოლიტები და მიღებული დოზის შეუცვლელი ნაწილი გამოიყოფა შარდთან და ნაღველთან ერთად 48 სთ-ის განმავლობაში. ჩვენებები: - პოლინოზი; - მწვავე და ქრონიკული ჭინჭრის ციება; - თივის ციება; - ალერგიული რინიტი; - ალერგიული კონიუნქტივიტი; - ანგიონევროზული შეშუპება; - დერმატოზები (ეგზემა, ნეიროდერმიტი, კანის ქავილი და სხვ.); - ალერგიული რეაქციები, დაკავშირებული წამლის ან საკვების მიღებასთან. მიღების წესები და დოზები: პრეპარატი მიიღება პერორალურად უშუალოდ ჭამის შემდეგ. ფენკაროლი 25 მგ: პრეპარატის დოზა მოზრდილებში შეადგენს 25-50 მგ-ს 2-4-ჯერ დღეში. მაქსიმალური დღიური დოზა შეადგენს 200 მგ-ს დღეში. ბავშვებში 12 წლის ასაკის ზემოთ _ 25 მგ 2-3-ჯერ დღეში. მკურნალობის კურსი შეადგენს 10-20 დღეს. აუცილებლობის შემთხვევაში მკურნალობის კურსი მეორდება. ფენკაროლი 10 მგ: პრეპარატის დოზა 3 წლამდე ასაკის ბავშვებში შეადგენს 5 მგ-ს (ტაბლეტის ნახევარი) 2-3-ჯერ დღეში; 3-დან 7 წლამდე _ 10 მგ-ს 2-ჯერ დღეში; 7-დან 12 წლამდე _ 10-15 მგ-ს 2-3-ჯერ დღეში. მიმდინარე დოზის გამოტოვების შემთხვევაში პრეპარატი მიღებულ უნდა იქნას გახსენებისთანავე, მაგრამ იმ შემთხვევაში, თუ ახლოვდება მომდევნო დოზის მიღების დრო, საჭიროა დოზის გამოტოვება. გვერდითი მოვლენები: მომატებული მგრძნობელობისას ან დოზის გადაჭარბებისას შესაძლოა გამოვლინდეს პირის ღრუს ზომიერი სიმშრალე, დისპეფსიური მოვლენები, რომლებიც დოზის შემცირების ან პრეპარატის მიღების შეწყვეტისას ქრება. კუჭ-ნაწლავის ტრაქტის დაავადებების მქონე პაციენტებში იზრდება გვერდითი მოვლენების განვითარების შესაძლებლობა. რიგ შემთხვევებში შესაძლოა გამოვლინდეს სუსტი სედატიური ან დამამშვიდებელი ეფექტი. უკუჩვენება: მომატებული მგრძნობელობა პრეპარატის ან მის შემადგენლობაში შემავალი რომელიმე კომპონენტის მიმართ; ორსულობის I ტრიმესტრი. ორსულობა და ლაქტაცია: ორსულობის პერიოდში ფენკაროლის გამოყენება არ არის რეკომენდებული. ორსულობის I ტრიმესტრში პრეპარატის მიღება უკუნაჩვენებია. პრეპარატის გამოყენება ძუძუთი კვების პერიოდში არ არის რეკომენდებული, რადგან არ არსებობს გამოკვლევები დედის რძეში ქვიფენადინის შეღწევადობის შესახებ. განსაკუთრებული მითითებები: ფენკაროლი სიფრთხილით გამოიყენება გულ-სისხლძარღვთა სისტემის, კუჭ-ნაწლავის ტრაქტის, ღვიძლისა და/ან თირკმლის მძიმე დაავადებების დროს. პრეპარატის ზემოქმედება ავტოტრანსპორტისა და მექანიზმების მართვის უნარზე: პაციენტებს, რომელთაც სამუშაო მოითხოვს სწრაფ ფიზიკურ ან ფსიქიკურ რეაქციებს, საჭიროა, წინასწარ დაუდგინდეს (პრეპარატის ხანმოკლე დანიშვნით), ახდენს თუ არა პრეპარატი სედატიურ მოქმედებას. თუ პაციენტს აღენიშნება ძილიანობა, არ არის რეკომენდებული სატრანსპორტო საშუალებებისა და საშიში მექანიზმების მართვა. ჭარბი დოზირება: სიმპტომები: ლორწოვანი გარსის სიმშრალე, თავის ტკივილი, ღებინება, ტკივილი მუცლის არეში. მკურნალობა: საჭიროა დაუყოვნებლივ ექიმის გამოძახება. ექიმის მოსვლამდე ადსორბენტების მიღება (გააქტივებული ნახშირი და სხვ.), დიდი რაოდენობით სითხის მიღება, გამწმენდი ოყნა. სხვა წამლებთან ურთიერთქმედება: ფენკაროლი არ აძლიერებს ალკოჰოლისა და საძილე საშუალებების დამთრგუნველ მოქმედებას ცენტრალურ ნერვულ სისტემაზე. მას გააჩნია სუსტად გამოხატული მ-ქოლინომაბლოკირებელი თვისებები, მაგრამ კუჭ-ნაწლავის ტრაქტის მოტორიკის დაქვეითების შემთხვევაში ნელა აბსორბირებადი მედიკამენტების შეწოვა მისი ზემოქმედებით შესაძლოა გაძლიერდეს (მაგ., არაპირდაპირი მოქმედების ანტიკოაგულანტები - კუმარინები). შენახვის პირობები და ვადები: ინახება 15 _ 25ºC ტემპერატურაზე, მშრალ, სინათლისა და ბავშვებისაგან დაცულ ადგილას. ვარგისიანობის ვადა : 4 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია. აფთიაქში გაცემის წესი: გაიცემა ურეცეპტოდ.

Friday, 02 March 2012 16:59 - 138 hits - 0 comment - Print -  E-mail

სუპრასტინი ამპ. (Suprastin) Chloropyramine Hydrochloride სს ფარმაცევტული ქარხანა ეგისი, უნგრეთი ათქ კლასიფიკაციის კოდი: R06AX კლინიკურ-ფარმაკოლოგიური ჯგუფი ჯგ: ჰისტამინური H1 რეცეპტორების ბლოკატორები >> პირველი თაობის პრეპარატები შემადგენლობა და გამოშვების ფორმა 2% 1მლ 5 ამპულა შემადგენლობა: ყოველი 1 მლ ამპულა შეიცავს ქლორპირამინის ჰიდროქლორიდის 20 მგ-ს. ქლორპირამინის ჰიდროქლორიდის გარდა საინექციო ხსნარი შეიცავს საინექციო წყალს. ხსნარი კუნთებში ინექციისათვის. მწვავე, მძიმე შემთხვევებში შეიძლება ვენაში შეყვანა. ჩვენებები - ალერგიული დაავადებები, მაგალითად: სეზონური ალერგიული რინიტი, კონიუნქტივიტი, ჭინჭრის ციება, დერმოგრაფიზმი, კონტაქტური დერმატიტი, საკვებისმიერი და წამლისმიერი ალერგია, ალერგია მწერის ნაკბენზე, კანის ქავილი. - სისტემური ანაფილაქსიური რეაქციისა და ანგიონევროზული შეშუპების ადიუვანტური თერაპია. - პრეპარატის დანიშვნის დროს საჭიროა მისი სედატიური გვერდითი ეფექტის გათვალისწინება. მიღების წესები და დოზები მოზრდილებში: რეკომენდირებული დღიური დოზაა 1-2 ამპულა კუნთებში. ბავშვებში: რეკომენდირებული საწყისი დოზა: 1-12 თვის ასაკში: ¼ ამპულა კუნთში; 1-6 წლის ასაკში: ½ -1 ამპულა კუნთებში. დოზის მომატება შეიძლება სიფრთხილით პაციენტის რეაქციისა და გვერდითი ეფექტების გათვალისწინებით, თუმცა, დოზა არ უნდა აღემატებოდეს 2 მგ/კგ სხეულის წონაზე. ანაფილაქსიური შოკის ან მწვავე, მძიმე ალერგიული რეაქციის დროს რეკომენდირებულია მკურნალობის დაწყება ფრთხილი, ნელი ინექციით ვენაში, შემდეგ კი _ ინექციების გაგრძელება კუნთებში ან პრეპარატის პერორალური მიღება. პაციენტთა განსაკუთრებული ჯგუფები: ხანდაზმული და დასუსტებული ავადმყოფები: სუპრასტინის გამოყენება საჭიროებს განსაკუთრებულ სიფრთხილეს, რადგან ამ პაციენტებში ანტიჰისტამინური პრეპარატები ხშირად იწვევს გვერდით ეფექტებს (თავბრუსხვევა, ძილიანობა, არტერიული წნევის დაქვეითება). ღვიძლის ფუნქციის დარღვევა: შეიძლება საჭირო გახდეს დოზის შემცირება პრეპარატის აქტიური კომპონენტის მეტაბოლიზმის დაქვეითების გამო ღვიძლის დაავადებების დროს. თირკმლის ფუნქციის დარღვევა: შეიძლება საჭირო გახდეს პრეპარატის მიღების რეჟიმის შეცვლა და დოზის შემცირება იმის გამო, რომ აქტიური კომპონენტი ძირითადად თირკმელებით გამოიყოფა. გვერდითი მოვლენები სუპრასტინის გამოყენების დროს შეიძლება განვითარდეს შემდეგი გვერდითი ეფექტები: ცენტრალური ნერვული სისტემა: სედატიური ეფექტი, დაღლილობა, თავბრუსხვევა, ატაქსია, ნერვული აგზნება, ტრემორი, კრუნჩხვები, თავის ტკივილი, ეიფორია, ენცეფალოპათია, მხედველობის სიმახვილის დარღვევა. გულ-სისხლძარღვთა სისტემა: ჰიპოტენზია, ტაქიკარდია, არითმია. კუჭ-ნაწლავის ტრაქტი: ეპიგასტრიუმში არასასიამოვნო შეგრძნებები, პირის სიმშრალე, გულისრევა, ღებინება, ყაბზობა, ფაღარათი, მადის დაკარგვა ან მომატება, ტკივილი ეპიგასტრიუმის არეში. კანი და შემაერთებელი ქსოვილი: სინათლის მიმართ მომატებული მგრძნობელობა. სისხლმბადი სისტემა: იშვიათად ლეიკოპენია, აგრანულოციტოზი, ჰემოლიზური ანემია, სისხლის სისტემის სხვა დარღვევები. სხვა: დიზურია, შარდის შეკავება, მიოპათია, თვალშიდა წნევის მომატება, გლაუკომის შეტევა, ფოტოსენსიბილიზაცია. უკუჩვენება ჰიპერმგრძნობელობა აქტიური ნივთიერების მიმართ; ასთმის მწვავე შეტევა; არ გამოიყენება დღენაკლულ და დროულ ახალშობილებში; ორსულებსა და მეძუძურ დედებში. ორსულობა და ლაქტაცია ა) პრეკლინიკური გამოკვლევები პრეკლინიკური გამოკვლევების მონაცემები არ არსებობს. ბ) გამოკვლევები ადამიანებში არ არის ჩატარებული ორსულ ქალებში ადექვატური, სათანადოდ კონტროლირებადი კვლევები პრეპარატის გამოყენების შესახებ. თუმცა, აღწერილია შემაერთებელი ქსოვილის განვითარება იმ ახალშობილების თვალის ბროლის უკან, რომელთა დედებიც იღებდნენ ანტიჰისტამინურ პრეპარატებს ორსულობის ბოლო ორი კვირის მანძილზე. შესაბამისად, სუპრასტინის მიღება ორსულობის დროს, განსაკუთრებით, პირველი ტრიმესტრისა და ბოლო თვის განმავლობაში შესაძლებელია მხოლოდ რისკისა და სასარგებლო ეფექტის საგულდაგულო ანალიზის შემდეგ. ძუძუთი კვების დროს სუპრასტინის გამოყენების ადექვატური, კარგად კონტროლირებადი კვლევების მონაცემთა უქონლობის გამო, მისი დანიშვნა არ შეიძლება მეძუძური დედებისათვის. განსაკუთრებული მითითებები სუპრასტინის გამოყენება საჭიროებს განსაკუთრებულ სიფრთხილეს. ანტიქოლინერგული და სედატიური ეფექტების არსებობის გამო სუპრასტინის დანიშვნა ხანდაზმულ პაციენტებში, ასევე, ღვიძლის ფუნქციის დარღვევეის, გულ-სისხლძრაღვოვანი პათოლოგიების, დახურულკუთხოვანი გლაუკომის, შარდის შეკავების, წინამდებარე ჯირკვლის ჰიპერტროფიის დროს საჭიროებს სიფრთხილეს. სუპრასტინს, ოტოტოქსიურ პრეპარატებთან კომბინაციაში, შეუძლია შენიღბოს ოტოტოქსიურობის ადრეული ნიშნები. ანტიჰისატამინური პრეპარატების ხანგრძლივმა გამოყენებამ იშვიათ შემთხვევებში შეიძლება გამოიწვიოს სისხლწარმოქმნის დარღვევა (ლეიკოპენია, აგრანულოციტოზი, თრომბოციტოპენია, ჰემოლიზური ანემია). პრეპარატის ხანგრძლივი გამოყენებისას დაუდგენელი წარმოშობის ცხელების, ლარინგიტის, პირის ღრუს ლორწოვანი გარსის დაწყლულების, სიყვითლის, სიფერმკრთალის, სისხლჩაქცევის, უჩვეულო ან ძნელად შესაჩერებელი სისხლდენების განვითარებისას, საჭიროა სისხლის ფორმიანი ელემენტების განსაზღვრა და სისხლწარმოქმნის დარღვევის გამოვლენისას პრეპარატის მიღების შეწყვეტა. სუპრასტინის გამოყენება საკვებთან და სასმელთან მიმართებაში. ალკოჰოლს შეუძლია გააძლიეროს ანტიჰისტამინური პრეპარატების სედატიური ეფექტი ცენტრალურ ნერვულ სისიტემაზე, რის გამოც სუპრასტინით მკურნალობის კურსის განმავლობაში საჭიროა ალკოჰოლური სასმელების მიღებისგან თავის შეკავება. ტრანსპორტისა და სხვა მექანიზმების მართვა პრეპარატს, განსაკუთრებით მკურნალობის დასაწყისში, შეუძლია გამოიწვიოს ძილიანობა, ფსიქომოტორული ფუნქციების დარღვევა. ამიტომ საწყის პერიოდში, რომლის ხანგრძლიობა ისაზღვრება ინდივიდუალურად, აკრძალულია სატრანსპორტო საშუალებების მართვა და იმ სამუშაოს შესრულება, რომელიც დაკავშირებულია უბედური შემთხვევების მომატებულ რისკთან. ამის შემდეგ შეზღუდვის დონე ან ტრანსპორტისა და მექანიზმების მართვის აკრძალვა ექიმმა უნდა განსაზღვროს ყველა პაციენტისთვის ინდივიდუალურად. ჭარბი დოზირება ანტიჰისტამინური პრეპარატების წინასწარგანზრახულმა ან შემთხვევითმა გადაჭარბებულმა დოზირებამ, განსაკუთრებით ახალშობილებსა ან ბავშვებში, შეიძლება გამოიწვიოს პაციენტის სიკვდილი. სუპრასტინის გადაჭარბებული დოზირების შემთხვევაში ვითარდება ატროპინით მოწამვლის მსგავსი სიმპტომები და ნიშნები: ჰალუცინაციები, ატაქსია, მოძრაობის კოორდინაციის დარღვევა, ათეტოზი, კრუნჩხვები. მცირე ასაკის ბავშვებში ჭარბობს აგზნება. ზოგჯერ ვლინდება პირის სიმშრალე, ფიქსირებული გადიდებული გუგები, სახის სიწითლე, სინუსური ტაქიკარდია, შარდის შეკავება, ცხელება. მოზრდილებს ცხელება და სახის სიწითლე აღენიშნებათ არამუდმივად, ხოლო აგზნების პერიოდს მოსდევს კრუნჩხვები და კრუნჩხვის შემდგომი დეპრესია. საბოლოოდ, ვითარდება კომა და კარდიორესპირატორული უკმარისობა, რამაც შეიძლება მიგვიყვანოს პაციენტის სიკვდილამდე 2-18 საათის განმავლობაში. რეკომენდირებულია გულ-სისხლძარღვთა სისტემისა და სუნთქვითი მაჩვენებლების მონიტორება, ასევე, სიმპტომური თერაპია. სპეციფიკური ანტიდოტი ცნობილი არ არის. სხვა წამლებთან ურთიერთქმედება მაო-ს ინჰიბიტორები აძლიერებენ და ახანგრძლივებენ სუპრასტინის ანტიქოლინერგულ ეფექტებს. საჭიროა განსაკუთრებული სიფრთხილის გამოჩენა სუპრასტინის სხვა სედატიურ საშუალებებთან, ტრანკვილიზატორებთან, სედატიურ ანალგეტიკებთან, ტრიციკლურ ანტიდეპრესანტებთან, ატროპინთან, მუსკარინერგულ პარასიმპათოლიზურ პრეპარატებთან ერთდროული მიღების დროს. სუპრასტინს და ნებისმიერს ამ პრეპარატთაგანს შეუძლიათ ერთმანეთის ეფექტის გაძლიერება. ალკოჰოლი აძლიერებს სუპრასტინის დამთრგუნველ ეფექტს ცენტრალურ ნერვულ სისტემაზე, რის გამოც ამ პრეპარატის მიღების დროს საჭიროა ალკოჰოლური სასმელებისგან თავის შეკავება. შენახვის პირობები და ვადები ინახება ოთახის ტემპერატურაზე 15°-25oC., ბავშვებისთვის მიუწვდომელ ადგილას! ვარგისიანობის ვადა 5 წელი; ვარგისიანობის ვადა მითითებულია შეფუთვაზე. პრეპარატი არ გამოიყენება ვარგისიანობის ვადის გასვლის შემდეგ. აფთიაქში გაცემის წესი ფარმაცევტული პროდუქტის II ჯგუფი (რეცეპტით)

Friday, 02 March 2012 17:41 - 184 hits - 0 comment - Print -  E-mail

ტავეგილი ამპ. (Tavegyl) Clemastine OTC - NCH, შვეიცარია ათქ კლასიფიკაციის კოდი: R06AA კლინიკურ-ფარმაკოლოგიური ჯგუფი ჯგ: ჰისტამინური H1 რეცეპტორების ბლოკატორები >> პირველი თაობის პრეპარატები შემადგენლობა და გამოშვების ფორმა 1მგ/მლ 2მლ ი.მ. და ი.ვ. საინექციო ხსნარი ამპულა №5 2მლ საინექციო ხსნარი (1 ამპულა) შეიცავს 2 მგ კლემასტინის ჰიდროფუმარატს (აქტიური ნივთიერება), ასევე არააქტიურ ინგრედიენტებს: სორბიტოლი, ეთანოლი, პროპილენგლიკოლი, ნატრიუმის ციტრატი, საინექციო წყალი. ქიმიური (რაციონალური)სახელწოდება: 1-მეთილ-2[2-(α-α-მეთილ-პარა-ქლორბენზჰიდრილ-ოქსი)-ეთილ]-პიროლიდინი. ფარმაკოლოგიური თვისებები ტავეგილი არის H H1-რეცეპტორების ანტაგონისტი. ის განეკუთვნება ანტიჰისტამინურ საშუალებებს ბენზჰიდრიდული ეთერების ჯგუფიდან. ტავეგილი სელექტურად აინჰიბირებს H1-ტიპის ჰისტამინურ რეცეპტორებს და ამცირებს კაპილარების განვლადობას. იგი ავლენს გამოხატულ ანტიჰისტამინურ და ქავილის საწინააღმდეგო მოქმედებას, რომელიც ხასიათდება სწრაფი დასაწყისითა და მნიშვნელოვანი ხანგრძლივობით, რომელიც 12 საათს აღწევს. ფარმაკოკინეტიკა პლაზმის ცილებთან კლემასტინის შეკავშირების ხარისხი შეადგენს 95%. პლაზმიდან გამოყოფა ორფაზოვანია, ნახევრადგამოყოფის შესაბამისი პერიოდები შეადგენს 3.6+0.9 საათს და 37+16 საათს.კლემასტინი მნიშვნელოვან მეტაბოლიზმს ექვემდებარება ღვიძლში. მეტაბოლიტები ძირითადად (45-65%) გამოიყოფა თირკმელების მეშვეობით; უცვლელი აქტიური ნივთიერება შარდში ვლინდება მხოლოდ კვალის რაოდენობით. ლაქტაციის პერიოდში კლემასტინის მცირე რაოდენობას შეუძლია შეაღწიოს დედის რძეში. ჩვენებები • ანაფილაქსიური ან ანაფილაქტოიდური შოკი და ანგიონევროზული შეშუპება (როგოც დამატებითი საშუალება). • ალერგიული და ფსევდოალერგიული რეაქციების პროფილაქტიკა ან მკურნალობა, მაგალითად კონტრასტული ნივთიერებების შეყვანის, სისხლის გადასხმის, ჰისტამინის დიაგნოსტიკური გამოყენების საპასუხოდ. მიღების წესები და დოზები მოზრდილებში: საშუალო დოზა შეადგენს 2 მლ (2 მგ), ე.ი. 1 ამპულის შიგთავსი. პრეპარატი შეჰყავთ ინტრავენურად ან კუნთებში დილას და საღამოს. პროფილაქტიკის მიზნით პრეპარატი შეჰყავთ ინტრავენურად ნაკადით, ნელა, დოზით 2 მლ უშუალოდ ანაფილაქსიური რეაქციის ან ჰისტამინის გამოყენებაზე საპასუხო რეაქციის შესაძლო წარმოქმნის წინ. პრეპარატის ხსნარი დამატებით შესაძლოა განზავდეს ნატრიუმის ქლორიდის იზოტონური ხსნარით ან 5% გლუკოზის ხსნარით შეფარდებით 1:5. ბავშვებში: 0.025 მგ/კგ დღე-ღამეში კუნთებში, დაყოფილი ორ ინექციად. გვერდითი მოვლენები ცენტრალური ნერვული სისტემის მხრივ: შესაძლებელია – ძილიანობა, დაღლილობის შეგრძნება, სედატიური ეფექტი, თავბრუსხვევა. ზოგიერთ შემთხვევაში, განსაკუთრებით ბავშვებში, აღინიშნება მასტიმულირებელი მოქმედება ცნს-ზე, რომელიც გამოიხატება აგზნებადობით, ძლიერი გაღიზიანებადობით, ტრემორით, უძილობით. კუჭ-ნაწლავის ტრაქტის მხრივ: შესაძლებელია – კუჭის დისკომფორტი; იშვიათად – პირის სიმშრალე, ღებინება, ტკივილები ეპიგასტრიუმში, ყაბზობა. აღწერილია უმადობის, გულისრევისა და დიარეის ცალკეული შემთხვევები. საშარდე გზების მხრივ: ძალიან იშვიათად – ხშირი შარდვა, შარდის გაძნელებული გამოყოფა. სასუნთქი ორგანოების მხრივ: იშვიათად – ბრონქული სეკრეტის შედედება და ნახველის გაძნელებული ევაკუაცია, სიმძიმის შეგრძნება გულმკერდში. გულ-სისხლძარღვთა სისტემის მხრივ: იშვიათად – არტერიული წნევის დაქვეითება (ხშირად ხანდაზმულ პაციენტებში), გულის ფრიალი, ექსტრასისტოლია. ალერგიული რეაქციები: ძალიან იშვიათად – ჭინჭრის ციება, გამონაყარი კანზე, ფოტოსენსიბილიზაცია. პრეპარატის ინტრავენური შეყვანისას აღწერილია ანაფილაქსიური შოკის ცალკეული შემთხვევები. უკუჩვენება • მაღალი მგრძნობელობა ტავეგილის ან მსგავსი ქიმიური სტუქტურის სხვა ანტიჰისტამინური პრეპარატების მიმართ. • მაო-ს ინჰიბიტორების ერთდროულად გამოყენება. • ტავეგილის, ისევე, როგორც ქოლინოლიზური თვისებების მქონე სხვა ანტიჰისტამინური პრეპარატების გამოყენება არ შეიძლება ქვედა სასუნთქი გზების დაავადებებისას, მათ შორის ბრონქული ასთმისას. • ტავეგილის დანიშვნა არ შეიძლება 1 წელზე უმცროსი ასაკის ბავშვებში. • ტავეგილის დანიშვნა არ შეიძლება დედებში ძუძუთი კვების პერიოდში. სიფრთხილის ზომები განსაკუთრებული სიფრთხილეა საჭირო ტავეგილის გამოყენებისას პაციენტებში დახურულკუთხოვანი გლაუკომით, სტენოზირებადი კუჭის წყლულით, პილოროდუოდენალური ობსტრუქციით, შარდის ბუშტის ყელის ობსტრუქციით, ასევე წინამდებარე ჯირკვლის ჰიპერტროფიით, რომელსაც თან ახლავს შარდის შეკავება. ტავეგილს სიფრთხილით უნიშნავენ პაციენტებს თვალშიდა მაღალი წნევით, ჰიპერთირეოზით, გულ-სისხლძარღვთა სისტემის დაავადებებით, მათ შორის არტერიული ჰიპერტონიით. ავადმყოფებში, რომლებიც იღებენ ტავეგილს, რეკომენდებულია თავის შეკავება სატრანსპორტო საშუალებათა მართვისაგან, მექანიზმებთან მუშაობისაგან, ასევე საქმიანობის სხვა სახეობებისაგან, რომლებიც საჭიროებს ძლიერ ყურადღებას. გაფრთხილება პეპარატის ინტრაარტერიული შეყვანა აკრძალულია. ტავეგილის ინტრავენური ინექციების ჩატარება უნდა მოხდეს ნელა (2-3 წუთზე მეტი დროის განმავლობაში) ორსულობა და ლაქტაცია ორსულობის პერიოდში ტავეგილს იყენებენ მხოლოდ იმ შემთხვევაში, თუ დედისათვის მოსალოდნელი სარგებელი აღემატება ნაყოფისათვის პოტენციურ რისკს. ჭარბი დოზირება ანტიჰისტამინური საშუალებების ჭარბმა დოზამ შესაძლოა ცნს-ზე მოახდინოს როგორც დამთრგუნველი, ასევე მასტიმულირებელი მოქმედება. ცნს-ის სტიმულაცია ხშირად ვლინდება ბავშვებში. ასევე შესაძლოა გამოვლინდეს ანტიქოლინერგული მოქმედებები: პირის სიმშრალე, თვალის გუგების ფიქსირებული გაფართოვება, ჰიპერემია, დარღვევები კუჭ-ნაწლავის ტრაქტის მხრივ. ჭარბი დოზის შემთხვევაში ნაჩვენებია სიმპტომატური თერაპია. სხვა წამლებთან ურთიერთქმედება ტავეგილი ისევე როგორც სხვა ანტიჰისტამინური საშუალებები, აძლიერებს ცნს-ის დამთრგუნველი სამკურნალო საშუალებების (საძილე, სედატიური, ანქსიოლიტიკები), ასევე ალკოჰოლის მოქმედებას. შენახვის პირობები და ვადები შენახვის განსაკუთრებული პირობების დაცვა საჭირო არ არის. პრეპარატი უნდა ინახებოდეს ბავშვებისათვის მიუწვდომელ ადგილას. ვარგისიანობის ვადა 5 წელი. პრეპარატის გამოყენება არ შეიძლება შეფუთვაზე მითითებული ვარგისიანობის ვადის ამოწურვის შემდეგ. აფთიაქში გაცემის წესი გაიცემა ექიმის რეცეპტით.

Monday, 05 March 2012 15:45 - 142 hits - 0 comment - Print -  E-mail

სუპრასტინი ტაბ. (Suprastin) Chloropyramine Hydrochloride სს ფარმაცევტული ქარხანა ეგისი, უნგრეთი ათქ კლასიფიკაციის კოდი: R06AC03 კლინიკურ-ფარმაკოლოგიური ჯგუფი ჯგ: ჰისტამინური H1 რეცეპტორების ბლოკატორები >> პირველი თაობის პრეპარატები შემადგენლობა და გამოშვების ფორმა 25 მგ ტაბლეტი #20 შემადგენლობა: ყოველი ტაბლეტი შეიცავს ქლორპირამინის ჰიდროქლორიდს 25 მგ. აქტიური ნივთიერების გარდა ტაბლეტი, ასევე, შეიცავს: სტეარინის მჟავას, ჟელატინს, ნატრიუმის სახამებლის გლიკოლატს, ტალკს, კარტოფილის სახამებელს, ლაქტოზის მონოჰიდრატს. ჩვენებები სუპრასტინის ტაბლეტები განკუთვნილია ალერგიული რეაქციებისა და დაავადებების სამკურნალოდ, რომლებსაც თან ახლავს ქავილი (ჭინჭრის ციება, თივის ცხელება, დერმატიტი მცენარეებთან და ქიმიურ ნივთიერებებთან კონტაქტის შემდეგ), კვებისა და წამლისმიერი ალერგიის სიმპტომების, ასევე მწერის ნაკბენის სამკურნალოდ. მიღების წესები და დოზები ტაბლეტები მიიღება საკვებთან ერთად, დაუღეჭავად წყლის საკმარის რაოდენობასთან ერთად. რეკომენდებული დოზებია: მოზრდილებში: ჩვეულებრივი დოზა 75-100 მგ (ერთი ტაბლეტი დღეში 3-4 ჯერ). ბავშვებში: 1-12 თვის ასაკში: 2-3 x ¼ ტაბლეტი; 1-6 წლის ასაკში: 3 x ¼ ან 2 x ½ ტაბლეტი.; 6-14 წლის ასაკში: 2-3 x ½ ტაბლეტი. პაციენტთა განსაკუთრებული ჯგუფები: ხანდაზმულებისა და დასუსტებული ავადმყოფებისათვის სუპრასტინის დანიშვნა შეიძლება მხოლოდ ექიმის სპეციალური დანიშნულებით. არ შეიძლება პრეპარატის მიღების თვითნებურად შეწყვეტა, რადგან ეს შეიძლება გახდეს დაავადების რეცედივის მიზეზი. სუპრასტინის გამოტოვებული დოზის ასანაზღაურებლად არ შეიძლება ორმაგი დოზის მიღება ჭარბი დოზირების რისკის გამო. გვერდითი მოვლენები როგორც ყველა სხვა სამკურნალო საშუალება, სუპრასტინის ტაბლეტებს შეუძლიათ გამოიწვიონ გვერდითი მოვლენები. ნებისმიერი ქვემოთ ჩამოთვლილი მოვლენის განვითარებისას, საჭიროა შეწყდეს სუპრასტინის ტაბლეტების მიღება და ჩატარდეს ექიმის კონსულტაცია: ტუჩების ან ხახის შეშუპება, სუნთქვის და ყლაპვის გაძნელებით; - კოლაფსი; ეს გვერდითი მოვლენები ძალიან მძიმეა და ვლინდება იშვიათად. მათი გამოვლენა მიუთითებს მომატებულ მგრძნობელობას სუპრასტინზე სუპრასტინის ტაბლეტების მიღების დროს შეიძლება გამოვლინდეს შემდეგი გვერდითი მოვლენები: უძილობა, დაღლილობა, თავბრუსხვევა, ნერვული გაღიზიანება, სპაზმი, ხელების კანკალი, თავის ტკივილი, უმიზეზოდ ამაღლებული გუნება-განწყობა, კუჭ-ნაწლავის ტრაქტის მხრიდან: დისკომფორტი კუჭის არეში, პირის სიმშრალე, გულისრევა, ღებინება, ფაღარათი, უმადობა, მადის გაძლიერება, ტკივილი ეპიგასტრალურ არეში, შარდვის გაძნელება, კუნთების სისუსტე, სიმპტომები გულ-სისხლძარღვთა სისტემის მხრივ, ალერგიული რეაქციები, არტერიული წნევის დაქვეითება, ფოტომგრძნობელობა, ქალასშიდა წნევის მომატება (ამ პრეპარატს შეუძლია გამოიწვიოს გლაუკომის შეტევა). ძალიან იშვიათად, პრეპარატის ხანგრძლივმა მიღებამ შეიძლება გამოიწვიოს ცვლილებები სისხლმბადი ორგანოების მხრივ. აუხსნელი ცხელების, ლარინგიტის, ლოყების ლორწოვან გარსზე წყლულების, სიფერმკრთალის, სიყვითლის, სისხლნაჟღენთების, უჩვეულო ან ძნელად შესაჩერებელი სისხლდენის განვითარებისას საჭიროა ექიმის კომნსულტაცია. უკუჩვენება - მომატებული მგრძნობელობა (ალერგია) სუპრასტინის ტაბლეტების აქტიური ნივთიერების ან ნებისმიერი სხვა კომპონენტის მიმართ. - ასთმის მწვავე შეტევა; - დღენაკლულ და დროულ ახალშობილებში; ორსულებმა და მეძუძურმა დედებმა შეიძლება მიიღონ ეს პრეპარატი მხოლოდ ექიმის სპეციალური დანიშნულებით. სუპრასტინის მიღება თანმხლები დაავადებების არსებობის დროს. - ღვიძლის დაავადებების დროს სუპრასტინის დანიშვნა შესაძლებელია მხოლოდ ექიმთან სპეციალური კონსულტაციის შემდეგ - საჭიროების შემთხვევაში დოზა შეიძლება შემცირდეს. - თირკმელების დაავადების არსებობის დროს შეიძლება საჭირო გახდეს დოზის შემცირება. - ისეთი დაავადებების დროს, როგორიცაა გლაუკომა (პრეპარატს შეუძლია გამოიწვიოს გლაუკომის მწვავე შეტევა), გულ-სისხლძარღვთა დაავადებები, ეპილეფსია, კუნთების დაავადებები, შარდის შეკავება, წინამდებარე ჯირკვლის ჰიპერტროფია, ხანგრძლივი ყაბზობა სუპრასტინის მიღება საჭიროა სიფრთხილით. - ანტიჰისტამინური პრეპარატების მიღების შემდეგ განვითარებული თავბრუსხვევის, ალერგიის სიმპტომების გაძლიერების, ან სხვა გვერდითი მოვლენების შესახებ სავალდებულოა ეცნობოს ექიმს. ორსულობა და ლაქტაცია არ არის ჩატარებული ორსულ ქალებში ადექვატური, სათანადოდ კონტროლირებადი კვლევები პრეპარატის გამოყენების შესახებ. თუმცა, აღწერილია შემაერთებელი ქსოვილის განვითარება იმ ახალშობილების თვალის ბროლის უკან, რომელთა დედებიც იღებდნენ ანტიჰისტამინურ პრეპარატებს ორსულობის ბოლო ორი კვირის მანძილზე. შესაბამისად, სუპრასტინის მიღება ორსულობის დროს, განსაკუთრებით, პირველი ტრიმესტრისა და ბოლო თვის განმავლობაში შესაძლებელია მხოლოდ რისკისა და სასარგებლო ეფექტის საგულდაგულო ანალიზის შემდეგ. განსაკუთრებული მითითებები - სუპრასტინის ტაბლეტების გამოყენება საჭიროებს განსაკუთრებულ სიფრთხილეს ხანდაზმულ ან დასუსტებულ ავადმყოფებში, რადგან ამ დროს ხშირია გვერდითი მოვლენები (ძილიანობა, დაღლილობა, თავბრუსხვევა, არტერიული წნევის დაქვეითება). - პრეპარატის გამოყენება არ შეიძლება დღენაკლულ ან დროულ ახალშობილებში. დანიშვნის საჭიროების ყოველ კონკრეტულ შემთხვევაში გადაწყვეტილება მიიღება ინდივიდუალურად. - გვიან საღამოს პრეპარატის მიღებამ შეიძლება გააძლიეროს რეფლუქს-ეზოფაგიტის სიმპტომები (ტკივილი კუჭისა და ეპიგასტრიუმის არეში, კუჭის მჟავის გადასროლა საყლაპავ მილში). - პრეპარატს შეუძლია გამოიწვიოს ფოტოსენსიბილიზაცია. - ყოველი ტაბლეტი შეიცავს ლაქტოზის მონოჰიდრატის 116 მგ-ს. ამ რაოდენობამ შეიძლება გამოიწვიოს არასასურველი რეაქციები ლაქტოზის დეფიციტის, ნივთიერებათა ცვლის იშვიათი დარღვევის – გალაქტოზემიის ან გლუკოზა/გალაქტოზის შეწოვის დარღვევის სინდრომის მქონე ავადმყოფებში. სუპრასტინის გამოყენება საკვებთან და სასმელთან მიმართებაში. ალკოჰოლს შეუძლია გააძლიეროს ანტიჰისტამინური პრეპარატების სედატიური ეფექტი ცენტრალურ ნერვულ სისიტემაზე, რის გამოც სუპრასტინით მკურნალობის კურსის განმავლობაში საჭიროა ალკოჰოლური სასმელების მიღებისგან თავის შეკავება. ტრანსპორტისა და მექანიზმების მართვა პრეპარატს, განსაკუთრებით მკურნალობის დასაწყისში, შეუძლია გამოიწვიოს ძილიანობა, ფსიქომოტორული ფუნქციების დარღვევა. ამიტომ საწყის პერიოდში, რომლის ხანგრძლიობა ისაზღვრება ინდივიდუალურად, აკრძალულია სატრანსპორტო საშუალებების მართვა და იმ სამუშაოს შესრულება, რომელიც დაკავშირებულია უბედური შემთხვევების მომატებულ რისკთან. ამის შემდეგ შეზღუდვის დონე ან ტრანსპორტისა და მექანიზმების მართვის აკრძალვა ექიმმა უნდა განსაზღვროს ყველა პაციენტისთვის ინდივიდუალურად. ჭარბი დოზირება სიმპტომები: ჰალუცინაციები, შფოთვა, მოძრაობის დარღვევა, სპაზმები, პირის სიმშრალე, გუგების უმოძრაობა, აჩქარებული გულისცემა, შარდის შეკავება; ბავშვებში - შფოთვა, ცხელება და სახის სიწითლე. მკურნალობა: კუჭის ამორეცხვა, გააქტივებული ნახშირის მიღება შიგნით. რეკომენდირებულია გულ-სისხლძარღვთა სისტემის და სუნთქვითი მაჩვენებლების მონიტორირება, ასევე, სიმპტომური თერაპია. სპეციფიკური ანტიდოტი არ არის ცნობილი. სხვა წამლებთან ურთიერთქმედება მაო-ს ინჰიბიტორები, (მაგალითად: მოკლობემიდი ან სელეგილინი) აძლიერებს ან ახანგრძლივებს სუპრასტინის ტაბლეტების ანტიქოლინერგიულ ეფექტებს (პირის სიმშრალე, გუგების გაფართოვება, მხედველობის აკომოდაციის დარღვევა, ყაბზობა, შარდის შეკავება). საჭიროა განსაკუთრებული სიფრთხილის გამოჩენა სუპრასტინის სხვა სედატიურ საშუალებებთან, ტრანკვილიზატორებთან, სედატიურ ანალგეტიკებთან, ტრიციკლურ ანტიდეპრესანტებთან, ატროპინთან, მუსკარინერგულ პარასიმპათოლიზურ პრეპარატებთან ერთდროული მიღების დროს. სუპრასტინს და ნებისმიერს ამ პრეპარატთაგანს შეუძლიათ ერთმანეთის ეფექტის გაძლიერება. შენახვის პირობები და ვადები ინახება ოთახის ტემპერატურაზე 15°-25oC. ბავშვებისთვის მიუწვდომელ ადგილას! ვარგისიანობის ვადა მითითებულია შეფუთვაზე. პრეპარატი არ გამოიყენება ვარგისიანობის ვადის გასვლის შემდეგ. აფთიაქში გაცემის წესი პრეპარატი გაიცემა ურეცეპტოდ.

Monday, 05 March 2012 15:23 - 143 hits - 0 comment - Print -  E-mail

ტავეგილი ტაბ. (Tavegyl) Clemastine OTC - NCH, შვეიცარია ათქ კლასიფიკაციის კოდი: R06AA კლინიკურ-ფარმაკოლოგიური ჯგუფი ჯგ: ჰისტამინური H1 რეცეპტორების ბლოკატორები >> პირველი თაობის პრეპარატები შემადგენლობა და გამოშვების ფორმა 1მგ ტაბლეტი №20 1 ტაბლეტი შეიცავს: აქტიურ კომპონენტებს: 1 მგ კლემასტინი (1.34 მგ კლემასტინის ჰიდროფუმარატს); დამხმარე ნივთიერებებია: ლაქტოზა, პოლივინილპიროლიდონი, სიმინდის სახამებელი, მაგნიუმის სტეარატი, ტალკი. აღწერილობა: თეთრი, ბრტყელი, მრგვალი, ჩამოთლილი ნაპირებით აბი, ცალ მხარეს გამყოფი ხაზით და გრავირებით “ОТ” ქიმიური (რაციონალური) სახელწოდება: 1-მეთილ-2[2-(α-მეთილ-პარა-ქლორბენზჰიდრილ-ოქსი)-ეთილ]-პიროლიდინი (ფუმარატის სახით). ფარმაკოლოგიური თვისებები ტავეგილი® არის H H1-რეცეპტორების ანტაგონისტი. ის განეკუთვნება ანტიჰისტამინურ საშუალებებს ბენზჰიდრიდული ეთერების ჯგუფიდან, იგი ამცირებს კაპილარების განვლადობას, ავლენს ანტიალერგიულ და ქავილის საწინააღმდეგო მოქმედებას, რომელიც ხასიათდება სწრაფი დასაწყისითა და მნიშვნელოვანი ხანგრძლივობით. პრეპარატის ანტიჰისტამინური აქტივობა მაქსიმუმს აღწევს 5-7 საათში, ნარჩუნდება 10-12 საათის განმავლობაში, ზოგიერთ შემთხვევაში 24 საათის განმავლობაში. ფარმაკოკინეტიკა შინაგანად მიღების შემდეგ ტავეგილი® თითქმის მთლიანად შეიწოვება კუჭ-ნაწლავის ტრაქტიდან. მაქსიმალური კონცენტრაცია პლაზმაში მიიღწევა 2-4 საათის შემდეგ. პლაზმის ცილებთან კლემასტინის შეკავშირების ხარისხი შეადგენს 95%. პლაზმიდან გამოყოფა ორფაზოვანია, ნახევრადგამოყოფის შესაბამისი პერიოდები შეადგენს 3.6+0.9 საათს და 37+16 საათს.კლემასტინი მნიშვნელოვან მეტაბოლიზმს ექვემდებარება ღვიძლში. მეტაბოლიტები ძირითადად (45-65%) გამოიყოფა თირკმელების მეშვეობით; უცვლელი აქტიური ნივთიერება შარდში ვლინდება მხოლოდ კვალის სახით. ლაქტაციის პერიოდში კლემასტინის მცირე რაოდენობას შეუძლია შეაღწიოს დედის რძეში. ჩვენებები • ციებ-ცხელება და სხვა ალერგიული რინოპათიები; • სხვადასხვა წარმოშობის ჭინჭრის ციება; • ქავილი, დერმატოზები; • მწვავე და ქრონიკული ეგზემა, კონტაქტური დერმატიტი და წამლისმიერი გამონაყარი (როგორც დამატებითი საშუალება); • მწერების ნაკბენები. მიღების წესები და დოზები მოზრდილებსა და 12 წელზე უფროსი ასაკის ბავშვებში ნიშნავენ თითო ტაბლეტს (1 მგ) დილას და საღამოს. მკურნალობას რთულად დაქვემდებარებულ შემთხვევებში, დღე-ღამის დოზამ შეიძლება შეადგინოს 6 ტაბლეტი (6 მგ). ტაბლეტი ჭამამდე უნდა იქნეს მიღებული ცოტაოდენი წყლის დაყოლებით. 6-12 წლის ასაკის ბავშვებში ნიშნავენ 0.5-1 ტაბლეტს ვახშმობის წინ და ღამით. გვერდითი მოვლენები ცენტრალური ნერვული სისტემის მხრივ: შესაძლებელია – ძილიანობა, დაღლილობის შეგრძნება, სედატიური ეფექტი, თავბრუსხვევა, თავის ტკივილი, ტრემორი, შენელებული მოძრაობა, მოძრაობათა კოორდინაციის დარღვევა. იშვიათ შემთხვევაში, განსაკუთრებით ბავშვებში, აღინიშნება მასტიმულირებელი მოქმედება ცნს-ზე, რომელიც გამოიხატება აგზნებადობით, ძლიერი გაღიზიანებადობით, ნევროზულობით, უძილობით, ისტერიით, ეიფორიით, კრუნჩხვებით, პარესთეზიით. კუჭ-ნაწლავის ტრაქტის მხრივ: შესაძლებელია – კუჭის დისკომფორტი; იშვიათად – პირის სიმშრალე, ღებინება, ტკივილები ეპიგასტრიუმში, ყაბზობა. აღწერილია უმადობის, გულისრევისა და დიარეის ცალკეული შემთხვევები. საშარდე გზების მხრივ: ძალიან იშვიათად –ხშირი შარდვა ან შარდის გაძნელებული გამოყოფა. სასუნთქი ორგანოების მხრივ: იშვიათად – ბრონქული სეკრეტის შედედება და ნახველის გაძნელებული ევაკუაცია, შეკუმშვის შეგრძნება გულმკერდში და სუნთქვის გართულება, ცხვირის შეგუბება. გულ-სისხლძარღვთა სისტემის მხრივ: იშვიათად – არტერიული წნევის დაქვეითება (ხშირად ხანდაზმულ პაციენტებში), გულის ფრიალი, ექსტრასისტოლია. ალერგიული რეაქციები: ძალიან იშვიათად – ჭინჭრის ციება, გამონაყარი კანზე, ფოტოსენსიბილიზაცია, ანაფილაქსიური შოკი. უკუჩვენება • მაღალი მგრძნობელობა ტავეგილის მიმართ. • მაო-ს ინჰიბიტორების ერთდროულად გამოყენება. • ტავეგილის, ისევე, როგორც ქოლინოლიზური თვისებების მქონე სხვა ანტიჰისტამინური პრეპარატების გამოყენება არ შეიძლება ქვედა სასუნთქი გზების დაავადებებისას, მათ შორის ბრონქული ასთმისას. • ტავეგილის დანიშვნა არ შეიძლება დედებში ძუძუთი კვების პერიოდში. • ტავეგილის (ტაბლეტები) დანიშვნა არ შეიძლება 6 წელზე უმცროსი ასაკის ბავშვებში (1 წელზე უმცროსი ასაკის ბავშვებში შეიძლება ტავეგილის სიროფისა და საინექციო ხსნარის გამოყენება). • განსაკუთრებული სიფრთხილეა საჭირო ტავეგილის გამოყენებისას პაციენტებში. დახურულკუთხოვანი გლაუკომით, სტენოზირებადი კუჭის წყლულით, პილოროდუოდენალური ობსტრუქციით, შარდის ბუშტის ყელის ობსტრუქციით, ასევე წინამდებარე ჯირკვლის ჰიპერტროფიით, რომელსაც თან ახლავს შარდის შეკავება. ტავეგილს სიფრთხილით უნიშნავენ პაციენტებს თვალშიდა მაღალი წნევით, ჰიპერთირეოზით, გულ-სისხლძარღვთა სისტემის დაავადებებით, მათ შორის არტერიული ჰიპერტენზიით. ორსულობა და ლაქტაცია ორსულობის პერიოდში ტავეგილის იყენებენ მხოლოდ იმ შემთხვევაში, თუ დედისათვის მოსალოდნელი სარგებელი აღემატება ნაყოფისათვის პოტენციურ რისკს. განსაკუთრებული მითითებები ავადმყოფებისათვის, რომლებიც იღებენ ტავეგილს, რეკომენდებულია თავის შეკავება სატრანსპორტო საშუალებათა მართვისაგან, მექანიზმებთან მუშაობისაგან, ასევე საქმიანობის სხვა სახეობებისაგან, რომლებიც საჭიროებს განსაკუთრებულ ყურადღებას. ჭარბი დოზირება სიმპტომები. ანტიჰისტამინური საშუალებების ჭარბმა დოზამ შესაძლოა ცნს-ზე მოახდინოს როგორც დამთრგუნველი, ასევე მასტიმულირებელი მოქმედება. ცნს-ის სტიმულაცია ხშირად ვლინდება ბავშვებში. ასევე შესაძლოა გამოვლინდეს ანტიქოლინერგული მოქმედებები: პირის სიმშრალე, თვალის გუგების ფიქსირებული გაფართოვება, ჰიპერემია, დარღვევები კუჭ-ნაწლავის ტრაქტის მხრივ (ღებინება, ტკივილები ეპიგასტრიუმში, გულისრევა). მკურნალობა: თუ პაციენტს გულისრევა სპონტანურად არ დაეწყო, ის გამოწვეული უნდა იქნეს (მხოლოდ იმ შემთხვევაში, თუ ავადმყოფის აზროვნება შენარჩუნებულია). თუ პრეპარატის მიღების მომენტიდან გავიდა 3 საათი ან ცოტათი მეტი დრო, აუცილებელია კუჭის ამორეცხვა 0.9% ნატრიუმის ქლორიდის ხსნარისა და აქტივირებული ნახშირის გამოყენებით. ასევე ნაჩვენებია სიმპტომატური თერაპია. სხვა წამლებთან ურთიერთქმედება ტავეგილი ისევე როგორც სხვა ანტიჰისტამინური საშუალებები, აძლიერებს ცნს-ის დამთრგუნველი სამკურნალო საშუალებების (საძილე, სედატიური, ანქსიოლიზური), მ-ქოლინობლოკატორების, ასევე ალკოჰოლის მოქმედებას. იგი შეუთავსებადია მაო-ს ინჰიბიტორებთან. შენახვის პირობები და ვადები ოთახის ტემპერატურაზე, ბავშვებისათვის მიუწვდომელ ადგილას. ვარგისიანობის ვადა 5 წელი. არ შეიძლება პრეპარატის გამოყენება შეფუთვაზე მითითებული ვარგისობის ვადის ამოწურვის შემდეგ. აფთიაქში გაცემის წესი ექიმის რეცეპტის გარეშე.

Monday, 05 March 2012 16:14 - 150 hits - 0 comment - Print -  E-mail

ეროლინი ტაბ. (Erolin) Loratadine სს ფარმაცევტული ქარხანა ეგისი, უნგრეთი ათქ კლასიფიკაციის კოდი: კლინიკურ-ფარმაკოლოგიური ჯგუფი ჯგ: ჰისტამინური H1 რეცეპტორების ბლოკატორები >> მეორე თაობის პრეპარატები შემადგენლობა და გამოშვების ფორმა 10 მგ ტაბლეტი #10 ყოველი ტაბლეტი შეიცავს აქტიურ ნივთიერებას - 10 მგ ლორატადინს. სხვა კომპონენტები: კოლოიდური უწყლო კაჟბადი, მაგნიუმის სტეარატი, პრეჟელატინიზირებული სახამებელი, მიკროკრისტალური ცელულოზა, ლაქტოზის მონოჰიდრატი. ჩვენებები თაბლეტების ფორმით ეროლინი გამოიყენება ალერგიის ისეთი სიმპტომების შესამსუბუქებლად, როგორებიცაა ცემინება, სურდო, თაველის ქავილი და სიწითლე. იგი ასევე გამოიყენება კანის ალერგიული დაზიანებებისას, რომლებსაც ახასიათებს გამონაყარი, ასევე ქავილისა და ჭინჭრის ციების დროს. მიღების წესები და დოზები პრეპარატის მიღება უნდა მოხდეს ექიმის დანიშნულების მიხედვით. ჩვეულებრივ პრეპარატი შემდეგნაირად გამოიყენება: მოზრდილები: მოზრდილებისა და 12 წელზე უფროსი ასაკის ბავშვებისათვის ჩვეულებრივ საწყის დოზას წარმოადგენს 10 მგ ლორატადინი, ე.ი. 1 ტაბლეტი დღეში. ავადმყოფებისათვის ღვიძლის ფუნქციის უკმარისობით ან თირკმელების ფუნქციის დარღვევით (გლომერულური ფილტრაციის სიჩქარე არანაკლებ 30 მლ წუთში) დოზის შერჩევა ინდივიდუალურად ხდება. საწყისი დოზა ჩვეულებრივ მცირდება 5 მგ-მდე (0.5 ტაბლეტი) დღეში ან პრეპარატი ინიშნება 10 მგ (1 ტაბლეტი), მაგრამ დღეგამოშვებით. ხანდაზმული ავადმყოფები: ასეთ ავადმყოფებში სავარაუდოა გვერდითი ეფექტების უფრო ხშირად განვითარება. ამიტომ ასეთ ავადმყოფებში აუცილებელია სიფრთხილის დაცვა ეროლინის დანიშვნისას დოზებით, რომლებიც რეკომენდებულია მოზრდილებისათვის თირკმელების ნორმალური ფუნქციით. ბავშვები: 6-12 წლის ასაკის ბავშვებში პრეპარატი ინიშნება სხეულის წონის შესაბამისად. ბავშვები, რომელთა სხეულის წონა 30 კგ-ზე ნაკლებია, იღებენ 5 მგ-ს (0.5 მგ ტაბლეტი) დღეში, ხოლო ბავშვები, რომელთა სხეულის წონა 30 კგ-ზე მეტია, იღებენ 10 მგ-ს (1 ტაბლეტი) დღეში. სიროფის მიღება რეკომენდებულია ჭამამდე, საკმარისი რაოდენობით წყლის დაყოლებით. სიროფის მიღება სასურველია ერთიდაიგივე დროს. ეს საუკეთესო შედეგს იძლევა. თუ ავადმყოფს გამორჩა პრეპარატის დოზის მიღება, ორმაგი დოზის მიღება არ შეიძლება. ეროლინით მკურნალობის ხანგრძლივობას ექიმი განსაზღვრავს. ჭარბი დოზის მიღების შემთხვევაში აუცილებელია ექიმთან მიმართვა. გვერდითი მოვლენები როგორც ნებისმიერ სხვა პრეპარატს, ეროლინს გვერდითი ეფექტები გააჩნია. მკურნალობის დროს შეიძლება გამოვლინდეს შემდეგი გვერდითი ეფექტები: თავის ტკივილი, ძილიანობა, სიმშრალე პირში, ღებინება, გაძლიერებული მადა, უსიამოვნო შეგრძნებები კუჭის არეში, ნაწლავის ფუნქციის დარღვევები. თუ მკურნალობის დროს ბავშვს აღენიშნა შფოთვა, ასთმური სუნთქვა, დაღლილობის შეგრძნება, მომატებული აქტივობა, მუცლის ტკივილი, თვალების სიწითლე და ანთება, მეტყველების დარღვევა, ასევე საერთო სისუსტე, აუცილებელია ექიმთან მიმართვა. უკუჩვენება ეროლინის ტაბ.ს გამოყენება არ შეიძლება შემდეგ შემთხვევებში: • ალერგია პრეპარატის შემადგენლობაში შემავალ მოქმედ ნივთიერებაზე ან მის სხვა კომპონენტებზე. • ორსულობა და ლაქტაციის პერიოდი; ეროლინის გამოყენება არ შეიძლება 2 წლამდე ასაკის ბავშვებში. განსაკუთრებული მითითებები ეროლინის გამოყენების დაწყებამდე ექიმს უნდა ეცნობოს ღვიძლის ან თირკმლის არსებული დაავადების შესახებ. ამ შემთხვევაში შეიძლება საჭირო გახდეს დამატებითი ლაბორატორიული გამოკვლევების ჩატარება ავადმყოფისათვის უფრო ეფექტური მკურნალობის მეთოდის შესამუშავებლად. ლორატადინის შეწოვას ცვლის საკვები, ამიტომ პრეპარატის მიღება უნდა მოხდეს უზმოზე. აუცილებელია სიფრთხილის დაცვა ეროლინის პირველად მიღებისას, ვინაიდან ეროლინის ზოგიერთმა გვერდითმა ეფექტმა (მაგ., ძილიანობამ) შეიძლება იმოქმედოს ავტომობილისა და მექანიკური მოწყობილობების მართვის უნარზე. ასეთი საქმიანობების შესრულება შეიძლება მხოლოდ ამ გვერდითი ეფექტების არარსებობის შემთხვევაში. ეროლინით მკურნალობისას: თუ ექიმი აპირებს ალერგიული სინჯის (პრიკის ტესტის) ჩატარებისას, იგი პაციენტს ურჩევს პრეპარატის გამოყენების შეწყვეტას არანაკლებ 4 დღით ადრე ამ ტესტის ჩატარებამდე, რათა არ მოხდეს მცდარი უარყოფითი შედეგის გამოვლინება. ეროლინის სიროფის გამოყენება არ შეიძლება, თუ ფლაკონი 6 თვის განმავლობაში გახსნილ მდგომარეობაში იმყოფება. საჭიროა ექიმთან კონსულტაცია, თუ ეროლინთან ერთად გამოწერილია ერითრომიცინი, ციმეტიდინი ან კეტოკონაზოლი. ამ პრეპარატებმა შეიძლება გაზარდონ სისხლის პლაზმაში ლორატადინისა და მისი მეტაბოლიტების შემცველობა. ამავდროულად ეროლინის ზეგავლენის ქვეშ შეიძლება 15%-ით შემცირდეს ერითრომიცინის შემცველობა. ეროლინის გამოყენება შეიძლება იმ სამკურნალო პრეპარატებთან კომბინაციაში, რომლებიც თრგუნავენ ღვიძლის ფერმენტებს (მაგალითად, ხინიდინი, ფლუკონაზოლი, ფლუოქსეტინი), მაგრამ ამის განხორციელება ძალიან ფრთხილად უნდა მოხდეს. იმ შემთხვევაში, თუ პაციენტმა არ იცის როგორი პრეპარატებით სარგებლობს, ცოტახნის წინ სარგებლობდა ან მომავალში აპირებს გამოყენებას, აუცილებელია ექიმთან კონსულტაცია. შენახვის პირობები და ვადები პრეპარატი ინახება ბავშვებისათვის მიუწვდომელ ადგილას, 15-25oC ტემპერატურაზე. შენახვის ვადა: 5 წელი ვარგისიანობის ვადა მითითებულია შეფუთვაზე. პრეპარატის გამოყენება არ შეიძლება შეფუთვაზე მითითებული ვადის ამოწურვის შემდეგ. აფთიაქში გაცემის წესი რეცეპტის გარეშე

Monday, 05 March 2012 16:32 - 122 hits - 0 comment - Print -  E-mail

პარლაზინი წვეთ. (Parlazin) Cetirizine სს ფარმაცევტული ქარხანა ეგისი, უნგრეთი ათქ კლასიფიკაციის კოდი: კლინიკურ-ფარმაკოლოგიური ჯგუფი ჯგ: ჰისტამინური H1 რეცეპტორების ბლოკატორები >> მეორე თაობის პრეპარატები შემადგენლობა და გამოშვების ფორმა 10მგ/1მლ 20მლ წვეთები წამლის ფორმა: შიგნით მისაღები ხსნარი (შიგნით მისაღები წვეთების ფორმით) შემადგენლობა: შიგნით მისაღები წვეთების 1მლ შეიცავს 10მგ აქტიურ ინგრედიენტს – ცეტირიზინის ჰიდროქლორიდს; დამხმარე ნივთიერებებს: გლიცერინი, პროპილენგლიკოლი, ნატრიუმის საქარინატი, ნატრიუმის აცეტატი, მეტალ-პარაჰიდროქსიბენზოატი, პროპილ-პარაჰიდროქსიბენზოატი, გაყინული ძმარმჟავა, გასუფთავებული წყალი. ჩვენებები • მუდმივი ალერგიული რინიტი • სეზონური ალერგიული რინიტი და კონიუნქტივიტი • ქავადი ალერგიული დერმატოზები • ქრონიკული იდიოპათიური ჭინჭრის ციება მიღების წესები და დოზები გამოყენების წესი მოზრდილები და 12 წელზე უფროსი ასაკის მოზარდები: ჩვეულებრივი დოზა – 10მგ ერთხელ დღეში (20 წვეთი), სასურველია ღამით. 6-12 წლამდე ასაკის ბავშვები: ჩვეულებრივი დღიური დოზა – 5მგ (10წვეთი) ორჯერ დღეში (დილას და საღამოს); ან 10მგ (20 წვეთი) საღამოს. 2-6 წლის ბავშვები: ჩვეულებრივი დღის დოზა – 5 მგ ( 10 წვეთი დღეში). ასევე, ამ დოზის გაყოფა შეიძლება ორ მიღებად 2.5 მგ (5 წვეთი დილას და საღამოს).1-2 წლამდე ასაკის ბავშვებში: 2.5 მგ (5 წვეთი) ორჯერ დღეში. ხანდაზმული ავადმყოფები: ასეთი ავადმყოფებისათვის რეკომენდებულია დოზის შემცირება 5 მგ-მდე დღეში. ავადმყოფებს თირკმლის უკმარისობით უნიშნავენ რეკომენდებული დოზის ნახევარს (5 მგ დღეში). როდესაც კრეატინინის კლირენსი არის < 30 მლ/წუთ – 5 მგ (10 წვეთი) დღეგამოშვებით. როდესაც კრეატინინის კლირენსი არის < 10 მლ/წუთ – პრეპარატი არ ინიშნება. გვერდითი მოვლენები • დოზაზე დამოკიდებული სედატიური ეფექტი • დაღლილობის შეგრძნება • თავის ტკივილი • თავბრუსხვევა • პირის სიმშრალე • ღებინება და კუჭ-ნაწლავის მხრიდან სხვა სიმპტომები • შფოთვა (მოძრაობითი აქტივობის მომატება) ზემოაღნიშნული გვერდითი ეფექტების ინტენსივობის შემცირება შეიძლება დღიური დოზის ორ მიღებად გაყოფით. ჰიპერმგრძნობელობის რეაქციები (სისხლძარღვების შეშუპება, გამონაყარი) წარმოიქმნება იშვიათად ( < 2%). უკუჩვენება • ჰიპერმგრძნობელობა ცეტირიზინის ან პრეპარატის ნებისმიერი შემადგენელი კომპონენტების მიმართ. • ძუძუთი კვება, რადგან ცეტირიზინი აღწევს დედის რძეში. ბუნებრივ კვებაზე მყოფ ჩვილებში სავარაუდო გვერდითი ეფექტების რისკი აღემატება შესაძლო სარგებელს დედისათვის და ამგვარად, ლაქტაციის დროს ცეტირიზინს არ ნიშნავენ. • ბავშვთა ასაკი 1 წლამდე (ამ ასაკობრივ ჯგუფში პრეპარატის უსაფრთხოება და ეფექტურობა დადასტურებული არ არის). • ორსულობა წარმოადგენს შედარებით უკუჩვენებას. ექსპერიმენტულ გამოკვლევებზე დაყრდნობით, შეიძლება დადასტურდეს, რომ ცეტირიზინს არ გააჩნია ტერატოგენული ეფექტი. მონაცემები ადამიანზე კონტროლირებადი კვლევების შესახებ არ არსებობს, რის გამოც, ორსული ქალებისათვის პრეპარატი რეკომენდებული არ არის. • კრეატინინის კლირენსი < 10 მლ/წთ განსაკუთრებული მითითებები ჰიპერმგრძნობელობის რეაქციის განვითარების შემთხვევაში, ცეტირიზინით მკურნალობას დაუყოვნებლივ წყვეტენ. ავადმყოფებში თირკმლის უკმარისობით, ნივთიერების შენელებული გამოყოფის გამო, პრეპარატს შეუძლია კუმულირება. ასეთი ავადმყოფებისათვის ცეტირიზინის დანიშვნისას ჩვეულებრივი, უფროსებისათვის რეკომენდებული დოზებით, შესაძლოა გამოვლინდეს გვერდითი ეფექტები, დაკავშირებული ქოლინომაბლოკირებელ და ცნს-ზე მოქმედებასთან. ასეთი ავადმყოფებისათვის რეკომენდებულია ცეტირიზინის დოზის შემცირება. ხანდაზმულ ავადმყოფებში აღინიშნება ჰიპერმგრძნობელობა ქოლინომაბლოკირებელი გვერდითი ეფექტების მიმართ (მაგალითად, პირის სიმშრალე, შარდის შეკავება), თუ ასეთი სიმპტომები ავადმყოფისათვის მიუღებელი ხდება და ძლიერდება, პარლაზინით მკურნალობა უნდა შეწყდეს. გამოხატული ქოლინომაბლოკირებელი ან ცნს-ის დამთრგუნველი მოქმედება პარლაზინის ჩვეულებრივი დოზებით დანიშვნისას, როგორც წესი, არ წარმოიქმნება. მაგრამ, ცეტირიზინის დაგროვების რისკი იზრდება (შესაძლებელია, თირკმელების ფუნქციის პროგრესირებადი შემცირების გამო ხანდაზმულ ავადმყოფებში). ისევე, როგორც სხვა ანტიჰისტამინური საშუალებების შემთხვევაში, მათი მეშვეობით მკურნალობა უნდა შეწყდეს სამი დღით ადრე პრიკის სინჯის ჩატარებამდე (არასწორი რეაქციის არიდების მიზნით). წვეთები შეიცავს პროპილ-პარაჰიდრობენზოატს, როგორც დამხმარე ნივთიერებას, რომელმაც შემდგომში შეიძლება გამოიწვიოს ალერგიული რეაქცია. პარლაზინით მკურნალობის დროს ალკოჰოლური სასმელის მიღება კატეგორიულად აკრძალულია. ზეგავლენა სატრანსპორტო საშუალებებისა და მექანიზმების მართვის უნარზე პრეპარატმა შეიძლება გამოიწვიოს ძილიანობა, თავბრუსხვევა, მსუბუქი თავის ტკივილი, კონცენტრაციის დაქვეითება, ამიტომ მკურნალი ექიმი ადგენს თითოეული პაციენტისთვის ინდივიდუალურად სატრანსპორტო საშუალებებისა და მექანიზმების მართვის შეზღუდვის ხარისხს. ჭარბი დოზირება სიმპტომები: დაღლილობისა და ძილიანობს შეგრძნება წარმოადგენს პრეპარატის ჭარბი დოზის ყველაზე ხშირ სიმპტომს. შფოთვა და გაღიზიანებადობა, რომელსაც ძილიანობა მოსდევს, ახასიათებს ცეტირიზინის ჭარბი დოზის შემთხვევებს ბავშვებში. მკურნალობა: მასიური ჭარბი დოზის მიღებისას გამოწვეულ უნდა იქნას გულისრევა, ასევე დაინიშნოს სიმპტომური და შემანარჩუნებელი მკურნალობა. სპეციფიური ანტიდოტი არ არსებობს. პრეპარატისაგან სისხლის გასათავისუფლებლად ჰემოდიალიზი გამოუსადეგარია. სხვა წამლებთან ურთიერთქმედება შესაძლო ურთიერთქმედება ქვემოჩამოთვლილი პრეპარატებიდან ნებისმიერთან აღმოჩენილი არ არის: დიაზეპამი, ციმეტიდინი, აზითრომიცინი, ფსევდოეფედრინი, კეტოკონაზოლი, ერითრომიცინი, თეოფილინი (მცირე დოზებით). მაკროლიდებთან და კეტოკონაზოლთან ერთდროული გამოყენებისას არ აღინიშნება ეკგ ცვლილება. შენახვის პირობები და ვადები პრეპარატი ინახება 15-25oC ტემპერატურაზე, მშრალ და სინათლისაგან დაცულ, ბავშვებისათვის მიუწვდომელ ადგილზე. ვარგისიანობის ვადა 4 წელი; ფლაკონის პირველი გახსნიდან 4 კვირა; მითითებულია შეფუთვაზე. პრეპარატი არ გამოიყენება შეფუთვაზე მითითებული ვარგისიანობის ვადის ამოწურვის შემდეგ. აფთიაქში გაცემის წესი ფარმაცევტული პროდუქტის III ჯგუფი(რეცეპტის გარეშე).

Tuesday, 06 March 2012 14:36 - 141 hits - 0 comment - Print -  E-mail

პარლაზინი ტაბ. (Parlazin) Cetirizine სს ფარმაცევტული ქარხანა ეგისი, უნგრეთი ათქ კლასიფიკაციის კოდი: კლინიკურ-ფარმაკოლოგიური ჯგუფი ჯგ: ჰისტამინური H1 რეცეპტორების ბლოკატორები >> მეორე თაობის პრეპარატები შემადგენლობა და გამოშვების ფორმა 10მგ შემოგარსული ტაბლეტი #10 და #30 შემოგარსული ტაბლეტები 10 მგ შიგნით მისაღებად თითოეული შემოგარსული ტაბლეტი შეიცავს 10 მგ აქტიურ ინგრედიენტს – ცეტირიზინის ჰიდროქლორიდს; დამხმარე ნივთიერებები: სილიციუმის კოლოიდურ უწყლო ორჟანგს, მაგნიუმის სტეარატს, ლაქტოზას მონოჰიდრატს და მიკროკრისტალურ ცელულოზას. გარსი შედგება ჰიდროქსიპროპილმეთილცელულოზისაგან, ტიტანის ორჟანგისაგან, მაკროგოლი 400-საგან და ყვითელი არიავეტ სანსეტისაგან. ჩვენებები • მუდმივი ალერგიული რინიტი • სეზონური ალერგიული რინიტი და კონიუნქტივიტი • ქავილი • ქრონიკული იდიოპათიური ჭინჭრის ციება მიღების წესები და დოზები მოზრდილები და 12 წელზე უფროსი ასაკის მოზარდები: ჩვეულებრივი დოზა – 1 შემოგარსული ტაბლეტი დღეში, სასურველია ღამით. 6-12 წლამდე ასაკის ბავშვები:ჩვეულებრივი დოზა – 1/2 ტაბლეტი ორჯერ დღეში (ნახევარი - დილით, ნახევარი- საღამოს); ან ერთი მთლიანი ტაბლეტი საღამოს. ხანდაზმული ავადმყოფები: ასეთი ავადმყოფებისათვის რეკომენდებულია დოზის შემცირება (იხ. განსაკუთრებული მითითებები). ავადმყოფებს თირკმლის უკმარისობით უნიშნავენ რეკომენდებული დოზის ნახევარს. გვერდითი მოვლენები • დოზაზე დამოკიდებული სედატიური ეფექტი; • დაღლილობის შეგრძნება; • თავის ტკივილი; • თავბრუსხვევა; • პირის სიმშრალე; • ღებინება და კუჭ-ნაწლავის მხრიდან სხვა სიმპტომები; • შფოთვა (მოძრაობითი აქტივობის მომატება); ზემოაღნიშნული გვერდითი ეფექტების ინტენსივობის შემცირება შეიძლება სადღეღამისო დოზის ორ ჯერზე გაყოფით. ჰიპერმგრძნობელობის რეაქციები (სისხლძარღვების შეშუპება, გამონაყარი) წარმოიქმნება იშვიათად ( < 2%). უკუჩვენება • ჰიპერმგრძნობელობა ცეტირიზინის ან პრეპარატის ნებისმიერი შემადგენელი კომპონენტის მიმართ. • ძუძუთი კვება, რადგან ცეტირიზინი აღწევს დედის რძეში. ბუნებრივ კვებაზე მყოფ ჩვილებში სავარაუდო გვერდითი ეფექტების რისკი აღემატება შესაძლო სარგებელს დედისათვის და ამგვარად, ლაქტაციის დროს ცეტირიზინს არ ნიშნავენ. ორსულობა წარმოადგენს შედარებით უკუჩვენებას. მონაცემები ადამიანზე კონტროლირებადი კვლევების შესახებ არ არსებობს, რის გამოც, ორსული ქალებისათვის პრეპარატი რეკომენდებული არ არის. ორ წლამდე ბავშვებს ცეტირიზინი არანაირი ფორმით არ ენიშნებათ (ამ ასაკობრივ ჯგუფში პრეპარატის უსაფრთხოება და ეფექტურობა დადგენილი არ არის). შემოგარსული ტაბლეტების ბავშვებში გამოყენება შეიძლება 6 წლისა და უფროს ასაკში. არსებობს ცეტირიზინის ხსნარი შინაგანი მიღებისათვის, რომელიც რეკომენდებულია 2-დან 6 წლამდე ბავშვების სამკურნალოდ. განსაკუთრებული მითითებები ჰიპერმგრძნობელობის რეაქციის განვითარების შემთხვევაში, ცეტირიზინით მკურნალობას დაუყოვნებლივ წყვეტენ. ავადმყოფებში თირკმლის უკმარისობით, ნივთიერების შენელებული გამოყოფის გამო, პრეპარატს შეუძლია კუმულირება. ასეთი ავადმყოფებისათვის ცეტირიზინის დანიშვნისას ჩვეულებრივი, უფროსებისათვის რეკომენდებული დოზებით, შესაძლოა გამოვლინდეს გვერდითი ეფექტები, დაკავშირებული ქოლინომაბლოკირებელ და ცნს-ზე მოქმედებასთან. ასეთი ავადმყოფებისათვის რეკომენდებულია ცეტირიზინის დოზის შემცირება. ხანდაზმულ ავადმყოფებში აღინიშნება ჰიპერმგრძნობელობა ქოლინომაბლოკირებელი გვერდითი ეფექტების მიმართ (მაგალითად, პირის სიმშრალე, შარდის შეკავება), თუ ასეთი სიმპტომები ავადმყოფისათვის მიუღებელი ხდება და ძლიერდება, პარლაზინით მკურნალობა უნდა შეწყდეს. გამოხატული ქოლინომაბლოკირებელი ან ცნს-ის დამთრგუნველი მოქმედება პარლაზინის ჩვეულებრივი დოზებით დანიშვნისას, როგორც წესი, არ წარმოიქმნება. მაგრამ, ცეტირიზინის კუმულაციის რისკი იზრდება (შესაძლებელია, თირკმელების ფუნქციის პროგრესირებადი შემცირების გამო ხანდაზმულ ავადმყოფებში). შემოგარსული ტაბლეტები შეიცავს ლაქტოზას. ავადმყოფებს, რომლებსაც აღენიშნებათ ლაქტოზას აუტანლობა, ამის შესახებ დროულად ატყობინებენ. ისევე, როგორც სხვა ანტიჰისტამინური საშუალებების შემთხვევაში, ეროლინით მკურნალობა უნდა შეწყდეს სამი დღით ადრე პრიკის სინჯის ჩატარებამდე (ცრუ რეაქციის არიდების მიზნით). პარლაზინით მკურნალობის დროს ალკოჰოლური სასმელის მიღება კატეგორიულად აკრძალულია. ჭარბი დოზირება სიმპტომები: დაღლილობისა და ძილიანობს შეგრძნება წარმოადგენს პრეპარატის ჭარბი დოზის ყველაზე ხშირ სიმპტომს. შფოთვა და გაღიზიანებადობა, რომელსაც მოსდევს ძილიანობა, ახასიათებს ცეტირიზინის ჭარბი დოზის შემთხვევებს ბავშვებში. მკურნალობა: მასიური ჭარბი დოზის მიღებისას გამოწვეულ უნდა იქნას გულისრევა, ასევე დაინიშნოს სიმპტომატური და შემანარჩუნებელი მკურნალობა. სპეციფიკური ანტიდოტი არ არსებობს. ჰემოდიალიზი არაეფექტურია. სხვა წამლებთან ურთიერთქმედება შესაძლო ურთიერთქმედება ქვემოჩამოთვლილი პრეპარატებიდან ნებისმიერთან აღმოჩენილი არ არის: დიაზეპამი, ციმეტიდინი, აზიტრომიცინი, პსევდოეფედრინი, კეტოკონაზოლი, ერითრომიცინი, თეოფილინი (მცირე დოზებით). შენახვის პირობები და ვადები პრეპარატი ინახება 15-25oC ტემპერატურაზე, მშრალ და სინათლისაგან დაცულ, ბავშვებისათვის მიუწვდომელ ადგილზე! ვარგისიანობის ვადა 4 წელი; პრეპარატი არ გამოიყენება შეფუთვაზე მითითებული ვარგისიანობის ვადის ამოწურვის შემდეგ. აფთიაქში გაცემის წესი ფარმაცევტული პროდუქტის III ჯგუფი(რეცეპტის გარეშე)

Tuesday, 06 March 2012 14:43 - 109 hits - 0 comment - Print -  E-mail

პოლეზინი წვეთ. (Pollezin) Levocetirizine სს ფარმაცევტული ქარხანა ეგისი, უნგრეთი ათქ კლასიფიკაციის კოდი: კლინიკურ-ფარმაკოლოგიური ჯგუფი ჯგ: ჰისტამინური H1 რეცეპტორების ბლოკატორები >> მეორე თაობის პრეპარატები შემადგენლობა და გამოშვების ფორმა 5მგ/მლ წვეთები 20მლ ფლაკონი # 1 შიგნით მისაღები პრეპარატი პოლეზინი 5 მგ/მლ წვეთების შემადგენლობა აქტიური ნივთიერება: ხსნარის ყოველი მილილიტრი შეიცავს ლევოცეტირიზინის დიჰიდროქლორიდის 5 მგ-ს (რაც შეესაბამება ლევოცეტირიზინის 4,21 მგ-ს). სხვა კომპონენტები: გლიცერინი 85%, პროპილენგლიკოლი, საქარინის ნატრიუმის მარილი, ნატრიუმის აცეტატის ტრიჰიდრატი, მეთილპარაჰიდროქსიბენზოატი, პროპილპარაჰიდროქსიბენზოატი, განუზავებელი ძმარმჟავა, გასუფთავებული წყალი. როგორ გამოიყურება პრეპარატი პოლეზინი შიგნით მისაღები წვეთები და რა შედის შეფუთვის შემადგენლობაში გამჭირვალე უფერო უსუნო ან ძმარმჟავას სუსტი სუნის მქონე ხსნარი, რომელიც არ შეიცავს ნალექს. შეფუთვა: 20 მლ მოცულობის სახრახნი სახურავის კუთხვილის მქონე ყავისფერი შუშის ფლაკონები, პოლიეთილენის საწვეთურით და პოლიეთილენის შიდა შრის მქონე პოლიპროპილენის სახურავით, აღჭურვილია ბავშვების მიერ გახსნის საწინააღმდეგო სპეციალური დამცავით და პირველი გახსნის კონტროლით. ჩვენებები რა არის და რისთვის გამოიყენება პოლეზინი პოლეზინი გამოიყენება ალერგიული აშლილობების სამკურნალოდ. მისი აქტიური ნივთიერება მიეკუთვნება ანტიჰისტამინური საშუალებების სამკურნალო პრეპარატების ჯგუფს, რომლებიც ახდენენ H-1 რეცეპტორების ბლოკირებას. მოზარდებში და 2 წელზე უფროს ბავშვებში იგი გამოიყენება ისეთი ალერგიული მდგომარეობების სიმპტომებისა და ნიშნების (ცემინება, გამონადენი ცხვირიდან, სურდო, სიმპტომები თვალების და კანის მხრიდან) სამკურნალოდ, როგორიცაა მაგალითად: • ცხელება, • მუდმივი ალერგიული რინიტი, • ჭინჭრის ციება. მიღების წესები და დოზები ყოველთვის მიიღეთ ეს პრეპარატი ექიმის მკაცრი დანიშნულების მიხედვით. თუ თქვენ რამეში არ ხართ დარწმუნებული, მიმართეთ ექიმს კონსულტაციისთვის. წვეთების საჭირო რაოდენობა იზომება სუფრის კოვზზე ან წყლის ჭიქაში წვეთოვანის დახმარებით. წვეთები უნდა მიიღოთ დაუყოვლებლივ გახსნის შემდეგ, საკვებისგან დამოუკიდებლად. კურსის ხანგრძლივობა დამოკიდებულია პაციენტის ჩივილების სახეზე, ხანგრძლივობაზე და დინამიკაზე. ჩვეულებრივ, ცხელების მკურნალობა გრძელდება 3-6 კვირა. ჩვეულებრივი დოზები: მოზრდილებში და 12 წელზე უფროსი ასაკის მოზარდებში: 1*1 მლ წვეთი დღეში (= წვეთოვანიდან 1*20 წვეთი). (5 მგ დღეში ერთხელ). 6-12 წლამდე ასაკის მოზარდებში: 1*1 მლ წვეთი დღეში (= წვეთოვანიდან 1*20 წვეთი). (5 მგ დღეში ერთხელ). 2-6 წლამდე ასაკის მოზარდებში: 2*0,25 მლ წვეთი დღეში (= წვეთოვანიდან 2*5 წვეთი). (ყოველდღიურად 2,5 მგ ორ მიღებად განსხვავებული დოზით: 2*1,25 მგ). შესაძლებელია, თირკმელების ფუნქციის დარღვევების მქონე პაციენტებში შემცირებული დოზის მიცემა. ეს დამოკიდებულია თირკმელების დაზიანების სიმძიმეზე. მიღების რეჟიმი უნდა განისაზღვროს ექიმის მიერ. ღვიძლის ფუნქციის დარღვევების მქონე პაციენტებში დოზის შეცვლა არ არის საჭირო. თირკმელებისა და ღვიძლის ფუნქციების ერთდროული დარღვევების მქონე პაციენტებში, თირკმელების დაზიანების სიმძიმის მიხედვით, შესაძლებელია შემცირებული დოზის მიცემა. მიღების რეჟიმი უნდა განისაზღვროს ექიმის მიერ. გვერდითი მოვლენები ისევე, როგორც სხვა სამკურნალო პრეპარატები, პოლეზინმა შეიძლება გამოიწვიოს გვერდითი ეფექტები, თუმცა ისინი არ წარმოიშვებიან ყველა პაციენტში. ნებისმიერი ქვემოთ ჩამოთვლილი გვერდითი ეფექტების გამოვლენისას მიმართეთ ექიმს ხშირი: (100-დან 1-10 პაციენტში) პირის სიმშრალე, თავის ტკივილი, გადაღლა, ძილიანობა. არახშირი: (100-დან 1 პაციენტზე ნაკლებს) შეუძლოდ ყოფნა, ტკივილი მუცელში. ძალიან იშვიათი: (10000-დან 1 პაციენტზე ნაკლებს) ალერგია, ქოშინი, გულისრევა, გამონაყარი კანზე, შეშუპება, ჭინჭრის ციება, სხეულის წონის მომატება, ღვიძლის ფუნქციის დარღვევა. თუ თქვენ განიცდით ნებისმიერ ზემოთ ნახსენები გვერდითი ეფექტიდან რომელიმეს, გთხოვთ, მიმართეთ ექიმს, რომელიც შეაფასებს სიმპტომების სიმძიმეს და მიიღებს გადაწყვეტილებას საჭირო ქმედებების შესახებ. ალერგიული რეაქციის პირველი ნიშნების გამოჩენისას (პირის და/ან ყელის ლორწოვანი გარსის შეშუპება, სახის შეშუპება, გაძნელებული სუნთქვა, მოჭერის შეგრძნება მკერდის არეში ან მსტვინავი სუნთქვა, არტერიული წნევის უეცარი დაქვეითება კოლაფსის ან შოკის განვითარებით, რომელმაც შეიძლება გამოიწვიოს სიკვდილი) შეწყვიტეთ პრეპარატი პოლეზინის მიღება და მიმართეთ ექიმს. მძიმე გვერდითი ეფექტების, ან მოცემულ ინსტრუქციაში არ ხსენებული ეფექტების განვითარების შემთხვევაში, გთხოვთ მიმართოთ ექიმს ან ფარმაცევტს. უკუჩვენება არ მიიღოთ პოლეზინი შემდეგ შემთხვევებში: • თუ თქვენ გაქვთ ალერგია (ჰიპერმგრძნობელობა) პრეპარატის ნებისმიერი სხვა კომპონენტის მიმართ ან ე.წ. "პიპერაზინის წარმოებულებზე"; • თუ თქვენ გაქვთ თირკმელების ფუნქციის მძიმე დარღვევა. პრეპარატი პოლეზინის გამოყენება მოითხოვს განსაკუთრებულ სიფრთხილეს აუცილებლად შეატყობინეთ ექიმს შემდეგი ინფორმაცია: • თქვენი წინამორბედი და მიმდინარე დაავადებები, • სხვა წამლებზე ნებისმიერი ალერგიული რეაქცია, • თუ თქვენ ხართ ორსულად, ბავშვი გყავთ ბუნებრივ კვებაზე ან გეგმავთ ორსულობას. ორსულობა და ლაქტაცია ნებისმიერი სამკურნალო საშუალების მიღებამდე მიიღეთ ექიმის რჩევა. მიუხედავად იმისა, რომ ცხოველებზე ჩატარებულმა ექსპერიმენტებმა არ გამოავლინეს ლევოცეტირიზინის მავნე ზემოქმედება, პოლეზინის მიღება ორსულობისა და ლაქტაციის პერიოდში დასაშვებია მხოლოდ იმ შემთხვევაში, როცა ექიმი თვლის ამას სრულიად საჭიროდ. პრეპარატი პოლეზინის აქტიური ნივთიერება გამოიყოფა რძესთან ერთად. განსაკუთრებული მითითებები სატრანსპორტო საშუალებების და მექანიზმების მართვა შედარებითმა კლინიკურმა კვლევებმა არ გამოავლინა სიფხიზლის, რეაქციის დროის ან სატრანსპორტო საშუალებების მართვის უნარის დონის დარღვევის ნიშნები ლევოცეტირიზინის რეკომენდებული დოზის მიღების შემდეგ. თუმცა, პრეპარატი პოლეზინის მიღების დროს, ზოგიერთმა პაციენტმა შეიძლება იგრძნოს ძილიანობა, გადაღლა ან ასთენია. ამიტომ, პირებმა, რომლებიც აპირებენ სატრანსპორტო საშუალებების მართვას, პოტენციურად საშიში საქმიანობის შესრულებას ან მექანიზმების მართვას, უნდა შეასრულონ ექიმის მიერ მითითებული შეზღუდვები და აკრძალვები. მნიშვნელოვანი ინფორმაცია პრეპარატი პოლეზინის ზოგიერთი კომპონენტის შესახებ პოლეზინის წვეთებმა 5 მგ/მლ შეიძლება გამოიწვიონ ალერგიული რეაქციები (დაუყოვნებლივ ან მოგვიანებით), ვინაიდან შეიცავენ მეთილპარაჰიდროქსიბენზოატს და პროპილპარაჰიდროქსიბენზოატს. ჭარბი დოზირება მოზრდილებში ჭარბმა დოზამ შეიძლება გამოიწვიოს ძილიანობა. ბავშვებში თავდაპირველად შეიძლება განვითარდეს აგზნებადობა და მოუსვენრობა, რომელიც შემდეგ იცვლება ძილიანობით. თუ თქვენ თვლით, რომ მიიღეთ პოლეზინის წვეთები ჭარბად, გთხოვთ შეატყობინოთ ამის შესახებ ექიმს, რომელიც მიიღებს გადაწყვეტილებას საჭირო ქმედებების თაობაზე. თუ თქვენ დაგავიწყდათ პოლეზინის მიღება დავიწყებული დოზის ანაზღაურების მიზნით არ მიიღოთ ორმაგი დოზა. უბრალოდ დაელოდეთ შემდეგი დოზის მიღების დროს, და, მიიღეთ ექიმის მიერ დანიშნული ნორმალური დოზა. თუ თქვენ წინასწარ წყვეტთ პრეპარატი პოლეზინის მიღებას დანიშნულ ვადაზე ადრე პოლეზინის წვეთების მიღების შეწყვეტა არ არის ზიანის მომტანი იმ მხრივ, რომ დაავადების სიმპტომები მხოლოდ თანდათან განახლდებიან, არ მოხდება მათი დამძიმება, ვიდრე ეს იყო პრეპარატი პოლეზინის მიღებამდე. თუ ამ პრეპარატის გამოყენებასთან დაკავშირებით თქვენ წარმოგეშვათ დამატებითი კითხვები, მიმართეთ ექიმს ან ფარმაცევტს. სხვა წამლებთან ურთიერთქმედება შეატყობინეთ ექიმს ნებისმიერი სამკურნალო საშუალებების შესახებ, რომლებსაც თქვენ იღებთ ან იღებდით ახლო წარსულში, მათ შორის იმ პრეპარატების შესახებ, რომლებიც გაიცემიან ურეცეპტოდ. პრეპარატი პოლეზინის მიღება საკვებთან და სასმელთან ერთად საჭიროა თავი აარიდოთ ამ პრეპარატის და ალკოჰოლური სასმელების ერთდროული მიღებისგან, ვინაიდან მგრძნობიარე პაციენტებში ლევოცეტიზირინის და ალკოჰოლის ერთდროულმა მიღებამ შეიძლება ზემოქმედება მოახდინოს ნერვულ სისტემაზე. შენახვის პირობები და ვადები შენახვის ტემპერატურა არ უნდა აღემატებოდეს 25oC. არ გაყინოთ. პრეპარატი უნდა ინახებოდეს ბავშვებისათვის მიუწვდომელ ადგილას. წვეთები უნდა იქნეს გამოყენებული ფლაკონის გახსნიდან ოთხი კვირის განმავლობაში. ვარგისიანობა: 3 წელი არ გამოიყენოთ პრეპარატი პოლეზინი კოლოფზე ან ეტიკეტზე მითითებული შენახვის ვადის გასვლის შემდეგ (წელი/თვე). ვარგისიანობის ვადის დასრულების თარიღად ითვლება მითითებული თვის ბოლო დღე. არ გადაყაროთ სამკურნალო საშუალება საყოფაცხოვრებო ნარჩენებში ან გამდინარე წყალში. თუ საჭიროა პრეპარატის, რომელიც აღარ არის საჭირო, ნარჩენებში გადაგდება, მიიღეთ ფარმაცევტის რჩევა. ასეთი სახის ზომები ხელს შეუშლიან გარემოს დაბინძურებას. აფთიაქში გაცემის წესი რეცეპტის გარეშე (III ჯგუფი)

Tuesday, 06 March 2012 15:09 - 100 hits - 0 comment - Print -  E-mail

პოლეზინი ტაბ. (Pollezin) Levocetirizine სს ფარმაცევტული ქარხანა ეგისი, უნგრეთი ათქ კლასიფიკაციის კოდი: კლინიკურ-ფარმაკოლოგიური ჯგუფი ჯგ: ჰისტამინური H1 რეცეპტორების ბლოკატორები >> მეორე თაობის პრეპარატები შემადგენლობა და გამოშვების ფორმა 5მგ/მლ წვეთები 20მლ ფლაკონი # 1 შემადგენლობა და გამოშვების ფორმა 5 მგ ტაბლეტი #14 პრეპარატი პოლეზინი 5 მგ-იანი შემოგარსული ტაბლეტების შემადგენლობა აქტიური ნივთიერება: ყოველი შემოგარსული ტაბლეტი შეიცავს ლევოცეტირიზინის დიჰიდროქლორიდის 5 მგ-ს (რაც შეესაბამება ლევოცეტირიზინის 4,21 მგ-ს). დამხმარე ნივთიერებები: ბირთვი: მიკროკრისტალური ცელულოზა, კაჟბადის კოლოიდური უწყლო ოქსიდი, ლაქტოზას მონოჰიდრატი (37,9 მგ), ჰიდროქსიპროპილცელულოზა დაბალი ხარისხის ჩანაცვლებით (L-HPC-11), მაგნიუმის სტეარატი. გარსი: თეთრი ოპადრი II 33G28523; შემადგენლობა: მაკროგოლი 3350, ტიტანის დიოქსიდი, ჰიპრომელოზა 2910, ლაქტოზას მონოჰიდრატი (1,05 მგ), ტრიოცეტილგლიცერინი. როგორ გამოიყურება პრეპარატი პოლეზინი 5 მგ შემოგარსული ტაბლეტები და რა შედის შეფუთვის შემადგენლობაში თეთრი ან თითქმის თეთრი, მრგვალი, ორივე მხრიდან ზომიერად ამობურცული, უსუნო ან თითქმის უსუნო შემოგარსული ტაბლეტები. გრავირება: ტაბლეტის ერთ მხარეზე გრავირებული არის სტილიზებული ასო E, მეორე მხარეზე- ნომერი 281. შეფუთვა: კომბინირებული აფსკისგან ,,ცოლდ’’ (პოლიამიდი/ალუმინის ფოლგა/პვქ)/ალუმინის ფოლგა დამზადებულ ბლისტერულ შეფუთვაში არის 7 ან 10 შემოგარსული ტაბლეტი. 10 ტაბლეტით 1, 2 ან 3 ბლისტერი, 7 ტაბლეტით 1 ან 2 ბლისტერი გამოყენების ინსტრუქციასთან ერთად მოთავსებულია მუყაოს კოლოფში. ჩვენებები რა არის და რისთვის გამოიყენება პოლეზინი პოლეზინი გამოიყენება ალერგიული აშლილობების სამკურნალოდ. მისი აქტიური ნივთიერება მიეკუთვნება ანტიჰისტამინური საშუალებების სამკურნალო პრეპარატების კლასს, რომლებიც ახდენენ H-1 რეცეპტორების ბლოკირებას. მოზარდებში და 6 წელზე უფროს ბავშვებში ის გამოიყენება ისეთი ალერგიული მდგომარეობების სიმპტომებისა და ნიშნების (ცემინება, გამონადენი ცხვირიდან, სურდო, სიმპტომები თვალების და კანის მხრიდან) სამკურნალოდ, როგორიცაა მაგალითად: - ცხელება, - მუდმივი ალერგიული რინიტი, - ჭინჭრის ციება. მიღების წესები და დოზები ყოველთვის მიიღეთ შემოგარსული ტაბლეტები ექიმის მკაცრი დანიშნულების მიხედვით. თუ თქვენ რამეში არ ხართ დარწმუნებული, მიმართეთ ექიმს კონსულტაციისთვის. შემოგარსული ტაბლეტების გადაყლაპვა საჭიროა მთლიანად, სითხის დაყოლებით; მათი მიღება შეიძლება საკვებისგან დამოუკიდებლად. კურსის ხანგრძლივობა დამოკიდებულია პაციენტის ჩივილების სახეზე, ხანგრძლივობაზე და დინამიკაზე. ჩვეულებრივ, ცხელების მკურნალობა გრძელდება 3-6 კვირა. ჩვეულებრივი დოზები: მოზრდილებში და 12 წელზე უფროსი ასაკის მოზარდებში: 1 შემოგარსული ტაბლეტი დღეში ერთხელ (1*5 მგ). 6-12 წლამდე ასაკის მოზარდებში: 1 შემოგარსული ტაბლეტი დღეში ერთხელ (1*5 მგ). 2-6 წლამდე ასაკის მოზარდებში, მკურნალობის უსაფრთხოების მიზნით, რეკომენდებულია შიგნით მისაღები პოლეზინის წვეთების გამოყენება. შესაძლებელია, თირკმელების ფუნქციის დარღვევების მქონე პაციენტებში შემცირებული დოზის მიცემა. ეს დამოკიდებულია თირკმელების დაზიანების სიმძიმეზე. მიღების რეჟიმი უნდა განისაზღვროს ექიმის მიერ. ღვიძლის ფუნქიის დარღვევების მქონე პაციენტებში დოზის შეცვლა არ არის საჭირო. თირკმელებისა და ღვიძლის ფუნქციების ერთდროული დარღვევების მქონე პაციენტებში, თირკმელების დაზიანების სიმძიმის მიხედვით, შესაძლებელია შემცირებული დოზის მიცემა. მიღების რეჟიმი უნდა განისაზღვროს ექიმის მიერ. გვერდითი მოვლენები ისევე, როგორც სხვა სამკურნალო პრეპარატები, პრეპარატმა პოლეზინმა, 5 მგ-იანმა შემოგარსულმა ტაბლეტებმა, შეიძლება გამოიწვიონ გვერდითი ეფექტები, თუმცა ისინი არ წარმოიშვებიან ყველა პაციენტში. ნებისმიერი ქვემოთ ჩამოთვლილი გვერდითი ეფექტების გამოვლებისას მიმართეთ ექიმს ხშირი: (100-დან 1-10 პაციენტში) პირის სიმშრალე, თავის ტკივილი, გადაღლა, ძილიანობა. არახშირი: (100-დან 1 პაციენტზე ნაკლებს) შეუძლოდ ყოფნა, ტკივილი მუცელში. ძალიან იშვიათი: (10000-დან 1 პაციენტზე ნაკლებს) ალერგია, ქოშინი, გულის რევა, გამონაყარი კანზე, შეშუპება, ჭინჭრის ციება, სხეულის წონის მომატება, ღვიძლის ფუნქციის დარღვევა. თუ თქვენ განიცდით ნებისმიერ ზემოთ ნახსენები გვერდითი ეფექტიდან რომელიმეს, გთხოვთ, მიმართეთ ექიმს, რომელიც შეაფასებს სიმპტომების სიმძიმეს და მიიღებს გადაწყვეტილებას საჭირო ქმედებების შესახებ. ალერგიული რეაქციის პირველი ნიშნების გამოჩენისას (პირის და/ან ყელის ლორწოვანი გარსის შეშუპება, სახის შეშუპება, გაძნელებული სუნთქვა, მოჭერის შეგრძნება მკერდის არეში ან მსტვინავი სუნთქვა, არტერიული წნევის უეცარი დაქვეითება კოლაპსის ან შოკის განვითარებით, რომელმაც შეიძლება გამოიწვიოს სიკვდილი) შეწყვიტეთ პრეპარატი პოლეზინის 5 მგ-იანი შემოგარსული ტაბლეტების მიღება და მიმართეთ ექიმს. მძიმე გვერდითი ეფექტების, ან მოცემულ ინსტრუქციაში არ ხსენებული ეფექტების განვითარების შემთხვევაში, გთხოვთ მიმართოთ ექიმს ან ფარმაცევტს. უკუჩვენება არ მიიღოთ პოლეზინი შემდეგ შემთხვევებში: - თუ თქვენ გაქვთ ალერგია (ჰიპერმგრძნობელობა) პრეპარატის ნებისმიერი სხვა კომპონენტის მიმართ ან ე.წ. "პიპერაზინის წარმოებულებზე"; - თუ თქვენ გაქვთ თირკმელების ფუნქციის მძიმე დარღვევა. პრეპარატი პოლეზინის გამოყენება მოითხოვს განსაკუთრებულ სიფრთხილეს აუცილებლად შეატყობინეთ ექიმს შემდეგი ინფორმაცია: - თქვენი წინამორბედი და მიმდინარე დაავადებები, - სხვა წამლებზე ნებისმიერი ალერგიული რეაქცია, - თუ თქვენ ხართ ორსულად, ბავშვი გყავთ ბუნებრივ კვებაზე ან გეგმავთ ორსულობას. ორსულობა და ლაქტაცია ნებისმიერი სამკურნალო საშუალების მიღებამდე მიიღეთ ექიმის რჩევა. მიუხედავად იმისა, რომ ცხოველებზე ჩატარებულმა ექსპერიმენტებმა არ გამოავლინეს ლევოცეტირიზინის მავნე ზემოქმედება, პოლეზინის მიღება ორსულობისა და ლაქტაციის პერიოდში დასაშვებია მხოლოდ იმ შემთხვევაში, როცა ექიმი თვლის ამას სრულიად საჭიროდ. პრეპარატი პოლეზინის აქტიური ნივთიერება გამოიყოფა რძესთან ერთად. განსაკუთრებული მითითებები სატრანსპორტო საშუალებების და მექანიზმების მართვა შედარებითმა კლინიკურმა კვლევებმა არ გამოავლინა სიფხიზლის, რეაქციის დროის ან სატრანსპორტო საშუალებების მართვის უნარის დონის დარღვევის ნიშნები ლევოცეტირიზინის რეკომენდებული დოზის მიღების შემდეგ. თუმცა, პრეპარატი პოლეზინის მიღების დროს, ზოგიერთმა პაციენტმა შეიძლება იგრძნოს ძილიანობა, გადაღლა ან ასთენია. ამიტომ, პირებმა, რომლებიც აპირებენ სატრანსპორტო საშუალებების მართვას, პოტენციურად საშიში საქმიანობის შესრულებას ან მექანიზმების მართვას, უნდა შეასრულონ ექიმის მიერ მითითებული შეზღუდვები და აკრძალვები. მნიშვნელოვანი ინფორმაცია პრეპარატი პოლეზინის ზოგიერთი კომპონენტის შესახებ შემოგარსული ტაბლეტები შეიცავენ ლაქტოზას. საჭიროა ამ ინფორმაციის გათვალისწინება იმ ავადმყოფებისთვის პრეპარატის დანიშვნისას, რომლებსაც აქვთ ლაქტოზის აუტანლობა. თუ ექიმმა შეგატყობინათ, რომ თქვენ გაქვთ ზოგიერთი შაქრის აუტანლობა, ამ სამკურნალო საშუალების მიღებამდე მიმართეთ მას რჩევისთვის. მნიშვნელოვანი ინფორმაცია პრეპარატი პოლეზინის ზოგიერთი კომპონენტის შესახებ შემოგარსული ტაბლეტები შეიცავენ ლაქტოზას. საჭიროა ამ ინფორმაციის გათვალისწინება იმ ავადმყოფებისთვის პრეპარატის დანიშვნისას, რომლებსაც აქვთ ლაქტოზის აუტანლობა. თუ ექიმმა შეგატყობინათ, რომ თქვენ გაქვთ ზოგიერთი შაქრის აუტანლობა, ამ სამკურნალო საშუალების მიღებამდე მიმართეთ მას რჩევისთვის. ჭარბი დოზირება თუ თქვენ მიიღეთ პრეპარატი პოლეზინი ჭარბად მოზრდილებში ჭარბმა დოზამ შეიძლება გამოიწვიოს ძილიანობა. ბავშვებში თავდაპირველად შეიძლება განვითარდეს აგზნებადობა და მოუსვენრობა, რომელიც შემდეგ იცვლება ძილიანობით. თუ თქვენ თვლით, რომ მიიღეთ პრეპარატი პოლეზინის შემოგარსული ტაბლეტები ჭარბად, გთხოვთ, შეატყობინეთ ამის შესახებ ექიმს, რომელიც მიიღებს გადაწყვეტილებას საჭირო ქმედებების თაობაზე. თუ თქვენ დაგავიწყდათ პოლეზინის მიღება დავიწყებული დოზის ანაზღაურების მიზნით არ მიიღოთ ორმაგი დოზა. უბრალოდ დაელოდეთ შემდეგი დოზის მიღების დროს, და, მიიღეთ ექიმის მიერ დანიშნული ნორმალური დოზა. თუ თქვენ წინასწარ წყვეტთ პრეპარატი პოლეზინის მიღებას დანიშნულ ვადაზე ადრე პრეპარატი პოლეზინის მიღების შეწყვეტა არ არის ზიანის მომტანი იმ მხრივ, რომ დაავადების სიმპტომები მხოლოდ თანდათან განახლდებიან, არ მოხდება მათი დამძიმება, ვიდრე ეს იყო პრეპარატი პოლეზინის მიღებამდე. თუ ამ პრეპარატის გამოყენებასთან დაკავშირებით თქვენ წარმოგეშვათ დამატებითი კითხვები, მიმართეთ ექიმს ან ფარმაცევტს. სხვა წამლებთან ურთიერთქმედება შეატყობინეთ ექიმს ნებისმიერი სამკურნალო საშუალებების შესახებ, რომლებსაც თქვენ იღებთ ან იღებდით ახლო წარსულში, მათ შორის იმ პრეპარატების შესახებ, რომლებიც გაიცემიან ურეცეპტოდ. პრეპარატი პოლეზინის მიღება საკვებთან და სასმელთან ერთად საჭიროა თავი აარიდოთ ამ პრეპარატის და ალკოჰოლური სასმელების ერთდროულ მიღებას, ვინაიდან მგრძნობიარე პაციენტებში ლევოცეტიზირინის და ალკოჰოლის ერთდროულმა მიღებამ შეიძლება ზემოქმედება მოახდინოს ნერვულ სისტემაზე. შენახვის პირობები და ვადები შენახვის ტემპერატურა არ უნდა აღემატებოდეს 30C. პრეპარატი უნდა ინახებოდეს ბავშვებისათვის მიუწვდომელ ადგილას. ვარგისიანობა: 3 წელი არ გამოიყენოთ პრეპარატი პოლეზინი 5 მგ შემოგარსული ტაბლეტები კოლოფზე ან ბლისტერზე მითითებული შენახვის ვადის გასვლის შემდეგ (წელი/თვე). ვარგისიანობის ვადის დასრულების თარიღად ითვლება მითითებული თვის ბოლო დღე. არ გადაყაროთ სამკურნალო საშუალება საყოფაცხოვრებო ნარჩენებში ან გამდინარე წყალში. თუ საჭიროა პრეპარატის, რომელიც აღარ არის საჭირო, ნარჩენებში გადაგდება, მიიღეთ ფარმაცევტის რჩევა. ასეთი სახის ზომები ხელს შეუშლიან გარემოს დაბინძურებას აფთიაქში გაცემის წესი რეცეპტის გარეშე (III ჯგუფი)

Tuesday, 06 March 2012 15:15 - 165 hits - 0 comment - Print -  E-mail