ანგიოფლუქსი (Angioflux) SULODEXIDE AESCULAPIUS FARMACEUTIC, იტალია ათქ კლასიფიკაციის კოდი: B01AB11 შემადგენლობა და გამოშვების ფორმა რბილი კაფსულები: შეფუთვაში 50 ც. 1 კაფს. სულოდექსიდი . . . . . . . 250 სე საინექციო ხსნარი: ამპულაში 2 მლ, შეფუთვაში 10 ც. 1 ამპ. სულოდექსიდი . . . . . . . 600 სე კლინიკურ-ფარმაკოლოგიური ჯგუფი: თრომბოზისა და შედედების საწინააღმდეგო საშუალება. ფარმაკოლოგიური თვისებები: ანტითრომბული და ჰიპოლიპიდემიური საშუალება, ჰეპარინოიდი. ანგიოფლუქსს გააჩნია ანტიკოაგულაციური, ანტიაგრეგაციული, ფიბრინოლიზური და ანგიოპროტექტული მოქმედება. თრგუნავს თრომბოციტების აგრეგაციას, შედედების აქტივირებულ X ფაქტორს, ზრდის პროსტაციკლინის სინთეზს და სეკრეციას, აქვეითებს სისხლის პლაზმაში ფიბრინოგენის შემცველობას. ანგიოფლუქსი ზრდის პლაზმინოგენის ქსოვილოვანი აქტივატორის დონეს და აქვეითებს პლაზმინოგენის ქსოვილოვანი ინჰიბიტორის შემცველობას სისხლში. ანგიოფლუქსის ჰიპოლიპიდემიური ეფექტი განპირობებულია ლოპოპროტეინლიპაზას აქტივობის მომატებით და ათეროგენული ლიპოპროტეიდების კატაბოლიზმის დაჩქარებით. ანგიოფლუქსი თრგუნავს სისხლძარღვთა კედლის გლუვკუნთოვანი უჯრედების პროლიფერაციას, ხელს უწყობს სისხლძარღვის ენდოთელიუმის სტრუქტურისა და ფუნქციის აღდგენას, ახდენს სისხლის რეოლოგიური თვისებების ნორმალიზაციას. ფარმაკოკინეტიკა: პერორალური მიღებისას სისხლში პრეპარატი მაქსიმალურ კონცენტრაციას აღწევს 60 წუთში. 90% აბსორბირდება სისხლძარღვების ენდოთელიუმის მიერ (სადაც პრეპარატის კონცენტრაცია 20-30 ჯერ აღემატება სხვა ორგანოების ქსოვილებში მის კონცენტრაციას). მეტაბოლიზდება ღვიძლში და თირკმელებში. ანგიოფლუქსი გამოიყოფა თირკმელებით; ინტრავენურად შეყვანილი დოზის 50% გამოიყოფა 24 სთ-ში, 67% გამოიყოფა 48 სთ-ში; ჩვენება: ● ფლებოპათია, ღრმა ვენების თრომბოზი, ქრონიკული ვენური წყლული. ● პერიფერიული არტერიების ოკლუზიური დაზიანება (ათეროსკლეროზული და დიაბეტური გენეზის). ● ანგიოპათიები შაქრიანი დიაბეტის დროს: მიკროანგიოპათია (ნეფროპათია, რეტინოპათია,ნეიროპათია) და მაკროანგიოპათია (დიაბეტური ტერფი, ენცეფალოპათია, კარდიოპათია). ● თავის ტვინში სისხლის მიმოქცევის მოშლა (იშემიური ინსულტის მწვავე პერიოდში და ადრეული აღდგენის პერიოდში). ● დისცირკულატორული ენცეფალოპათია განპირობებული ათეროსკლეროზით, შაქრიანი დიაბეტით, ჰიპერტონული დაავადებით. ● სისხლძარღვოვანი დემენცია. ● თრომბოფილური მდგომარეობა, ანტიფოსფოლიპიდური სინდრომი (აცეტილსალიცილის მჟავასთან ერთად კომბინაციაში, დაბალმოლეკულური ჰეპარინის შემდეგ). ● მკურნალობის გაგრძელება ჰეპარინით გამოწვეული თრომბოციტული თრომბოციტოპენიის შემთხვევაში (პრეპარატი არ იწვევს და არ აღრმავებს თრომბოციტოპენიას). ● ანგიოპათიები თრომბის განვითარების მაღალი რისკით (მიოკარდიუმის მწვავე ინფარქტის გადატანის შემდეგ, სტაბილური და არასტაბილური სტენოკარდია). ● თრომბოემბოლიების პროფილაქტიკა. დოზირების რეჟიმი: მკურნალობა იწყება ანგიოფლუქსის ინექციით 15-20 დღე, გრძელდება ანგიოფლუქსის კაფსულებით 30-40 დღე. ანგიოფლუქსი 1 ამპულა/დღეში ინტრამუსკულურად ან ინტრავენურად. ინტრავენური გამოყენებისთვის 1 ამპულა იხსნება 150-200მლ ფიზიოლოგიურ ხსნარში. ანგიოფლუქსი 1 კაფსულა 2-ჯერ დღეში, კვებათა შორის ინტერვალში. ანგიოფლუქსით მკურნალობის სრული კურსი მეორდება მინიმუმ 2-ჯერ წელიწადში. მიოკარდიუმის ინფარქტის დროს მეორადი პროფილაქტიკის მიზნით ანგიოფლუქსი მიიღება მწვავე ინფარქტის 7-10 დღიდან 1 ამპულა 1-ჯერ დღეში 1 თვის განმავლობაში, ხოლო შემდეგ პერორალურად 1 კაფსულა 2-ჯერ დღეში 12 თვის განმავლობაში; ექიმის გადაწყვეტილებით მედიკამენტის დოზა და მიღების ჯერადობა შეძლება შეიცვალოს. უკუჩვენებები: მომატებული მგრძნობელობა აქტიური ნივთიერების ან რომელიმე დამხმარე ნივთიერების მიმართ. ● ვინაიდან ანგიოფლუქსის მოლეკულური ფორმულა ჰეპარინის მსგავსია, პრეპარატის დანიშვნა უკუნაჩვენებია პაციენტებში, რომელთაც აღენიშნებათ ჰიპერმგრძნობელობა ჰეპარინის და ჰეპარინოიდების მიმართ. ● ჰემორაგიული დიათეზი. ორსულობის I ტრიმესტრი. ორსულობა და ლაქტაცია: ორსულობის დროს პრეპარატი გამოიყენება ექიმის მკაცრი მეთვალყურეობის ქვეშ. არსებობს პრეპარატის გამოყენების დადებითი შედეგები I ტიპის შაქრიანი დიაბეტით დაავადებულებში სისხლძარღვოვანი გართულებების პროფილაქტიკისა და მკურნალობისათვის, ორსულთა გვიანი ტოქსიკოზის- გესტოზების სამკურნალოდ ორსულობის II და III ტრიმესტრში. გვერდითი მოვლენები: კაფსულები: იშვიათად ვითარდება გასტრო-ინტესტინალური დარღვევები, ღებინება და ეპიგასტრალგია. ამპულები: ინექციის ადგილას იშვიათად აღინიშნება ტკივილი, წვის შეგრძნება და ჰემატომა. აღნიშნული გვერდითი მოვლენები არის ტრანზიტორული ჭარბი დოზირება: ვითარდება სისხლდენა. მკურნალობა: 1% პროტამინის სულფატი (3 მლ ი/ვ). სიფრთხილის ზომები: ანგიოფლუქსის გამოყენებისას აუცილებელია კოაგულოგრამის რეგულარული კონტროლი. სხვა მედიკამენტებთან ურთიერთქმედება: ანგიოფლუქსი აძლიერებს ჰეპარინისა და სხვა ანტიკოაგულანტების ეფექტს. შენახვის პირობები და ვადა: ვარგისიანობის ვადა - 5 წელი.

Monday, 11 August 2008 05:10 - 2133 hits - 0 comment - Print -  E-mail

აერინი (Aerini) Liquid Stabilized Oxygen IVERTA, აშშ-საქართველო შემადგენლობა და გამოშვების ფორმა 30 მლ ხსნარი, ფლაკონი #1. აქტიური ნივთიერებეი: ნატრიუმის ქლორიდი, ტეტრაოქსიგენის მოლეკულები. ძირითადი მინერალები 80-ზე მეტი, დისტილირებული წყალი. ფარმაკოლოგიური ჯგუფი: ფართო გამოყენების ჰომეოპათიური საშუალება -სტაბილიზირებული ჟანგბადის თხევადი ფორმა. ფარმაკოლოგიური თვისებები: აერინი ხასიათდება ძლიერი ანტიოქსიდანტური მოქმედებით, აძლიერებს ორგანიზმის იმუნურ სისტემას, დეტოქსიკაციურ ფუნქციას, ენერგიის წარმოქმნას. ორგანიზმში ჟანგბადის დონის მატება ხელს უწყობს ბაქტერიების, ვირუსების, სოკოების და პარაზიტების სწრაფად განადგურებას. აერინი აჩქარებს რეგენერაციულ პროცესებს. ცენტრალურ ნერვულ სისტემაზე ახდენს დამამშვიდებელ ეფექტს. ჩვენება: აერინი გამოიყენება როგორც სიმპტომური საშუალება ჰიპოქსიის (ჟანგბადის ნაკლებობის) შესამცირებლად სხვადასხვა სახის პათოლოგიის დროს: გულ-სისხლძარღვთა დაავადებები. ვეგეტო-ვასკულარული დისტონია. სასუნთქი გზების დაავადებები: ასთმა, სინუსიტი, ემფიზემა, სასუნთქი გზების ინფექციები და სხვა. იმუნიტეტის დაქვეითება. ნევროლოგიური დარღვევები: სხვადასხვა სახის ნევროზები, უძილობა, აგზნება, ფობიები (კლაუსტროფობია). სიმსივნური დაავადებები (როგორც დამხმარე საშუალება): მკერდის კიბო, კანის კიბო, ფილტვის კიბო და სხვა. ბაქტერიული, ვირუსული, პარაზიტული, სოკოვანი ინფექციები. ვიტამინების, მინერალების, ამინომჟავების, ცილების და სხვა აუცილებელი ნივთიერებების შეწოვის დაქვეითება. საჭმლის მომნელებელი სისტემის პათოლოგია, მათ შორის სტომატიტების და კუჭ-ნაწლავის ტრაქტის ლორწოვანი გარსი სხვადასხვა ეტიოლოგიის ანთებითი მოვლენების დროს. ორსულთა ტოქსიკოზის სიმპტომური გამოვლინებები. ინფიცირებული ჭრილობები და გამონაყარი (გარეგანი გამოყენება). დოზირება და მიღების წესი: მიიღება პერორალურად- 5 წვეთი გახსნილი ნახევარ ჭიქა გამოხდილ ან ანადუღარ ცივ წყალში 3-ჯერ დღეში კვებამდე 15-30 წუთით ადრე, 3-4 კვირის განმავლობაში. საჭიროების შემთხვევაში მკურნალობის კურსი მეორდება 2-კვირიანი ინტერვალის შემდეგ. გარეგანი გამოყენება- საფენები ხსნარის სახით 2-3 ჯერ დღეში: 10 წვეთი გახსნილი ნახევარ ჭიქა გამოხდილ ან ანადუღარ ცივ წყალში. უკუჩვენება და გვერდითი მოვლენები: არ არის დადგენილი. შენახვის პირობები და ვადა: ინახება მზის სხივებისგან დაცულ ადგილას. შენახვის ვადა: 3 წელი. გაცემის წესი: გაიცემა ურეცეპტოდ.

Monday, 11 August 2008 05:10 - 2797 hits - 0 comment - Print -  E-mail

ეფრიდოლი (Efridol) NIMESULIDE AESCULAPIUS FARMACEUTICI, იტალია ათქ კლასიფიკაციის კოდი: M01AX17 შემადგენლობა და გამოშვების ფორმა გრანულები პერორალური ხსნარის მოსამზადებლად: შეფუთვაში 30 ც. 1 პაკ. ნიმესულიდი . . . . . . . 100 მგ. კლინიკურ-ფარმაკოლოგიური ჯგუფი არასტეროიდული ანთების საწინააღმდეგო საშუალება. ფარმაკოლოგიური თვისებები ნიმესულიდი წარმოადგენს სულფონანილიდების კლასის არასტეროიდულ ანთების საწინააღმდეგო საშუალებას. ხასიათდება ანთების საწინააღმდეგო, ანალგეზიური და სიცხის დამწევი მოქმედებით. პრეპარატის მოქმედების მექანიზმი განპირობებულია ფერმენტ ციკლოოქსიგენაზა-2-ის სელექტიური ბლოკირებით და პროსტაგლანდინების სინთეზის დათრგუნვით ანთების კერაში. ფარმაკოკინეტიკა ეფრიდოლი კარგად შეიწოვება კუჭ-ნაწლავის ტრაქტიდან. სისხლის პლაზმაში მაქსიმალურ კონცენტრაციას აღწევს 1-2სთ-ის შემდეგ. ნახევრადდაშლის პერიოდი 2-3სთ, პრეპარატის მოქმედება გრძელდება 6სთ-ის განმავლობაში. გამოიყოფა ძირითადად შარდთან ერთად: დოზის 98% გამოიყოფა 24 სთ-ის განმავლობაში. ეფრიდოლით ხანგრძლივი მკურნალობის დროს მისი კუმულაცია არ აღინიშნება. ჩვენება ზედა და ქვედა სასუნთქი გზების და ლორ ორგანოების ანთებითი პროცესები. ჰიპერთერმია ინფექციურ-ანთებითი დაავადებების ფონზე. გაციების პრემორბიდული მდგომარეობა: საერთო სისუსტე, ცემინება, თავის ტკივილი, ცხვირის ლორწოვანი გარსის შეშუპება. შარდ-სასქესო სისტემის ანთებითი პროცესები: ეპიდიდიმიტი, ცისტიტი, ურეთრიტი, პროსტატიტი, პიელონეფრიტი. საყრდენ-მამოძრავებელი აპარატის ანთებითი და დესტრუქციული (არარევმატიული) დაავადებები: ართრიტი, ართროზი, მიოზიტი, ტენდოვაგინიტი, ტრავმა. პერიფერიული ნერვული სისტემის ანთებითი და დესტრუქციული დაზიანება: ნევრალგია, ნევრიტი, პლექსიტი, ვეგეტოსიმპატოალგია და სხვა. რევმატიული დაავადებები: რევმატიზმი, რევმატოიდული ართრიტი, ფსორიაზული ართრიტი და სხვა. ალგომენორეა, მტკივნეული მენარხე, საშვილოსნოს დისფუნქციური სისხლდენები. ტკივილის სინდრომი ნებისმიერი ეტიოლოგიის: თავის ტკივილი, კბილის ტკივილი, პოსტტრავმული ტკივილი, პოსტოპერაციული ტკივილი და სხვა. დოზირების რეჟიმი მოზრდილები: 100მგ 2-ჯერ დღეში ჭამის შემდეგ. მოხუცებში, ბავშვებში (12-18 წლამდე), საშუალო სიმძიმის თირკმლის უკმარისობის დროს (კრეატინინის კლირენსი 30-80-მლ/წთ) მედიკამენტის ფარმაკოდინამიკიდან გამომდინარე დოზის შეცვლა საჭირო არ არის. გრანულატის გასახსნელად პაკეტის შიგთავსს ათავსებენ ჭიქაში და ამატებენ წყალს. უკუჩვენებები მომატებული მგრძნობელობა აქტიური ნივთიერების ან რომელიმე დამხმარე ნივთიერების მიმართ. ანამნეზში არსებული ჰიპერმგრძნობელობის რეაქცია (მაგ. ბრონქოსპაზმი, რინიტი, ურტიკარია) აცეტილსალიცილის მჟავას ან სხვა არასტეროიდული ანთების საწინააღმდეგო მედიკამენტებისადმი. ანამნეზში არსებული ჰეპატოტოქსიური რეაქცია ნიმესულიდზე. კუჭის ან თორმეტგოჯა ნაწლავის აქტიური წყლული, ანამნეზში არსებული წყლულის რეციდივი ან გასტრო-ინტესტინალური ჰემორაგიები, ცერებრო-ვასკულარული ჰემორაგია, ან ჰემორაგიული პათოლოგიები. კოაგულაციის დარღვევა. მძიმე კარდიალური დეკომპენსაცია. თირკმლის მძიმე უკმარისობა (კრეატინინის კლირენსი 30 მლ/წთ ნაკლები). ღვიძლის უკმარისობა. 12 წლამდე ასაკი. ორსულობა და ლაქტაცია ეფრიდოლის გამოყენება უკუნაჩვენებია ორსულობის და ლაქტაციის პერიოდში. გვერდითი მოვლენები კუჭ-ნაწლავის ტრაქტის მხრივ: ლორწოვანის ანთება, ტკივილი ეპიგასტრიუმის არეში, გულძმარვა, გულისრევა, ღებინება, დიარეა. აღნიშნული მოვლენები ტრანზიტორულია და არ საჭიროებს მკურნალობის შეწყვეტას. ალერგიული რეაქციები კანზე: ძირითადად ერითემატოზული ფორმის გამონაყარი, ეგზანთემა ან ურტიკარია. იშვიათად ცვლილებები ცნს-ის მხრივ: თავბრუსხვევა, თავის ტკივილი და ძილიანობა. იშვიათად აღინიშნება: ოლიგურია, კუპრისებრი განავალი-მელენა (რაც გამოწვეულია კუჭ-ნაწლავის წყლულით და სისხლდენებით), პეტექიები, პურპურა, განსაკუთრებით ქვედა კიდურებში-თრომბოციტოპენიით გამოწვეული. ისევე, როგორც სხვა ანთების საწინააღმდეგო არასტეროიდულ საშუალებებს, ეფრიდოლს ახასიათებს აგრეთვე სტივენს-ჯონსონის, ლაილას სინდრომების და ანაფილაქსიური რეაქციების განვითარება. აღნიშნული გვერდითი რეაქციების შემთხვევაში საჭიროა ექიმთან კონსულტაცია და პრეპარატით მკურნალობის შეწყვეტა. განსაკუთრებული მითითებები პრეპარატი შეიცავს საქაროზას, პაციენტებში შაქრის აუტანლობით, მედიკამენტის მიღებამდე აუცილებელია ექიმის კონსულტაცია. სიფრთხილით ინიშნება პაციენტებში, რომელთა პროფესია საჭიროებს მუდმივ ყურადღებას, რადგან პრეპარატი იწვევს თავბრუსხვევას და ძილიანობას. ჭარბი დოზირება მკურნალობა სიმპტომურია (კუჭის ამორეცხვა, გააქტივებული ნახშირის მიღება). სხვა მედიკამენტებთან ურთიერთქმედება ეფრიდოლი აძლიერებს ანტიკოაგულანტების მოქმედებას. მისი ერთდროული დანიშვნით ლითიუმის პრეპარატებთან იზრდება პლაზმაში ლითიუმის კონცენტრაცია. ეფრიდოლი მნიშვნელოვნად უკავშირდება პლაზმის ცილებს, რაც გათვალისწინებული უნდა იქნეს სხვა პრეპარატებთან (ჰიდანტოინთან და სულფანილამიდებთან) მისი კომბინაციისას. შენახვის პირობები და ვადა ვარგისიანობის ვადა - 2 წელი.  

Monday, 11 August 2008 05:10 - 2330 hits - 0 comment - Print -  E-mail

ვენოპლანტი კრემ-გელი (Venoplant Cream-Gel) AESCULAPIUS FARMACEUTICI, იტალია ათქ კლასიფიკაციის კოდი: N06AB06 ჭარბი დოზირება შემადგენლობა და გამოშვების ფორმა კრემ-გელი: ტუბში 100 მლ. 100 მლ ტუბი. ჰეპარინი . . . . . . . . . . . . . . . . . . . . 4.000 სე ყვითელი ძიძო- 20% კუმარინი. . . . . 0,1გ. ესცინი . . . . . . . . . . . . . . . . . . . . . . 1გ. აზიური ცენტელა . . . . . . . . . . . . . . . . 0,1გ. კლინიკურ-ფარმაკოლოგიური ჯგუფი ვენების მატონიზირებელი, ანგიოპროტექტული საშუალება. ფარმაკოლოგიური თვისებები ვენოპლანტის კრემ-გელს გააჩნია ანგიოპროტექტული მოქმედება. აუმჯობესებს ტროფიკას, მიკროცირკულაციას და კაპილარების ტონუსს ქვედა კიდურების ვენების ქრონიკული უკმარისობის დროს. ვენოპლანტის კრემ-გელი შეიცავს მცენარეულ ლიპოპროტეინულ ემულგატორს: ზეითუნის ზეთის გლუტინატი. ნივთიერება დამზადებულია ზეითუნის ზეთზე და ხორბლის პროტეინზე, რაც უზრუნველყოფს კრემ- გელის კანზე წასმისას კარგ ამტანობას და მთავარი კომპონენტების კარგად შეწოვას. ესცინი- ცხენისწაბლას მთავარი შემადგენელი კომპონენტია, მრავალ ექსპერიმენტულ მოდელებში დამტკიცებულია ესცინის ანთების საწინააღმდეგო, ანტიექსუდაციური და კაპილარების განვლადობის შემამცირებელი მოქმედება. სისხლძარღვების განვლადობის შემცირება ხელს უშლის ცილოვანი მოლეკულების, ელექტროლიტების და წყლის გადასვლას მიმდებარე ქსოვილებში, შედეგად მცირდება ვენური უკმარისობის სიმპტომები: ქვედა კიდურების შეშუპება, სიმძიმის შეგრძნება, ტკივილი და ქავილი. ცენტელას ექსტრაქტის ტრიტერპენული ფრაქცია - აზიური ცენტელა (Centella Asiatica) სამკურნალო მცენარეა, რომელიც საუკუნეების მანძილზე გამოიყენება თერაპიული მიზნით. ეს მცენარე მდიდარია ტრიტერპენებით, რომელიც სამკურნალო ეფექტს ახდენს კანზე და ვენურ ცირკულაციაზე. ტრიტერპენული ფრაქცია შეიცავს Asian Acid (30%), Madecassic acid (30%) and Asiaticoside (40%). ეს ნივთიერებები აუმჯობესებენ შემაერთებელი ქსოვილის ტროფიკას და ამცირებენ მიკროსისხლძარღვოვან განვლადობას. შედეგად ისინი უზრუნველყოფენ შემაერთებელი ქსოვილის მთლიანობის შენარჩუნებას კანქვეშა ელასტიურობის და ვენების ელასტიურობის გაუმჯობესების ხარჯზე, ასევე აუმჯობესებენ ქსოვილების ფიზიოლოგიურ დრენაჟს, რომლის შეფერხებაც იწვევს ცელულიტს, შეშუპებას და სიმძიმის შეგრძნებას ქვედა კიდურებში. ყვითელი ძიძო - ამ მცენარის ნედლი ან გამხმარი ფოთლები და ყვავილები გამოიყენება სამედიცინო თვალსაზრისით. შეიცავს კუმარინს, აქტიური ნივთიერება, რომელიც გამოიყენება მედიცინაში და მისი ძალიან მაღალი ლიპოფილურობიდან გამომდინარე მთლიანად შეიწოვება კანიდან. კუმარინი ასტიმულირებს მაკროფაგული ენზიმების პროტეოლიზურ აქტივობას, რითაც ახდენს ვენური უკმარისობის დროს შეშუპების ძირითადი გამომწვევი მიზეზის ლიკვიდაციას. ამ ნივთიერების შეშუპების საწინააღმდეგო მოქმედება ამცირებს ვენური შეგუბების და ლიმფური სტაზის განვითარებას გამომწვევი მიზეზის მიუხედავად, მათ შორის ტრავმისა და ორთოპედიული ქირურგიის დროს. ჰეპარინი- მუკოპოლისაქარიდი, რომელიც ზეგავლენას ახდენს ჰემოკოაგულაციურ კასკადზე და გამოიყენება მისი ანტიკოაგულაციური მოქმედებიდან გამომდინარე. კანზე წასმისას ამცირებს ჰემატომების წარმოქმნას და ტრავმის შედეგად სითხის გაჟონვას, დაჟეჟილობის განვითარებას ან ვენური სისხლის მიმოქცევის დარღვევას. ჩვენებები ქრონიკული ვენური უკმარისობა, რომელსაც ახლავს: ქვედა კიდურებში სიმძიმის შეგრძნება, ტკივილი, შეშუპება, წვივის კუნთების კრუნჩხვები. ვენების ვარიკოზული გაგანიერება. ტრავმის და ორთოპედიული ქირურგიის შემდგომი შეშუპების მკურნალობა. დოზირების რეჟიმი კრემ-გელის თხელი ფენა წაისვით დაზიანებულ ადგილას 1-ჯერ ან რამოდენიმეჯერ დღეში. ნაზად შეიზილეთ სანამ კრემ-გელი მთლიანად არ შეიწოვება. შენახვის პირობები ინახება 15-300C ტემპერატურაზე, სითბოსგან, სინათლისგან და ნესტისგან დაცულ ადგილას.

Monday, 11 August 2008 05:10 - 1917 hits - 0 comment - Print -  E-mail

ვენოპლანტი ტაბ (Venoplant Tab) AESCULAPIUS FARMACEUTICI, იტალია ჭარბი დოზირება ტაბლეტები: შეფუთვაში 20 ც. 1გ ტაბ. დიოსმინი . . . . . . . . . . . . . . . . . . . . . . . 150 მგ. ტროქსერუტინი . . . . . . . . . . . . . . . . . . 150 მგ. აზიური ცენტელა . . . . . . . . . . . . . . . . 15 მგ. ყვითელი ძიძო - 20% კუმარინი. . . . . 80 მგ. კლინიკურ-ფარმაკოლოგიური ჯგუფი ვენების მატონიზირებელი, ანგიოპროტექტული საშუალება. ფარმაკოლოგიური თვისებები ვენოპლანტის ტაბლეტებს გააჩნია ანგიოპროტექტული მოქმედება. აუმჯობესებს ტროფიკას, მიკროცირკულაციას და კაპილარების ტონუსს ქვედა კიდურების ვენების ქრონიკული უკმარისობის დროს. დიოსმინი - ფლავონოიდი, რომელიც ლიმონის, ფორთოხლის და სხვა ციტრუსების კანის შემადგენელი კომპონენტია. აუმჯობესებს ვენების ტონუსს და ამცირებს კაპილარების განვლადობას. ამცირებს სისხლძარღვოვან შეშუპებას ტრავმისა და თვალის ქირურგიის შემდეგ. ტროქსერუტინი - მიეკუთვნება ბიოფლავონოიდების ჯგუფს, პირდაპირ ზემოქმედებას ახდენს კაპილარებზე, ზრდის მათ რეზისტენტობას და არეგულირებს განვლადობას. მოქმედებს ჰემორეოლოგიურ პარამეტრებზე და უზრუნველყოფს სისხლძარღვების ენდოთელიუმის ბარიერული ფუნქციის შენარჩუნებას, რითაც მოქმედებს ანთებით ქსოვილებზე და ცირკულაციურ დარღვევებზე. ყვითელი ძიძო - ამ მცენარის ნედლი ან გამხმარი ფოთლები და ყვავილები გამოიყენება სამედიცინო თვალსაზრისით. შეიცავს კუმარინს, აქტიური ნივთიერება, რომელიც გამოიყენება მედიცინაში და მისი ძალიან მაღალი ლიპოფილურობიდან გამომდინარე მთლიანად შეიწოვება კანიდან. კუმარინი ასტიმულირებს მაკროფაგული ენზიმების პროტეოლიზურ აქტივობას, რითაც ახდენს ვენური უკმარისობის დროს შეშუპების ძირითადი გამომწვევი მიზეზის ლიკვიდაციას. ამ ნივთიერების შეშუპების საწინააღმდეგო მოქმედება ამცირებს ვენური შეგუბების და ლიმფური სტაზის განვითარებას გამომწვევი მიზეზის მიუხედავად, მათ შორის ტრავმისა და ორთოპედიული ქირურგიის დროს. აზიური ცენტელა - სამკურნალო მცენარეა, რომელიც საუკუნეების მანძილზე გამოიყენება თერაპიული მიზნით. ეს მცენარე მდიდარია ტრიტერპენებით, რომელიც სამკურნალო ეფექტს ახდენს კანზე და ვენურ ცირკულაციაზე. ტრიტერპენული ფრაქცია შეიცავს : Asian Acid (30%), Madecassic acid (30%), Asiaticoside (40%). ეს ნივთიერებები აუმჯობესებენ შემაერთებელი ქსოვილის ტროფიკას და ამცირებენ მიკროსისხლძარღვოვან განვლადობას. შედეგად ისინი უზრუნველყოფენ შემაერთებელი ქსოვილის მთლიანობის შენარჩუნებას კანქვეშა ელასტიურობის და ვენების ელასტიურობის გაუმჯობესების ხარჯზე, ასევე აუმჯობესებენ ქსოვილების ფიზიოლოგიურ დრენაჟს, რომლის შეფერხებაც იწვევს ცელულიტს, შეშუპებას და სიმძიმის შეგრძნებას ქვედა კიდურებში. ჩვენებები ქრონიკული ვენური უკმარისობა, რომელსაც ახლავს: ქვედა კიდურებში სიმძიმის შეგრძნება, ტკივილი, შეშუპება, წვივის კუნთების კრუნჩხვები. ვენების ვარიკოზული გაგანიერება. ტროფიკული წყლულები. ქრონიკული ბუასილის და მწვავე ჰემოროიდული კრიზების ფუნქციური სიმპტომების შემსუბუქება. ტრავმის და ორთოპედიული ქირურგიის შემდგომი შეშუპების მკურნალობა. თვალის მიკროცირკულაციის დარღვევისას შეშუპების მკურნალობა. მიკროცირკულაციის დარღვევა გამოხატული სისხლძარღვთა გამავლობის მოშლით. დოზირების რეჟიმი 1-2 ტაბლეტი დღეში, წყლის მიყოლებით. მკურნალობის კურსი 60 დღე. უკუჩვენებები არ გამოიყენება ორსულობის დროს. განსაკუთრებული მითითებები არ გადააჭარბოთ დღიურ რეკომენდებულ დოზას. შენახვის პირობები ინახება 15-300Cტემპერატურაზე, სითბოსგან, სინათლისგან და ნესტისგან დაცულ ადგილას.  

Monday, 11 August 2008 05:10 - 2013 hits - 0 comment - Print -  E-mail

კუპლატონი (Cuplaton) DIMETHICONE ORION CORPORATION, ფინეთი ათქ კლასიფიკაციის კოდი: A03AX13 შემადგენლობა და გამოშვების ფორმა წვეთები: ფლაკონში 30 მლ. 1მლ = 35 წვეთი. 1 მლ. დიმეთიკონი . . . . . . . 300 მგ. დამხმარე ნივთიერებები მაღალდისპერსიული სილიციუმის დიოქსიდი, სორბინის მჟავა, ნატრიუმის საქარინი, გასუფთავებული წყალი, გლიცეროლის მონოსტეარატი, პოლიოქსიეთილენის 100 სტეარატი. ფარმაკოლოგიური ჯგუფი ნაწლავებში აირწარმოქმნის შემამცირებელი და დამხმარე სადიაგნოსტიკო საშუალება. ფარმაკოლოგიური თვისებები დიმეთიკონი წარმოადგენს ზედაპირულად აქტიურ პოლისილოქსანს. იგი ამცირებს ზედაპირულ დაჭიმულობას, რისი მეშვეობითაც აიროვანი ბუშტუკები ერთიანდებიან და წარმოქმნიან უფრო მსხვილ ნაერთებს, რაც ხელს უწყობს აირების გამოყოფას. შიგნით მიღებისას დიმეთიკონი ამცირებს სხვადასხვა მიზეზებით გამოწვეულ მეტეორიზმს (ჰაერის შთანთქმა, ფერმენტაცია); ამცირებს მუცლის ყურყურს, შებერილობას და ტკივილს, ხელს უწყობს აირების გამოყოფას. ფარმაკოკინეტიკა დიმეთიკონი არ შეიწოვება კუჭ-ნაწლავის ტრაქტიდან და გამოიყოფა შეუცვლელი სახით. ჩვენებები მეტეორიზმის სიმპტომური მკურნალობა (მათ შორის პოსტოპერაციულ პერიოდში), დისპეფსია, აეროფაგია. გამოიყენება როგორც დამხმარე საშუალება მუცლის ღრუს ორგანოების სადიაგნოსტიკო პროცედურების ჩატარებამდე (ულტრაბგერითი და რენტგენოლოგიური გამოკვლევა, გასტროსკოპია, კოლონოსკოპია). დოზირების რეჟიმი გამოყენებამდე უნდა შეინჯღრეს. მოზრდილები და 10 წელზე უფროსი ბავშვები: მეტეორიზმის მკურნალობა: 5 წვეთი 4-ჯერ დღეში. კუჭ-ნაწლავის წარმატებული ენდოსკოპიიის ჩასატარებლად გამოიყენება 12 წვეთი 4-ჯერ დღეში, გამოკვლევამდე 2-3 დღის განმავლობაში. 10 წლამდე ბავშვები: მუცლის შებერილობის მკურნალობა 6 თვემდე ბავშვებში: თითოეულ კვებამდე მიიღება 4 წვეთი, შერეული მცირე რაოდენობით სითხესთან ერთად. მეტეორიზმის სამკურნალოდ ასაკი დოზა 6 თვიდან 1 წლამდე 1 წვეთი 4-ჯერ დღეში 1-2 წელი 1-2 წვეთი 4-ჯერ დღეში 2-4 წელი 2 წვეთი 4-ჯერ დღეში 4-6 წელი 3 წვეთი 4-ჯერ დღეში 6-10 წელი 4 წვეთი 4-ჯერ დღეში მკურნალობის ხანგრძლივობა დამოკიდებულია ჩივილების არსებობაზე. აუცილებლობის შემთხვევაში დასაშვებია პრეპარატის გამოყენება ხანგრძლივი პერიოდის განმავლობაში. უკუჩვენებები მომატებული მგრძნობელობა დიმეთიკონის ან პრეპარატში შემავალი რომელიმე დამხმარე ნივთიერების მიმართ. გვერდითი მოვლენები დიმეთიკონის გამოყენებისას ძალიან იშვიათად გამოვლინდა ისეთი ალერგიული რეაქციები, როგორიც არის: გამონაყარი და ჭინჭრის ციება. ასევე ძალიან იშვიათად გამოვლინდა ისეთი სიმპტომები კუჭ-ნაწლავის მხრივ, როგორიც არის: მუცლის შებერვა და ტკივილი. განსაკუთრებული მითითებები ორსულობა და ლაქტაცია: დიმეთიკონი არ შეიწოვება კუჭ-ნაწლავის ტრაქტიდან, არ გადის პლაცენტის ბარიერს და არ გადადის დედის რძეში. პრეპარატის გამოყენება დასაშვებია როგორც ორსულობის დროს, ასევე ლაქტაციის პერიოდში. ავტომობილის და სხვა მექანიზმების მართვის უნარზე პრეპარატი არ მოქმედებს. სხვა მედიკამენტებთან ურთიერთქმედება არ აღინიშნება. ჭარბი დოზირება მონაცემები არ მოიპოვება. შენახვის პირობები და ვადა ინახება სინათლისგან დაცულ ადგილას, 15-25 °C ტემპერატურაზე. ვარგისიანობის ვადა- 3 წელი. ვარგისია ფლაკონის გახსნიდან 3 თვის განმავლობაში. გაცემის წესი გაიცემა ურეცეპტოდ.

Monday, 11 August 2008 05:10 - 2262 hits - 0 comment - Print -  E-mail

მიოკარდინი (Miocardin) LEVOCARNITINE MAGIS FARMACEUTICI, იტალია ათქ კლასიფიკაციის კოდი: A16AA01 შემადგენლობა და გამოშვების ფორმა პლასტიკატის დასალევი ამპულა: შეფუთვაში 10 ც. 1 მლ. L-კარნიტინი . . . . . . . 100 მგ კლინიკურ-ფარმაკოლოგიური ჯგუფი მეტაბოლური პროცესების მარეგულირებელი საშუალება. ფარმაკოლოგიური თვისებები მიოკარდინს გააჩნია მეტაბოლური, ანაბოლური, ანტიჰიპოქსიური, ანტითირეოიდული, ცხიმოვანი ცვლის მასტიმულირებელი, რეგენერაციული მოქმედება. L-კარნიტინი –ბუნებრივი ნივთიერება, მიეკუთვნება B ჯგუფის ვიტამინს (ვიტამინი BT-ზრდის ვიტამინი), წარმოადგებს მეტაბოლური პროცესების კოფაქტორს, უზრუნველყოფს CoA აქტივობის შენარჩუნებას. ახორციელებს გრძელ-ჯაჭვიანი ცხიმოვანი მჟავების ტრანსპორტს ციტოპლაზმიდან მიტოქონდრიაში, სადაც მიმდინარეობს ცხიმოვანი მჟავების b-დაჟანგვა, რის შედეგადაც წარმოიქმნება დიდი რაოდენობით მეტაბოლური ენერგია (ატფ-ის სახით). მიოკარდინი აწესრიგებს ცილოვან და ცხიმოვან ცვლას, აღადგენს სისხლის ტუტოვან რეზერვს, თრგუნავს კეტომჟავების წარმოქმნას და ანაერობულ გლიკოლიზს, ამცირებს ლაქტატაციდოზს, ზრდის ფიზიკური დატვირთვისადმი ტოლერანტობას, ამცირებს გლიკოგენის მოხმარებას და ზრდის გლიკოგენის რეზერვს ღვიძლში და კუნთებში. მიოკარდინი ავლენს ანაბოლურ მოქმედებას, ანელებს ცილების და ნახშირწყლების დაშლას. მიოკარდინი ხასიათდება ნეიროტროპული მოქმედებით, აქვეითებს აპოპტოზს, შემოფარგლავს დაზიანებულ ზონას და აღადგენს ნერვული ქსოვილის სტრუქტურას. ჰიპერთირეოზის დროს აწესრიგებს მომატებულ ძირითად ცვლას (თიროქსინის ნაწილობრივი ანტაგონისტი). მიოკარდინი ასტიმულირებს კუჭის წვენის სეკრეციას და კუჭ-ნაწლავის ტრაქტის ფერმენტულ აქტივობას, აუმჯობესებს საკვების ათვისებას. ამცირებს სხეულის ჭარბ წონას და ცხიმების შემცველობას კუნთებში. ფარმაკოკინეტიკა პრეპარატი კარგად შეიწოვება კუჭ-ნაწლავის ტრაქტიდან. სისხლის პლაზმაში Cmax მიიღწევა მიღებიდან 3სთ-ში, თერაპიული კონცენტრაცია ნარჩუნდება 9 სთ. თავისუფლად გადადის ღვიძლში და მიოკარდიუმში, შედარებით ნელა კუნთებში. გამოიყოფა თირკმელების საშუალებით. ნახევრადგამოყოფის პერიოდი 15 სთ. ჩვენებები კარნიტინის პირველადი (გენეტიკური) და მეორადი დეფიციტი: თირკმლის უკმარისობისას ჰემოდიალიზზე მყოფი პაციენტები. კარდიომიოპათია, მიოკარდიტი, გიდ (სტენოკარდია, მიოკარდიუმის მწვავე ინფარქტი, პოსტინფარქტული მდგომარეობა), ჰიპოპერფუზია, კარდიოგენული შოკი. ნერვული ანორექსიის სინდრომი (ნევროგენული ანორექსია), ფიზიკური გამოფიტვა ფსიქიური დაავადებების დროს, დისცირკულატორული და ტრავმული ენცეფალოპათია. ქრონიკული პანკრეატიტი ეგზოკრინული ფუნქციის დარღვევით. ქრონიკული ჰიპოაციდური გასტრიტი. დღენაკლული და დროული ახალშობილების ჰიპოტროფია, ჰიპოტონია, სამშობიარო ტრავმის და ასფიქსიის შემდგომი პერიოდი, ახალშობილების რესპირატორული დისტრეს სინდრომი; რეის სინდრომის მსგავსი სინდრომოკომპლექსი (ჰიპოგლიკემია, ჰიპოკეტონემია, კომა) განვითარებული ვალპროის მჟავის მიღების ფონზე. ბავშვებში და 16 წლამდე მოზარდებში ზრდის შეფერხება და წონის დეფიციტი. ბავშვებში და 16 წლამდე მოზარდებში თირეოტოქსიკოზის მსუბუქი ფორმა. მძიმე დაავადებების და ოპერაციის შემდგომი რეკონვალესცენციის პერიოდი. კომპლექსურ თერაპიაში კანის დაავადებების დროს: ფსორიაზი, სებორეული ეგზემა, კეროვანი სკლეროდერმია და დისკოიდური წითელი მგლურა. ინტენსიური ფიზიკური დატვირთვა სპორტსმენებში (როგორც ანაბოლიკი და ადაპტოგენი). შრომისუნარიანობის დაქვეითება, ქრონიკული დაღლილობა. ეგზოგენურ-კონსტიტუციური სიმსუქნე. დოზირების რეჟიმი მიოკარდინი მიიღება კვებამდე 30 წუთით ადრე, შესაძლებელია გაიხსნას სითხეში (წყალი, ჩაი). მოზრდილებში და 12 წელზე უფროსი ასაკის ბავშვებში საშუალო დოზა 1გ (ერთი ამპულა) 2-3 ჯერ დღეში. ჰემოდიალიზი: 2-4გ დღეში. სტენოკარდია და პოსტინფარქტული პერიოდი: 2-6გ დღეში. ნერვული ანორექსია: 2გ 2-ჯერ დღეში, მკურნალობის ხანგრძლივობა 1-2 თვე. ინტენსიური ფიზიკური დატვირთვა:1-2გ 2-3 ჯერ დღეში. მადის მოსამატებლად- ქრონიკული ჰიპოაციდური გასტრიტი და ქრონიკული პანკრეატიტი ეგზოკრინული ფუნქციის დარღვევით : 0,5გ 2-ჯერ დღეში, მკურნალობის ხანგრძლივობა 1-1,5 თვე. კანის დაავადებები: 1გ 2-ჯერ დღეში, მკურნალობის კურსი 2-4 კვირა. ბავშვებში: 2 წლამდე- 150 მგ/კგ/დღეში. ½ -1,5 ამპულა დღეში. 2-6 წელი- 100 მგ/კგ/დღეში. 1,5-2 ამპულა დღეში. 6-12 წელი- 75 მგ/კგ/დღეში. 2-3 ამპულა დღეში. უკუჩვენებები ჰიპერმგრძნობელობა პრეპარატის აქტიური ნივთიერების ან რომელიმე დამხმარე ნივთიერების მიმართ. გვერდითი მოვლენები მსუბუქად გამოხატული: ტკივილი ეპიგასტრიუმის არეში, დისპეფსიური მოვლენები, მიასთენია (ურემიულ პაციენტებში). ორსულობა და ლაქტაცია მიოკარდინის მიღება დასაშვებია ექიმის კონსულტაციით, კლინიკური მდგომარეობის მიხედვით. განსაკუთრებული მითითებები პრეპარატი შეიცავს საქაროზას და სორბიტოლს. რომელიმე შაქრის მიმართ აუტანლობის შემთხვევაში, მედიკამენტის მიღებამდე აუცილებელია ექიმის ინფორმირება. სხვა მედიკამენტებთან ურთიერთქმედება არ აღინიშნება შეუთავსებლობა სხვა მედიკამენტებთან. შენახვის პირობები და ვადა პრეპარატი ინახება ბნელ ადგილას, 25°C ოთახის ტემპერატურაზე. ვარგისიანობის ვადა - 5 წელი.  

Monday, 11 August 2008 05:10 - 2454 hits - 0 comment - Print -  E-mail

ჰეპა-მერცი (Hepa-Merz) L-ORNITHINE L-ASPARTATE MERZ PHARMA, გერმანია ათქ კლასიფიკაციის კოდი: A05BA შემადგენლობა და გამოშვების ფორმა გრანულები პერორალური ხსნარის მოსამზადებლად: შეფუთვაში 10 პაკეტი. 1 პაკ. L-ორნითინ L- ასპარტატი . . . . . . . 3 გ. კონცენტრატი საინფუზიო ხსნარის მოსამზადებლად: ამპულაში 10მლ, შეფუთვაში 10ც. 1 ამპ. L-ორნითინ L- ასპარტატი . . . . . . . 5 გ. კლინიკურ-ფარმაკოლოგიური ჯგუფი ჰიპოამონიემიური საშუალება. ჰეპატოპროტექტორი. ფარმაკოლოგიური თვისებები ჰეპა-მერცი აქვეითებს მომატებული ამიაკის დონეს ორგანიზმში. L-ორნითინი მონაწილეობს ორნითინის ციკლში და შარდოვანას წარმოქმნით ხელს უწყობს ამიაკის დეტოქსიკაციას. L_ასპარტატი ააქტიურებს გლუტამინსინთეტაზას და უზრუნვენველყოფს იონიზირებული ამიაკის არატოქსიურ გლუტამინად გარდაქმნას, არამარტო პერივენოზურ ჰეპატოციტებში, არამედ თავის ტვინსა და კუნთებში. პრეპარატი ხელს უწყობს ინსულინის და სომატოტროპული ჰორმონის გამომუშავებას. აუმჯობესებს ცილოვან ცვლას პარენტერალურ კვებაზე მყოფ პაციენტებში. ჩვენებები ჰიპერამონიემიით მიმდინარე ღვიძლის მწვავე და ქრონიკული დაავადებები: ჰეპატიტი, ციროზი, ცხიმოვანი დისტროფია. ჰეპატოენცეფალოპათია: მანიფესტირებული და ლატენტური (მათ შორის ცნობიერების დარღვევის დროს- პრეკომა და კომა- კომპლექსურ თერაპიაში). დოზირების რეჟიმი 1 გრანულა (პაკეტი) გახსნილი 200გ სითხეში (წყალი, ჩაი ან წვენი) 1-3-ჯერ დღეში ჭამის შემდეგ. სადღეღამისო ინტრავენური დოზა: 1- 4 ამპულა გახსნილი 500მლ საინფუზიო ხსნარში, მაქსიმალური სიჩქარე 5გ/სთ. დაუშვებელია 500 მლ-ში 6 ამპულაზე მეტის გახსნა. მაქსიმალური სადღეღამისო დოზა 8 ამპულა. გვერდითი მოვლენები იშვიათად ალერგიული რეაქციები კანზე, გულისრევა და ღებინება. უკუჩვენებები თირკმლის უკმარისობა, პლაზმაში კრეატინინის დონე 3 მგ/100მლ-ზე მეტი. ორსულობა და ლაქტაცია ორსულობის დროს გამოიყენება მხოლოდ ექიმის მკაცრი მეთვალყურეობის ქვეშ. ლაქტაციის პერიოდში პრეპარატის დანიშვნისას საჭიროა ძუძუთი კვების შეწყვეტა. განსაკუთრებული მითითებები სიფრთხილით ინიშნება იმ პირებში, რომელთა მუშაობა მოითხოვს ყურადღების მაქსიმალურ კონცენტრაციას და სწრაფ ფსიქომოტორულ რეაქციებს. ჰეპა-მერცის ინტრავენური გადასხმის დროს გულისრევის და ღებინების განვითარებისას, საჭიროა ინფუზიის სიჩქარის შემცირება. შენახვის პირობები და ვადა პრეპარატი ინახება არაუმეტეს 25ºC ტემპერატურაზე. ვარგისიანობის ვადა - მითითებულია შეფუთვაზე.

Monday, 11 August 2008 05:10 - 4043 hits - 0 comment - Print -  E-mail

სმექტა (Smecta) 1. ინფორმაცია პაციენტისთვის 1.1. დიოსმექტიტი ფხვნილი შიგნით მისაღები ხსნარის მოსამზადებლად, 3 გ. თითოეულ პაკეტებში. 1.2. შემადგენლობა: აქტიური ნივთიერება: დიოსმექტიტი დამხმარე ნივთიერებები: გლუკოზის მონოჰიდრატი, ნატრიუმის საქარინი, ვანილის არომატიზატორი, ფორთოხლის არომატიზატორი. 1.3.ფარმაცევტული ფორმა: ფხვნილი შიგნით მისაღები ხსნარის მოსამზადებლად. 1.4. აქტიური ნივთიერების შემცველობა: 3გ თითოეულ პაკეტში. 1.5. აღწერილობა-შეფუთვა: სმექტა არის თეთრი ფერის, უსუნო ფხვნილი გემოს გარეშე, პაკეტებში. 30 პაკეტი თითოეულ კოლოფში. 1.6. ფარმაკოთერაპიული ჯგუფი: ფაღარათის საწინააღმდეგო საშუალება. 1.7. დისტრიბუტორი კომპანია: IPSEN epe, 63 ag, dimitriou str. Alimos 174 56 Athens, Greece, tel: +30 210 9843324 იფსენ ეპე, 63 აგ. დიმიტრიოუ, ალიმოს 17456 ათენი, საბერძნეთი, ტელ:+30 210 9843324 1.8. მწარმოებელი: BEAUFOUR IPSEN INDUSTRIE, 20 RUE D’ETHE VIRTON, 28100 DREUX, FRANCE, Tel: 00237654600; Fax: 00237468598 ბუფორ იფსენ ინდუსტრი 20 რუე დეტე ვირტონი, 28100 დრო, საფრანგეთი ტელ: 00237654600; ფაქსი: 00237468598 2. ინფორმაცია პრეპარატის შესახებ: 2.1 ზოგადი ინფომაცია: სმექტა შეიცავს აქტიურ კომპონენტს დიოსმექტიტს, ძლიერ მოქმედ ნივთიერებას რომელიც ამოფენს ნაწლავის ლორწოვან ზედაპირს, ლორწოვანი შრის გლიკოპროტეინებთან ურთიერთქმედების ხარჯზე ზრდის ნაწლავის რეზისტენტობას სხვადასხვა ინვაზიური ფაქტორის მიმართ. 2.2 ჩვენებები: სმექტა ინიშნება შემდეგი შემთხვევების სიმპტომური მკურნალობისათვის: - მწვავე ფაღარათი მოზრდილებსა და ბავშვებში; - ქრონიკული ფაღარათი მოზრდილებში; - გაღიზიანებული ნაწლავის სინდრომი; - მუცლის შებერილობა მოზრდილებში; - მკურნალობა არ გამორიცხავს რეჰიდრატაციის საჭიროებას, თუ ეს ჩაითვლება აუცილებლად. რეჰიდრატაციის ხარისხი და განხორციელების გზა (ორალურად ან ინტრავენურად) უნდა დარეგულირდეს ფაღარათის სიმწვავის, პაციენტის ასაკისა და კლინიკურ მდგომარეობის შესაბამისად. 2.3. უკუჩვენებები: უკუჩვენებები არ აღინიშნება 2.4. სიფრთხილის ზომები და განსაკუთრებული მითითებები: პრეპარატის მიღებამდე საჭიროა ექიმის კონსულტაცია. ფაღარათის დროს უნდა მოხდეს წყლისა და ელექტროლიტების ბალანსის შევსება. 2.5. ურთიერთქმედება სხვა სამკურნალო საშუალებებთან: სხვა მედიკამენტებთან ურთიერთქმედების თავიდან აცილების მიზნით საჭიროა ექიმის ან ფარმაცევტის ინფორმირება სხვა პრეპარატების შესახებ, რასაც პაციენტი ღებულობს. სიფრთხილის მიზნით სასურველია მედიკამენტი არ დაინიშნოს სხვა პრეპარატებთან ერთად. აუცილებლობის შემთხვევაში სხვა მედიკამენტი ინიშნება სმექტას მიღებამდე 2 საათით ადრე ან 2 გვიან. 2.6. დოზირება: ბავშვები: 2 წელზე უფროსი ასაკის ბავშვები: 2 ან 3 პაკეტი დღეში. პაკეტის შემადგენლობა შეიძლება მთლიანად გაიხსნას ნახევრად-თხევად საკვებში: სუპი, გახეხილი ხილი და ბოსტნეული, ბავშვის საკვები. არ ინიშნება 2 წლამდე ასაკის ბავშვებში. მოზრდილები: საშუალოდ 3 პაკეტი დღეში გახსნილი ნახევარ ჭიქა წყალში. პრაქტიკულად მწვავე ფაღარათის დროს დღიური დოზა შეიძლება გაორმაგდეს მკურნალობის დასაწყისში. პრეპარატის მირება სასურველია ჭამის დროს. 2.7. დოზის გადაჭარბება - მკურნალობა: პრეპარატი არ შეიწოვება, ამიტომ დოზის გადაჭარბება არ ხდება. თუმცა ხანგრძლივი მიღებისას არსებობს ყაბზობის განვითარების, ხოლო თეორიულად კი ჰიპოფოსფორემიის რისკი ალუმინის შემცველობის გამო. 2.8. მოსალოდნელი გვერდითი მოვლენები: ძალიან იშვიათად გამოვლინდა ყაბზობის განვითარების ან გაუარესების შემთხვევები. მკურნალობის გაგრძელება შეიძლება დოზის შემცირების შემდეგ. 2.9. დოზის გამოტოვების შემთხვევაში: მსგავსი შემთხვევა არ გამოვლენილა და არ არის ინფორმაცია. 2.10. შენახვის ვადა: შენახვის ვადა მითითებულია კოლოფზე და შიდა შეფუთვაზე. აღნიშნული ვადის გასვლის შემდეგ პრეპარატის გამოყენება არ შეიძლება. 2.11 შენახვის პირობები: პრეპარატი ინახება გარემოს ტემპერატურაზე. 2.12. ინსტრუქციის ბოლო შემოწმების თარიღი: 18/10/1007 3. პრეპარატის სწორად გამოყენების ინსტრუქცია: ● პრეპარატი განკუთვნილია მხოლოდ პაციენტის კონკრეტული პრობლემისთვის. ექიმთან კონსულტაციის გარეშე არ შეიძლება მისი მიცემა სხვისთვის ან გამოყენება სხვა მიზნით. ● მკურნალობის დროს მედიკამენტთან დაკავშირებით გაჩენილი პრობლემის ან პაციენტის მდგომარეობასთან დაკავშირებით დამატებითი ინფორმაციისთვის უნდა მიემართოს მკურნალ ექიმს ან ფარმაცევტს. ● პრეპარატთან დაკავშირებით ეჭვის გაჩენის ან დამატებითი ინფორმაციის მისაღებად უნდა მიემართოს მკურნალ ექიმს ან ფარმაცევტს. ● მკურნალობის ეფექტურობისა და უსაფრთხოებისათვის საჭიროა პრეპარატის მიღება ინსტრუქციის მიხედვით. ● პაციენტის უსაფრთხოების და ჯანმრთელობისათვის პრეპარატის გამოყენებამდე აუცილებელია მოწოდებული ინფორმაციის სრულად წაკითხვა. ● არ შეიძლება მედიკამენტის შენახვა აბაზანაში, რადგან სითბომ და ნესტმა შეიძლება საზიანო გახადოს პრეპარატი პაციენტის ჯანმრთელობისათვის. ● არ შეიძლება დარჩენილი და ვადაგასული პრეპარატის შენახვა. ● მეტი უსაფრთხოებისთვის პრეპარატი ინახება ბავშვებისთვის მიუწვდომელ ადგილას. 4. პრეპარატის გაცემა: პრეპარატი გაიცემა ექიმის რეცეპტის გარეშე.

Monday, 10 January 2011 13:55 - 1044 hits - 0 comment - Print -  E-mail

სომნოლის 7.5 მგ შემოგარსული ტაბლეტები ზიპიკლონი მედიკამენტის გამოყენების ინსტრუქცია: გამოყენების ინსტრუქცია: ფარმაცევტული ინფორმაცია პაციენტებისათვის პრეპარატის მიღებამდე საჭიროა ინსტრუქციის ყურადღებით წაკითხვა: ● საჭიროა ინსტრუქციის შენახვა, რადგან შესაძლოა წარმოიშვას მისი ხელახალი გაცნობის საჭიროება. ● თუ წარმოიშვა დამატებითი შეკითხვები, უნდა მიემართოს მკურნალ ექიმს ან ფარმაცევტს. ● აღნიშნული პრეპარატი განკუთვნილია მხოლოდ პაციენტისთვის. არ შეიძლება მისი მიცემა სხვისთვის, რადგან შესაძლოა საზიანო იყოს მათთვის სიმპტომების მსგავსების მიუხედავად. ● თუ ნებისმიერი გვერდითი ეფექტი მიიღებს სერიოზულ სახეს ან გამოვლინდება რეაქცია, რომელიც არ არის მოცემული აღნიშნულ ინსტრუქციაში, მაშინ პაციენტმა უნდა მიემართოს მკურნალ ექიმს ან ფარმაცევტს. ინსტრუქციაში მოცემულია: 1. რა არის სომნოლი და მისი გამოყენება 2. რა უნდა იცოდეთ სომნოლის გამოყენებამდე 3. სომნოლის მიღების წესები 4. შესაძლო გვერდითი მოვლენები 5. სომნოლის შენახვის წესები 6. დამატებითი ინფორმაცია 1. რა არის სომნოლი და მისი გამოყენება: სომნოლი არის მედიკამენტი, რომელიც შეიცავს აქტიურ ნივთიერება ზოპიკლონს, საძილე საშუალებას. სომნოლის მეღების შემდეგ პაციენტი გრძნობს დაღლას და ადვილად იძინებს. მიაჩნიათ, რომ ზოპიკლონი აძლიერებს ორგანიზმში არსებული ნივთიერების, გამა-ამინოერბოს მჟავის (სხეულში არსებული ნივთიერება), რომელიც არეგულირებს ქლორის იონების არხების გახსნას. მედიკამენტი გამოიყენება გარდამავალი ან ქრონიკული უძილობის დროს (ასევე გაძნელებული დაძინების, ღამის და დილის ხშირი გამოღვიძებების დროს). 2. რა უნდა იცოდეთ სომნოლი-ს გამოყენებამდე: სომნოლი არ გამოიყენება თუ აღინიშნება შემდეგი შემთხვევები: ● თუ პაციენტს ახასიათებს ჰიპერმგრძნობელობა ზოპიკლონის ან სომნოლის შემადგნელობაში შემავალი სხვა რომელიმე ინგრედიენტის მიმართ. ● თუ პაციენტს აღენიშნება მიასთენია - რომელიც ხასიათდება კუნთების სისუსტით. ● თუ პაციენტს აღენიშნება ღვიძლის მძიმე უკმარისობა. ● თუ პაციენტს აღენიშნება მძიმე სახის ძილის აპნეის სინდრომი (ქოშინის გარდამავალი პერიოდები ღამის განმავლობაში). ● თუ პაციენტს აღენიშნება მძიმე სახის სუნთქვის უკმარისობა. ● თუ პაციენტი არის ლაქტაციის პერიოდში. მედიამენტი არ არის რეკომენდებული 18 წლამდე ასაკის ბავშვებში განსაკითრებული მითითებები სომნოლით მკურნალობის დროს შემდეგ შემთხვევებში: თირკმლის ან ღვიძლის დისფუნქციის, სუნთქვის უკმარისობის, ასევე ხანდაზმულ პაციენტებში მედიკამენტი გამოიყენება ექიმის დანიშნულების შესაბამისად. ექიმმა უნდა ურჩიოს პაციენტს მედიკამენტის მიღება დაბალი დოზებით. აღნიშნული პრეპარატის მიღებამდე უნდა მიემართოს მკურნალ ექიმს: ● თუ პაციენტი იყო ალკოჰოლის მუდმივი მომხმარებელი; ● თუ პაციენტი იყო წამალდამოკიდებული; ● თუ ანამნეზში აღინიშნება მონაცემები პიროვნული ცვლელებების შესახებ. ასეთ შემთხვევებში აუცილებელია მუდმივი სამედიცინო დაკვირვება. ხანგრძლივი მკურნალობის შედეგად შეიძლება გამოვლინდეს წამლის ეფექტურობის შემცირება და განვითარდეს პრეპარატისადმი დამოკიდებულება. მედიკამენტის მიღება შესაბამისად რეკომენდებულია ხანმოკლე პერიოდის განმავლობაში (რამოდენიმე დღე), არა უმეტეს 4 კვირისა, რათა თავიდად იქნას აცილებული წამლისადმი დამოკიდებულებისა განვითარება და ბოროტად გამოყენება. ხანგრძლივი მკურნალობისას მედიკამენტის უეცარი შეწყვეტა იწვევს უძილობის ხელახლა გამოვლენას, ასევე შეიძლება გამოიწვიოს თავის ტკივილი, კუნთების ტკივილი, შფოთვა, დაძაბულობა, გონების დაბინდვა, მოუსვენრობა და გაღიზიანება. გახანგრძლივებული მკურნალობა უნდა შეწყდეს თანდათან. სომნოლმა შეიძლება გამოიწვიოს ანტეროგრადული ამნეზიის განვითარება. ამნეზიის განვითარების რისკის შესამცირებლად საჭიროა პრეპარატის მიღება მხოლოდ ძილის წინ და შესაბამისი პირობების შექმნა 7-8 საათიანი უწყვეტი ძილისათვის. ზოგიერთ პაციენტებში, განსაკუთრებით მოხუცებსა და ბავშვებში, მედიკამენტმა შეიძლება გამოიწვიოს საპირისპირო რეაქციის განვითარება: ● უძილობა, ღამის კოშმარების გაუარესება; ● ნერვული აშლილობა, მღელვარება, შფოთვა, აგრესიულობა, ბრაზის მოზღვავება. ● ბოდვა, ჰალუცინაციები, ქცევითი დარღვევები. ასეთ შემთხვევებში აუცილებელია წამლის შეწყვეტა და მკურნალ ექიმთან კონსულტაცია. პაციენები, რომლებიც მკურნალობენ სომნოლით, არ არიან სრულიად გამოფხიზლებულები და ცნობილია ასევე ძილში სიარულის და სხვა მსგავსი ქცევების შემთხვევები, როგორიცაა “მანქანის მართვა”, საჭმლის მზადება და ჭამა, ან ტელეფონზე საუბარი ძილის დროს, რაც მოგვიანებით პაციენტს აღარ ახსოვს. დადგენილია, რომ ალკოჰოლისა და ცენტრალური ნერვული სისტემის (ცნს) დამრთგუნველი სხვა მედიკამენტების გამოყენება ამ პრეპარატთან ერთად კომბინაციაში, ისევე როგორც სომნოლის დიდი დოზებით მიღება ზრდის მსგავსი ქცევების განვითარების რისკს. თუ პაციენცს განუვითარდა ზემოთ აღნიშნული ქცევები აუცილებელია მედიკამენტის შეწყვეტა. სხვა წამლებთან ურთიერთქმედება: პაციენტმა აუცილებლად უნდა აცნობოს მკურნალ ექიმს ან ფარმაცევტს ყველა მედიკამენტის შესახებ რომელსაც ღებულობს ან ღებულობდა უახლოესი პერიოდის განმავლობაში, მათ შორის ურეცეპტოდ გასაცემ პრეპარატებს. სომნოლმა შეიძლება გაზარდოს ზოგიერთი მედიკამენტის მოქმედება, როგორიცაა: ● მედიკამენტები, რომლებიც გამოიყენება ფსიქიკური ავადმყოფების სამკურნალოდ (ანტიფსიქოზური). ● მედიკამენტები, რომლებიც გამოიყენება დეპრესიის სამკურნალოდ. ● მედიკამენტები, რომლებიც გამოიყენება ეპილეფსიის სამკურნალოდ (ანტიეპილეფსიური). ● მედიკამენტები, რომლებიც გამოიყენება ქირურგიაში (საანესთეზიო საშუალებები). ● სედატიური საშუალებები ან მედიკამენტები, რომლებიც გამოიყენება შფოთვის და უძილობის სამკურნალოდ (საძილე საშუალებები). ● ძილის გამომწვევი ანტიჰისტამინური პრეპარატები (სედაციური ანტიჰისტამინური საშუალებები). ● ზომიერად და ძლიერ მოქმედი ტკივილგამაყუჩებლები (ნარკოტიკული ანალგეტიკები). სომნოლთან ერთად კომბინირებული მიღებისას ზოგიერთმა მედიკამენტმა შეიძლება გაძლიეროს გვერდითი ეფექტების განვითარების რისკი: ● ანტიბიოტიკები, როგორიცაა კლარითრომიცინი ან ერითრომიცინი. ● ზოგიერთი მედიკამენტები, რომლებიც გამოიყენება სოკოვანი ინფექციის სამკურნალოდ მაგ. კეტოკონაზოლი და იტრაკონაზოლი. ● რიტონავირი (პროტეაზას ინჰიბიტორი), რომელიც გამოიყენება ადამიანის იმუნოდეფიციტის ვირუსის სამკურნალოდ (აივ). სხვა მედიკამენტები რომლებიც ამცირებენ სომნოლის ეფექტს: ● ზოგიერთი მედიკამენტები, რომლებიც გამოიყენება ეპილეფსიის სამკურნალოდ, მაგალითად კარბამაზეპინი, ფენობარბიტალი და ფენიტოინი. ● რიფამპიცინი, ინფექციის სამკურნალო ანტიბიოტიკი. ● კრაზანას შემცველი პრეპარატები, რომლებიც გამოიყენება დეპრესიის სამკურნალოდ. სომნოლის გამოყენება საკვებთან და სასმელთან ერთად: მკურნალობის პერიოდში აუცილებელია ალკოჰოლის მიღებისგან თავის შეკავება. ალკოჰოლი აძლიერებს მედიკამენტის სედატიურ ეფექტს და იწვევს ძილიანობას ორსულობა და ლაქტაციის პერიოდი: ნებისმიერი პრეპარატის მიღებამდე საჭიროა მკურნალი ექიმის ან ფარმაცევტის კონსულტაცია. სომნოლის გამოყენება ორსულობის პერიოდში არ არის რეკომენდებული, განსაკუთრებით პირველ ტრიმესტრში. ქალები რომლებიც არიან ფერტილურ ასაკში, აუცილებლად უნდა დაუკავშირდნენ ექიმს, რათა მან გადაწყვიტოს მედიკამენტის შეწყვეტა, თუ პაციენტი გეგმავს ორსულობას ან ეჭვობს მოსალოდნელ ორსულობაზე. თუ პაციენტი მკურნალობს სომნოლით ამ პერიოდში, ახალშობილს შეიძლება განუვითარდეს ნევროლოგიური და რესპირატორული დაავადებები, ასევე აბსტინენციის (მოხსნის) სინდრომი. პარმაცევტული პროდუქტი, სომნოლის აქტიური ნივთიერება გამოიყოფა დედის რძეში, შესაბამისად მედიკამენტის მიღება უნდა შეწყდეს ლაქტაციის პერიოდში. ზეგავლენა მანქანისა და სხვა მექანიზმების მართვაზე: სომნოლი იწვევს თავბრუსხვევას, ძილიანობას, მეხსიერებისა და მხედველობის დარღვევებს, კონცენტრირების გაძნელებას, კუნთების დაავადებებს, ამიტომ მედიკამენტის გამოყენების მეორე დღეს არ არის სასურველი მანქანის ან სხვა მექანიზმების მართვა, სანამ ზემოთ აღნიშნული ფენომენი არ ალაგდება. რისკი ძლიერდება მედიკამენტისა და ალკოჰოლის ერთად გამოყენების შემთხვევაში. თუ პაციენტა არ არის საკმარისად დასვენებული, ასეთ შემთხვევაში პაციენტის გამოფხიზლება უფრო გაძნელებულია. მნიშვნელოვანი ინფორმაცია სომნოლის ზოგიერთი ინგრედიენტის შესახებ: სომნოლის შემოგარსული ტაბლეტი შეიცავს ლაქტოზას. თუ პაციენტს აქვს აუტანლობა ზოგიერთი შაქრის მიმართ, მაშინ პრეპარატის მიღებამდე უნდა მიმართოს მკურნალ ექიმს. 3. როგორ მიიღება სომნოლი: სომნოლი გამოიყენება ექიმის დანიშნულების შესაბამისად. საჭიროა დანიშნულების გადამოწმება მკურნალ ექიმთან ან ფარმაცევტთან. სომნოლი მსგავსად სხვა საძილე საშუალებებისა იწვევს შეჩვევას, რაც იმას ნიშნავს რომ წამალი აღარ ეხმარება პაციენტს, ამიტომ უძილობის მკურნალობისას ყოველთვის რეკომენდებულია, რომ მკურნალობა არ გაგრძელდეს 4 კვირაზე მეტ ხანს. მედიკამენტი არ გამოიყენება რეკომენდებულზე მეტი ხნის განმავლობაში. მედიკამენტი მიიღება ძილის წინ: მოზრდილები (65 წელი) 1 ტაბლეტი (7.5მგ) დღეში ერთხელ. ხანდაზმული პაციენტები და პაციენტები რომლებსაც აქვთ ღვიძლის ან თირკმლის დაავადებები: უნდა მიიღონ დაბალი დოზებით –1/2 ტაბლეტი (3.75მგ). სუნთქვის უკმარისობის მქონე პაციენტები: რეკომენდებული დოზა შეადგენს 3,75გ (1/2 ტაბლეტი) დღეში. მედიკამენტმა შეიძლება გამოიწვიოს მეხსიერების პრობლემები (მომხდარის დავიწყება), ეს ჩვეულებრივ ხდება მედიკამენტის მიღებიდან რამოდენიმე საათში, განსაკუთრებით მაშინ თუ პაციენტს ძილი შეაწყვეტინეს ან მედიკამენტის მიღების მერე დაძინება დააგვიანა, ამიტომ არის რეკომენდირებული მედიკამენტის მიღება უშუალოდ ძილის დროს და ძილისათვის შესაბამისი პირობების უზრუნველყოფა რამოდენიმე საათის განმავლობაში. დღეში არ მიიღება 7.5 მგ მეტი დღეში. არ შეიძლება მკურნალობის ხანგრძლივობის გაზრდა, რადგან ამან შეიძლება გამოიწვიოს მედიკამენტის მოქმედების შემცირება. სომნოლის მკურნალობის შეწყვეტამდე აუცილებელია ექიმთან კონსულტაცია, თუ როგორ უნდა მოხდეს ეს. დოზის შემცირება აუცილებელია, რათა თავიდან იქნას აცილებული მოხსნის სინდრომი. ჭარბი დოზირების შემთხვევაში: მედიკამენტის ჭარბი დოზირება ძირითადად იწვევს ცნს-ის დეპრესიას, რაც მოიცავს ძილიანობის სიმპტომებიდან დაწყებული კომის განვითარებამდე. ჩვეულებრივ ჭარბი დოზირება სიცოცხლისათვის საშიში არ არის, თუ პრეპარატი არ იყო მიღებული ალკოჰოლთან ან სხვა ცნს-ის დამთრგუმველ მედიკამენტებთან ერთად. მედიკამენტის ჭარბი დოზირების შემთხვევაში დაუყოვნებით უნდა მიემართოს ექიმს! დოზის გამოტოვების შემთხვევაში: დაუშვებელია გაორმაგებული დოზის მიღება გამოტოვებულის სანაცვლოდ. დოზის გამოტოვების შემთხვევაში, დოზა მიიღება მეორე დღეს, ჩვეულ დროზე. მედიკამენტის მიღების შეწყვეტა: ფიზიკური და ფსიქოლოგიური დამოკიდებულების განვითარების რისკი იზრდება დოზასთან და მკურნალობის ხანგრძლივობასთან ერთად. ფიზიკური დამოკიდებულების შემთხვევაში მკურნალობის უეცარმა შეწყვეტამ შეიძლება გამოიწვიოს მოხსნის სინდრომი: უძილობა, თავისტკივილი, კუნთების ტკივილი, შფოთვა, დაძაბულობა, მოუსვენრობა, ცნობიერების დაბინდვა და გაღიზიანებულობა. უმეტეს შემთხვევებში შეიძლება დაკარგოს კონტაქტი რეალურ სამყაროსთან (გარემოს აღქმის დარღვევა), დეპერსონალიზაცი (სხეულისგან განცალკევების შეგრძნება), ჰალუცინაციები, გულყრები, მომატებული მგრძნობელობა სინათლეზე, ხმაურსა ან ფიზიკურ კონტაქტზე, დაბუჟება და კიდურებში ჩხვლეტის შეგრძნება. მკურნალობის უეცარმა შეწყვეტამ შეიძლება გამოიწვიოს უძილობის რეციდივი: გააუარესოს უძილობა. ეს მოვლენა გარდამავალია – პაციენტი უნდა მიჰყვეს ექიმის დანიშნულებას. მედიკამენტის შესახებ დამატებითი ინფორმაციისათვის პაციენტმა უნდა მიმართოს ექიმს ან ფარმაცევტს. 4. შესაძლო გვერდითი მოვლენები: სხვა მედიკამენტების მსგავსად სომნოლმაც შეიძლება გამოიწვიოს გვერდითი მოვლენების განვითარება, მაგრამ ყველას არ უვითარდება. ყველაზე ხშირი გვერდითი მოვლენებია: მწარე გემო პირში, მშრალი პირი და დაღლილობის შეგრძნება დილით. განვითარებული გვერდითი მოვლენები სიხშირი მიხედვით იყოფა: ძალიან ხშირად (10 პაციენტიდან უფრო მეტს ვიდრე 1) ხშირად (100 პაციენტიდან უფრო მეტს ვიდრე 1, მაგრამ 10 პაციენტიდან უფრო ცოტას ვიდრე 1) არახშირად (ხანდახან) (1000პ აციენტიდან უფრო მეტს ვიდრე 1, მაგრამ 100 პაციენტიდან უფრო ცოტას ვიდრე 1) იშვიათად (10000 პაციენტიდან უფრო მეტს ვიდრე 1, მაგრამ 1000 პაციენტიდან უფრო ცოტას ვიდრე 1) ძალიან იშვიათად (მაგრამ 10000 პაციენტიდან უფრო ცოტას ვიდრე 1) შეიძლება გამოვყოთ შემდეგი გვერდითი მოვლენები: კუჭნაწლავის სისტემის დაავადებები: ხშირად: მწარე და მეტალის გემო პირში, მშრალი პირი. არახშირად: გულისრევა, ღებინება, საჭმლის მონელების დაავადებები ნერვული სისტემის დაავადებები: ხშირად: ძილიანობა დღის განმავლობაში, სიფხიზლის შემცირება არახშირად: დაღლილობის შეგრძნება, თავბრუსხვევა, კუნთების სისუსტე. ზოგიერთ შემთხვევებში: სირთელეები მოძრაობის კოორდინაციაში და მხედველობის გაორება. ფსიქიატრიული დაავადებები: იშვიათად: ღამის კოშმარები, მომატებული გაღიზიანება, გონების დაბინდვა, უგუნებობა, ჰალუცინაციები, ქცევითი ცვლილებები, აგრესიულობა, დეპრესია, ანტეროგრადული ამნესია (მეხსიერების პრობლემები წამლის მიღების შემდეგ), არაადეკვატური მკურნალობა დაკავშირებულია ამნეზიასთან, სიარული ძილში, ლიბიდოს ცვლელებები. ძალიან იშვიათად: ეიფორია (ხალისიანი გუნება-განწყობილება). ხანგრძლივმა მკურნალობა შეიძლება განავითაროს “უკუქმედების” ფენომენი (ხშირი გამოღვიძებები, უძილობის აღგდენა), ან მედიკემენტისადმი დამოკიდებულება, რომელიც ვითარდება მედიკამენტის ხანგრძლივი გამოყენების შემთხვევაში. ძალიან იშვიათად შეიძლება განვითარდეს გულყრები. იმუნური სისტემის დაავადებები: იშვიათად: ალერგიული რეაქციები როგორიცაა ჭინჭრის ცხელება, ქავილი, გამონაყარი. ძალიან იშვიათად: ანაფილაქსიური რეაქიები და /ან ანგიოედემა (ძლიერი ალერგიული რეაქცია). ზოგადი დაავადებები: ხშირად: დილით დაღლილობის შეგრძნება წამლის მიღების შემდეგ. არახშირად: თავისტკივილი, თავბრუსხვევა. იშვიათად: ზოგადად ალერგიული რეაქციები. ლაბორატორიული გამოკვლევები: ძალიან იშვიათად: იზრდება ზოგიერთი ფერნემტების კონცენტრაცია (პლაზმური ტრანსამინაზებისა და/ან ტუტე ფოსფატაზების) მკურნალობა უნდა შეწყდეს ფსიქიატრიული დაავადების გამოვლენის შემთხვევაში, რომელიც უფრო ხანდაზმულ პაციენტებს ახასიათებთ. აუცილებელია მიემართოს ექიმს, თუ პაციენტი შენიშნავს ისეთ გვერდით ეფექტს რომელიც არ არის აღნიშნული მოცემულ ინსტრუქციაში ან თუ რომელიმე გვერდითი ეფექტი მიიღებს სერიოზულ სახეს. 5. სომნოლის შენახვის წესები: ინახება 250C ტემპერატურაზე. ინახება ორიგინალ შეფუთვაში, სინათლისა და ნესტისაგან დასაცავად. ინახევა ბავშვებისათვის მიუწვდომელ ადგილას. სომნოლი არ გამოიყენება შეფუთვაზე მითითებული ვადის გასვლის შემდეგ. შენახვის ვადა გულისხმობს აღნიშნული თვის ბოლო დღეს. არ შეიძლება პრეპარატის გადაგდება საკანალიზაციო წყალში ან სახლის ნაგავში. ნებისმიერი გამოუყენებელი პრეპარატი უნდა დაუბრუნდეს მკურნალ ექიმს. აღნიშნული ზომების გატარება საჭიროა გარემოს დასაცავად. 6. დამატებითი ინფორმაცია: მედიკამენტი სომნოლი შეიცავს: აქტიურ ნივთიერებაა ზოპიკლონი. ერთი შემოგარსული ტაბლეტი შეიცავს 7.5მგ აქტიურ ნივთიერებას. სხვა ინგრედიენტებია: ბირთვი: კალციუმის ჰიდროფოსფატი (უწყლო), კარტოფილის სახამებელი, მაგნიუმის სტეარატი, ნატრიუმის გლიკოლის სახამებელი (A ტიპის), სილიციუმი. გარსი: თეთრი ოპადრი 33G28707 (ჰიდროქსი მეთილ პროპილმეთილ ცელულოზა, ტიტანის დიოქსიდი, ლაქტოზა, პოლიეთილენის გლიკოლი 3000, ტრიაცეტინი) სომნოლის გარეგნული სახე და შეფუთვა: თეთრი ფერის შემოგარსული ტაბლეტები დამრეცი ზედაპირით და ნაჭდევით ერთ მხარეს. ტაბლეტი ადვილად იყოფა თანაბარ ნაწილებად. 10 შემოგარსული ტაბლეტი თითოეულ ბლისტერზე, 1, 2, ან 3 ბლისტერი შეფუთვაში. წარმოების ლიცენზიის მფლობელი და მწარმოებელი: AS GR1NDEKS. Krustpils 53, Riga, LV-1057, Latvia Phone: 67083 205 Fax: 67083 505 E-mail: grindeks@grindeks.lv ას გრინდეკს. კრუსტპილს 53 რიგა, ლვ-1057, ლატვია ტელ: 67 083 205 ფაქს: 67 083 505 ელ-ფოსტა: grindeks@grindeks.lv

Monday, 10 January 2011 14:31 - 660 hits - 0 comment - Print -  E-mail

აქტიფედი Actifed ტრიპროლიდინის ჰიდროქლორიდი და ფსევდიეფედრინის ჰიდროქლორიდი შემადგენლობა: თითოეული ტაბლეტი შეიცავს ტრიპროლიდინის ჰიდროქლორიდი 2.5მგ და ფსევდოეფედრინის ჰიდროქლორიდი 60მგ. დამხმარე ნივთიერებები: ლაქტოზას მონოჰიდრატი, სიმინდის სახამებელი, პოვიდონი, მაგნიუმის სტეარატი. ფარმაკოთერაპიული ჯგუფი: სისტემური გამოყენების ცხვირის ლორწოვანის შეშუპების შესამცირებელი, სიმპათომიმეტური საშუალება. თერაპიული ჩვენება: აქტიფედი გამოიყენება ზედა სასუნთქი გზების სიმპტომების შესამსუბუქებლად. მისი ეფექტი გამომდინარეობს ცხივირის ლორწოვანის შეშუპების მოხსნით და H1-ჰისტამინის რეცეპტორის ანტაგონისტური უნარით, მაგალითად: - ალერგიული ტიპის რინიტი; - ვაზომოტორული ტიპის რინიტი; - ჩვეულებრივი გრიპი. უკუჩვენება: ჰიპერმგრძნობელობა ფსევდოეფედრინის, ტრიპროლიდინის ან ნებისმიერი დამხმარე ნივთიერების მიმართ. აქტიფედის ტაბლეტების გამოყენება არ შეიძლება იმ შემთხვევაში, თუ პაციენტი მკურნალობამდე 2 კვირით ადრე ღებულობდა მონოამინ ოქსიდაზათი. ფსევდოეფედრინის და მსგავსი პრეპარატის კომბინირებულმა გამოყენებამ შესაძლებელია გამოიწვიოს არტერიული წნევის მომატება. აქტიფედის ტაბლეტები უკუნაჩვენებია მძიმე ხარისხის ჰიპერტენზიის ან კორონარული არტერიების დაავადების დროს. ანტიბაქტერიული პრეპარატი – ფურაზოლიდონი იწვევს მონოამინ ოქსიდაზას დაინჰიბირებას (დოზა-დამოკიდებული ეფექტი). მართალია აქტიფედის და ფურაზოლიდონის კომბინბირებული გამოყენებისას არ გამოვლენილა ჰიპერტენზიით გამოწვეული გულყრა, მაგრამ მათი კომბინირებული მიღება არ არის რეკომენდებული. სიფრთხილის ზომები: აქტიფედის ტაბლეტებმა შეიძლება გამოიწვიოს ძილიანობა და ცუდი შედეგები სმენის ტესტების ჩატარებისას. არ შეიძლება მანქანის ან სხვა მექანიზმების ტარება მანამდე, სანამ პაციენტი არ დარწმუნდება რომ აქტიფედი არ მოქმედებს მართვის უნარზე. მართალია ობიექტური მონაცემები არ მოიპოვება, მაგრამ არ შეიძლება აქტიფედის ტაბლეტების და ალკოჰოლის ან სხვა ცენტრალურად მოქმედი სედატიური საშუალებების გამოყენება. მართალია ფსევდოეფედრინი არ ახდენს პრესორულ ეფექტს ნორმოტენზიულ პაციენტებში, მაგრამ იგი სიფრთხილით ინიშნება ანტიჰიპერტენზიულ საშუალებებთან ერთად, ტრიციკლურ ანტიდეპრესანტებთან ან სხვა სიმპათომიმეტურ საშუალებებთან ერთად, მაგალითად ცხვირის ლორწოვანის შეშუპების შესამცირებელი პრეპარატები, მადის დამაქვეითებელი პრეპარატები და ამფეტამინის ტიპის ფსიქოსტიმულატორები. აქტიფედის ტაბლეტის ერთი დოზის ეფექტი არტერიულ წნევაზე აღინიშნება რეკომენდებული მკურნალობის განმეორებამდე. სხვა სიმპათომიმეტური პრეპარატების მსგავსად აქტიფედი სიფრთხილით ინიშნება ჰიპერტენზიის, გულის დაავადების, დიაბეტის, ჰიპერთიროიდიზმის, ინტრაოკულარული წნევის მომატების ან წინამდებარე ჯირკვლის ანთების დროს. არ ჩატარებულა კვლევები აქტიფედის გამოყენების შესახებ ღვიძლის და/ან თირკმლის უკმარისობის მქონე პაციენტებში. აღნიშნული პრეპარატი სიფრთხილით გამოიყენება თირკმლის ან ღვიძლის მძიმე უკმარისობის დროს. არ მოიპოვება საკმარისი ინფორმაცია იმის დასადგენად, ახდენს თუ არა ფსევდოეფედრინი ან ტრიპროლიდინი მუტაგენურ ან კარცინოგენულ ეფექტს. ქალის დღიურ დოზაზე 7-ჯერ მეტი დოზა და კაცის დღიურ დოზაზე 35-ჯერ მეტი ფსევდიეფედრინი სისტემურად შეიყვანეს ვირთაგვებში, თუმცა ამას არანაირი ეფექტი არ მოუხდენია განაყოფიერებაზე. არ ჩატარებულა კვლევები იმის შესახებ, მოქმედებს თუ არა ტრიპროლიდინი განაყოფიერებაზე. არ არსებობს ინფორმაცია მოქმედებს თუ არა აქტიფედი ადამიანის განაყოფიერების უნარზე. შეფუთვაზე გაკეთებული მითითებები: ინახება 25°C-ზე დაბალ ტემპერატურაზე, მშრალ, სინათლისგან დაცულ და ბავშვებისთვის მიუწვდომელ ადგილას. გაფრთხილება: შეიძლება გამოიწვიოს ძილიანობა. მსგავსი ეფექტის გამოვლენისას არ შეილება მანქანის და სხვა მექანიზმების მართვა. არ შეიძლება ალკოჰოლური სასმელების გამოყენება. 12 ტაბლეტიან შეფუთვაზე აღინიშნება შემდეგი წარწერები: სიმპტომების გახანგძლივების შემთხვევაში საჭიროა ექიმის კონსულტაცია. არ შეიძლება რეკომენდებული დოზის გადაჭარბება. სხვა პრეპარატების მსგავსად თუ პაციენტი არის ორსულად ან მკურნალობს სხვა პრეპარატით, მაშინ აღნიშნული პრეპარატის მიღებამდე საჭიროა ექიმის ან ფარმაცევტის კონსულტაცია. ურთიერთქმედება სხვა სამკურნალო საშუალებებთან: აქტიფედის კომბინირებულმა გამოყენებამ სიმპათომიმეტურ საშუალებებთან ერთად, მაგალითად ცხვირის ლორწოვანის შეშუპების შესამცირებელი, ტრიციკლური ანტიდეპრესანტები და ამფეტამინის ტიპის ფსიქოსტიმულატორები ან მონოამინ-ოქსიდაზას ინჰიბიტორები, რომლებიც ხელს უშლიან სიმპათომიმეტური ამინების კატაბოლიზმს, შეიძლება შემთხვევით გამოიწვიონ არტერიული წნევის მომატება. ფსევდოეფედრინის გამო აქტიფედმა შეიძლება ნაწილობრივ შეამციროს იმ პრეპარატების ჰიპოტენზიური მოქმედება, რომლებიც ხელს უშლიან სიმპათომიმეტური პრეპარატების მოქმედებას, მაგალითად ბრეტილიუმი, ბეტადინი, გუანეთიდინი, დებრისოქვინი, მეთილდოპა, ალფა და ბეტა ადრენერგული ბლოკატორები. მართალია არ არსებობს ობიექტური მონაცემები, მაგრამ აქტიფედის მკურნალობისას არ არის რეკომენდებული ალკოჰოლის ან სხვა ცენტრალურად მოქმედი სედატიური საშულებების გამოყენება. განსაკუთრებული სიფრთხილით: ორსულობა და ლაქტაციის პერიოდი მართალია ფსევდოეფედრინი და ტრიპროლიდინი წლების განმავლობაში გამოიყენებოდა ერთად ყოველგვარი გვერდითი ეფექტების გამოვლენის გარეშე, თუმცა არ არსებობს კლინიკური მონაცემები ორსულობის პერიოდში მათი გამოყენების შესახებ. შესაბამისად იგი ინიშნება სიფრთხილით და უნდა შეფასდეს დედის და ბავშვის პოტენციური ეფექტი და რისკი. ვირთაგვებში და ბოცვრებში ადამიანის დოზაზე 75-ჯერ მეტი ტრიპროლიდინის სისტემური გამოყენების შემდეგ ტერატოგენული ეფექტი არ გამოვლენილა. ვირთაგვებში ადამიანის და ბოცვრების დოზაზე 50-ჯერ მეტი ფსევდოეფედრინის სისტემური გამოყენების შემდეგ ტერატოგენული ეფექტი არ გამოვლენილა. ფსევდოეფედრინი და ტრიპროლიდინი მცირე რაოდენობით გადადის დედის რძეში, თუმცა მათი ეფექტი ბავშვებში არ არის ცნობილი. დადგენილია, რომ დედის მიერ 24 საათის განმავლობაში მიღებული ფსევდოეფედრინის ერთი დოზის 0.5-7% გადადის დედის რძეში. მანქანის და სხვა მექანიზმების მართვა: აქტიფედის ტაბლეტებმა შეიძლება გამოიწვიოს ძილიანობა და სმენის დაქვეითება. არ შეიძლება მანქანის და სხვა მექანიზმების მართვა მანამდე, სანამ პაციენტი არ დარწმუნდება რომ აქტიფედი არ ავლენს მსგავს ეფექტებს. დოზა და მიღების წესი: მოზრდილები და 12 წელზე უფროსი ბავშვები: 1 ტაბლეტი 4-6-საათში ერთხელ, დღიური დოზა შეადგენს 4 ტაბლეტს დღეში. ხანდაზმულები: მისი გამოყენება არ არის გამოკვლეული ხანდაზმულებში, მაგრამ ტრიპროლიდინი და ფსევდოეფედრინი ხშირად გამოიყენება ამ პოპულაციაში. რეკომენდებულია მოზრდილების დოზის მიღება. ღვიძლის უკმარისობა: აქტიფედის ტაბლეტები სიფრთილით გამოიყენება ღვიძლის უკმარისობის მქონე პაციენტებში. თირკმლის უკმარისობა: აქტიფედის ტაბლეტები სიფრთილით გამოიყენება საშუალო და მძიმე ხარისხის თირკმლის უკმარისობის მქონე პაციენტებში. გვერდითი მოვლენები: ყველაზე ხშირად შესაძლებელია გამოვლინდეს დეპრესია, ცენტრალური ნერვული სისტემის აგზნება, ძილიანობა. ასევე გამოვლინდა ძილის დარღვევის და ჰალუცინაციის შემთხვევები. იშვიათად ვლინდება ერითემა გამონაყართან ერთად ან მის გარეშე, ტაქიკარდია, პირის, ცხვირის და ყელის სიმშრალე. იშვიათად ფსევდოეფედრინის მიღებისას მამაკაცებში შესაძლებელია გამოვლინდეს შარდის შეკავება, რისი ძირითადი ხელშემწყობი ფაქტორია წინამდება ჯირკვლის ჰიპერტროფია. დოზის გადაჭარბება: აქტიფედის დოზის გადაჭარბებამ შესაძლებელია გამოიწვიოს ძილიანობა, ლეთარგია, თავბრუსხვევა, ატაქსია, სისუსტე, ჰიპოტონია, სუნთქვის უკმარისობა, პირის ღრუს და ლორწოვანი გარსის სიმშრალე, ტაქიკარდია, ჰიპერტენზია, ჰიპერპირექსია, ჰიპერაქტივობა, გაღიზიანება, გულყრა და შარდვის გაძნელება. საჭიროა შესაბამისი ზომების მიღება ნორმალური სუნთქვის შესანარჩუნებლად და გულყრის საკონტროლოდ. ასეთ შემთხვევაში, თუ საჭიროა, დოზის გადაჭარბებიდან 3საათში ჩატარდეს კუჭის ამორეცხვა. შესაძლებელია საჭირო გახდეს შარდის ბუშტში კათეტერის ჩადგმა. საჭიროების შემთხვევაში ფსევდოეფედრინის ელიმინაცია შესაძლებელია დაჩქარდეს დიურეზით ან დიალიზით. შენახვის პირობები: არ გამოიყენება შეფუთვაზე მითითებული ვადის გასვლის შემდეგ. ინახება 25°C-ზე დაბალ ტემპერატურაზე, ორიგინალურ შეფუთვაში, ბავშვებისთვის მიუწვდომელ ადგილას. შეფუთვა: 12 ტაბლეტი პვც/ალ ბლისტერზე და მუყაოს კოლოფში. მწარმოებელი: Glaxo Wellcome GmbH & Co.KG Industriestrasse 32-36, 23843 Bad Oldesloe, Germany გლაქსო ველქამ გმბჰ & კო.კგ ინდუსტრიეშტრასე 32-36, 23843 ბად ოლდესლო, გერმანია

Monday, 10 January 2011 15:50 - 1743 hits - 0 comment - Print -  E-mail

ასპირინ კარდიო 100 Aspirin cardio 100 გასტრორეზისტენტული ტაბლეტები 100მგ აქტიური ნივთიერება: აცეტილსალიცილის მჟავა. შემადგენლობა: ტაბლეტები შეიცავს 100მგ აცეტილსალიცილის მჟავას და დამხმარე ნივთიერებებს: კერნელი – ცელულოზას ფხვნილი, ხორბლის სახამებელი: მეთაკრილის მჟავა - ეთილის აკრილატის ვიდეო-კოპოლიმერი 1:1, პოლისორბატ 80, ნატრიუმის ლაურილის სულფატი, ტალკი, ტრიეთილის ციტრატი. ფარმაკოთერაპიული ჯგუფი: ანტიაგრეგანტი, ანტითრომბოციტული პრეპარატი. თერაპიული ჩვენება: ასპირინი გამოიყენება თრომბოციტების აგრეგაციის დასაინჰიბირებლად. ● არასტაბილური სტენოკარდია (კორონარულ სისხლძარღვებში სისხლის მიმოქცევის დარღვევით გამოწვეული ტკივილი) ● მიოკარდიუმის ინფარქტი; ● მიოკარდიუმის ინფარქტის რეციდივის პრევენცია (ინფარქტის შემდგომი პროფილაქტიკა); ● ანგიოლოგიური ოპერაციის შემდეგ (მაგ. ვენური შუნტირების ან კანქვეშა ტრანსმურული კორონარული ანგიოპლასტიკის (PTCA) შემდეგ); ● გარდამავალი იშემიური შეტევების და ტვინის ინფარქტის პრევენცია; ● კორონარული სისხლძარღვების თრომბოზის პროფილაქტიკა მრავლობითი რისკ-ფაქტორის მქონე პაციენტებში; ● ვენური თრომბოზის და ფილტვის ემბოლიის პროფილაქტიკა; შენიშვნა: აღნიშნული პრეპარატი არ გამოიყენება ტკივილის სამკურნალოდ. უკუჩვენება: ასპირინ კარდიო არ გამოიყენება შემდეგ შემთხვევებში: ● ჰიპერმგრძნობელობა ასპირინის ან სალიცილატების მიმართ, ასპირინის მსგავს ჯგუფში შემავალი ნივთიერებები; ● კუჭის და თორმეტგოჯა ნაწლავის წყლული; ● სისხლდენის განვითარების გაზრდილი რისკი (ჰემორაგიული დიათეზი); ● ორსულობის ბოლო ტრიმესტრი. განსაკუთრებული სიფრთხილით: აქ მოცემულია შემთხვევები, როდესაც ასპირინი კარდიო 100 გამოიყენება მხოლოდ ცალკეულ შემთხვევებში და დიდი სიფრთხილით. ქვემოთ მოყვანილ შემთხვევებში პრეპარატის მიღებამდე საჭიროა ექიმის კონსულტაცია ან პრეპარატი გამოიყენება სამედიცინო მეთვალყურეობის ქვეშ: ● ჰიპერმგრძნობელობა ტკივილგამაყუჩებელი, ანთების საწინააღმდეგო პრეპარატების მიმართ ან სხვა ალერგიები; ● ასთმა; ● კუჭის ან თორმეტგოჯა ნაწლავის ქრონიკული ან მორეციდივე წყლული; ● თუ ანამნეზში აღინიშნება თირკმლის დაავადება; ● ღვიძლის მძიმე უკმარისობა; ● დეკომპენსირებული გულის უკმარისობა; ● გლუკოზა-6-ფოსფატ-დეჰიდროგენაზას თანდაყოლილი ნაკლებობა. განსაკუთრებული სიფრთხილით: ასპირინი კარდიო 100 გამოიყენება სიფრთხილით თუ აღინიშნება ასთმა, ალერგია ყვავილის მტვრის მიმართ, ალერგიული რინიტი, ცხვირის პოლიპები, სასუნთქი გზების ქრონიკული ინფექციები (განსაკუთრებით თუ ასევე აღინიშნება ცხელება) ან თუ პაციენტი ალერგიულია ნებისმიერი ტიპის ტკივილგამაყუჩებლის, ანთების საწინააღმდეგო პრეპარატის, ანტიარითმიული პრეპარატის მიმართ ან არსებობს ასთმის განვითარების რისკი (აუტანლობა ტკივილგამაყუჩებლების მიმართ/ ტკივილგამაყუჩებლებით გამოწვეული ასთმა). ასეთმა პაციენტებმა ზემოხსენებული პრეპარატების მიღებამდე კონსულტაციისთვის უნდა მიმართონ მკურნალ ექიმს. იგივე ეხება ასევე პაციენტებს, რომლებსაც აღენიშნებათ ჰიპერმგრძნობელობის რეაქციები (ალერგია) სხვა ნივთიერებების მიმართ და რაც გამოიხატება კანის რეაქციებით, ქავილით და გამონაყარით. ნებისმიერი ოპერაციის ჩატარებამდე მკურნალი ექიმი ან სტომატოლოგი გაფრთხილებული უნდა იყოს, რომ პაციენტი ღებულობს ასპირინ კარდიო 100-ს. ასპირინი კარდიო 100-ის მაღალი დოზები არ გამოიყენება ხანგრძლივი პერიოდის განმავლობაში ექიმის რეკომენდაციის გარეშე. ორსულობის პერიოდი: თუ პაციენტი დაორსულდა ასპირინი კარდიო 100-ით მკურნალობის პერიოდში, მან უნდა მიმართოს მკურნალ ექიმს. ასპირინი კარდიო 100 არ გამოიყენება ორსულობის პირველ და მეორე ტრიმესტრში ექიმის რეკომენდაციის გარეშე. ასპირინი კარდიო 100-ს გამოყენება არ შეიძლება ორსულობის პირველი ტრიმესტრში, რადგან არსებობს გართულებების გაზრიდილი რისკი მშობიარობის დროს როგორც დედისთვის, ასევე ნაყოფისთვის. ლაქტაციის პერიოდი: ასპირინი და მისი მეტაბოლიტები მცირე რაოდენობით გადადიან დედის რძეში. რადგან ბავშვებში არ გამოვლენილა გვერდითი ეფექტები, შესაბამისად ლაქტაციის შეწყვეტა არ არის აუცილებელი თუ ასპირინის დღიური დოზა არ აჭარბებს 150მგ-ს. თუ საჭიროა უფრო მაღალი დოზის გამოყენება (დღიური დოზა 150მგ-ზე მეტი), მაშინ ლაქტაცია უნდა შეწყდეს. გამოყენება ბავშვებში: ბავშვებში და მოზარდებში ასპირინი კარდიო 100 ინიშნება ცხელების სამკურნალოდ მხოლოდ ექიმის დანიშნულების შესაბამისად ან თუ სხვა პრეპარატებით მკურნალობა აღმოჩნდა არაეფექტური. ამ შემთხვევაში გახანგრძლივებული ღებინება შესაძლებელია იყოს რეიეს სინდრომის ერთ-ერთი სიმპტომი. ეს არის იშვიათი, მაგრამ პოტენციურად ლეტალური დაავადება, რაც საჭიროებს დაუყოვნებლივ სამედიცინო ჩარევას. მანქანის და სხვა მექანიზმების მართვა: არ საჭიროებს სიფრთხილის განსაკუთრებულ ზომებს. ურთიერთქმედება სხვა სამკურნალო საშუალებებთან: უნდა აღინიშნოს, რომ აღნიშნული ინფორმაცია ეხება უახლოეს პერიოდში გამოყენებულ პრეპარატებს. ასპირინ კარდიო 100 ზრდის შემდეგი პრეპარატების მოქმედებას: ● ანტიკოაგულანტების ეფექტებს (მაგ. კუმარინის დერივატივები და ჰეპარინი); ● იზრდება კუჭ-ნაწლავიდან სისხლდენის რისკი, თუ იგი მიიღება კორტიზონის ან მსგავსი ნივთიერებების შემცველ პრეპარატებთან ან ალკოჰოლთან ერთად და მოქმედებს ზოგიერთი ჰიპოგლიკემიური პრეპარატის ეფექტზე (სულფონილ-შარდოვანა). ● მოქმედებს მეტოტრექსატის დადებით და გვერდით ეფექტებზე; ● დიგოქსინის, ბარბიტურატის და ლითიუმის პლაზმის კონცენტრაციები. ● ტკივილგამაყუჩებლების, ანთების საწინააღმდეგო პრეპარატების და სხვა ანტირევმატიული პრეპარატების დადებითი და გვერდითი ეფექტები; ● ზოგიერთი ანტიბიოტიკის გვერდითი ეფექტი (სულფონამიდები და სულფონამიდის კომბინაციები, მაგალითად სულფამეთოქსაზოლი/ტრიმეტოპრიმი); ● ტრიიოდოთირონინის (ჰიპოთიროიდიზმის სამკურნალო პრეპარატი) ეფექტები; ასპირინი კარდიო 100 ამცირებს შემდეგი პრეპარატების მოქმედებას: ● ზოგიერთი პრეპარატები (ალდოსტერონის ანტაგონისტები, მაგალითად სპირონოლაქტონი და კანრენოატი და შარდმდენები, მაგალითად ფუროსემიდი); ● არტერიული წნევის დამწევი პრეპარატები; ● პოდაგრის სამკურნალო პრეპარატები, რომლებიც ხელს უწყობენ შარდმჟავას ექსკრეციას (მაგალითად პრობენეციდი და სულფინპირაზონი); შესაბამისად, თუ არ არის ექიმის მითითება, მაშინ ასპირინი კარდიო 100 არ გამოიყენება არცერთ ზემოხსენებულ პრეპარატებთან ერთად. მიღება საკვებთან და სასმელთან ერთად: პრეპარატი არ გამოიყენება ალკოჰოლთან ერთად. მიღების წესი და დოზა: თუ არ არის ექიმის განსხვავებული მითითება, მაშინ ასპირინი კარდიო 100 მიიღება ქვემოთ მოყვანილი ინსტრუქციის შესაბამისად. საჭიროა ექიმის მითითების დაცვა, რადგან სხვა შემთხვევაში ასპირინი კარდიო 100-ის მოქმედება შეიძლება შემცირდეს. არასტაბილური სტენოკარდია, მიოკარდიუმის ინფარქტის პროფილაქტიკა სისხლძარღვებზე ჩატარებული ოპერაციის შემდეგ, გარდამავალი იშემიური შეტევების (გიშ) და ინსულტის პროფილაქტიკა: რეკომენდებული დოზა შეადგენს 100-300 მგ აცეტილსალიცილის მჟავას დღეში. მიოკარდიუმის მწვავე ინფარქტი, ღრმა ვენების თრომბოზის და ფილტვის ემბოლიის პროფილაქტიკა: რეკომენდებული დოზა შეადგენს ასპირინი კარდიო 100-ის 1 ტაბლეტს (100მგ აცეტილსალიცილის მჟავა) დღეში. კორონარული სისხლძარღვების თრომბოზის პროფილაქტიკა ბევრი რისკ-ფაქტორის მქონე პაციენტებში: რეკომენდებული დოზა შეადგენს ასპირინი კარდიო 100-ის 1-2 ტაბლეტს (100-200მგ აცეტილსალიცილის მჟავა) დღეში ან ასპირინი კარდიო 100-ის 1 ტაბლეტს (300მგ აცეტილსალიცილის მჟავა) ყოველ 2 დღეში ერთხელ. ტაბლეტი მიიღება საკვების შემდეგ, დიდი რაოდენობით სითხესთან ერთად. ტაბლეტი უნდა გადაიყლაპოს მთლიანად, არ შეიძლება მისი გატეხვა. ასპირინი კარდიო 100 არ მიიღება მშიერ კუჭზე. მკურნალობის ხანგრძლივობა: ასპირინი კარდიო 100 ინიშნება ხანგრძლივი პერიოდის განმავლობაში. მკურნალობის ხანგრძლივობას წყვეტს მკურნალი ექიმი. დოზის გადაჭარბება: თავბრუსხვევა და ყურებში შუილი (მენიერის სინდრომი) განსაკუთრებით ბავშვებში და ხანდაზმულებში, რაც შესაძლებელია მიუთითებდეს სერიოზულ ინტოქსიკაციაზე. თუ პაციენტი ეჭვობს ასპირინი კარდიო 100-ის დოზის გადაჭარბებაზე, მან დაუყოვნებლივ უნდა მიმართოს მკურნალ ექიმს. დოზის გადაჭარბების შესაბამისად გადაწყვეტს მკურნალი ექიმი თუ რა ზომებია მისაღები. დოზის გამოტოვება: დოზის გამოტოვების შემთხვევაში იგი მიიღება გახსენებისთანავე. არ შეიძლება გაორმაგებული დოზის მიღება. მკურნალობა გრძელდება ექიმის მიერ დადგენილი დოზირების რეჟიმის შესაბამისად. მკურნალობის შეწყვეტა: არ შეიძლება მკურნალობის შეჩერება ან შეწყვეტა ექიმთან კონსულტაციის გარეშე. გვერდითი ეფექტები: ხშირად შესაძლებელია განვითარდეს კუჭ-ნაწლავის დარღვევები, მაგალითად კუჭის ტკივილი და სისხლდენა კუჭ-ნაწლავის ტრაქტის ქვედა ნაწილიდან. იშვიათად შესაძლებელია გამოვლინდეს გულისრევა, ღებინება და ფაღარათი. ძალიან იშვიათ შემთხვევებში შესაძლებელია განვითარდეს კუჭის წყლული ან კუჭიდან სისხლდენა, ხოლო ასთმიან პაციენტებში – ალერგიული რეაქციები (ასთმის შეტევა და სუნთქვის გაძნელება, კანის რეაქციები). აგრეთვე გამოვლინდა ღვიძლის და თირკმლის ფუნქციის დარღვევის ცალკეული შემთხვევები, სისხლის გლუკოზის დონის შემცირება (ჰიპოგლიკემია) და კანის მძიმე რეაქციები (მათ შორის ექსუდაციური პოლიმორფული ერითემა). აცეტილსალიცილის მჟავას მცირე დოზამაც კი შესაძლებელია შეამციროს შარდმჟავას ექსკრეცია, ხოლო ზოგ პაციენტში შესაძლებელია გამოიწვიოს პოდაგრის შეტევა. იშვიათ შემთხვევებში ასპირინ კარდიო 100-ით მკურნალობამ შესაძლებელია გამოიწვიოს ანემია კუჭ-ნაწლავიდან განვითარებული ფარული სისხლდენის გამო. კუპრისფერი განავლოვლოვანი მასის შემთხვევაში (კუჭ-ნაწლავიდან სისხლდენის ერთერთი ნიშანი) დაუყოვნებლივ საჭიროა ექიმის კონსულტაცია (იხ. უკუჩვენება). თავბრუსხვევა და ყურებში შუილი, განსაკუთრებით ბავშვებში და ხანდაზმულებში შესაძლებელია მიუთითებდეს სერიოზულ ინტოქსიკაციაზე (იხ. დოზის გადაჭარბება). შენიშვნა: თუ გამოვლინდა რომელიმე გვერდითი, ეფექტი, რაც არ არის ზემოთ აღწერილი, ასეთ შემთხვევაში დაუყოვნებლივ უნდა მიემართოს მკურნალ ექიმს ან ფარმაცევტს. გვერდითი ეფექტების გამოვლენისას მისაღები ზომები: თუ გამოვლინდა რომელიმე ზემოხსენებული გვერდითი ეფექტი, ასეთ შემთხვევაში ასპირინი კარდიო 100-ის მიღება უნდა შეწყდეს. გვერდითი ეფექტების სიმძიმის დასადგენად და ასევე მათ აღსაკვეთათ საჭირო ზომების მისაღებად საჭიროა ექიმის კონსულტაცია. ასპირინი კარდიო 100-ის მიღება დაუყოვნებლივ უნდა შეწყდეს ალერგიული რეაქციის ნიშნების გამოვლენისთანავე. კუპრისფერი განავლოვანი მასის გამოვლენისთანავე (კუჭ-ნაწლავიდან სისხლდენის ერთერთი ნიშანი) დაუყოვნებლივ უნდა მიემართოს მკურნალ ექიმს. შენახვის პირობები: არ ინახება 25 C-ზე მაღალ ტემპერატურაზე. არ გამოიყენება შეფუთვაზე მითითებული ვადის გასვლის შემდეგ. ინახება ბავშვებისთვის მიუწვდომელ ადგილას. გამოყენებამდე საჭიროა ინსტრუქციის წაკითხვა. შეფუთვა: 10 გასტრორეზისტენტული ტაბლეტი 3 ბლისტერზე და კოლოფში. მწარმოებელი: Bitterfleld Bayer GmbH,Germany. ბიტერფილდ ბაიერ გმბჰ, გერმანია. წარმოების ლიცენზიის მფლობელი: Bayer SRL Dimitrie Pompei Street, No. 9-9A, Building 20, Floor 4, District 2, Bucharest, Romania. ბაიერ სრლ დიმიტრი პომპეის ქ., #9-9ა, 20 კორპუსი, მე-4 სართული, 2 კვარტალი, ბუხარესტი, რუმინეთი.

Monday, 10 January 2011 15:58 - 1112 hits - 0 comment - Print -  E-mail